% Text title            : kulakuNDalIkavacham
% File name             : kulakuNDalIkavacham.itx
% Category              : kavacha, devii, ShaTchakrashakti
% Location              : doc\_devii
% Transliterated by     : Gopal Upadhyay gopal.j.upadhyay at gmail.com
% Proofread by          : Gopal Upadhyay, PSA Easwaran psaeaswaran at gmail.com
% Description-comments  : RudrayAmale utaratantre siddhividyAprakaraNe
% Latest update         : July 5, 2016
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. ShrI Kulakundali or Kandavasini Kavacha Stotram ..}##
\itxtitle{.. shrIkulakuNDalIkavachastotram athavA kandavAsinIkavacham ..}##\endtitles ##
|| shrIgaNeshAya namaH ||
|| shrIumAmaheshvarAbhyAM namaH ||
|| shrIgurave namaH ||
AnandabhairavI uvAcha |
atha vakShye mahAdeva kuNDalIkavachaM shubham |
paramAnandadaM siddhaM siddhavR^indaniShevitam || 1||
yatkR^itvA yoginaH sarve dharmAdharmapradarshakAH |
j~nAnino mAnino dharmAn vicharanti yathAmarAH || 2||
siddhayo.apyaNimAdyAshcha karasthAH sarvadevatAH |
etatkavachapAThena devendro yogirADbhavet || 3||
R^iShayo yoginaH sarve jaTilAH kulabhairavAH |
prAtaHkAle trivAraM cha madhyAhne vArayugmakam || 4||
sAyAhne vAramekantu paThetkavachameva cha |
paThedevaM mahAyogI kuNDalIdarshanaM bhavet || 5||

OM asya shrIkulakuNDalIkavachasya brahmendra R^iShiH |
gAyatrI ChandaH | kulakuNDalI devatA | sarvAbhIShTasiddhyarthe viniyogaH |

OM IshvarI jagatAM dhAtrI lalitA sundarI parA |
kuNDalI kularUpA cha pAtu mAM kulachaNDikA || 6||
shiro me lalitA devI pAtUgrAkhyA kapolakam |
brahmamantreNa puTitA bhrUmadhyaM pAtu me sadA || 7||
netratrayaM mahAkAlI kAlAgnibhakShikA shikhAm |
dantAvalIM vishAlAkShI oShThamiShTAnuvAsinI || 8||
kAmabIjAtmikA vidyA adharaM pAtu me sadA |
L^iyugasthA gaNDayugmaM mAyA vishvA rasapriyA || 9||
bhuvaneshI karNayugmaM chibukaM krodhakAlikA |
kapilA me galaM pAtu sarvabIjasvarUpiNI || 10||
mAtR^ikAvarNapuTitA kuNDalI kaNThameva cha |
hR^idayaM kAlapR^ithvI cha ka~NkAlI pAtu me mukham || 11||
bhujayugmaM chaturvargA chaNDadorddaNDakhaNDinI |
skandhayugmaM skandamAtA hAlAhalagatA mama || 12||
a~NgulyagraM kulAnandA shrIvidyA nakhamaNDalam |
kAlikA bhuvaneshAnI pR^iShThadeshaM sadAvatu || 13||
pArshvayugmaM mahAvIrA vIrAsanadharAbhayA |
pAtu mAM kuladarbhasthA nAbhimudaramambikA || 14||
kaTideshaM pIThasaMsthA mahAmahiShaghAtinI |
li~NgasthAnaM mahAmudrA bhagaM mAlAmanupriyA || 15||
bhagIrathapriyA dhUmrA mUlAdhAraM gaNeshvarI |
chaturdalaM kakShyapUjyA dalAgraM me vasundharA || 16||
shIrShaM rAdhA raNAkhyA cha brahmANI pAtu me mukham |
medinI pAtu kamalA vAgdevI pUrvagaM dalam || 17||
ChedinI dakShiNe pAtu pAtu chaNDA mahAtapA |
chandraghaNTA sadA pAtu yoginI vAruNaM dalam || 18||
uttarasthaM dalaM pAtu pR^ithivImindrapAlitA |
chatuShkoNaM kAmavidyA brahmavidyAbjakoNakam || 19||
aShTashUlaM sadA pAtu sarvavAhanavAhanA |
chaturbhujA sadA pAtu DAkinI kulacha~nchalA || 20||
meDhrasthA madanAdhArA pAtu me chArupa~Nkajam |
svayambhUli~Nga chArvAkA koTarAkShI mamAsanam || 21||
kadambavanamApAtu kadambavanavAsinI |
vaiShNavI paramA mAyA pAtu me vaiShNavaM padam || 22||
ShaDdalaM rAkiNI pAtu rAkiNI kAmavAsinI |
kAmeshvarI kAmarUpA shrIkR^iShNaM pItavAsasam || 23||
vanamAlA vanadurgA sha~NkhaM me sha~NkhinI shivA |
chakraM chakreshvarI pAtu kamalAkShI gadAM mama || 24||
padmaM me padmagandhA cha padmamAlA manoharA |
rAdilAntAkSharaM pAtu lAkinI lokapAlinI || 25||   (kAdilAntAkSharaM)
ShaDdale sthitadevAMshcha pAtu kailAsavAsinI | (ShaDvargasthitadevIshcha)
agnivarNA sadA pAtu gaNaM me parameshvarI || 26||
maNipUraM sadA pAtu maNimAlAvibhUShaNA |
dashApatraM dashavarNaM DAdiphAntaM trivikramA || 27||
pAtu nIlA mahAkAlI bhadrA bhImA sarasvatI |
ayodhyAvAsinI devI mahApIThanivAsinI || 28||
vAgbhavAdyA mahAvidyA kuNDalI kAlakuNDalI |
dashachChadagataM pAtu rudraM rudrAtmakaM mama || 29||
sUkShmAtsUkShmatarA pAtu sUkShmasthAnanivAsinI |
rAkiNI lokajananI pAtu kUTAkSharasthitA || 30||
taijasaM pAtu niyataM rajakI rAjapUjitA |
vijayA kulabIjasthA tavargaM timirApahA || 31||
mantrAtmikA maNigranthibhedinI pAtu sarvadA |
garbhadAtA bhR^igusutA pAtu mAM nAbhivAsinI || 32||
nandinI pAtu sakalaM kuNDalI kAlakampitA |
hR^itpadmaM pAtu kAlAkhyA dhUmravarNA manoharA || 33||
daladvAdashavarNaM cha bhAskarI bhAvasiddhidA |
pAtu me paramA vidyA kavargaM kAmachAriNI || 34||
chavargaM chAruvasanA vyAghrAsyA Ta~NkadhAriNI |
chakAraM pAtu kR^iShNAkhyA kAkinIM pAtu kAlikA || 35||
TakurA~NgI TakAraM me jIvabhAvA mahodayA |
IshvarI pAtu vimalA mama hR^itpadmavAsinI || 36||
karNikAM kAlasandarbhA yoginI yogamAtaram |
indrANI vAruNI pAtu kulamAlA kulAntaram || 37||
tAriNI shaktimAtA cha kaNThavAkyaM sadAvatu |
viprachittA mahogrogrA prabhA dIptA ghanAsanA || 38||
vAkstambhinI vajradehA vaidehI vR^iShavAhinI |
unmattAnandachittA cha kShaNoshIshA bhagAntarA || 39||
mama ShoDashapatrANi pAtu mAtR^itanusthitA |   (mAtulasaMsthitA)
surAn rakShatu vedaj~nA sarvabhAShA cha karNikAm || 40||
IshvarArdhAsanagatA prapAyAnme sadAshivam |
shAkambharI mahAmAyA sAkinI pAtu sarvadA || 41||
bhavAnI bhavamAtA cha pAyAdbhrUmadhyapa~Nkajam |
dvidalaM vratakAmAkhyA aShTA~NgasiddhidAyinI || 42||
pAtu nAsAmakhilAnandA manorUpA jagatpriyA |
lakAraM lakShaNAkrAntA sarvalakShaNalakShaNA || 43||
kR^iShNAjinadharA devI kShakAraM pAtu sarvadA |
dvidalasthaM sarvadevaM sadA pAtu varAnanA || 44||
bahurUpA vishvarUpA hAkinI pAtu saMsthitA |
harAparashivaM pAtu mAnasaM pAtu pa~nchamI || 45||
ShaTchakrasthA sadA pAtu ShaTchakrakulavAsinI |
akArAdikShakArAntA bindusargasamanvitA || 46||
mAtR^ikANAM sadA pAtu kuNDalI j~nAnakuNDalI |
devakAlI gatipremA pUrNA giritaTaM shivA || 47||
uDDIyAneshvarI devI sakalaM pAtu sarvadA |
kailAsaparvataM pAtu kailAsagirivAsinI || 48||
pAtu me DAkinIshaktirlAkinI rAkiNI kalA |
sAkinI hAkinI devI ShaTchakrAdIn prapAtu me || 49||
kailAsAkhyaM sadA pAtu pa~nchAnanatanUdbhavA |
hiraNyavarNA rajanI chandrasUryAgnibhakShiNI || 50||
sahasradalapadmaM me sadA pAtu kulAkulA |
sahasradalapadmasthA daivataM pAtu khecharI || 51||
kAlI tArA ShoDashAkhyA mAta~NgI padmavAsinI |
shashikoTigaladrUpA pAtu me sakalaM tamaH || 52||
vane ghore jale deshe yuddhe vAde shmashAnake |
sarvatra gamane j~nAne sadA mAM pAtu shailajA || 53||
parvate vividhAyAse vinAshe pAtu kuNDalI |
pAdAdibrahmarandhrAntaM sarvAkAshaM sureshvarI || 54||
sadA pAtu sarvavidyA sarvaj~nAnaM sadA mama |
navalakShamahAvidyA dashadikShu prapAtu mAm || 55||
ityetatkavachaM devi kuNDalinyAH prasiddhidam |
ye paThanti dhyAnayoge yogamArgavyavasthitAH || 56||
te yAnti muktipadavImaihike nAtra saMshayaH |
mUlapadme manoyogaM kR^ittvA hR^idAsanasthitaH || 57||
mantraM dhyAyetkuNDalinIM mUlapadmaprakAshinIm |
dharyodayAM dayAruDhAmAkAshasthAnavAsinIm || 58||
amR^itAnandarasikAM vikalAM sukalAM shitAm |
ajitAM raktarahitAM vishaktAM raktavigrahAm || 59||
raktanetrAM kulakShiptAM j~nAnA~njanajayojjvalAm |
vishvAkArAM manorUpAM mUle dhyAttvA prapUjayet || 60||
yo yogI kurute evaM sa siddho nAtra saMshayaH |
rogI rogAtpramuchyeta baddho muchyeta bandhanAt || 61||
rAjyaM shriyamavApnoti rAjyahInaH paThedyadi |
putrahIno labhetputraM yogahIno bhavedvashI || 62||
kavachaM dhArayedyastu shikhAyAM dakShiNe bhuje |
vAmA vAmakare dhR^ittvA sarvAbhIShTamavApnuyAt || 63||
svarNe raupye tathA tAmre sthApayittvA prapUjayet |
sarvadeshe sarvakAle paThitvA siddhimApnuyAt || 64||
sa bhUyAtkuNDalIputro nAtra kAryA vichAraNA || 65||

|| iti shrIrudrayAmale uttaratantre mahAtantroddIpane siddhividyAprakaraNe
ShaTchakraprakAshe bhairavIbhairavasaMvAde kandavAsinIkavachaM
athavA kulakuNDalinIkavachaM sampUrNam ||

##
Encoded by Gopal Upadhyay gopal.j.upadhyay at gmail.com
Proofread by Gopal Upadhyay, PSA Easwaran psaeaswaran at gmail.com

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}