% Text title            : laghusaptashatIstotram
% File name             : laghusaptashatIstotram.itx
% Category              : devii
% Location              : doc\_devii
% Proofread by          : Pallasena Narayanaswami ppnswami at gmail.com
% Description-comments  : Brihatstotraratnakara 1, Narayana Ram Acharya, Nirnayasagar, stotrasankhyA 211
% Latest update         : February 20, 2017
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. laghusaptashatIstotram ..}##
\itxtitle{.. laghusaptashatIstotram ..}##\endtitles ##

shrIgaNeshAya namaH ||
yatkarma dharmanilayaM pravadanti tajj~nA
     yaj~nAdikaM tadakhilaM sakalaM tvayaiva |
tvAM chetanAyata iti pravichAryaM chitte
     nityaM tvadIyacharaNau sharaNaM prapadye || 1||
pAthodhinAthatanayApatireva sheSha\-
     parya~NkalAlitavapuH puruShaH purANaH |
tvanmohapAshavivasho jagadamba so.api
     vyAghUrNamAnanayanaH shayanaM chakAra || 2||
tatkautukaM janani yasya janArdanasya
     karNaprasUtamalajau madhukaiTabhAkhyau |
tasyApi yau na bhavataH sulabhau vihantuM
     tvanmAyayA kavalitau vilayaM gatau tau || 3||
yanmAhiShaM vapurapUrvabalopapannaM
     yannAkanAyakaparAkramajitvaraM cha |
yallokashokajananapratibaddhahArdaM
     tallIlayaiva dalitaM girije bhavatyA || 4||
yo dhUmralochana iti prathitaH pR^ithivyAM
     bhasmIbabhUva samare tava hu~NkR^itena |
sarvAsurakShayakare girirAjakanye manye
     svamanyudahane kR^ita eSha homaH || 5||
keShAmapi tridashanAyakapUrvakANAM jetuM
     na jAtu sulabhAviti chaNDamuNDau |
tau durmadau tu paramAmbaratulyarUpe
     mAtastavAsi kulishAtpatitau vishIrNau || 6||
dautyena te shiva iti prathitaprabhAvo
     devo.api dAnavapateH sadanaM jagAma |
bhUyo.api tasya charitaM prathayA~nchakAra
     sA tvaM pratIti shivadUtivijR^imbhitaM tat || 7||
chitraM tadetadamarairapi ye na peyAH
     shastrAbhidhAtapatitAdrudhirAdaparNe |
bhUmau babhUvuramitAH pratiraktabIjA\-
     ste.api tvayaiva gagane gilitAH samastAH || 8||
AshcharyametadakhilaM yadabhUH surAri\-
     trailokyavaibhavaviluNThanajuShTapANI |
shastrairnihatya bhuvi shumbhanishumbhasaMj~nau
     nItau tvayA janani tAvapi nAkalokam || 9||
tvattejasi pralayakAlahutAshane.asmin\-
     nastaM prayAnti bhuvanAnyakhilAni sadyaH |
tasminnipatya shalabhA iva dAnavendrA
     bhasmIbhanvati hi bhavAni kimatra chitram || 10||
kiM varNayAmi bhavatIM bhavati pratApa\-
     saMvardhanapraNayinI praNamajjanethu |
tatkiM pR^iNAmi bhavatIM bhavati pratApa\-
     saMvardhani praNayinIM vipadAsthiteShu || 11||
vAme kare taditare cha tathopariShTAt
     pAtraM sudhArasayutaM varamAtuli~Ngam |
kheTaM gadAM cha dadhatIM bhavatIM bhavAnIM
     dhyAyanti ye.aruNanibhAM kR^itinasta eva || 12||
yadvAruNAtparamidaM jagadamba yaste
     bIjaM smaredanudinaM madanAdirUDham |
mAyA~NkitaM tilakitaM taruNendubindu
     nAdairatIndramiha rAjyamasau bhunakti || 13||
AvAhanaM yajanavarNanamagnihotraM
     karmArpaNaM tava visarjanamatra devi |
mohAnmayA kR^itamidaM sakalAparAdhaM
     mAtaH kShamasva varade bahirantarasthe || 14||
antaHsthitApyakhilajantuShu tanturUpA
     vidyotase bahirihAkhilavasturUpA |
kA bhUrishabdarachanA vachanAtigAsi
     dInaM janaM janani mAmiha niShprapa~ncham || 15||
etatpaThedanudinaM danujAntakAri
     chaNDIcharitramatulaM bhuvi yastrikAlam |
shrImAnsukhI danujapUrNabhagaH kShamI syA\-
     dyogI chirantanavapuH kavichakravartI || 16||

iti laghusaptashatIstotraM sampUrNam ||

##
Proofread by Pallasena Narayanaswami ppnswami at gmail.com

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}