% Text title            : Lakshmisaubhagyavratavidhinirupanam 1
% File name             : lakShmIsaubhAgyavratavidhinirUpaNam1.itx
% Category              : devii, devI, lakShmInArAyaNIyasaMhitA, lakShmI
% Location              : doc\_devii
% Proofread by          : PSA Easwaran
% Description/comments  : lakShmInArAyaNIyasaMhitA | khaNDa 3 | adhyAya 136/74-114||
% Latest update         : April 12, 2026
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Lakshmisaubhagyavratavidhinirupanam 1 ..}##
\itxtitle{.. lakShmIsaubhAgyavratavidhinirUpaNam 1 ..}##\endtitles ##
vasantamAsamAsAdya tR^itIyAyAM tu shuklake |
pUrvAhNe yajamAnastu tilaiH snAnaM samAcharet || 74||
saubhAgyA lalitA devI vavre nArAyaNaM tadA |
tayA sahaiva mAM nArAyaNaM sampUjayet prage || 75||
tR^itIyAyAM phalaiH puShpairdhUpairdIpairnivedanaiH |
pa~nchagavyena cha tIrthatoyaiH saMsnApayechChriyam || 76||
namo lakShmyai mahAlakShmyai lalitAyai tu mastake |
namo devyai mahAdevyai lalitAyai mukhe namaH || 77||
namo brAhmyai mahAbrAhmyai vaiShNavyai hR^idaye namaH |
namo mAtre mahAmAtre nArAyaNyai tathodare || 78||
namaH shriyai mahAshriyai vAsudevyai kaTisthale |
namo bhAgyai mahAbhAgyai saubhAgyAyai urau namaH || 79||
namo bhUmnyai mahAshUnyai vyApikAyai cha pAdayoH |
namo.anAdikR^iShNanArAyaNapatnyai samantataH || 80||
saubhAgyabhavanAyai te namaH kAntAvibhUtaye |
namo yugalarUpAyai dampatyai te namo namaH || 81||
sarvasaubhAgyayuktAyai lalitAyai namo namaH |
evaM saMsnApya vidhinA vastrAla~NkAramarpayet || 82||
bhUShaNAni samastAni shR^i~NgArANi samarpayet |
ghR^itaM sindUrakaM kShIraM ku~NkumaM lavaNaM tathA || 83||
jIrakaM kajjalaM chApi chandanaM raktachandanam |
haridrAM karpUrakaM cha kastUrIM ka~NkaNAni cha || 84||
shR^i~NkhalAM natthikAM tantIM nUpurormikasaMyutAm |
niShpAvAn patrikAM pUgIphalaM tAmbUlakaM tathA || 85||
sharkarAM cha lava~NgaM cha elAM saMsthApayet puraH |
dhUpaM dIpaM cha naivedyaM dadyAjjalaM sugandhi cha || 86||
ArArtrikaM prakuryAdvai lalitAyAH pradakShiNam |
namaskAraM punaH kuryAt puShpA~njaliM samarpayet || 87||
prArthayellalitAM kR^iShNaM dIyetAM bhAgyamuttamam |
dampatIrUpamevApi hyakhaNDitasukhAvaham || 88||
rasadhAnyAdibhojyAni miShTAnnAni sadA gR^ihe |
sUpaudanAni shAkAni dadhyodanAni yAni cha || 89||
kShIrodbhavAni sarvANi chekShubhavAni yAni cha |
veshavArAdikaM chApi mukhavAsAdikAni cha || 90||
shayyAstaraNayAnAni veShashR^i~NgArakANi cha |
bhUShAmbarANi sarvANi vividhAbhUShaNAni cha || 91||
yAnavAhanarathakA govAjigajasadvR^iShAH |
dAsadAsIbhR^ityasakhIvargAH svarNAlayAstathA || 92||
bhavanAni vichitrANi kShetrANi vATikAstathA |
mahodyAnAni sarvANi vaMshaH putrAH sutAstathA || 93||
snuShAshcha bAndhavAshchApi yasho kIrtishcha sampadaH |
R^iddhiH shAntiH ratnagajA ArogyaM dharma uttamaH || 94||
bhaktirj~nAnaM cha dIyantAM kR^iShNau dhAmAkSharaM tataH |
evamabhyarchya tau tatra sthApayenmaNDape tvatha || 95||
havanaM tu prakuryAdvai chAShTottarashatAtmakam |
dakShiNAM cha tato dadyAd bhojayedviprasajjanAn || 96||
dInA.anAthAn bhojayechcha dadyAddAnAni vai tataH |
parihAraM prakurvIta madhyAhne punareva cha || 97||
bhojayedvividhaM bhojyaM jalaM tAmbUlakaM dishet |
svApayedghaTikAmutthApayet kR^iShNAM narAyaNam || 98||
jalaM phalaM pradadyAchcha sAyaM rAtrau prapUjayet |
ArArtrikaM sotsavaM cha kArayedbhojayettataH || 99||
svApayedbhagavantau tau shayane mR^idule shubhe |
sahaiva shayanaM chaitat saubhAgyashayanaM vratam || 100||
prAtarutthApayeddevau pUjayedvidhinA tataH |
tathA cha dvijadAmpatyaM pUjayedvastrabhUShaNaiH || 101||
saubhAgyA.aShTakasaMyuktaM suvarNacharaNadvayam |
dvayoshchatuShTayaM dadyAdviprAya sAdhave tadA || 102||
lalitAM gurave dadyAt kR^iShNaM dadyAttu sAdhave |
yugalaM sAdhave dadyAt saubhAgyachiratA.a.aptaye || 103||
evaM saMvatsaraM yAvat tR^itIyAyAM samAcharet |
vatsarAnte prakuryAchcha sUdyApanaM mahattamam || 104||
chaitre shR^i~NgATakaM dadyAdvaishAkhe ghR^itapAyasam |
jyeShThe mandArakusumaM vR^indApatraM shuchau tathA || 105||
shrAvaNe dadhi dadyAchcha nabhasye tu kushodakam |
kShIramAshvayuje mAsi kArtike navanItakam || 106||
mArge mAse dvidalAM cha pauShe ghR^itaM sasharkaram |
mAghe kR^iShNAtilAn dadyAt pa~nchagavyaM tu phAlgune || 107||
tulasIkamalAdIni sarvamAse matAni vai |
evaM kR^itvA vrataM nArI kumArI vidhavA.api vA || 108||
vratAnte shayanaM dadyAt sarvopaskarasaMyutam |
lakShmInArAyaNau haimau shayane sthApayettataH || 109||
dAnaM dadyAdbrAhmaNAya sAdhave vA supUjine |
dhAnyAla~NkAragodAnaM dhanaM dadyAddvijAtaye || 11 0||
evaM karoti yaH samyak saubhAgyashayanavratam |
sarvAn kAmAnavApnoti padaM chAnantamashnute || 111||
yastu dvAdashavarShANi saubhAgyashayanavratam |
karoti strI naro vApi devyanugrahalAlitau || 112||
pUjyamAnau vasetAM svaH yAvatkalpA.ayutatrayam |
shR^iNuyAdvA paThedvApi pradadyAdatha vA matim || 113||
so.api deveshvaro bhUtvA svarge vasenna saMshayaH |
bhuktiM muktimavApnoti shAshvatAnandasampadaH || 114||

iti shrIlakShmInArAyaNIyasaMhitAyAH dvAparayugasantAnAtmakasya
tR^itIyakhaNDe 137\-adhyAyAntargataM

lakShmInArAyaNIyasaMhitA | khaNDa 3| adhyAya 136/74\-114||
##
lakShmInArAyaNIyasaMhitA . khaNDa 3. adhyAya 136/74-114..

Proofread by PSA Easwaran 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}