% Text title            : lakShmyaShTottarashatanAmastotram
% File name             : laxmi108naama.itx
% Category              : aShTottarashatanAma, devii, lakShmI, devI
% Location              : doc\_devii
% Author                : Traditional
% Proofread by          : Ravin Bhalekar ravibhalekar at hotmail.com
% Latest update         : July 21, 2004
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. shrIlakShmyaShTottarashatanAmastotram ..}##
\itxtitle{.. shrIlakShmyaShTottarashatanAmastotram ..}##\endtitles ##
shrIgaNeshAya namaH |
devyuvAcha
devadeva mahAdeva trikAlaj~na maheshvara |
karuNAkara devesha bhaktAnugrahakAraka || 1||
aShTottarashataM lakShmyAH shrotumichChAmi tattvataH |
Ishvara uvAcha
devi sAdhu mahAbhAge mahAbhAgyapradAyakam |
sarvaishvaryakaraM puNyaM sarvapApapraNAshanam || 2||
sarvadAridryashamanaM shravaNAdbhuktimuktidam |
rAjavashyakaraM divyaM guhyAdguhyatamaM param || 3||
durlabhaM sarvadevAnAM chatuHShaShTikalAspadam |
padmAdInAM varAntAnAM vidhInAM nityadAyakam || 4||
samastadevasa.nsevyamaNimAdyaShTasiddhidam |
kimatra bahunoktena devI pratyakShadAyakam || 5||
tava prItyAdya vakShyAmi samAhitamanAH shR^iNum |
aShTottarashatasyAsya mahAlakShmIstu devatA || 6||
klI.nbIjapadamityuktaM shaktistu bhuvaneshvarI |
a~NganyAsaH karanyAsa sa ityAdiH prakIrtitaH || 7||
dhyAnam \-
vande padmakarAM prasannavadanAM saubhAgyadAM bhAgyadAM
hastAbhyAmabhayapradAM maNigaNairnAnAvidhairbhUShitAm |
bhaktAbhIShTaphalapradAM hariharabrahmAdibhiH sevitAM
pArshve pa~Nkajasha~NkhapadmanidhibhiryuktAM sadA shaktibhiH || 8||
sarasijanayane sarojahaste dhavalatarA.nshukagandhamAlyashobhe |
bhagavati harivallabhe manoj~ne tribhuvanabhUtikari prasIda mahyam || 9||

OM prakR^itiM vikR^itiM vidyAM sarvabhUtahitapradAm |
shraddhAM vibhUtiM surabhiM namAmi paramAtmikAm || 10||
vAchaM padmAlayAM padmAM shuchiM svAhAM svadhAM sudhAm |
dhanyAM hiraNmayIM lakShmIM nityapuShTAM vibhAvarIm || 11||
aditiM cha ditiM dIptAM vasudhAM vasudhAriNIm |
namAmi kamalAM kAntAM kAmAkShIM krodhasambhavAm || 12|| ## var ## kAmA kShIrodasambhavAm

anugrahapadAM buddhimanaghAM harivallabhAm |
ashokAmamR^itAM dIptAM lokashokavinAshinIm || 13||
namAmi dharmanilayAM karuNAM lokamAtaram |
padmapriyAM padmahastAM padmAkShIM padmasundarIm || 14||
padmodbhavAM padmamukhIM padmanAbhapriyAM ramAm |
padmamAlAdharAM devIM padminIM padmagandhinIm || 15||
puNyagandhAM suprasannAM prasAdAbhimukhIM prabhAm |
namAmi chandravadanAM chandrAM chandrasahodarIm || 16||
chaturbhujAM chandrarUpAmindirAmindushItalAm |
AhlAdajananIM puShTiM shivAM shivakarIM satIm || 17||
vimalAM vishvajananIM tuShTiM dAridryanAshinIm |
prItipuShkariNIM shAntAM shuklamAlyAmbarAM shriyam || 18||
bhAskarIM bilvanilayAM varArohAM yashasvinIm |
vasundharAmudArA~NgIM hariNIM hemamAlinIm || 19|| (vasundharAmudArA~NgAM)

dhanadhAnyakarIM siddhiM sadA saumyAM shubhapradAm |
nR^ipaveshmagatAnandAM varalakShmIM vasupradAm || 20||
shubhAM hiraNyaprAkArAM samudratanayAM jayAm |
namAmi ma~NgalAM devIM viShNuvakShaHsthalasthitAm || 21||
viShNupatnIM prasannAkShIM nArAyaNasamAshritAm |
dAridryadhva.nsinIM devIM sarvopadravahAriNIm || 22||
navadurgAM mahAkAlIM brahmaviShNushivAtmikAm |
trikAlaj~nAnasampannAM namAmi bhuvaneshvarIm || 23||
lakShmIM kShIrasamudrarAjatanayAM shrIra~NgadhAmeshvarIM
      dAsIbhUtasamastadevavanitAM lokaikadIpA~NkurAm |
shrImanmandakaTAkShalabdhavibhavadbrahmendraga~NgAdharAM
      tvAM trailokyakuTumbinIM sarasijAM vande mukundapriyAm || 24||
mAtarnamAmi kamale kamalAyatAkShi
shrIviShNuhR^itkamalavAsini vishvamAtaH |
kShIrodaje kamalakomalagarbhagauri lakShmi
prasIda satataM namatAM sharaNye || 25||
trikAlaM yo japedvidvAn ShaNmAsaM vijitendriyaH |
dAridryadhva.nsanaM kR^itvA sarvamApnotyayatnataH || 26||
devInAmasahasreShu puNyamaShTottaraM shatam |
yena shriyamavApnoti koTijanmadaridrataH || 27||
bhR^iguvAre shataM dhImAn paThedvatsaramAtrakam |
aShTaishvaryamavApnoti kubera iva bhUtale || 28||
dAridryamochanaM nAma stotramambAparaM shatam |
yena shriyamavApnoti koTijanmadaridritaH || 29||
bhuktvA tu vipulAn bhogAnasyAH sAyujyamApnuyAt |
prAtaHkAle paThennityaM sarvaduHkhopashAntaye |
paTha.nstu chintayeddevIM sarvAbharaNabhUShitAm || 30||

|| iti shrIlakShmyaShTottarashatanAmastotraM sampUrNam ||
##
Proofread by Ravin Bhalekar ravibhalekar@hotmail.com

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}