% Text title : lakShmI laharI % File name : laxmiilaharii.itx % Category : laharI, devii, lakShmI, jagannAthapaNDita, devI % Location : doc\_devii % Author : Jagannathapandita % Proofread by : Ravin Bhalekar ravibhalekar at hotmail.com % Latest update : July 20, 2004, June 17, 2012 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. shrIlakShmIlaharI ..}## \itxtitle{.. shrIlakShmIlaharI ..}##\endtitles ## shrIgaNeshAya namaH | samunmIlannIlAmbujanikaranIrAjitaruchAm\- apA~NgAnAM bha~NgairamR^italaharIshreNimasR^iNaiH | hriyA hInaM dInaM bhR^ishamudaralInaM karuNayA harishyAmA sA mAmavatu jaDasAmAjikamapi || 1|| samunmIlatvantaHkaraNakaruNodgArachaturaH kariprANatrANapraNayini dR^igantastava mayi | yamAsAdyonmAdyaddvipaniyutagaNDasthalagalan\- madaklinnadvAro bhavati sukhasAro narapatiH || 2|| urasyasya bhrashyatkabarabharaniryatsumanasaH patanti svarbAlAH smarasharaparAdhInamanasaH | surAstaM gAyanti sphuritatanuga~NgAdharamukhAs\- tavAyaM dR^ikpAto yadupari kR^ipAto vilasati || 3|| samIpe sa~NgItasvaramadhurabha~NgI mR^igadR^ishAM vidUre dAnAndhadviradakalabhoddAmaninadaH | bahirdvAre teShAM bhavati hayaheShAkalakalo dR^igeShA te yeShAmupari kamale devi sadayA || 4|| agaNyairindrAdyairapi paramapuNyaiH parichito jagajjanmasthAnapralayarachanAshilpanipuNaH | uda~nchatpIyUShAmbudhilaharilIlAmanuharan\- napA~Ngaste.amandaM mama kaluShavR^indaM dalayatu || 5|| namanmaulishreNitripuraparipanthipratilasat\- kapardavyAvR^ittisphuritaphaNiphUtkArachakitaH | lasatphullAmbhojamradimaharaNaH ko.api charaNash\- chiraM chetashchArI mama bhavatu vArIshaduhituH || 6|| pravAlAnAM dIkShAgururapi cha lAkShAruNaruchAM niyantrI bandhUkadyutinikarabandhUkR^itipaTuH | nR^iNAmantardhvAntaM nibiDamapahartuM tava kila prabhAtashrIreShA charaNaruchiveShA vijayate || 7|| prabhAtapronmIlatkamalavanasa~nchArasamaye shikhAH ki~njalkAnAM vidadhati rujaM yatra mR^idulAH | tadetanmAtaste charaNamaruNashlAghyakaruNaM kaThorA madvANI kathamiyamidAnIM pravishatu || 8|| smitajyotsnAmajjaddvijamaNimayUkhAmR^itajharair\- niShi~nchantIM vishvaM tava vimalamUrtiM smarati yaH | amandaM syandante vadanakamalAdatya kR^itino viviktau vai kalpAH satatamavikalpA navagiraH || 9|| sharau mAyAbIjau himakarakalAkrAntashirasau vidhAyordhvaM binduM sphuritamiti bIjaM jaladhije | japedyaH svachChandaM sa hi punaramandaM gajaghaTAm\- adabhrAmyadbhR^i~Ngairmukharayati veshmAni viduShAm || 10|| smaro nAmaM nAmaM trijagadabhirAmaM tava padaM prapede siddhiM yAM kathamiva narastAM kathayatu | yayA pAtaM pAtaM padakamalayoH parvatacharo haro hA roShArdrAmanunayati shailendratanayAm || 11|| haranto niHsha~NkaM himakarakalAnAM ruchiratAM kirantaH svachChandaM kiraNamayapIyUShanikaram | vilumpantu prauDhA harihR^idayahArAH priyatamA mamAntaHsantApaM tava charaNashoNAmbujanakhAH || 12|| miShAnmANikyAnAM vigalitanimeShaM nimiShatAm\- amandaM saundarya tava charaNayorambudhisute | padAla~NkArANAM jayati kalanikvANanapaTur\- uda~nchannuddAmaH stutivachanalIlAkalakalaH || 13|| maNijyotsnAjAlairnijatanuruchAM mA.nsalatayA jaTAlaM te ja~NghAyugalamaghabha~NgAya bhavatu | bhramantI yanmadhye daradalitashoNAmbujaruchAM dR^ishAM mAlA nIrAjanamiva vidhatte muraripoH || 14|| haradgarvaM sarvaM karipatikarANAM mR^idutayA bhR^ishaM bhAbhirdambhaM kanakamayarambhAvaniruhAm | lasajjAnujyotsnA taraNipariNaddhaM jaladhije tavorudvandvaM naH shlathayatu bhavorujvarabhayam || 15|| kalakvANAM kA~nchIM maNigaNajaTAlAmadhivahan\- vasAnaH kausumbhaM vasanamasanaM kaustubharuchAm | munivrAtaiH prAtaH shuchivachanajAtairatinutaM nitambaste bimbaM hasati navamambAmbaramaNeH || 16|| jaganmithyAbhUtaM mama nigadatAM vedavachasAm\- abhiprAyo nAdyAvadhi hR^idayamadhyAvishadayam | idAnIM vishveShAM janakamudaraM te vimR^ishato visandehaM cheto.ajani garuDaketoH priyatame || 17|| analpairvAdIndrairagaNitamahAyuktinivahair\- nirastA vistAraM kvachidakalayantI tanumapi | asatkhyAtivyAkhyAdhikachaturimAkhyAtamahimA valagne lagneyaM sugatamatasiddhAntasaraNiH || 18|| nidAnaM shR^i~NgA.nraprakaramakarandasya kamale mahAnevAlambo harinayanarolambavarayoH | nidhAnaM shobhAnAM nidhanamanutApasya jagato javenAbhItiM me dishatu tava nAbhIsarasijam || 19|| gabhIrAmudvelAM prathamarasakallolamilitAM vigADhuM te nAbhIvimalasarasIM gaurmama manAk | padaM yAvannayasyatyahaha vinimagnaiva sahasA nahi kShemaM sUte gurumahimabhUteShvavinayaH || 20|| kuchau te dugdhAmbhonidhikulashikhAmaNDanamaNe harete saubhAgyaM yadi suragireshchitramiha kim | trilokIlAvaNyAharaNanavalIlAnipuNayor\- yayordatte bhUyaH karamakhilanAtho madhuripuH || 21|| harakrodhatrasyanmadananavadurgadvayatulAM dadhatkokadvandvadyutidamanadIkShAdhigurutAm | tavaitadvakShojadvitayamaravindAkShamahile mama svAntadhvAntaM kimapi cha nitAntaM gamayatu || 22|| anekabrahmANDasthitiniyamalIlAvilasite dayApIyUShAmbhonidhisahajasa.nvAsabhavane | vidhoshchittAyAme hR^idayakamale te tu kamale manA~Nga mannistArasmR^itirapi cha koNe nivasatu || 23|| mR^iNAlInAM lIlAH sahajalavaNimnA laghayatAM chaturNAM saubhAgyaM tava janani doShNAM vadatu kaH | luThanti svachChandaM marakatashilAmA.nsalaruchaH shrutInAM spardhAM ye dadhata iva kaNThe madhuripoH || 24|| alabhyaM saurabhyaM kavikulanamasyA ruchiratA tathApi tvaddhaste nivasadaravindaM vikasitam | kalApe kAvyAnAM prakR^itikamanIyastutividhau guNotkarShAdhAnaM prathitamupamAnaM samajani || 25|| analpaM jalpantu pratihatadhiyaH pallavatulAM rasaj~nAmaj~nAnAM ka iva kamale ma.ntharayatu | trapantu shrIbhikShAvitaraNavashIbhUtajagatAM karANAM saubhAgyaM tava tulayituM tu~NgarasanAH || 26|| samAhAraH shrINAM virachitavihAro haridR^ishAM parIhAro bhaktaprabhavabhavasantApasaraNeH | prahAraH sarvAsAmapi cha vipadAM viShNudayite mamoddhAropAyaM tava sapadi hAro vimR^ishatu || 27|| ala~NkurvANAnAM maNigaNaghR^iNInAM lavaNimA yadIyAbhirbhAbhirbhajati mahimAnaM laghurapi | suparvashreNInAM janitaparasaubhAgyavibhavAs\- tavA~NgulyastA me dadatu harivAme.abhilaShitam || 28|| tapastepe tIvraM kimapi paritapya pratidinaM tava grIvAlakShmIlavaparichayAdAptavibhavam | hariH kambuM chumbatyatha vahati pANau kimadhikaM vadAmastatrAyaM praNayavashato.asyai spR^ihayati || 29|| abhUdapratyUhaH sakalaharidullAsanavidhir\- vilIno lokAnAM sa hi nayanatApo.api kamale | tavAsminpIyUShaM kirati vadane ramyavadane kuto hetoshchetovidhurayamudeti sma jaladheH || 30|| mukhAmbhoje mandasmitamadhurakAntyA vikasatAM dvijAnAM te hIrAvalivihitanIrAjanaruchAm | iyaM jyotsnA kApi sravadamR^itasa.ndohasarasA mamodyaddAridryajvarataruNatApaM tirayatu || 31|| kulaiH kastUrINAM bhR^ishamanishamAshAsyamapi cha prabhAtapronmIlannalinanivahairashrutacharam | vahantaH saurabhyaM mR^idugativilAsA mama shivaM tava shvAsA nAsApuTavihitavAsA vidadhatAm || 32|| kapole te dolAyitalalitalolAlakavR^ite vimuktA dhammillAdabhilasati muktAvaliriyam | svakIyAnAM bandIkR^itamasahamAnairiva balAn\- nibadhyordhvaM kR^iShTA timiranikurambairvidhukalA || 33|| prasAdo yasyAyaM namadamitagIrvANamukuTa\- prasarpajjotsnAbhishcharaNatalapIThArchitavidhiH | dR^igambhojaM tatte gatihasitamattebhagamane vane lInairdInaiH kathaya kathamIyAdiha tulAm || 34|| durApA durvR^ittairduritadamane dAraNabharA dayArdrA dInAnAmupari daladindIvaranibhA | dahantI dAridryadrumakulamudAradraviNadA tvadIyA dR^iShTirme janani duradR^iShTaM dalayatu || 35|| tava shrotre phullotpalasakalasaubhAgyajayinI sadaiva shrInArAyaNaguNagaNaughapraNayinI | ravairdInAM lInAmanishamavadhAnAtishayinI mamApyetAM vAchaM jaladhitanaye gocharayatAm || 36|| prabhAjAlaiH prAbhAtikadinakarAbhApanayanaM tavedaM khedaM me vighaTayatu tATa~Nkayugalam | mahimnA yasyAyaM pralayasamaye.api kratubhujAM jagatpAyaM pAyaM svapiti nirapAyaM tava patiH || 37|| nivAso muktAnAM nibiDataranIlAmbudanibhas\- tavAyaM dhammillo vimalayatu mallochanayugam | bhR^ishaM yasminkAlAgarubahulasaurabhyanivahaiH patanti shrIbhikShArthina iva madAndhA madhulihaH || 38|| vilagnau te pArshvadvayaparisare mattakariNau karonnItaira~nchanmaNikalashamugdhAsyagalitaiH | niShi~nchantau muktAmaNigaNajayaistvAM jalakaNair\- namasyAmo dAmodaragR^ihiNI dAridryadalitAH || 39|| aye mAtarlakShmi tvadaruNapadAmbhojanikaTe luThantaM bAlaM mAmaviralagaladbAShpajaTilam | sudhAsekasnigdhairatimasR^iNamugdhaiH karatalaiH spR^ishantI mA rodIriti vada samAshvAsyasi kadA || 40|| rame padme lakShmi praNatajanakalpadrumalate sudhAmbhodheH putri tridashanikaropAstacharaNe | pare nityaM mAtarguNamayi parabrahmamahile jagannAthasyAkarNaya mR^idulavarNAvalimimAm || 41|| || iti paNDitarAjashrIjagannAthavirachitA lakShmIlaharI samAptA || ## Proofread by Ravin Bhalekar ravibhalekar@hotmail.com \medskip\hrule\obeylines Please send corrections to sanskrit@cheerful.com Last updated \today https://sanskritdocuments.org \end{document}