% Text title            : laxmI kavacham 2 brahmastotram
% File name             : laxmikavacham2.itx
% Category              : kavacha, devii, lakShmI
% Location              : doc\_devii
% Author                : shukaM prati brahmovaacha
% Transliterated by     : K S Ramachndran <ksrkal at dataone.in>
% Proofread by          : K S Ramachndran <ksrkal at dataone.in>
% Description-comments  : Encoded from DevIstotraratnAkaram in Telugu script
% Latest update         : July 10, 2009
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. ShrI Laxmi Kavacham 2 ..}##
\itxtitle{.. shrIlakShmIkavacham 2 ..}##\endtitles ##

shukaM prati brahmovAcha
##Efficacy of the kavacham##
mahAlakShmyAH pravakShyAmi kavachaM sarvakAmadam |
sarvapApaprashamanaM duShTavyAdhivinAshanam || 1||
grahapIDAprashamanaM grahAriShTaprabha~njanam |
duShTamR^ityuprashamanaM duShTadAridryanAshanam || 2||
putrapautraprajananaM vivAhapradamiShTadam |
chorArihaM cha japatAM akhilepsitadAyakam || 3||
sAvadhAnamanA bhUtvA shruNu tvaM shuka sattama |
anekajanmasaMsiddhilabhyaM muktiphalapradam || 4||
dhanadhAnyamahArAjyasarvasaubhAgyakalpakam |
sakR^itsmaraNamAtreNa mahAlakShmIH prasIdati || 5||
##Head-to-Toe description of Shri Laxmi##
kShIrAbdhimadhye padmAnAM kAnane maNimaNTape |
tanmadhye susthitAM devIM manIShAjanasevitAm || 6||
susnAtAM puShpasurabhikuTilAlakabandhanAm |
pUrNendubimbavadanAM ardhachandralalATikAm || 7||
indIvarekShaNAM kAmakodaNDabhruvamIshvarIm |
tilaprasavasaMspardhinAsikAla~NkR^itAM shriyam || 8||
kundakuDmaladantAliM bandhUkAdharapallavAm |
darpaNAkAravimalakapoladvitayojjvalAm || 9||
ratnatATa~NkakalitakarNadvitayasundarAm |
mA~NgalyAbharaNopetAM kambukaNThIM jagatpriyAm || 10||
tArahArimanohArikuchakumbhavibhUShitAm |
ratnA~NgadAdilalitakarapadmachatuShTayAm || 11||
kamale cha supatrADhye hyabhayaM dadhatIM varam |
romarAjikalAchArubhugnanAbhitalodarIm || 12||
pattavastrasamudbhAsisunitaMbAdilakShaNAm |
kA~nchanastambhavibhrAjadvarajAnUrushobhitAm || 13||
smarakAhlikAgarvahArijaMbhAM haripriyAm |
kamaThIpR^iShThasadR^ishapAdAbjAM chandrasannibhAm || 14||
pa~NkajodaralAvaNyasundarA~NghritalAM shriyam |
sarvAbharaNasaMyuktAM sarvalakShaNalakShitAm || 15||
pitAmahamahAprItAM nityatR^iptAM haripriyAm |
nityaM kAruNyalalitAM kastUrIlepitA~NgikAm || 16||
sarvamantramayAM lakShmIM shrutishAstrasvarUpiNIm |
parabrahmamayAM devIM padmanAbhakuTuMbinIm |
evaM dhyAtvA mahAlakShmIM paThet tatkavachaM param || 17||
dhyAnam |
ekaM nyaMchyanatikShamaM mamaparaM chAkuMchyapadAMbujaM
madhye viShTarapuNDarIkamabhayaM vinyastahastAmbujam |
tvAM pashyema niSheduShImanukalaMkAruNyakUlaMkaSha\-
sphArApA~Ngatara~Ngamamba madhuraM mugdhaM mukhaM bibhratIm || 18||
atha kavacham |
mahAlakShmIH shiraH pAtu lalATaM mama pa~NkajA |
karNe rakShedramA pAtu nayane nalinAlayA || 19||
nAsikAmavatAdaMbA vAchaM vAgrUpiNI mama |
dantAnavatu jihvAM shrIradharoShThaM haripriyA || 20||
chubukaM pAtu varadA galaM gandharvasevitA |
vakShaH kukShiM karau pAyUM pR^iShThamavyAdramA svayam || 21||
kaTimUrudvayaM jAnu jaghaM pAtu ramA mama |
sarvA~NgamindriyaM prANAn pAyAdAyAsahAriNI || 22||
saptadhAtUn svayaM chApi raktaM shukraM mano mama |
j~nAnaM buddhiM mahotsAhaM sarvaM  me pAtu pa~NkajA || 23||
mayA kR^itaM cha yatki~nchittatsarvaM pAtu sendirA |
mamAyuravatAt lakShmIH bhAryAM putrAMshcha putrikA || 24||
mitrANi pAtu satatamakhilAni  haripriyA |
pAtakaM nAshayet lakShmIH mahAriShTaM haredramA || 25||
mamArinAshanArthAya mAyAmR^ityuM jayedbalam |
sarvAbhIShTaM tu me dadyAt pAtu mAM kamalAlayA|| 26||
phalashrutiH |
ya idaM kavachaM divyaM ramAtmA prayataH paThet |
sarvasiddhimavApnoti sarvarakShAM tu shAshvatIm  || 27||
dIrghAyuShmAn bhavennityaM sarvasaubhAgyakalpakam |
sarvaj~naH sarvadarshI cha sukhadashcha shubhojjvalaH || 28||
suputro gopatiH shrImAn bhaviShyati na saMshayaH |
tadgR^ihe na bhavedbrahman dAridryaduritAdikam || 29||
nAgninA dahyate gehaM na chorAdyaishcha pIDyate |
bhUtapretapishAchAdyAH saMtrastA yAnti dUrataH || 30||
likhitvA sthApayedyatra tatra siddhirbhavet dhruvam |
nApamR^ityumavApnoti dehAnte muktibhAgbhavet || 31||
AyuShyaM pauShTikaM medhyaM dhAnyaM duHsvapnanAshanam |
prajAkaraM pavitraM cha durbhikShartivinAshanam || 32||
chittaprasAdajananaM mahAmR^ityuprashAntidam  |
mahArogajvaraharaM brahmahatyAdishodhanam || 33||
mahAdhanapradaM chaiva paThitavyaM sukhArthibhiH |
dhanArthI dhanamApnoti vivahArthI labhedvadhUm || 34||
vidyArthI labhate vidyAM putrArthI guNavatsutam |
rAjyArthI  rAjyamApnoti satyamuktaM  mayA shuka || 35||
etaddevyAHprasAdena shukaH kavachamAptavAn |
kavachAnugraheNaiva sarvAn kAmAnavApa saH || 36||
   iti lakShmIkavachaM brahmastotraM samAptam |
##
Encoded and proofread by K S Ramachndran ksrkal at dataone.in

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}