% Text title : Brahmalekhini Hridayam % File name : lekhinIhRRidayam.itx % Category : devii, devI, dashamahAvidyA, hRidaya % Location : doc\_devii % Transliterated by : Durga Sharma % Proofread by : Durga Sharma % Latest update : July 10, 2026 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Brahmalekhini Hridayam ..}## \itxtitle{.. brahmalekhinIhR^idayam ..}##\endtitles ## (athavA brahmavidyAhR^idayaM athavA lekhinIshvarIhridayastotraM) OM asya shrIbrahmalekhinIhR^idayastotramahAmantrasya bhagavAn sadAshivaR^iShiH | anuShTup ChandaH | shrIbrahmalekhinI parAdevatA | parabrahma bIjam | mahAmAyA shaktiH | chinmayaM kIlakam | svasaMvitprasAdasid.hdhyarthe dharmArthakAmamokShachaturvidhapuruShArthasid.hdhyarthe kaivalyaprAptyarthe parabrahmasAkShAtkArasid.hdhyarthe mantrarAjahR^idayaprasAdasid.hdhyarthe shrIbrahmalekhinIprItyarthe jape viniyogaH || Ishvara uvAcha | gAyatrI mahAvidyA sA kalpakoTiShvadurlabhA | saMsmR^ityA yasyAH sadyaH punarAvR^ittirna vidyate || 1|| shR^iNu devi pravakShyAmi rahasyAnAM paraM rahaH | nigUDhaM nigameShvetadyo gidurlabhadarshanam || 2|| na vedairnAgamairetat prApyate kathamapyaho | nirhetukakR^ipAdR^iShTyA svayameva prakAshate || 3|| hR^idayaM brahmalekhinyAH sudhAsArapravAhakam | yatrAkSharasamutpattiH paraM brahma pratIyate || 4|| asya hR^idayamantrasya R^iShirasmyahamavyayaH | anuShTupChanda uchyeta devatA lekhinI parA || 5|| parabrahma paraM bIjaM paraM jyotiH prakIrtitam | mahAmAyA parA shaktiH kIlakaM chinmayaM smR^itam || 6|| dharmArthakAmamokShANAM siddhaye viniyojitam | kaivalyAmR^italAbhAya svasaMvittiprasiddhaye || 7|| kShaNamAtraM tato dhyAyet chinmayUkhaikavigraham | chidagnikuNDasambhUtAM padmamadhye vyavasthitAm || 8|| vidhAtrIM vishvajananIM vA~NmayIM vishvadhAriNIm | nirvikalpaprabhAM devIM smitachandranibhAnanAm || 9|| amR^itAbdhermantreNa karapadmaM vishodhayet | ShaDa~NgeShu tataH pashchAt sAvitrIM viniveshayet || 10|| mAyAbIjaM samuchchArya bhAsvantaM bhAnuvatprabham | tato hR^idyamidaM divyaM japenmaunaparAyaNaH || 11|| yatra varNA layaM yAnti yatra nAdaH prashAmyati | yatra vAk vilayaM yAti sA lekhinyAH parA gatiH || 12|| gopanIyaM prayatnena prANebhyo.api garIyasam | nAbhaktAya pradAtavyaM na nindakajanAya cha || 13|| atha stotram | nirAlambA nirAbhAsA niHspandA niShprapa~nchikA | svasaMvittaralA devI svayamevAdisAkShiNI || 1|| yato niHshabdanirghoSho yato niHsheShavistaraH | yato niShkAraNollAsastasmai lekhinyai namo namaH || 2|| avyaktabIjakoshasthA vyaktivallIvilAsinI | akSharodyAnamadhyasthA varNavIthIvihAriNI || 3|| akArAdikShakArAntavarNajAlaikajIvitA | uchchArAnuchcharadbhAvagUDhaniHshvAsarUpiNI || 4|| yatra dhAturna dhAtAraM vetti vedo na vedanam | tatra chinmAtravishrAntirlekhinI parikIrtitA || 5|| chaturmukhasya chintAyA yoniraprakaTAtmikA | jaganniyanturudbhUtA nAbhirnAbherapi sthitA || 6|| vishvakShepAlasachChAyAvyApinaH shayanAshrayA | pa~nchavaktraprabodhasya maunamudrA sanAtanI || 7|| sadyojAtaprabhodbhUtirvAmadevasya vallarI | aghorahR^idayadhvAntakShAlanAmR^itadIdhitiH || 8|| tatpuruShapraNavyomA IshAnasya parA shrutiH | sadAshivasya niHshvAsachinmayUkhaprasUtikA || 9|| sR^iShTau sa~Nkalparekheva sthitau sattvaikaniHsR^itiH | saMhAre kAlakallolA tirodhAne.apyagocharA || 10|| anugrahe sudhAsArA kaivalyaikapradIpikA | pa~nchakR^ityaikanilayA pa~nchabrahmasvarUpiNI || 11|| tvaM vAgbhavasya nirlInA tvaM shrIbIjasya jIvikA | tvaM kAmabIjakallolA tvaM hrIllekhA parAtparA || 12|| tvameva prANasa~nchAro.apAnasya nivartanam | samAnasya samullAsa udAnasyordhvadIdhitiH || 13|| vyAnasya vishvasaMvyAptirnADIchakramahAdhunI | haMsochChvAsaprabodhaikasUtriNI prANadhAriNI || 14|| tvaM vANI vAgatItApi tvaM ramA shrIranuttamA | tvaM nIlA nikhilachChAyA dhR^itirmedhA sarasvatI || 15|| smR^itiH praj~nA matiH kAntirbuddhirlajjA dayA kShamA | shraddhA tuShTirvibhUtishcha puShTiH shAntirvirAjase || 16|| tvamaditirdvAdashArkeShu vasUnAmaShTadIdhitiH | rudrANAM raudranirlepA vishvadeveShu chetanA || 17|| sAdhyAnAmaprameyArthA marutAM spandadhAriNI | ashvinorbheShajachChAyA pitR^INAmamR^itAshrutiH || 18|| indrasyojjR^imbhaNapraj~nA vahnerhomAmR^itormikA | vAruNI gAmbhirIrekhA vAyorjIvanacha~nchalA || 19|| dhaneshasya nidhernidrA dharmarAjasya nirNayaH | nirR^iternirbhayaprAnta IshAnasya parA dhR^itiH || 20|| matsye vedArNavoddhArA kUrme dhairyamahIbhR^itiH | kroDe bhUgarbhanirmokSho nakharAMshau mahojjvalam || 21|| vAmane vishvasa~Nkocho bhArgave brahmadIdhitiH | rAghave satyaniHshvAso halino bhUdhR^itiH sthirA || 22|| gopAle premanirjhAro buddhe shUnyArthadarshitA | kalkinaH kAlavelAyAM niShkala~NkaprabodhinI || 23|| kAlI kAlAgniniHsheShA kapAlinyavyayAnanA | tArA tArakanirghoShA ShoDashI pUrNachandrikA || 24|| bhuvaneshI bhuvo rekhA bhairavI bhairavadhvaniH | vajravairochanI dIptirdhUmrA dhUmrAtigAminI || 25|| bagalAmukhi vAkstambhA mAta~NgI nAdamAlikA | kamalAkShI parA lakShmIH sarvavidyAmayI shivA || 26|| kailAse parvatI devi brahmaloke sarasvatI | vaikuNThe kamalA nityA kShIrodAmbhonivAsinI || 27|| goloke kR^iShNajIvAtmA rAdhikA rasarAj~nikA | rAsamaNDalamadhyasthA rAseshI rasama~njarI || 28|| vR^indA vR^indAvane nityaM niku~njachChAyashAyinI | svarge shrIH surasadmasthA.alakAyAM nidhirUpiNI || 29|| yatra dvaitaM tadA lIlA yatrAdvaitaM tadA tvameva | yatrobhayaM vilIyeta tatra te hR^idayaM mahat || 30|| draShTA dR^ishyaM cha darshanaM j~nAtA j~neyaM cha yA svayam | pramAtA pramANamekaM prameyasyApi kAraNam || 31|| nAdo binduH kalA rekhA shaktiH shUnyaM paraM padam | etatsarvaM tvameveti nishchayo hR^idayodayaH || 32|| tanmAtrapa~nchakachChAyA mahAbhUtapradIpikA | indriyagrAmagahanA chittavIchIvilAsinI || 33|| nAhaM na tvaM na so.anyo.asti naikyaM naiva pR^ithaktvatA | yatrobhayavilAso.api tatra te paramaM vapuH || 34|| yatra prashno na niShpattiryatrottaramagocharam | tatra svayaMsphurallekhA chinmudrA parikIrtitA || 35|| avyaktasyApyavyaktatvaM vyaktasyApyaprakAshatA | tvayi sphurati deveshi dIpashchitrapaTe yathA || 36|| ChAyaiva bhAti bhAsvatyAM bhAsaiva ChAyayA vinA | tvayi vishvavilAso.ayaM svapnarekheva dR^ishyate || 37|| nimeShonmeShayormadhye yA vishrAntiranuttamA | saiva te hR^idaye devi niShkampA parameshvarI || 38|| nAdo jAto na nirjAto bindurnodIyate kvachit | yatrAkSharamapAkSharaM tatra te paramaM padam || 39|| kAlo lIlAkaNo yasyAH kalpA lomavilAsinaH | yugasrotAMsi niHshvAsA divasAH smitadIdhitiH || 40|| nakShatranikarAH keshA grahachakraM kirITakam | ga~NgApravAhahArashrIrdigantAH kuNDaladyutiH || 41|| vyoma te nayanachChAyA vAyuH prANapravAhakaH | vahniste j~nAnanirjhAraH salilaM karuNArasaH || 42|| dharA dhairyaprabhA devi parvatA maunamudrikAH | vanAni romarAjInAM latAH sa~NkalparekhikAH || 43|| ahorAtre nimeShau te R^itavaH shvAsavibhramAH | saMvatsaraH padaspando yugAntaH keshakampanam || 44|| R^icho niHshvAsavistArAH sAmAni smitavIchayaH | yajUMShi hR^idayollAsA atharvA~NgirasaH shrutiH || 45|| vyAkaraNaM padachChedo niruktaM te kaTAkShaNam | ChandAMsi charaNanyAsA jyotiShaM nayanArchiShaH || 46|| mImAMsA te manorekhA nyAyo buddhernirUpaNam | vedAnto hR^idayAvAsaH shUnyatA te parA gatiH || 47|| AgamA a~NgulIrekhAstantrANi karapallavAH | mantrAste hR^idayaspandA yantrANyasthivinirmitiH || 48|| akAro dakShiNaH pAda ukAro vAmapAdakaH | makAro hR^idayAmbhojaM bindurmaulivibhUShaNam || 49|| varNAH kusumavistArA padAni madhupAvaliH | vAkyAni makarandaughA arthAH saurabhasa~nchayAH || 50|| j~nAtuH pUrvaM tvamevAsIjj~neyasyApi puraH sthitA | j~nAnasyApyantarAlasthA svasaMvitparipUriNI || 51|| yadA vetti svamAtmAnaM j~nAtA j~nAnavivarjitaH | tadA tvadIyamAlokaM kevalaM kevalaM bhavet || 52|| yatra shabdo layaM yAti yatrArtho.api vilIyate | yatra chintA svayaM suptA tatra tvaM bodharUpiNI || 53|| svapne jAgarti yA nityaM jAgratyapi suShuptivat | turIyamapyatItAyai tasyai lekhinyai namo namaH || 54|| dvaitaM te krIDanollAso.advaitaM te hR^idayaM mahat | dvaitAdadvaitasa~nchAraH karuNaiva pade pade || 55|| ato na veda vedastvAM na dhyAtA dhyAnagocharaH | svayameva svasaMvedyA svayameva svayambhuvA || 56|| yasyAM lInaM jagajjAlaM yasmAdudbhAti punaH punaH | tAmanAdimanantAM tvAM chinmayUkhAM namAmyaham || 57|| na tattvaM tattvato grAhyaM nAtattvaM tyajyate kvachit | yadubhAbhyAmatItaM tat svayameva tvadAtmakam || 58|| yatrodeti na chodeti yatrAstaM naiva gachChati | anudeyaM paraM jyotistava sphUrtiH sanAtanI || 59|| yena pashyanti pashyanto yena j~nAtaM prajAyate | tadeva te padAmbhojaM na dR^ishyaM dR^ishyakAraNam || 60|| niHsImashUnyavipine nirvANAmR^itanirjhare | avyAhatachidudyAne viharantIM namAmyaham || 61|| avyaktavarNavinyAsairakSharairakSharAtigaiH | svayaM likhasi vishvaM tvaM svayameva vilumpasi || 62|| yadvilAso jagadbhAti yannidrA pralayo mataH | yatprabodho mahAbodhastadeva hR^idayaM tava || 63|| svapno jAgaraNaM maunaM nAdo binduH kalA layaH | ete te kevalachChAyAH svarUpaM no nigadyate || 64|| prANe nAsi mano nAsi buddhirnAsi na cha smR^itiH | eteShAmantarAlasthA sphurasi svaprakAshinI || 65|| antarnAnto bahirnAnto madhyo nAsti nirUpitaH | yatra sarvaM samApnoti tatte dhAma nirAmayam || 66|| archirnAsi tamo nAsi ChAyA nAsi na bhAskaraH | yadetadubhayAtItaM tadeva paramaM vapuH || 67|| ashrutaM shrutimApnoti adR^iShTaM dR^ishyate svayam | avij~nAtaM vijAnAti tvatprasAdapradIpitam || 68|| varNe varNe guhaM tejaH pade pade parA gatiH | shvAse shvAse sudhAsindhurhR^idi hR^idyanaghA sthitiH || 69|| tatpadaM chinmayaM shAntaM saviturdhAma kevalam | vareNyaM nikhilAdhAraM bhargo mohAndhabhedanaH || 70|| devasyaiva parA shaktirdhImahItyantarAshrayA | dhiyo yo naH prachodayAdityeShA te parA gatiH || 71|| nochchAryante padAnyatra rahasyena vyavasthitAH | mantrarAjasya bIjAni hR^idaye te vilAsini || 72|| yaH pashyatyAtmanAtmAnaM tvadbhAsaiva prakAshitam | tasya bandho na mokSho vA kevalaM chinmahAmbudhiH || 73|| yaH shR^iNoti na shabdena yaH pashyati na chakShuShA | yaH spR^ishatyaspR^ishadbhAvaM sa te bhaktaH sa buddhimAn || 74|| na mArgo na padaM devi na prAptirnApi sAdhanam | svasaMvideva samprAptistvatkR^ipaiva parA gatiH || 75|| lIyante yatra vedAntA AgamA nigamAstathA | tarkA yatra praNamrAH syustava maunaM tadadbhutam || 76|| akArAdikShakArAntaM vishvametachcharAcharam | ekaiva lekhanI sUkShmA likhatyeva nirantaram || 77|| na lekhyaM na cha lekhakaH na patraM na cha lekhanI | svayamevAkSharAtItA sAkShiNI paramA shivA || 78|| ityuktvA parameshAno maunameva samAvishat | maunAdudeti yA vidyA sA lekhinyai namo namaH || 79|| etaddhi hR^idayaM divyaM mantrarAjasya jIvitam | parabrahmasvarUpasya niHshvAsAmbhonidherhR^idi || 80|| ya idaM shraddhayA nityaM hR^idayaM samprakIrtayet | na tasya punarAvR^ittiH parabrahmAdhigachChati || 81|| yatra sAvitrI gAyatrI yatra vedasya niHsvanaH | tatra lekhinikA devI svayaMsa~njR^imbhate dhruvam || 82|| yathA vedeShu gAyatrI purANeShu maheshvarI | AgameShu parA rAdhA tantreShu lalitAmbikA || 83|| bhuvaneshI parA mUrtirlekhinI sUtradhAriNI | yasyAM grathitamakhilaM vishvasUtramanashvaram || 84|| asyaikasya paThanmAtrAt koTigAyatrikaM phalam | anuktaM labhate puNyaM guhyaguhyataraM mahat || 85|| jayechChurApnuyAjjetuM shrIkAmaH shriyamashnute | vidyAkAmo labhedvidyAM dIkShArthI dIkShito bhavet || 86|| nirdhano nidhimAsAdya nirAsho.apyAshrayaM labhet | niHsantAno.api santAnaM nirbhayo.amR^itamashnute || 87|| yasya jihvAgrasaMlInaM hR^idayaM brahmalekhinIm | tasyAkSharANi nAkSharANi brahmaiva parisarpati || 88|| gopyaM gopyataraM gopyaM guhyAdguhyatamaM mahat | svayambhUvaktranirgItaM na deyaM bhaktivarjite || 89|| || iti shrIyogatantre yogeshvara yogeshvarIsaMvAde brahmalekhinIhR^idayaM athavA brahmavidyAhR^idayaM athavA lekhinIshvarIhridayastotraM sampUrNam || ## Encoded and proofread by Durga Sharma \medskip\hrule\obeylines Please send corrections to sanskrit@cheerful.com Last updated \today https://sanskritdocuments.org \end{document}