% Text title            : Markandeyamuniproktam Sarasvati Stotram
% File name             : mArkaNDeyamuniproktaMsarasvatIstotram.itx
% Category              : devii, devI, vAmanapurANa, sarasvatI, stotra
% Location              : doc\_devii
% Proofread by          : PSA Easwaran
% Description/comments  : vAmanapurANa | adhyAya 32/6-22||
% Latest update         : September 28, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Markandeyamuniproktam Sarasvati Stotram ..}##
\itxtitle{.. mArkaNDeyamuniproktaM sarasvatIstotram ..}##\endtitles ##
tasmin plakShe sthitAM dR^iShTvA mArkaNDeyo mahAmuniH |
praNipatya tadA mUrdhnA tuShTAvAtha sarasvatIm || 5||
mArkaNDeya uvAcha |
tvaM devi sarvalokAnAM mAtA devAraNiH shubhA |
sadasaddevi yatki~nchinmokShadAyyarthavatpadam || 6||
tatsarvaM tvayi saMyogi yogivaddevi saMsthitam |
akSharaM paramaM devi yatra sarvaM pratiShThitam |
akSharaM paramaM brahma vishvaM chaitatkSharAtmakam || 7||
dAruNyavasthito vahnirbhUmau gandho yathA dhruvam |
tathA tvayi sthitaM brahma jagachchedamasheShataH || 8||
OM kArAkSharasaMsthAnaM yattaddevi sthirAsthiram |
tatra mAtrAtrayaM sarvamasti yaddevi nAsti cha || 9||
trayo lokAstrayo vedAstraividyaM pAvakatrayam |
trINi jyotIMShi vargAshcha trayo dharmAdayastathA || 10||
trayo guNAstrayo varNAstrayo devAstathA kramAt |
traidhAtavastathAvasthAH pitarashchaivamAdayaH || 11||
etanmAtrAtrayaM devi tava rUpaM sarasvati |
vibhinnadarshanAmAdyAM brahmaNo hi sanAtanIm || 12||
somasaMsthA haviHsaMsthA pAkasaMsthA sanAtanI |
tAstvaduchchAraNAddevi kriyante brahmavAdibhiH || 13||
anirdeshyapadaM tvetadarddhamAtrAshritaM param |
avikAryakShayaM divyaM pariNAmavivarjitam || 14||
tavaitatparamaM rUpaM yanna shakyaM mayoditum |
na chAsyena na vA jihvAtAlvoShThAdibhiruchyate || 15||
sa viShNuH sa vR^iSho brahmA chandrArkajyotireva cha |
vishvAvAsaM vishvarUpaM vishvAtmAnamanIshvaram || 16||
sA~NkhyasiddhAntavedoktaM bahushAkhAsthirIkR^itam |
anAdimadhyanidhanaM sadasachcha sadeva tu || 17||
ekaM tvanekadhApyekabhAvavedasamAshritam |
anAkhyaM ShaDguNAkhyaM cha bahvAkhyaM triguNAshrayam || 18||
nAnAshaktivibhAvaj~naM nAnAshaktivibhAvakam |
sukhAtsukhaM mahAtsaukhyaM rUpaM tattvaguNAtmakam || 19||
evaM devi tvayA vyAptaM sakalaM niShkalaM cha yat |
advaitAvasthitaM brahma yachcha dvaite vyavasthitam || 20||
ye.arthA nityA ye vinashyanti chAnye
ye.arthAH sthUlA ye tathA santi sUkShmAH |
ye vA bhUmau ye.antarikShe.anyato vA
teShAM devi tvatta evopalabdhiH || 21||
yadvA mUrtaM yadamUrtaM samastaM
yadvA bhUteShvekamekaM cha ki~nchit |
yachcha dvaite vyastabhUtaM cha lakShyaM
tatsambaddhaM tvatsvarairvya~njanaishcha || 22||

iti vAmanapurANe dvAtriMshAdhyAyAntargataM mArkaNDeyamuniproktaM
         sarasvatIstotraM samAptam |

vAmanapurANa | adhyAya 32/6\-22||
##
vAmanapurANa . adhyAya 32/6-22..

Proofread by PSA Easwaran 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}