% Text title            : Mukambika Suprabhatam
% File name             : mUkAmbikAsuprabhAtam.itx
% Category              : devii, suprabhAta, otherforms, devI
% Location              : doc\_devii
% Transliterated by     : NA
% Proofread by          : PSA Easwaran, NA
% Latest update         : June 29, 2019
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Mukambika Suprabhatam ..}##
\itxtitle{.. shrImUkAmbikA suprabhAtam ..}##\endtitles ##
uttiShThottiShTha mUkAmbA uttiShTha jagadIshvari |
nidrAM mu~ncha mahAmAye trilokIM paripAlaya || 1||
brahmarShisiddhamunisa~Nghamupetya devi
     tvaddvAradeshamadhitiShThati darshanArtham |
nidrAM jahi hyamalabhaktajanAnukampe
     mUkAmbike parashive tava suprabhAtam || 2||
brahmendrarudravaruNA bhagavAnananta\-
     sheSho dhanesha shashibhAskaravahnimukhyAH |
tattvaM tvadIyamavagantumupasthitAste
     mUkAmbike parashive tava suprabhAtam || 3||
vAlmIkikashyapaparAsharagautamAdi\-
     bhR^igva~NgirA sanakanAradavAmadevAH |
dvAryAgatAH saguNarUpamupAsituM te
     mUkAmbike parashive tava suprabhAtam || 4||
vidyAdharapramathakinnarayakShanAga\-
     gandharvasiddhapitarashcha samAsthitAste |
draShTuM tavA~NghriyugalaM kR^itakR^ityatArthaM
     mUkAmbike parashive tava suprabhAtam || 5||
tvaddarshanAya vidhivadvihitAgnihotrA
     tiShThantyupAyanakarA R^iShayo munIndrAH |
uttiShTha jAgR^ihi maheshvari mu~ncha nidrAM
     mUkAmbike parashive tava suprabhAtam || 6||
kShetraM mahadphaladamanyasukarmakartuH
     kolApuraM tava mahItalapuNyabhUmim |
AyAnti sAdhakajanAstapase.atidUrAt
     mUkAmbike parashive tava suprabhAtam || 7||
itthaM purashcharaNayogyamatiprashAntaM
     kShetraM pavitramiha siddhajanA vasanti |
tvatsannidhau bhavabhayArtivinAshanAya
     mUkAmbike parashive tava suprabhAtam || 8||
traiyantavedyavibhave nigamAtidUre
     sR^iShTisthitipralayakAriNi sarvanAthe |
bhaktArtinAshini sadAcharaNaprasanne
     mUkAmbike parashive tava suprabhAtam || 9||
kalyANi ma~Ngalamaye nijabodharUpe
     bhakteShTadAnanirate bhavasindhuseto |
kolarShinAradamukhairupagItakIrte
     mUkAmbike parashive tava suprabhAtam || 10||
shrImanmaheshvari sadAshivavallabheti
     kAmeshvarIti bhajatAM bhayahAriNIti |
vAgIshvarIti manasAM vachasAmagamye
     mUkAmbike parashive tava suprabhAtam || 11||
sarvAshrite janani chandrakalAvataMse
     kambhAsurAsuharashaktidhare bhavAni |
mUkAmbiketi satataM pravadanti santaH
     mUkAmbike parashive tava suprabhAtam || 12||
indrAdi sarvavibudhAmalashaktirAshe
     mUkAsurAkhyakhaladAnavadarpanAshe |
chandrArdhadhAriNi lasachChubhabhAladeshe
     mUkAmbike parashive tava suprabhAtam || 13||
shailAdhirAjatanaye paradivyarUpe
     shumbhAsurapramukhadaityavinAshashIle |
sadvR^ittabhaktajanaduHkhabhayArtihantri
     mukAmbike parashive tava suprabhAtam || 14||
tvaM bhaktarakShaNavidhau vividhasvarUpaM
     dhR^itvA vinAshayasi duShTajanaM salIlam |
etena te prakaTitA bhajakAnukampA
     mUkAmbike parashive tava suprabhAtam || 15||
jyotirmayaM nikhiladaivatasArabhUtaM
     sarvArtihaM munisurArchitadivyali~Ngam |
kolApure lasati garbhagR^ihe tvadIye
     mUkAmbike parashive tava suprabhAtam || 16||
niShkAmabhaktanivahAchcha sakAmakAchcha
     jij~nAsavatsahR^idayAchcha nitAntabhaktyA |
svasvAdhikAramanusR^itya bhajanti sarve
     mUkAmbike parashive tava suprabhAtam || 17||
shraddhAlavo japatapashcharaNAnuraktAH
     kurvanti sAdhanamasahyamapi tvadIyAH |
siddhiM prayAnti cha tatatpadamagraheNa ## variation ## tataH paramashrameNa
     mUkAmbike parashive tava suprabhAtam || 18||
saMsArasAgarasamuddharANaikahetoH
     sarvAbhilAShamapahAya bhajantyananyAH|
teShAM prasIdasi manorathapUraNAya
     mUkAmbike parashive tava suprabhAtam || 19||
tvatpAdapadmabhajanArchanatatparANAM
     mAtarbhayaM bharasi bhAvukasajjanAnAm |
tvatsevanAdvigatakalmaShamAnasAnAM
     mUkAmbike parashive tava suprabhAtam || 20||
saumyaM vapuH sulalitaM tava suprasannaM
     shiShTeShu komalatamaM sadayaM tathApi |
duShTeShu nirdayamatIva bhayaM karoti
     mUkAmbike parashive tava suprabhAtam || 21||
sa~nchintaye yadi gataM tava saumyarUpaM
     shrIpA~nchajanyavaradAbhayachakrahastam |
padmAsanopari rataM smitahAsyayuktaM
     mUkAmbike parashive tava suprabhAtam || 22||
AlasyadoShanihatAH khalu bhAgyahInAH
     prArabdhakarma balavanmanujA vadanti |
te tu prayatnavimukhAH prapatanti duHkhe
     mUkAmbike parashive tava suprabhAtam || 23||
chittasya shuddhimakhilasya mamAstu karma
     satkarmashuddhahR^idaye manujo vikArI |
shuddhiM vinA na manaso nijabodhalAbhaH
     mUkAmbike parashive tava suprabhAtam || 24||
sarvatra cha~nchalataraM bhramamANadInaM
     mAM pAlaya hyavirataM dayayeti mAtaH |
vishvAsatastavapadaM sharaNaM prapadye
     mUkAmbike parashive tava suprabhAtam || 25||
nAhaM tapashcharaNamarchanasAdhanaM vA
     jAnAmi kartumabhayaM kuru pAhi mAtaH |
jAne na kevalavidhiM kimapIha dInaH
     mUkAmbike parashive tava suprabhAtam || 26||
bhAvena deshamanishaM vashamAnayanti
     bhAvo.api kAraNamataH kavayo vadanti |
tyAkeshasAdR^ishamihAdya bhavAni bhAvaM
     mUkAmbike parashive tava suprabhAtam || 27||
yadbhAvanAnvitahR^idA bhavatIM bhajanti
     tadbhAvanAnusaraNaM cha tava svabhAvaH |
tasmAdbhajAmi bhavabandhavimochanAya
     mUkAmbike parashive tava suprabhAtam || 28||
yAdantara~NgadamanaM viShayeShu shAntiH
     dAntishcha bAhyaviShayeShu vinigrahAkhyA |
shItoShNaduHkhasUkhayoH sahanaM titikShA
     mUkAmbike parashive tava suprabhAtam || 29||
vedoktakarmanichayAcharaNena nityaM
     vAkkAyamAnasikapApasamUlanAsham |
vA~nChanti bhAvukajanastvadanugraheNa
     mUkAmbike parashive tava suprabhAtam || 30||
shaktistu sarvajagatAM tava devyadhInA
     vishvaM sR^ijasyavasi haMsi cha devi kAle |
lileyamIshvari tavAtuladivyarUpe
     mUkAmbike parashive tava suprabhAtam || 31||
mohAndhakAracharamUDhajano na chaitat
     jAnAti devi jagatIti tavaiva mAyA |
mAyAsvarUpamavalambya tanoShi vishvaM
     mUkAmbike parashive tava suprabhAtam || 32||
sR^iShTvA charAcharamidaM jagadAtmashaktyA
     tasminpravishya vividhaM cha tanoShi rUpam |
tasmAnna chAsti kimapIha vinA tvayAtra
     mUkAmbike parashive tava suprabhAtam || 33||
dhUmrAkShalohitabhavau madhukaiTabhau cha
     chaNDaM cha muNDamapi shumbhanishumbha saukhyau |
durgeti haMsi jagataH sukhashAntisid.hdhyai
     mUkAmbike parashive tava suprabhAtam || 34||
durgeti durgatiharaM tava nAmadheyaM
     shrIshAmbhavIti cha sukha~Nkaramaprameyam |
saMsArasAgarasamuddharaNaM shiveti
     mUkAmbike parashive tava suprabhAtam || 35||
tejomayaM suramaNIyamati prasannaM
     atyantasundaramatIva manobhirAmam |
svechChAdhR^itaM lalitarUpamidaM tvadIyaM
     mUkAmbike parashive tava suprabhAtam || 36||
sachchitsukhaM tu nigamAgamashAstrasAraM
     j~nAnaM tu shobhanamatIndriyakaM suvedyam |
shrutyaiva sadgurumukhAdadhigamyamamba
     mUkAmbike parashive tava suprabhAtam || 37||
kechit svakarmaphalameva vadanti dhIrAH
     bhaktiM tathA navavidhAmapare mahAntaH |
anye viraktimatulAM paramAptimAhuH
     mUkAmbike parashive tava suprabhAtam || 38||
shraddhAsi devi nikhilAgamakarmamUlA
     bhrAntishcha mohajananena bhayArtimUlA |
tvatsevayA janahitaM vidhituM samarthaH
     mUkAmbike parashive tava suprabhAtam || 39||
kAmeshvari praNatabhaktajanAnukampe
     sarvAntara~Ngayamune paripUrNarUpe |
mAmuddharoddhara bhavAdbhavatApahantri
     mUkAmbike parashive tava suprabhAtam || 40||
buddhiprachodini charAcharavishvarUpe
     niShkalmaShaM kuru maheshi mamAntara~Ngam |
majjanmasArthakamihAstu tava prasAdAt
     mUkAmbike parashive tava suprabhAtam || 41||
sA tvaM dayAmayi mayepsita bhuktimuktiM
     sarvaM pradApaya jagajjananIshapUjye |
sarvaj~natAsi tava devi mahAnubhAve
     mUkAmbike parashive tava suprabhAtam || 42||
aishvaryavantarahitaM kamalAlaye tvaM
     j~nAnaM cha sarvaviShayaM tava dehi mahyam |
AnandatundilamanorathamaprameyaM
     mUkAmbike parashive tava suprabhAtam || 43||
ekApi sarvagatayA tvamanekarUpA
     anto na labhyata iti tvamanantarUpA |
sUkShmAtisUkShmakatayA tvamalakShyarUpA
     mUkAmbike parashive tava suprabhAtam || 44||
shAntaM vishiShTakamanIyakalAvichitraM
     sAnnidhyapUrNamatisundaramandiraM te |
prArAjate kuTajaparvatamUladeshe
     mUkAmbike parashive tava suprabhAtam || 45||
aShTAdhikeShu vividheShvapi shaktipITheShu
     aShTAdasheShvapi tathA navakoTimUrtiH |
ekApyanekashubharUpadharA vibhAsi
     mUkAmbike parashive tava suprabhAtam || 46||
nAnuShThitaM kimapi sArthakakAri kAryaM
     labdhvApi chottamajaniM suvichAramagnam |
tApatrayArthabhayabhItamimaM prapAhi
     mUkAmbike parashive tava suprabhAtam || 47||
tvannAmarUpamamalaM nigamArthasAraM
     nityaM nira~njanamanantamajaM purANam |
brahmeti shAshvatamakhaNDasukhaM vadanti
     mUkAmbike parashive tava suprabhAtam || 48||
svAntaHsukhAya varade sumatiprakAshaM
     kR^itvAva mAmiti punaHpunararthayAmi |
sachchitsukhAnubhavashAntihR^idaM kuruShva
     mUkAmbike parashive tava suprabhAtam || 49||
tvaddAsadAsagaNanAyakasatyashAstrI
     yAchatyanantabhava ArtajanAnukampe |
bhaktiM prayachCha bhavatApavinAshayitri
     kolApUreshvari shive tava suprabhAtam || 50||
ma~NgalaM te.astu mUkAmbA ma~NgalaM sarvama~Ngale |
ma~NgalaM tava sadrUpaM trailokyaM ma~NgalaM kuru || 51||

iti shrImUkAmbikA suprabhAtaM samAptam |
##
Proofread by PSA Easwaran, NA

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}