% Text title            : mUrtirahasyam
% File name             : mUrtirahasyam.itx
% Category              : devii, devI
% Location              : doc\_devii
% Proofread by          : Pallasena Narayanaswami ppnswami at gmail.com
% Description-comments  : Brihatstotraratnakara 1, Narayana Ram Acharya, Nirnayasagar, stotrasankhyA 211
% Source                : mArkaNDeyapurANe khilAMshe
% Latest update         : February 20, 2017
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. mUrtirahasyam ..}##
\itxtitle{.. mUrtirahasyam ..}##\endtitles ##

shrIgaNeshAya namaH ||
R^iShiruvAcha ||
nandA bhagavatI nAma yA bhaviShyati nandajA |
sA stutA pUjitA dhyAtA vashIkuryAjjagattrayam || 1||
kanakottamakAntiH sA sukAntikanakAmbarA |
devI kanakavarNAbhA kanakottamabhUShaNA || 2||
kanakA~NkushapAshAbjairala~NkR^itachaturbhujA |
idirA kamalA lakShmIH sA shrIrukmAmbujAsanA || 3||
yA raktadantikA nAma devI proktA mayAnagha |
tasyAH svarUpaM vakShyAmi shR^iNu sarvabhayApaham || 4||
raktAmbarA raktavarNA raktasarvA~NgabhUShaNA |
raktAyudhA raktanetrA raktakeshAtibhIShaNA || 5||
raktatIkShNanakhA raktadashanA raktadaMShTrikA |
patiM nArIvAnuraktA devI bhaktaM bhajejjanam || 6||
vasudheva vishAlA sA sumeruyugalastanI ||
dIrghau lambAvatisthUlau tAvatIva manoharau || 7||
karkashAvatikAntau tau sarvAnandapayonidhI |
bhaktAnsapAyayeddevI sarvakAmadudhau stanau || 8||
khaDgapAtraM cha musalaM lA~NgalaM cha bibharti sA |
AkhyAtA raktachAmuNDA devI yogeshvarIti cha || 9||
anayA vyAptamakhilaM jagatsthAvaraja~Ngamam |
imAM yaH pUjayedbhaktyA sa vyApnoti charAcharam || 10||
adhIte ya imaM nityaM raktadantyA vapuHstavam |
taM sA parichareddevI patiM priyamivA~NganA || 11||
shAkambharI nIlavarNA nIlotpalavilochanA |
gambhIranAbhistrivalIvibhUShitatanUdarI || 12||
sukarkashasamottu~NgavR^ittapInaghanastanI |
muShTiM shilImukhaiH pUrNaM kamalaM kamalAlayA || 13||
puShpapallavamUlAdiphalADhyaM shAkasa~nchayam |
kAmyAnantarasairyuktaM kShuttR^iNmR^ityujarApaham || 14||
kArmukaM cha sphuratkAnti bibharti parameshvarI |
shAkambharI shatAkShI syAt saiva durgA prakIrtitA || 15||
shAkambharIM stuvandhyAyan japansampUjayannaman |
akShavyamashnute shIghramannapAnAdi sarvashaH || 16||
bhImApi nIlavarNA sA daMShTrAdashanabhAsurA |
vishAlalochanA nArI vR^ittapInaghanastanI || 17||
chandrahAsaM cha DamaruM shiraHpAtraM cha bibhratI |
ekavIrA kAlarAtriH saivoktA kAmadA stutA || 18||
tejomaNDaladurdharShA bhrAmarI chitrakAntibhR^it |
chitrabhramarasa~NkAshA mahAmArIti gIyate || 19||
ityetA mUrtayo devyA vyAkhyAtA vasudhAdhipa |
jaganmAtushchaDikAyAH kIrtitAH kAmadhenavaH || 20||
idaM rahasyaM paramaM na vAchyaM yasya kasyachit |
vyAkhyAnaM divyamUrtInAmadhIShvAvahitaH svayam || 21||
devyA dhyAnaM tavAkhyAtaM guhyAdguhyataraM mahat |
tasmAtsarvaprayatnena sarvakAmaphalapradam || 22||

iti shrImArkaNDeyapurANe sAvarNike manvantare devImAhAtmye
mUrtirahasyaM sampUrNam || adhyAya 16
##
See also prAdhAnikarahasyam and vaikRitikarahasyaM

Proofread by Pallasena Narayanaswami ppnswami at gmail.com

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}