% Text title : Mahalekhini Stavaraja Stotram % File name : mahAlekhinIstavarAjastotram.itx % Category : devii, devI, dashamahAvidyA, stavarAja, kavacha % Location : doc\_devii % Transliterated by : Durga Sharma % Proofread by : Durga Sharma % Latest update : June 20, 2026 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Mahalekhini Stavaraja Stotram ..}## \itxtitle{.. mahAlekhinIstavarAjastotram ..}##\endtitles ## (parabrahmaNIlekhinIshvaryAH divyakavachaM) || viniyogaH || OM asya shrImahAlekhinIstavarAjastotramAlAmahAkavachasya | antaryAmI R^iShiH | anuShTupChandaH | shrImattripurasundarI devatA | vAshinyAdhidevatAbIjam | madhyadevatA shaktiH | ratnadvIpaM kIlakam | shrIlekhinIdarshanasid.hdhyarthe jape viniyogaH || || mUlamantraH || OM hrIM shrIM ratnadvIpadarshite darshaya darshaya mama | anekajanmasa~nchitasarvapApajAlaM Chindhi Chindhi | chetaya chetaya Atmatattvam | mantrayantrabrahmANDavij~nAnaM darshaya darshaya | huM phaT svAhA || || R^iShyAdinyAsaH || antaryAmiR^iShaye namaH shirasi | anuShTupChandase namaH mukhe | shrImattripurasundarIdevatAyai namaH hR^idi | vAshinyAdhidevatAbIjAya namaH guhye | madhyadevatAshaktaye namaH pAdayoH | ratnadvIpakIlakAya namaH sarvA~Nge || || karanyAsaH || OM hrIM shrIM a~NguShThAbhyAM namaH | ratnadvIpadarshite tarjanIbhyAM namaH | darshaya darshaya madhyamAbhyAM namaH | mama anekajanmasa~nchitasarvapApajAlaM Chindhi Chindhi anAmikAbhyAM namaH | chetaya chetaya AtmatattvaM kaniShThikAbhyAM namaH | mantrayantrabrahmANDavij~nAnaM darshaya darshaya | huM phaT svAhA karatalakarapR^iShThAbhyAM namaH || || ShaDa~NganyAsaH || OM hrIM shrIM ratnadvIpadarshite darshaya darshaya mama hR^idayAya namaH | anekajanmasa~nchitasarvapApajAlaM Chindhi Chindhi shirase svAhA | chetaya chetaya AtmatattvaM shikhAyai vaShaT | mantrayantrabrahmANDavij~nAnaM darshaya darshaya | kavachAya hum | huM phaT netratrayAya vauShaT | svAhA astrAya phaT | bhUrbhuvaHsvaromiti digbandhaH || || dhyAnam || ratnadvIpe sudhAsindhormadhye chintAmaNigR^ihe | lekhinIM chinmayIM vande shrImatIM tripureshvarIm || dakShiNe lekhinIM dhAryAM vAme chintAmaNiM shubhAm | mandasmitamukhIM devIM dhyAyet shrIlekhinIshvarim || atha stotram | lekhinIstavarAjasya kavachasyAntaryAmI R^iShiH | Chando.anuShTup samAkhyAtaM devatA tripureshvarI || 1|| vAshinI bIjarUpA cha madhyadevatA shaktikA | ratnadvIpaM mahAkIlaM lekhinIdarshanAya cha || 2|| dhyAyennirastakAlaM tadratnadvIpaM manoramam | yatrAnandasudhAsindhurlolavIchivilAsavAn || 3|| yatra chintAmaNIbhittirmuktAjAlavirAjitA | yatra kalpalatAH sarvA nityavasantashobhitAH || 4|| yatra vAshinimukhyAshcha vAgdevyo mR^idubhAShiNaH | yatra yoginya udyuktA rakShaNotsukamAnasAH || 5|| yatra siMhAsane divye sahasrAdityadIdhitau | virAjate jaganmAtA shrImatI mandahAsinI || 6|| mR^iNAlakomalA~NgI sA bimbAdharavirAjitA | sharachchandranibhApA~NgI navaku~NkumapATalA || 7|| tasyA Aj~nAM samAdAya devyo divyavapurdharAH | AyAnti bhaktarakShArthaM premanirbharamAnasAH || 8|| tadA chandrashilAsArA shashibimbavilAsinI | mama mUrdhAnamavyagraM shrIjikA parirakShatu || 9|| brahmarandhrasarojasthaM divyatejovikAsakam | sudhAmekhalinI devI shikhAdeshe.avatAd mama || 10|| lalATaphalakaM pAtu sindUrAruNabhAsurA | kadambakusumAmodA mAlatI mR^idulasmitA || 11|| bhrUlatAku~njamadhyasthA madhupAlI manoharA | manorAjyasya sImantaM mAdhavI parirakShatu || 12|| netrayorindukallolaprasannadyutidhAriNI | kamalAkShI sudhAdR^iShTirmama dR^iShTiM vivardhayet || 13|| dR^igantasImni gopAlI veNunAdavimohinI | karuNArasasandohaM nirantaramuda~nchayet || 14|| pakShmamAlAvilAseShu nIlabhR^i~NganiketanA | shyAmarekhA sadA pAtu saundaryAmR^itavarShiNI || 15|| karNadvAre kathAratnapravAhaprerikA shubhA | gItagopanaviduShI gopinI parirakShatu || 16|| shrutisArasamuddhartrI shrutimArgavishAradA | nAdama~njarikA devI karNamUlaM sadAvatu || 17|| nAsAvaMshe sugandhADhyA pArijAtasugandhinI | prANalakShmIH sadA pAtu prANamArgaprabodhinI || 18|| kapolayoraruNimA pATalAmbhojavAsinI | lajjAratnapradA devI mR^iduvR^ittiM prayachChatu || 19|| oShThayoradharAmodA bimbaphalaprabhojjvalA | smitachandrikayA nityaM vadanaM parirakShatu || 20|| rasanAgre sarojAsyA vAgamR^itapravAhinI | shabdabrahmamayI devI jihvAM me paripAlayet || 21|| dantapa~Nktau sudhAshuktimuktAmAlAvibhUShitA | hAsajyotsnAmayI devI dantarAjimavatviti || 22|| hanudeshe hemarekhA chibuke chAruchandrikA | vAksaundaryapradA devI saumyabhAvaM prayachChatu || 23|| grIvAyAM gItamAdhuryadhAriNI rAgavallarI | kaNThanAlaM sadA pAtu kokilasvarama~njarI || 24|| skandhayorambaradharA maNikA~nchanabhUShitA | dhairyasampatpradA devI bhujavIryaM vivardhayet || 25|| bAhudaNDadvaye pAtu jayamAlAvibhUShaNA | karmasiddhipradA nityaM vijayashrIrmanoramA || 26|| kUrparadvandvamatyugrakarmavighnavinAshinI | maNibandhe maNijyotirmekhalA parirakShatu || 27|| karapadmadvaye pAtu padmahastikA shubhA | ratnA~NgulIyakadharA saubhAgyAmbhodhivardhinI || 28|| a~NgulIparvasu shrIdA nakharAjiShu chandrikA | sparshatattvasya rakShArthaM snehama~njarikA shubhA || 29|| urasi shrIniku~njasthA premapIyUShavarShiNI | hR^idambuje lalitA pAtu rahasyAnandadAyinI || 30|| hR^itpadmakarNikAmadhye chinmayUkhaprakAshinI | shrIshrIdevI sadApAtu bhaktibhAvapravardhinI || 31|| stanayoramR^itApUrapUritasvarNakumbhayoH | kShIrasindhusutA devI mAtR^ibhAvaM prayachChatu || 32|| stanAgrayoraruNimA bandhUkakusumaprabhA | lajjAma~njarikA pAtu komalatvaM dadAtu me || 33|| pArshvayoH padmareNUnA mandamArutachAlinI | saumyachChAyA sadApAtu shAntisa~nchArakAriNI || 34|| nAbhikUpe jagadbIjaprarohaparameshvarI | nAbhipadmaM sadA pAtu vishvayonivilAsinI || 35|| maNipUre mahAshrIshcha suvarNAmbudhivAsinI | dhairyaratnapradA nityaM vahnitattvaM vivardhayet || 36|| kaTideshe kalAkA~nchIjha~NkAraravasundarI | ratnamekhalinI pAtu lAsyalIlAvilAsinI || 37|| shroNIpIThe shashA~NkAbhA mANikyAmbaradhAriNI | rAjarAjeshvarI pAtu saundaryArNavamadhyagA || 38|| sphichau sindUrashoNA~NgI komalA~NgulichAlitAm | ramyachAmarasevityA ramaNIyA sadAvatu || 39|| guhyadeshe mahAguhyA kulaku~njaniketanA | rahasyakusumAmodA yogamudrA sadAvatu || 40|| yonimaNDalamadhyasthA vishvabIjaprasUrmahI | kAmakalyANikA pAtu sR^iShTirahasyarUpiNI || 41|| yonidvAraM sadApAtu trailokyajananI shubhA | ratnagarbhA jagaddhAtrI sarvasiddhiprasUrmama || 42|| garbhAshayaM sudhApUrNaM hemapadmavibhUShitam | bhuvanAmbhojanilayA mAtR^ibhAvena rakShatu || 43|| bIjakShetraM paraM divyaM mAyAmuktipradAyakam | AdyashaktiH sadA pAtu nityasR^iShTividhAyinI || 44|| Urudvandve marAlInAM gatigarvavinAshinI | mR^iNAlarekhikA pAtu lAvaNyAmR^itavarShiNI || 45|| jAnunI jAnakIshrIshcha bhaktisaurabhavarShiNI | tAriNI duHkhasindhUnAM pAramAvahadastu me || 46|| ja~NghAdvaye jaganmohA nIlotpalavilochanA | saukumAryapradA devI gamanashrIM prayachChatu || 47|| gulphayorindulekhA cha ma~njunUpuraniHsvanA | ratnaghaNTAravA pAtu shubhamArgapradarshinI || 48|| pAdapadmadvayaM pAtu padmahastA saroruhA | lakShmIrlolAlakashreNI premasindhupravAhinI || 49|| pAdA~NgulIShu kalyANI muktArashmivibhUShitA | bhUmisparshe.api me nityaM puNyavR^iddhiM prayachChatu || 50|| pR^iShThavaMshe prabhAmAlA merumadhyanivAsinI | kuNDalIbhUtachidvahniM jAgarUkaM karotu me || 51|| merudaNDe mahAvidyA yoginIyogavallabhA | sUkShmanADIsahasrANAM sa~nchAraM parirakShatu || 52|| asthisa~NghAtamakhilaM vajrashuktiprabhojjvalA | sthairyasampatpradA devI sadAvatvachalAM tanum || 53|| mAMsapeshIShu mandArA raktareNuprakAshinI | balapuShTipradA pAtu jIvanotsAhavardhinI || 54|| raktadhArAsu rAgashrIrjIvanAmR^itavAhinI | majjadhAtau mahAmedhA j~nAnagarbhA sadAvatu || 55|| tvachi champakagaurA~NgI saukumAryaikamandirA | sparshamAtreNa saubhAgyaM vitanotu nirantaram || 56|| romarAjiShu romA~nchapreriNI premarUpiNI | bhaktisa~njAtaharShANAM kAraNaM parirakShatu || 57|| prANe prANeshvarI pAtu prANavegaprabodhinI | apAne.apAnagamanA doShajAlavinAshinI || 58|| vyAne vyApakasa~nchArA sarvadehaprachAriNI | udAne vimalotkarShA chittamArgaprakAshinI || 59|| samAne samatArUpA tattvasantulanapradA | pa~nchaprANamayI devI sarvathA parirakShatu || 60|| nAge nAgapriyA pAtu kUrme kUrmagatipradA | kR^ikare kIrtidA devI devadatte shubhapradA || 61|| dhana~njaye cha me nityaM deharakShAvidhAyinI | upaprANagaNaM sarvaM mAtR^ibhAvena rakShatu || 62|| mUlAdhAre mahAlakShmIH kA~nchanAchalavAsinI | sthairyaratnapradA pAtu bhUshaktiM paripAlayet || 63|| svAdhiShThAne sudhAdhArA kAmakelivilAsinI | sR^iShTisaundaryasAraM me nityayuktaM karotu cha || 64|| maNipUre mahAshobhA vahnikoTisamaprabhA | tejorAshiM sadApAtu vIryasampatpradAyinI || 65|| anAhate lalitAmbA premapIyUShavarShiNI | hR^idayAmbhodhimadhye mAM karuNAbhiH plAvayet || 66|| vishuddhau shuddhavAgdevI gItaga~NgApravAhinI | mantrasArapradA nityaM kaNThamaNDalamAvishet || 67|| Aj~nAchakre mahAjyotirbhAnukoTiprakAshinI | sarvasandehasaMhartrI buddhidIpaM vivardhayet || 68|| sahasrAre sadAnandA chandrasUryAgnilochanA | amR^itadhArayA nityaM snApayatvantaraM mama || 69|| tataH siMhAsanotthAya smitachandravibhUShitA | shrImatI bhaktarakShArthaM shaktisa~NghAnachodayat || 70|| Aj~nAmAtreNa tasyAshcha divyAH shaktyaH sahasrashaH | ratnadIpashikhAkArAH samAyAnti disho dasha || 71|| pUrvadvAre padmarekhA pAtu padmadalakShaNA | dakShiNe kanakaprakhyA hemama~njIraniHsvanA || 72|| pashchime premama~njaryA karuNArasavarShiNI | uttare chandramAlAbhA shAntidhArAM prasArayet || 73|| AgneyyAM vahnijihvAbhA tejaHpu~njavikAsinI | naiR^ityAM bhIShaNachChAyA duShTavyUhavinAshinI || 74|| vAyavye veNunAdasthA gopalIlAvilAsinI | aishAnye chinmayUkhAbhA brahmavidyAprakAshinI || 75|| Urdhvadeshe sudhAsArA divyAmR^itaniShevitA | adhastAd bhuvanAdhArA dhR^itishaktiH sadAvatu || 76|| gR^iheShu gR^ihalakShmIrme prAkAraM parirakShatu | dvAre dvAre jayadvAryA shubhalakShmIrniveshitA || 77|| shayyAyAM shayanAmodA svapnavighnavinAshinI | nidrAyAM yoganidrA me chittashuddhiM prayachChatu || 78|| prabhAte bhAnulekhAbhA jAgaraNaprabodhinI | madhyAhne mAdhavI pAtu karmasiddhivivardhinI || 79|| sAyAhne sandhyaramaNI raktameghavilAsinI | ardharAtre rahasyeshI yogamArgaprakAshinI || 80|| mArgamadhye marAlAkShI dUrayAtrAsu rakShatu | vanamadhye vanamAlA siMhavyAghrabhayApahA || 81|| salile salilAkArA naukAyAtrAsu rakShatu | parvate parvatasthA sA durgamArgapradarshinI || 82|| rAjasabhyAmR^itavANI vAksiddhiM parirakShatu | vidvatsabhAsu vAgIshI shAstradIpaM vivardhayet || 83|| yuddhabhUmau jayajyotirdhairyagarjitadAyinI | shatrumadhye kShamArUpA krodhavahniM nirodhayet || 84|| senAmadhye sharachchandrA sa~NkalpaM paripAlayet | ashvayAnarathArUDhe vijayashrIH sadAvatu || 85|| vANijye vasudhAdhIshA nidhivR^iShTiM prayachChatu | kR^iShikShetre dhAnyalakShmIH pUrNashasyaM vivardhayet || 86|| goShThamadhye gopasundarI snehadhArAM pravarShatu | bAlakeShu jaganmAtA saumyabhAvaM prayachChatu || 87|| vidyAyAM vidyulallekhA granthagarbhaprakAshinI | kAvyeShu kavitAmAtA rasadhArAM prasArayet || 88|| gItavidyAM gItamAlA nR^itye nartanasundarI | chitrakarmaNi chitreshI rUpakalpanadAyinI || 89|| tantramArge rahasyaj~nA mantrabIjaprabodhinI | yogamArge yogamAyA chittavR^ittinirodhinI || 90|| dharme dharmaprabhA pAtu arthe sampatpradAyinI | kAme kAmakalArUpA mokShe mokShapradAyinI || 91|| mitramadhye priyAlApA sauhArdasya vivardhinI | bAndhaveShu dayAsArA premabandhaprarakShiNI || 92|| dAmpatye mAdhurIlakShmIH saukhyavR^iShTiM prayachChatu | santAne jananIdevI vaMshadIpaM vivardhayet || 93|| kIrtau kIrtikalApUrNA yashodhArA sadAvatu | bhAgye bhAgyasarojAkShI puNyasa~nchayakAriNI || 94|| rogakAle sudhAsindhurdhAtusAmyapradAyinI | shokakAle smitajyotiH hR^idayAnandakAriNI || 95|| durbhikShe dhAnyavarShiNyannapUrNA sadAvatu | ApadAM parvate ghore durgA durgatinAshinI || 96|| dR^iShTidoShe dR^igambojA bhUtadoShe bhayApahA | grahapIDAsu kAleshI grahajAlavibhedinI || 97|| viShavege sudhAsArA dAhavege himaprabhA | araNye nirjane mArge mAtR^ibhAvena rakShatu || 98|| vipattiShu vishAlAkShI sampattau vinayapradA | siddhau saumyasvabhAvA cha nAshayedabhimAnakam || 99|| evaM shaktigaNairyuktA ratnadIpasamujjvalA | shrImatI bhaktamAlokya smitapUrvamuvAcha ha || 100|| tataH smeramukhI devI sudhAbindunibhekShaNA | karuNAkulahR^idayA bhaktamenamabhAShata || 101|| mA bhaiShIrvatsa sarvatra mama premavasho.asi me | ityuktvA shaktichakrANi samantAdvyadadhAtsA || 102|| tatastArAgaNAkArAH shaktayaH koTishaH shubhAH | muktAhAralasadbhAso dehamenaM samAvishan || 103|| chittAkAshe chidAbhAsA chintAmaNivilAsinI | sa~Nkalpama~njarI pAtu manorAjyaM nirantaram || 104|| buddhau bodhasariddevI tattvadIpaprakAshinI | nirNayeShu nirAbAdhAM praj~nAM me samprayachChatu || 105|| smR^itau smeramukhI pAtu vedArthaparibodhinI | vismR^itau chApi me devi mArgadarshanadAyinI || 106|| aha~NkAraguhAM pAtu nirmalAdarshalochanA | madadarpavinirmuktiM saumyabhAvaM prayachChatu || 107|| manasaH kamalAntasthAM mandAkinyAH sudhArasAm | manoma~njulikA pAtu bhAvasaundaryavardhinI || 108|| bhAveShu bhAvagamyA sA premasAraikajIvikA | harShe hemaprabhA pAtu duHkhe dhairyapradAyinI || 109|| lajjAyAM lajjitAmbhojA kIrtau kIrtivilAsinI | shraddhAyAM shraddhikAshrIshcha bhaktau bhaktipravardhinI || 110|| ichChAshaktiM sadApAtu kAmabIjaprakAshinI | j~nAnashaktiM cha me pAtu chinmayUkhapravAhinI || 111|| kriyAshaktiM kriyAmAtA karmamArgaprabodhinI | trishaktirUpiNI devI sarvataH parirakShatu || 112|| nADIchakreShu sarveShu sudhAsrotaHpravAhinI | iDAyAM chandralekheva pi~NgalAyAM raviprabhA || 113|| suShumNAyAM parA jyotiH kuNDalIkusumapriyA | brahmanADIM sadApAtu muktidvAraprakAshinI || 114|| bIje bIjArtharUpA sA shabde shabdasvarUpiNI | varNeShu mAtR^ikAdevI mantreShu mantrarUpiNI || 115|| akShareShvakSharAkArA vedeShu vedavallabhA | tantreShu tantrahR^idayA yantreShu yantrarakShiNI || 116|| kAle kAlavilAsADhyA kShaNe kShaNavikAsinI | muhUrte ma~Ngalapraj~nA divasaM parirakShatu || 117|| pakShe pUrNakalAshrIshcha mAse mAsavivardhinI | R^ituShu R^itumatI pAtu saMvatsaravidhAyinI || 118|| janmasthAne janmamAtA bAlye bAlArkasundarI | kaumAre kusumApIDA yauvane yauvaneshvarI || 119|| gArhasthye gR^ihasaubhAgyA vanavAse tapasvinI | vArdhake j~nAnaga~NgA cha ante nirvANadAyinI || 120|| pitR^INAM puNyarekhA cha mAtR^INAM mAtR^imaNDalA | vaMshavR^ikShasya mUlasthA kuladIpA sadAvatu || 121|| bhrAtR^INAM snehamAlADhyA suhR^idAM hR^idayeshvarI | gurUNAM j~nAnagambhIrA shiShyAnugrahakAriNI || 122|| ratnakoShe ratnamAlA dhAnyakoShe dhaneshvarI | gajavAjidhanAdInAM vR^iddhiM me samprayachChatu || 123|| kShetre kShetrapriyA pAtu grAme grAmavilAsinI | nagare nagarAdhIshA rAShTre rAjyapradAyinI || 124|| bhUgarbhe nidhidAtrI cha toyagarbhe sudhAmayI | vyomni vyomavilAsADhyA dishaH sarvAH sadAvatu || 125|| yakShiNyaH kinnarIvR^indA gandharvyaH siddhayoShitaH | tasyAH pArshvagatAH sarvAH rakShAM kurvantu me sadA || 126|| vAshinyAdyAH samastAshcha yoginyo mantrakovidAH | mAtR^ikAchakrasaMyuktA dehamenaM samAvishan || 127|| kadambakAnane ramye ratnadvIpe manorame | chintAmaNigR^ihe divye siMhAsanavirAjitA || 128|| shrIjikA shrImatI devI shrIdevI shrIniketanA | gopAlI gopinI ramyA mAdhavI madhuma~njarI || 129|| mAlatI mR^idulApA~NgI chandrarekhAvilAsinI | kamalahastA padmAkShI hemakA~nchanabhUShaNA || 130|| bhaktamAlokya sasnehaM karuNArdrakaTAkShiNI | rakShAvyUhaM samutsR^ijya hR^idaye samatiShThata || 131|| hR^idambuje tataH shAntA chinmayUkhavibhAsurA | anantakoTibrahmANDasaundaryaikasvarUpiNI || 132|| lalitA paramapremNA pArabrahmasvarUpiNI | ante maheshvarI divyA mahAsundaryavatsalA || 133|| mahAsundarI mAM pAtu bahirantarnirantaram | jAgratsvapnasuShuptiShu sarvAvasthAsu sarvadA || 134|| evaM rakShAmayIM devIM hR^idayAmbhojasaMsthitAm | dhyAyan sAdhakavaryo.asau premanirbharamAnasaH || 135|| tadA ratnamaye dvIpe sudhAsindhostara~NgiNI | utthAya mandahAsADhyA devI vIkShya kR^ipAmayI || 136|| vitatAna chaturdikShu chidvilAsamayIM prabhAm | yayA vyAptamidaM sarvaM dR^ishyAdR^ishyaM charAcharam || 137|| tasya dehe tadA divyaM kavachaM bhAvarUpakam | na dIpyate kevalaM bAhye hR^idayAntargate.api cha || 138|| yatra yatra padaM dhatte kavachenAvR^ito naraH | tatra tatra svayaM devI pUrvameva pratIyate || 139|| akavacho na gantavyaM sAdhakena kadAchana | ya ichChedbrahmabhAvaM cha rakShAM cha nirupadravAm || 140|| ekamapyatha pAdaM yo rakShAhIno niveshayet | sa mUDho mArgamutsR^ijya ChAyAmevAbhidhAvati || 141|| kavachenAvR^ito nityaM brahmabhAvaparAyaNaH | chalannapi sthito vApi dhyAnastha iva dR^ishyate || 142|| taM dR^iShTvA bhUtasa~NghAshcha pretavetAlarAkShasAH | pishAchA brahmarakShAMsi yakShiNyo guhyachAriNaH || 143|| dUrAdeva palAyante vahnidagdhA iva drumAH | nAmashravaNamAtreNa bhItachittA disho yayuH || 144|| antarikShacharAH krUrA adR^ishyAshcha vighAtakAH | grahabandhakarA duShTA mAyAjAlapravartakAH || 145|| na spraShTuM shaktimApnoti kavachasthaM mahAshayam | yataH shrImatIchakreNa parivIto bhavedasau || 146|| trailokyavijayaM nAma tasya haste pratiShThitam | na shastrairna cha mantraishcha na yuktyA na parAkramaiH || 147|| yadi shakraH svayaM kruddho yadi viShNurvirodhakR^it | yadi lokapatiH kashchidviparItamanAH bhavet || 148|| tathApi rakShati kShipraM taM shaktiH parameshvarI | yato yeShAM prasUtA sA te tasyAH kiM kariShyati || 149|| yasya dveShTi mahAbhAgaM kavachasthaM nirantaram | tasya bhAgyalatAM kruddhA lekhinIshvarI likhet || 150|| nashyanti tasya saubhAgyaM mitravargo dhanAgamaH | yaH kAraNaM vinA nityaM sAdhakaM pIDayed dhruvam || 151|| kavachasyAsya pAThena japtena manasA saha | bahavo mantratantrAdyA svayameva phalapradAH || 152|| nAnyadAshrayaNIyaM syAt sAdhakasya visheShataH | yadA mAtR^ikR^ipA jAtA kavachenaiva kevalam || 153|| vighnArthaM gajavaktraM cha janA yAnti punaH punaH | vairAgyaj~nAnalAbhAya rudraM yAnti tapasvinaH || 154|| mokShArthaM viShNumAshritya sUryaM chakShuHpravR^iddhaye | bhogamokShapradAM devIM dhanArthaM kamalAlayAm || 155|| kintu yasyAM padAmbhoje sarva ete kR^itA~njaliH | tAM lekhinIshvariM nityaM kechit jAnanti durlabhAm || 156|| sA svayampUrNasAmarthyA sarvadAnaikatatparA | yatphalaM devatAbhedairlabhyate bahusevayA || 157|| tatsarvaM labhate sadyaH kavachasyAsya dhArakaH | anugraheNa mAtraikyA shrImatIparameshvaryA || 158|| iti shrIsiddhAshramatantre siddhayogisaMvAde jagadvyApinIparabrahmaNI\- lekhinIshvaryAH divyakavachaM sampUrNam || ## Encoded and proofread by Durga Sharma \medskip\hrule\obeylines Please send corrections to sanskrit@cheerful.com Last updated \today https://sanskritdocuments.org \end{document}