% Text title            : mahAmArIstotram
% File name             : mahAmArIstotram.itx
% Category              : devii
% Location              : doc\_devii
% Proofread by          : PSA Easwaran psaeaswaran at gmail.com
% Description-comments  : Brihatstotraratnakara 2, Narayana Ram Acharya, Nirnayasagar, stotrasankhyA 225-425
% Latest update         : March 23, 2017
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Mahamaristotram ..}##
\itxtitle{.. mahAmArIstotram ..}##\endtitles ##

shrIgaNeshAya namaH ||
devyuvAcha |
purA brahmA tu mAM sR^iShTvA samAhUyAbravIdvachaH |
shR^iNu me vachanaM putri kuruShvAdyAtha sAdaram || 1||
kalau janA durAchArA rAjAnashcha tathAvidhAH |
ato gatvA bhuvaM devi mR^ityurUpA bhavAshu cha || 2||
paradravyApahartAraH parastrIniratAH sadA |
devasvaharaNe saktA brahmasvaharaNe nR^ipa || 3||
teShAM doShavashAttvaM tu janAn saMhara nityashaH |
brahmaNaivaM samAdiShTA indrAdyaiH surasattamaiH || 4||
bhuvaM samAgatA tatra janA~nj~nAtvAtha pApinaH |
rAj~no doShAnpuraskR^itya grAme grAme vasAmyaham |
tatrApi pApino hatvA punargrAmAntaraM bhaje || 5||
evaM deshAnaTitvA.ahaM sarvAnsaMhR^itya vai janAn |
punargachChAmi sadanaM brahmaNaH parameShThinaH || 6||
evaM madAgamaM j~nAtvA buddhimAnpuNyakR^innaraH |
vichArya shAstrato nityaM jAgarUko bhavedalam || 7||
patanti mUShikA yatra nR^ityanti viramanti cha |
tadgR^ihaM tatkShaNaM tyaktvA sakuTumbo vane vishet || 8||
tatra shAntiM prakurvIta mahAdevyAH samIritAm |
japitvA cha mahAmantraM paThitvA stotramuttamam || 9||
\ldq{}OM namo bhagavati mahAmArike mR^ityurUpiNi sakuTumbaM mAmava svAhA |\rdq{}
vane jalAshayaM gatvA UrdhvabAhuradhomukhaH |
vIrAsane chopavishya japenmantraM sahasrashaH || 10||
saMsthApya pratimAM tatra dhUpadIpopahArakaiH |
sampUjya vidhivatpashchAjjuhuyAtpratyahaM naraH || 11||
haridrAchUrNamishreNa chitrAnnenaiva saMyutaH |
samidbhiH khadirairbhaktyA brAhmaNaishcha samanvitaH || 12||
patnIputrAtmabhR^ityaishcha juhuyAdanuvAsaram |
homAnte cha paThennityaM stotrametajjitendriyaH || 13||
namo devi mahAdevi sarvashokavasha~NkarI |
sarvadA sarvato mahyaM kR^ipAM kuru kR^ipAmayi || 14||
merau kailAsashikhare hemAdrau gandhamAdane |
nityapriyakR^itAvAse madyamAMsabalipriye || 15||
mahAsainyasamAyukte sarvaprANavihiMsake |
sarvAbhichArike devi sarvaM tvaM rakSha sarvadA || 16||
yatra kutra sthale vApi yasmin kasmin yadA tadA |
rakSha mAM rakSha mAM devi saputrapashubhR^ityakam || 17||
mA~NgalyaM ma~NgalaM dehi mahAma~NgaladAyini |
lokAnAmabhaye sarvama~Ngale ma~Ngalapriye || 18||
iti stutvA mahAdevIM bhaktibhAvena saMyutaH |
bhu~njIta svajanairyukto devIM tAM manasA smaran || 19||
yadA svagR^ihachaityeShu dhvA~NkSharAvo bhaviShyati |
kAkashAntiM tataH kR^itvA gR^ihaM gantumupakramet || 20||
sumuhUrte sunakShatre svala~NkR^itya tato gR^iham |
brAhmaNairbandhubhiH sArdhaM saMvishedgR^ihamAtmanaH || 21||
svastivAchanaviprebhyaH shAntisUktoktipUrvakam |
dakShiNAM cha hiraNyAdiM dadyAchChATyavivarjitaH || 22||
brAhmaNAnbhojayitvA cha devIM tAM prArthayedgR^ihe |
gachCha gachCha mahAdevi svasthAnaM ma~NgalaM kuru || 23||
evaM kR^ityavidhAnena mArikAshAntiruttamA |
jAyate nAtra sandehaH satyaM satyaM samIritam || 24||
ityetatkathitaM devyA devebhyaH svAtmasambhavam |
mAhAtmyaM paThitaM yena so.api mA~NgalyamApnuyAt || 25||
likhitaM pustakaM yasya gR^ihe tiShThati sarvadA |
tasya mArIbhayaM nAsti satyaM satyaM mayoditam || 26||
pustakaM pUjayedyastu shraddhayA parayA sadA |
so.api mA~NgalyamApnoti ihAmutra parAM gatim || 27||
sarvaM tyaktvA sAdhayeta devIM yatnairdhanairapi |
stoShyanti parayA bhaktyA sarvakAmArthasiddhaye || 28||
biDAlA yatra nashyanti yatra nashyanti mUShikAH |
sthAnaM tachcha parityajya sthAnaM shUnyaM cha kArayet || 29||

iti shrIdevIpurANe shrImahAmArikAstotraM sampUrNam ||

##
Proofread by PSA Easwaran psaeaswaran at gmail.com

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}