% Text title            : Mahamaya Ashtakam
% File name             : mahAmAyAShTakam.itx
% Category              : devii, aShTaka
% Location              : doc\_devii
% Author                : (paiNganADu) gaNapatishAstri
% Proofread by          : Rajesh Thyagarajan
% Description/comments  : From Stotrasamuchchaya 2, Edited by Pandit K. Parameshwara Aithal
% Latest update         : May 10, 2023
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Mahamaya Ashtakam ..}##
\itxtitle{.. mahAmAyAShTakam ..}##\endtitles ##
satsvanyeShvapi daivateShu bahuShu prAyo janA bhUtale
      yAmekAM jananIti santatamamI jalpanti tAdR^igvidhA |
bhaktastomabhayapraNAshanachaNA bhavyAya dIvyatvasau
      devI sphoTavipATanaikachaturA mAtA mahAmAyikA || 1||
mAtetyAhvaya eva jalpati mahad vAtsalyamasmAsu te
      kAruNye tava shItaleti yadidaM nAmaiva sAkShIyate |
itthaM vatsalatAdayAnidhiriti khyAtA tvamasmAnimAn
      mAtaH kAtaratAM nivArya nitarAmAnanditAnAtanu || 2||
pratyakShetaravaibhavaiH kimitairairdevavrajaistAdR^ishai\-
      rnindAyAmapi cha stutAvapi phalaM ki~nchinna ye tanvate |
yA nindAstavayoH phalaM bhagavatI datse.anurUpaM kShaNA\-
      nnUnaM tAdR^ishavaibhavA vijayase devi tvamekA bhuvi || 3||
vR^ittAntaM vividhaprakAramayi te jalpanti loke janA\-
      stattvaM nopalabhe tathaiva na vidhiM jAne tvadArAdhane |
tasmAdamba kathaM punaH kalayituM shaktAsmi te pUjanaM
      nUnaM vachmi dayAnidhe.avatu jaDAnasmAn bhavatyAdarAt || 4||
rodaMrodamudIrNabAShpalaharIklinnAnane te shishA \-
      vasmin tapyati ki~nchidatra karuNAdR^iShTiM vidhatse na chet |
pAtuM sphoTagadAt paTutvamiva te kasyAsti mAtarvada
      kvAyaM gachChatu kasya pashyatu mukhaM kA vA gatirlabhyatAm || 5||
dharmyAnuchcharatAM pathaH kalayatAM doShAMstathA chAtmanaH
      svairaM nindanamAtanotu satataM dveShyepathe tiShThatu |
etAvatyapi vatsake kila shuchaM yAte manAk tatkShaNaM
      tattrANe jananI prayAsyati hi tanmAtastvamasmAnava || 6||
AbAlasthaviraM prasiddhamayi te mAteti yannAma tad
      goptuM naiva hi shakyamamba tadasau tAdR^igvidhA tvaM yadi |
asmin khidyati vatsake na tanuShe mAturguNaM chettadA
      nUnaM syAdapavAdapAtramayi tanmAtastvamasmAnava || 7||
muktAhAramanoharadyutiyutAM mUrtiM narAstAvakIM
      ye dhyAyanti mR^iNAlatantusadR^ishIM nAbhIhR^idorantare |
te ghorajvarabhArajAtaviShamasphoTasphuTaddhuH saha\-
      kledodyatkaTupUtigandhamayi no jAnantyamI jAtvapi || 8||
kAruNyAmbudhishItalApadapayojAtadvayIbhAvanA\-
      jAtasphItahR^ida(mbujA)mitasudhAniryAsarUpAmimAm |
ye martyA stutimAdarAd gaNapatervaktrAmbujAnniHsR^itAM
      vishvAsena paThanti te na dadhate sphoTavyathAM jAtuchit || 9||

iti (pai~NganADu) gaNapatishAstrikR^itaM shrImahAmAyAShTakaM sampUrNam |
stotrasamuchchayaH 2 (95)
##
Painnanadu Ganapatisastrin is a recent author
(A.D. 1871-1913) and a reputed scholar, being a
disciple of Mm. Mannargudi Rajusastrin ( alias
Tyagarajamakhin) belonging to Appayadiksita’s
family. Mahamayasiaka (95) is probably on some
local deity who is described as the protector
against the sphota (boils; perhaps some kind of
epidemic like smallpox is meant).


Proofread by Rajesh Thyagarajan 

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}