% Text title            : Maharajni Stotram 2 Maharajni Stavarajah 
% File name             : mahArAjnIstotram2.itx
% Category              : devii, otherforms, devI, stavarAja
% Location              : doc\_devii
% Transliterated by     : Harmander Singh
% Proofread by          : Harmander Singh
% Latest update         : August 18, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Maharajni Stotram 2 Maharajni Stavaraja ..}##
\itxtitle{.. shrImahArAj~nIstotram 2 mahArAj~nIstavarAjaH ..}##\endtitles ##
OM shrIbhairava uvAcha |
adhunA kathayiShyAmi stotrarAjaM parAtparam |
mUlamantramayaM divyaM tattvabhUtaM manoharam ||
rAj~nIpriyaM pApaharaM lakShapUjAphalapradam |
japalakShasamaM stotraM dhyAnakoTisamaM priye ||
rAj~nIstotrasya deveshi brahmA R^iShirudAhR^itaH |
gAyatrI Chanda ityuktaM shrIrAj~nI devateritA ||
mAyA bIjaM parA shaktiH kAmaH kIlakamIshvari |
bhogApavargasid.hdhyarthe viniyogaH prakIrtitaH ||

OM asya shrImahArAj~nIstavarAjasya shrIbrahmAR^iShiH |
gAyatrI ChandaH, shrImahArAj~nI bhUteshvarI devatA,
hrIM bIjaM, sauH shaktiH, klIM kIlakaM,
Atmano Atmano vA~NmanaHkAyopArjitapApanivAraNArthaM
shrImahArAj~nIprasAdadvArA bhogApavargasid.hdhyarthe,
pAThe viniyogaH ||
dhyAnam |
udyaddivAkarasahasraruchiM trinetrAM
siMhAsanoparigatAmuragopavItAm |
khaDgAmbujADhyakalashAmR^itapAtrahastAM
rAj~nIM bhajAmi vikasadvadanAravindAm ||
tAramindukalikAvataMsitaM
vedasAgaramaNiM manoharam |
yo japeduShasi ratnamAlayA
rAjyamAshu labhate sa sAdhakaH || 1||
bhUtimindunavabimbamaNDitAM
nAdavindulalitAM japettu yaH |
vAramekamuruvAraNasthito
jeShyati smayamayAna.arInraNe || 2||
rasAM japedyo bhuvaneshi mantrI
tvanmantramadhye madanopataptaH |
rambhAM samAli~Ngya vimAnachArI
lIlAM bhajennandanavATikAyAm || 3||
vahnibIjamaNimAdyasiddhidaM
bindubimbashashikhaNDamaNDitam |
yo japennishi dhanAbhilAShavAn
sa kShaNAdbhavati vittadopamaH || 4||
kAmarAjamamarAbhivanditaM yo
japennidhuvane.akShamAlayA |
tasya yAnti vashatAM surA~NganAH
kiM punarjagati bhUbhR^ida~NganAH || 5||
shaktiM bhaktyA yo japechChaktipUjA\-
kAle kAlIpAdapadmArpitAntaH |
naktaM tasya smeravavaktrA ghR^itAchI
vashyA veshyA svargatA vA shachI cha || 6||
bhagavatyai tathA rAj~nyai nAmamantramiti smaret |
yo devi tasya vashyAH syurbhairavasyAShTasiddhayaH || 7||
mAyAM namonte yadi sAdhakendro
japenmaheshAni shivAlayasthaH |
tatraiva devIM paramArtharAj~nIM
pashyetsa sadyo varasiddhidAtrIm || 8||
ThadvayaM yadi japennishAkShaye
kShIrabhuk svataTinItaTasthitaH |
jiShNu viShNukamalAsaneshvarA
yAnti devi vashatAM tadA kShaNAt || 9||
bhUgehavR^ittatrayanAgapatra\-
ShaDArayonyashrakabindubimbe |
niSheduShIM rAjakulAdhidevIM
rAj~nIM bhaje rAjakalAvataMsAm || 10||
devi shrIbhUtadhAtrIpravaraguNamaye
niShkale nirguNe me mAye mAtaH sharaNye
girivaratanaye chinmaye tattvarUpe |
durge chaNDi pramAthe tripuravijayini
smeravaktre vareNye kAruNyADhye prashaste
suraditijanute rAj~ni vai tvaM prasIda || 11||
iti stotraM mantrasphuraNakaruNAnandanilayaM
paThedbhaktyA prAtastava girisute yoganilayam |
bhavetsadyo bhUmau nR^ipamukuTanIrAjitapado\-
.amR^ito muktiM vAnte tava bhavanamApnoti varade || 12||
iti rAj~nyAH paraM tattvaM pa~nchA~NgamakhilaM shive |
sarvasvaM cha rahasyaM cha sarvasArasvanapradam || 13||
AnandavardhanaM guhyaM paramaishvaryakAraNam |
bhogApavargadaM puNyaM dAridryabhayanAshanam || 14||
rAjyapradaM bhaktikaraM sarvashatrunibarhaNam |
pa~nchA~NgamakhilaM devyA na vaktavyaM durAtmane |
tava bhaktyA mayA khyAtaM gopanIyaM prayatnataH || 15||

iti shrIrudrayAmale tantre dashavidyArahasye shrImahArAj~nIstavarAjaH ||

shrImahArAj~nIstotram
##


\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}