% Text title            : mahAlakShmI stotram
% File name             : mahaalaxmiistotra.itx
% Category              : devii, lakShmI, stotra, devI
% Location              : doc\_devii
% Author                : Traditional
% Proofread by          : Ravin Bhalekar ravibhalekar at hotmail.com, Karthik Raman karthik.raman at gmail.com
% Description-comments  : Shri Vishnupurana amsha 1, adhyAya 9, shloka 117-149, also Gita Press Book  1774 Devi StotraRatnakara
% Latest update         : July 08, 2004, November 14, 2018
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. shrImahAlakShmIstotram from Vishnu Purana ..}##
\itxtitle{.. shrImahAlakShmIstotram viShNupurANAntargatam ..}##\endtitles ##

shrIgaNeshAya namaH |
shrIparAshara uvAcha
si.nhAsanagataH shakrassamprApya tridivaM punaH |
devarAjye sthito devIM tuShTAvAbjakarAM tataH || 1||
indra uvAcha
namasye sarvalokAnAM jananImabjasambhavAm | ##var ## sarvabhUtAnAM
shriyamunnidrapadmAkShIM viShNuvakShaHsthalasthitAm || 2||
padmAlayAM padmakarAM padmapatranibhekShaNAm
vande padmamukhIM devIM padmanAbhapriyAmaham || 3||
tvaM siddhistvaM svadhA svAhA sudhA tvaM lokapAvanI |
sandhyA rAtriH prabhA bhUtirmedhA shraddhA sarasvatI || 4||
yaj~navidyA mahAvidyA guhyavidyA cha shobhane |
AtmavidyA cha devi tvaM vimuktiphaladAyinI || 5||
AnvIkShikI trayI vArtA daNDanItistvameva cha |
saumyAsaumyairjagadrUpaistvayaitaddevi pUritam || 6||
kA tvanyA tvAmR^ite devi sarvayaj~namayaM vapuH |
adhyAste devadevasya yogachintyaM gadAbhR^itaH || 7||
tvayA devi parityaktaM sakalaM bhuvanatrayam |
vinaShTaprAyamabhavattvayedAnIM samedhitam || 8||
dArAH putrAstathA.a.agArasuhR^iddhAnyadhanAdikam |
bhavatyetanmahAbhAge nityaM tvadvIkShaNAnnR^iNAm || 9||
sharIrArogyamaishvaryamaripakShakShayaH sukham |
devi tvaddR^iShTidR^iShTAnAM puruShANAM na durlabham || 10||
tvamambA sarvabhUtAnAM devadevo hariH pitA | ##var ## tvaM mAtA sarvalokAnAM
tvayaitadviShNunA chAmba jagadvyAptaM charAcharam || 11||
mA naH koshastathA goShThaM mA gR^ihaM mA parichChadam |
mA sharIraM kalatraM cha tyajethAH sarvapAvani || 12||
mA putrAnmA suhR^idvargAnmA pashUnmA vibhUShaNam |
tyajethA mama devasya viShNorvakShaHsthalAshraye || 13||
sattvena satyashauchAbhyAM tathA shIlAdibhirguNaiH |
tyajyante te narAH sadyaH santyaktA ye tvayA.amale || 14||
tvayA.avalokitAH sadyaH shIlAdyairakhilairguNaiH |
kulaishvaryaishcha pUjyante puruShA nirguNA api || 15||
sa shlAghyaH sa guNI dhanyaH sa kulInaH sa buddhimAn |
sa shUraH sa cha vikrAnto yastvayA devi vIkShitaH || 16||
sadyo vaiguNyamAyAnti shIlAdyAH sakalA guNAH |
parA~NgamukhI jagaddhAtrI yasya tvaM viShNuvallabhe || 17||
na te varNayituM shaktA guNA~njihvA.api vedhasaH |
prasIda devi padmAkShi mA.asmA.nstyAkShIH kadAchana || 18||
shrIparAshara uvAcha
evaM shrIH sa.nstutA samyak prAha hR^iShTA shatakratum |
shR^iNvatAM sarvadevAnAM sarvabhUtasthitA dvija || 19||
shrIruvAcha
parituShTAsmi devesha stotreNAnena te hare |
varaM vR^iNIShva yastviShTo varadA.ahaM tavAgatA || 20||
indra uvAcha
varadA yadimedevi varArho yadi vA.apyaham |
trailokyaM na tvayA tyAjyameSha me.astu varaH paraH || 21||
stotreNa yastathaitena tvAM stoShyatyabdhisambhave |
sa tvayA na parityAjyo dvitIyo.astu varo mama || 22||
shrIruvAcha
trailokyaM tridashashreShTha na santyakShyAmi vAsava |
datto varo mayA.ayaM te stotrArAdhanatuShTayA || 23||
yashcha sAyaM tathA prAtaH stotreNAnena mAnavaH |
stoShyate chenna tasyAhaM bhaviShyAmi parA~NgmukhI || 24||
shrIpArAshara uvAcha
evaM varaM dadau devI devarAjAya vai purA |
maitreya shrIrmahAbhAgA stotrArAdhanatoShitA || 25||
bhR^igoH khyAtyAM samutpannA shrIH pUrvamudadheH punaH |
devadAnavayatnena prasUtA.amR^itamanthane || 26||
evaM yadA jagatsvAmI devarAjo janArdanaH |
avatAraH karotyeShA tadA shrIstatsahAyinI || 27||
punashchapadmA sambhUtA yadA.adityo.abhavaddhariH |
yadA cha bhArgavo rAmastadAbhUddharaNItviyam || 28||
rAghavatve.abhavatsItA rukmiNI kR^iShNajanmani |
anyeShu chAvatAreShu viShNorekhA.anapAyinI || 29||
devatve devadeheyaM mAnuShatve cha mAnuShI |
viShNordehAnurupAM vai karotyeShA.a.atmanastanum || 30||
yashchaitashR^iNuyAjjanma lakShmyA yashcha paThennaraH |
shriyo na vichyutistasya gR^ihe yAvatkulatrayam || 31||
paThyate yeShu chaivarShe gR^iheShu shrIstavaM mune |
alakShmIH kalahAdhArA na teShvAste kadAchana || 32||
etatte kathitaM brahmanyanmAM tvaM paripR^ichChasi |
kShIrAbdhau shrIryathA jAtA pUrvaM bhR^igusutA satI || 33||
iti sakalavibhUtyavAptihetuH stutiriyamindramukhodgatA hi lakShmyAH |
anudinamiha paThyate nR^ibhiryairvasati na teShu kadAchidapyalakShmIH || 34||

|| iti shrIviShNupurANe mahAlakShmI stotraM sampUrNam ||

##
Shri Vishnupurana amsha 1, adhyAya 9, 117-149

Proofread by Ravin Bhalekar ravibhalekar at hotmail.com and
Karthik Raman karthik.raman at gmail.com


\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}