% Text title            : Manasa Devi Kavacham
% File name             : manasAdevIkavacham.itx
% Category              : devii, devI, tantra, kavacha
% Location              : doc\_devii
% Description/comments  : provided by Madhav Das
% Latest update         : July 26, 2026
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Manasadevi Kavacham ..}##
\itxtitle{.. shrImanasAdevIkavacham ..}##\endtitles ##
atha shrI manasA tantraM tR^itIyapaTalaH |
|| OM ||
bhairavyuvAcha |
devadeva mahAdeva krodhabhairava sha~Nkara |
shrutA mayA mahAvidyA guhyaguhyatarA parA || 1||
idAnIM shrotumichChAmi kavachaM paramAdbhutam |
yaddhR^itvA sAdhako nityaM nirbhayo vicharedbhuvi || 2||
yena guptaM sharIraM syAnmanaH prANAshcha sarvadA |
vighnadoShabhayairmukto deviputra iva sthitaH || 3||
yadi te.ahaM priyA deva kathayasva dayAnidhe |
chintApUrNimanasyAstu kavachaM siddhidaM param || 4||
krodhabhairava uvAcha |
shR^iNu devi pravakShyAmi kavachaM paramAdbhutam |
chintApUrNimanasyAstu sarvarakShAkaraM shubham || 5||
kashyapa R^iShirAkhyAto.anuShTupChanda udAhR^itam |
devatA mAnasAmbAkhyA kavache.asmin prakIrtitA || 6||
gopanIyaM prayatnena sAdhakairbhaktitatparaiH |
na dAtavyaM durAchArairnAstikAya kadAchana || 7||
mAnasAmbA shiraH pAtu padmAvatyatha mUrdhani |
kashyapAtmajikA pAtu lalATaM lokapUjitA || 8||
vaiShNavI me dR^ishau pAtu trinetrA bhrUyugaM mama |
jagatgaurI shrutI pAtu sarvashabdaprakAshinI || 9||
viShaharI nAsikAM pAtu vadanaM ma~NgalapradA |
siddhayoginikA jihvAM dantAn pAtu dayAmayI || 10||
raktavarNA cha me kaNThaM chandrachUDAnvitA tathA |
nAgamAlAdharA skandhau pAtu nAgeshapUjitA || 11||
chaturbhujA bhujau pAtu padmahastA karadvayam |
abhayapradA me nityaM karA~NgulyaH shivapriyA || 12||
phaNirAjavarA pAtu vakShaHsthalamanuttamam |
dharmendrarAjagR^ihiNI hR^idayaM me sadAvatu || 13||
jagatkArupriyA devI pArshvayugmaM sadAvatu |
AstIkajananI pAtu nAbhiM me nAgavallabhA || 14||
ma~NgalachaNDikA pAtu kaTiM me siddhidAyinI |
yogamAyA guhyadeshaM rahasyaM parirakShatu || 15||
raktAmbarA sakthinI me jAnunI padmadhAriNI |
mahAnAgeshvarI ja~Nghe pAtu bhaktArthasiddhidA || 16||
viShashAntikarI gulphau pAdau padmAvatI mama |
nakhAn nAgapriyA pAtu pAdatalaM shubhapradA || 17||
prAchyAM mAM mAnasA pAtvAgneyyAM siddhayoginI |
dakShiNe ma~NgalA pAtu nairR^ityAM nAgasundarI || 18||
vAruNyAM viShahantrI cha vAyavyAM padmalochanA |
udIchyAM kashyapasutA aishAnyAM jagadambikA || 19||
Urdhve nAgeshvarI pAtvadhastAtpadmavAsinI |
antarbahishcha mAM pAtu chintApUrNA nirantaram || 20||
jale sthale cha gahane parvate kAnane.api cha |
mAnasAmbA sadA pAtu viShadoShabhayApahA || 21||
svapne jAgaraNe chaiva dhyAne japaparAyaNaH |
rakShatu prANasantAnaM nAginI nAgarakShiNI || 22||
rAjadvAre sabhAmadhye sa~NgrAme shatrusa~NkaTe |
chintApUrNA sadA pAtu bhaktaM me bhayavarjitam || 23||
dAridrye duHkhasampAte rogapIDAsamAgame |
ma~NgalachaNDikA pAtu sarvadA karuNAnidhiH || 24||
grahapIDAsu sarvAsu bhUtapretabhayeShu cha |
dharmendrarAjamahiShI mAM pAtu parameshvarI || 25||
sarvA~NgaM sarvadA pAtu sarvaj~neshvaravallabhA |
mAnasAmbA mahAdevI nityaM me kavacheshvarI || 26||
phalashrutiH |
idaM kavachamaj~nAtvA yo japenmAnasAM parAm |
tasya siddhirna jAyeta kalpakoTishatairapi || 27||
kavachenAvR^ito mantrI japenmantramananyadhIH |
tadA prasAdamApnoti mAnasAmbAprasAdataH || 28||
yaH paThetprAtarutthAya shuchirbhUtvA samAhitaH |
tasya vighnAH praNashyanti himavadbhAskarodayAt || 29||
madhyAhne bhaktibhAvena sAyaM vA shraddhayAnvitaH |
kavachasyAsya pAThena devI tuShyati nityashaH || 30||
nAgadaMshabhayaM tasya na viShasya cha vikriyA |
nAgapIDA na chApattirbhavetkavachadhAriNaH || 31||
kAlasarpabhayaM ghoraM kuladoShaM tathaiva cha |
grahapIDAM kShaNAddevI shamayetkavachapriyA || 32||
duHsvapnaM dAruNaM ghoraM dAridryaM duHkhasa~nchayam |
nAshayetkavachaM divyaM dIpo.andhakAramiva || 33||
araNye nirjane deshe mahAghore bhayAvahe |
kavachaM smarato nityaM na bhayaM vidyate kvachit || 34||
rAjadvAre vivAdeShu shastrAstrasamupasthite |
jayameva labhennityaM devyAH kavachadhArakaH || 35||
sAgare parvate vApi durgame kAnane.api cha |
mArgabhraMsho na tasyAsti rakShitA mAnasAyayA || 36||
rogiNo rogamuktAH syurduHkhitAH sukhabhAginaH |
nirbalA balino devyAH kavachasya prabhAvataH || 37||
aputro labhate putraM nirdhano dhanavAnbhavet |
vidyArthI labhate vidyAM yasho labhati mAnavaH || 38||
gR^ihe nityaM shriyaM devI dhAnyapUrNAM prayachChati |
kalaho na bhavettatra yatraitatparipaThyate || 39||
bhUtapretapishAchAshcha DAkinyo yoginIgaNAH |
dUrAdeva palAyante vahnerdhUma iva drutam || 40||
abhichArakR^itaM karma viShayogaH kR^ito.api vA |
kavachasya prabhAveNa svayameva vinashyati || 41||
yatraitallikhitaM devi pUjitaM bhaktitatparaiH |
tatra nityaM vaseddevI nAgarAjasamanvitA || 42||
svarNe raupye tAmrapatre bhUrjapatre.athavA punaH |
likhitvA dhArayedbhaktyA sarvarakShAM labhennaraH || 43||
kaNThe bAhau shirodeshe hR^idaye vA samAhitaH |
dhArayan kavachaM divyaM sarvatra vijayI bhavet || 44||
yasya gR^ihe bhavedetatkavachaM pUjitaM sadA |
tatra lakShmIH sthirA nityaM ma~NgalaM cha dine dine || 45||
alpAyurvA mahAyurvA pApakarmarato.api vA |
devIkR^ipAM samAsAdya shubhamArgaM prapadyate || 46||
bhaktihInAya mUrkhAya nindakAya durAtmane |
na deyaM kavachaM devi na prakAshyaM katha~nchana || 47||
gurubhaktAya shAntAya shraddhAlave jitAtmane |
shivashaktiparAyaiva pradeyaM siddhikA~NkShiNe || 48||
ekavAraM paThedyastu puNyaM varShashatAdhikam |
trivAraM yaH paThennityaM sarvAbhIShTaphalaM labhet || 49||
dashavAraM paThennityaM sarvavidyAvishAradaH |
shatavAraM paThenmantrI kavachasya prasAdataH || 50||
sahasrapaThanAdasya mantrasiddhiH prajAyate |
mAnasAmbAprasAdena nAtra kAryA vichAraNA || 51||
ityetatkathitaM devi chintApUrNimanaHkavacham |
rahasyaM sarvatantreShu gopanIyaM prayatnataH || 52||

iti manasAtantre tR^itIyapaTale manasAdevIkavachaM sampUrNam |

##

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}