% Text title            : Muktipurasthadevi Stotram
% File name             : muktipurasthadevIstotram.itx
% Category              : devii, devI, stotra, otherforms
% Location              : doc\_devii
% Proofread by          : Mohan Chettoor
% Description/comments  : From Stotras Samahara Part 1 (ed. K.Raghavan Pillai)
% Latest update         : September 4, 2022
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Muktipurasthadevi Stotram ..}##
\itxtitle{.. muktipurasthadevIstotram ..}##\endtitles ##
nikhilanigamavedyaM tAvakAnaM charitraM
     nigaditumasamarthastattvabodhasvarUpe |
bhagavati tadapi tvAM bhaktibhArAkulo.ahaM
     kathamapi jagadIshe stomi muktisthalasthe || 1||
satatavinatabhaktavrAtachitAmbujArti\-
     prashamanakushalodyadrAgapAdAravinde |
agatiragasute.ahaM tvatprasAdAbhilAShI
     bhagavati niyataM tvAM naumi muktisthalasthe || 2||
jananamaraNaghorakShvelavArAkarAntaH\-
     patana vivashalokatrANadakShAn kaTAkShAn |
janani tava dayArdrAn ninditendIvarAbhA\-
     nanudinamAya mahyaM dehi muktisthalasthe || 3||
vishiShTapadapa~Nkajasrutamarandasasavana\-
     prahR^iShTadharaNIsurabhramarasa~nchayaira~nchite |
triviShTapasame guNairmahati muktigaha sthitA\-
     mabhiShTutakathAmumAmanishamAshraye shAshvatIm || 4||
atitvaramuditvarapraNayapeshalAlokana\-
     pravR^iddhakutukAkulasmaraharA~Ngasa~Ngotsuke |
jagattritayabhUShaNaM janani muktigehasthite
     padadvitayamanvahaM mayi nidhehi shalAtmaje || 5||
sarojadaLalochanAM satataliptagorochanAM
     vinoditagajAnanAM vimalapUrNachandrAnanAm |
namAmi girinandanAM nataviri~nchasa~NkrandanAM
     vivekikR^itabhAvanAM vihitamuktigehAvanAm || 6||
surAsuranamaskR^ite sulalitA~NgadAla~NkR^ite
     munIndranihArate muditabhaktalokAvR^ite |
manoharatarAkR^ite madanavairisammAnite
     maheshvari namo.astu te mahitamuktisadmAsthite || 7||
manoj~nanayanA~nchalaM manasijAhite cha~nchalaM
     kuchadvayajitAchalaM ghR^isR^iNara~njitorassthalam |
mahattamadayAkulaM manasi me sadA nistulaM
     mahaH sphuratu nishchalaM mahitamuktigehojjvalam || 8||
manojanmArAtermahiShi mahiShadhvaMsini shive
     dunomyApanno.ahaM maraNamanuchintyAtibhayadam |
manoj~naM te pAdadvayamaruNapAthojasadR^ishaM
     vinodAya syAnme vilAsitatanA muktinilaye || 9||
bhavAmbhodhiM ghoraM viShayachayakallolaviShamaM
     javAduttIryArtavyasanashamanAtyantanipuNe |
bhavAni tvannetraprasR^itagurukAruNyajaladhau
     bhavAni snAto.ahaM divasamanu muktisthalagate || 10||
vimohAdyairbaddho vivashatarachitto.ahamanishaM
     pramAdaM te labdhaM paramasukhasandAyini shive |
ramAnAthAmbhojAsana harihayAdyAtaguNa
     namAmi tvAM bhaktyA muhurapi cha mukyAlayagate || 11||
durgA hataripuvargAM durgAyitamuktisadanasannihitAm |
bhargAhatAmupAse sargAvanaharaNakartR^ibhUtAM tAm || 12||
shambararipuharadayita tumburubhR^igunAradAdivinutapade |
amburuhAkShi sadA mAmamba rame pAhi muktigehagate || 13||
smarasharanikaravidAritapuraharasukhavitaraNAtinipuNatano |
urutaraduritamasheShaM parihara mama gauri mukti puralasite || 14||
chaNDatarAhitamaNDalakhaNDanachaNDe namo.astu hatamuNDe |
kuNDalamaNDitagaNDe chaNDahare chaNDi muktigehini te || 15||
giritanaye mayi ramatAmaruNataraM charaNayugalamanudivasam |
haradayite suramahite varamayi te muktigehaparilasite || 16||
adrIshanandini dayAmR^itavArirAshe
     vidrAvitArinivahe natalokabandho |
bhadrArthade nijapadAbjajuShAM janAnAM
     rudrANi muktinilayAdhigate namaste || 17||
kInAshadaNDamanuchintya bhayena nityaM
     snAnAsanAdiShu cha notsukamAnasaM mAm |
menAshayAtisukhadAyini pAhi baddhaM
     nAnAshayA janani muktipurAdhivAse || 18||
subhbhAdighorataravIrasurArivR^inda\-
     DabhbhApahe natajanAvanalolabuddhe |
jabhbhArivanditamume charaNadvayaM te
     sambhAvayAmi hR^idi muktiniketanasthe || 19||
hastAlasattrishikhakR^ittalulAyashasta\-
     mastAtishobhitamanoj~napadAravinde |
chittAmbujaM mama punIhi samAshritAnAM
     hR^ittApahAriNi lasattanu muktigehe || 20||
garvAdidoSharahitAshayasAdhuloka\-
     nirvANadAnanipuNe karuNApayodhe |
sarvAparAdhamayi me satataM kShamasva
     sharvANi muktipuravAsini shalakanye || 21||
sharaNAgatasya karuNAnidhe shive
     hara sArasAkShi tarasA mamAmayam |
charaNaM tvadIyamaruNa hR^idambuje
     kalayAmi muktinilayAdhivAsini || 22||
urumeharogaparimohitaH shive
     karavai kimadya puravairivallabhe |
vidhinA hataM tvamadhunA sadaiva mAM
     paripAhi muktipuravAsalAlase || 23||
charitAni devi duritApahAni te
     parikIrtayAni surakIrtitAnyaham |
ayi ta maheshadayite dayA bhave\-
     davanAya muktibhavanAdhivAsini || 24||
sajalAmbudanIlabAlabhAre nijalAvaNya vimohitA~NgajAre |
achalAdhipanandane matiH syAdachalA me tvayi muktigehavAse || 25||
madanAntakavallabhe shive te vadanAmbhoruhameva sarvadA me |
vitanotu sukhaM samandahAsaM sutano muktiniketanAdhivAse || 26||
gaLasImani lambamAnashumbhattuLasIdAmalasadbhujAntarALam |
kaLabhAShiNi bhAsatAM madantaH kaLabhAmodini muktigehage te || 27||
gajakumbhamadApahaM tvadAya kuchakumbhadvayamamba mAnase me |
rathaDabhbhaharaM nitambabimbaM satataM bhAtu cha muktisadmasaMsthe || 28||
gajarAjakarAdR^itoru modAdajarArAdhitapAdapa~Nkaje tvam |
ruchirA~Ngi shive bhavAndhakUpAdachirAduddhara muktigehage mAm || 29||
sharaNAgatalokapArijAtAvaruNAvAjividhAvapArijAtA |
maraNAdhiharau shive tvadIyau charaNau muktipurasthite bhajeyam || 30||
lalitAM padashobhinUpurodyatkaLanAdAmR^itashItaLIkR^itAshAm |
kaLahaMsasamAdR^itAM gatiM te kalaye chetasi muktigehage.aham || 31||
mukhachandravinirgatAM smitArdrAmaghahantrImamR^itopamAM giraM te |
sukhadAM shR^iNavAnyahaM vihAtuM nikhilArtiM lasitA~Ngi muktigehe || 32||
natamohatamopahe nijAnAM hitade he hatadevavairidehe |
atishobhitagAtri muktigehe sadayaM mAmavalokayAnuvelam || 33||
chikurAdipadAntamamba chetomukurAntaH satataM didR^ikShumanam |
agarAjasute shive tvamApannikarAnmAmava muktigehasaMsthe || 34||
manmathAridayite dayAnidhe sanmanaHkumudavR^indachandrikA |
kalmaShAvalimume harAshu me chinmayi tvamayi muktigehage || 35||
mukti mandiragate tmaje bhaktalokakamanIyavigrahe |
muktidAyini bhavAni dehi me bhaktimeva tatra pAdapadmayoH || 36||
mR^ityutApaharaNAmR^itaM nR^iNAmatyudAramayi te padAmbujam |
nR^ityatAdiha madIyamAnase nityadA janani muktigehage || 37||
bhuvanama~NgaladIpasamujjvale bhavAvaShAnaladagdhAmamaM janam |
tava kR^ipAmR^itavR^iShTibhira~njasA bhavati jIvaya muktipurasthite || 38||
gadasamUhamapohitamamba ta padasarojarajonichaya mudA |
vitara muktiniketagate javAditaradadya na me sharaNaM shive || 39||
duritavAridhisantaraNAya te charitakIrtanapotamupAshritam |
sphuritamuktiniketanasa~Ngate tvaritamenamume paripAhi mAm || 40||
malayajAlasitaM shubhadaM tviShAM nilayamamba tavAnanapa~Nkajam |
sulalitaM niyataM hR^idi bhAvaye vilasite varamuktiniketane || 41||
janimR^ityuvinAshini pAdajuShAM munisattamasannutasachcharite |
manasaH sthitirastu mamAvirataM janani tvayi muktiniketagate || 42||
urarIkR^itabhaktajane shivada girirAjasute mama gAri shive
kuru rogavinAshanamAshu shive gururAgiNi muktiniketagate || 43||
varamAlyasamujjvalamuktipure suramAnavamAnitapAdayuge |
haramAnasamAnasamAdhihare hara mAmakamAmayamAshu shive || 44||
ibhagAmini kAmini kAmaripoH shubhadAyini dAnavanAshini mAm |
paripAhi kR^ipAmR^itavArinidhe parameshvari muktiniketagate || 45||
udArarUpe hitadAnashIle padAravinde parachinmaye te |
mudA rameNA~NkadharAnurakte sadA rame muktipurAdhinAthe || 46||
sarAgayoste padayormahAjanA nirAgasaH santi parAgasevayA |
sarogamenaM paripAhi mAM shive surAgavanmuktipure virAjite || 47||
sukhAvahaM nityamaghApahaM shubhaM mukhAmbujaM devi padAmbuja~ncha te |
sukheShu duHkheShu madIyamAnase chakAstu muktisthalasaMsthite shive || 48||
prasIda vishveshi rameshamAye prasIda shashvat parameshajAye |
prasIda bhaktapriyadAnashIle prasIda muktisthalavAsalole || 49||
namo.astu kAruNyapayonidhe te namo.astu tAruNyamanohare te |
namo.astu mR^ityu~njayavallabhe te namo.astu muktisthalasa~Ngate te || 50||
namo namaH parvatakanyakAyai namo namaH sharvavarapriyAyai |
namo namo muktisukhapradAyai namo namo muktipurasthitAyai || 51||
mAtaH stavaM paThati ma~NgaladaM ya etaM
     prAtaH prabuddhaya bhavatImanuchintya nityam |
prItaH sa muktipuravAsini bhaktiyukto
     yAti kShaNena tava pAdasarojameva || 52||
##(This is a Stotra in praise of the
goddess MuktipurA.  Muktipura seems to be the
sanskritised form of MUkkutala, a famous Mukkola
temple in Malabar.)##

iti muktipurasthadevIstotraM sampUrNam |
##
Proofread by Mohan Chettoor 

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}