% Text title            : Narayanaproktam Gomatisagarasangamatirthamahatmyavarnanam
% File name             : nArAyaNaproktaMgomatIsAgarasangamatIrthamAhAtmyavarNanam.itx
% Category              : devii, devI, nadI, lakShmInArAyaNIyasaMhitA, mAhAtmya, tIrthakShetra
% Location              : doc\_devii
% Proofread by          : PSA Easwaran
% Description/comments  : lakShmInArAyaNIyasaMhitA | khaNDa 1 | adhyAya 221/1-50||
% Latest update         : January 13, 2026
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Narayanaproktam Gomatisagarasangamatirthamahatmyavarnanam ..}##
\itxtitle{.. nArAyaNaproktaM gomatIsAgarasa~NgamatIrthamAhAtmyavarNanam ..}##\endtitles ##
shrInArAyaNa uvAcha |
tato gachChenmahAlakShmi! gomatyudadhisa~Ngame |
muktidvAraM tu tatproktaM kalikAle na saMshayaH || 1||
ga~NgAsAgarasaMyoge sindhusAgarasa~Ngame |
phalaM yattallabhyate.atra gomatyudadhisa~Ngame || 2||
pApaM praNashyate snAtvA hyarghyaM dadyAdvidhAnataH |
kushAMshcha karayordhR^itvA nArikelaphalaM tathA || 3||
arghaM dadyAnnamaskR^itya shrIkR^iShNaparamAtmane |
tIrtharAja namastubhyaM trAhi saMsArasAgarAt || 4||
ratnAkara gR^ihANA.arghaM gomatyA saha te namaH |
arghaM datvA shikhAM badhvA smR^itvA cha jalashAyinam || 5||
kuryAt snAnaM prA~Nmukhashcha pitR^In santarpayettataH |
pitR^ishrAddhaM tathA kR^itvA dadyAchcha dakShiNAM shubhAm || 6||
suvarNaM vAsasI dadyAt ka~nchukoShNIShamityapi |
mahAdAnAni dadyAchcha yadIchChet kShemamAtmanaH || 7||
lakShmyAH saha hariH sAkShAdviShNurme prIyatAmiti |
uktvA dadyAdvividhAni dAnAni bhojanAni cha || 8||
tulApuruShadAnaM cha kuryAtsAgarasa~Ngame |
sapta dvIpanR^ipo bhUtvA vaikuNThaM yAti mAnavaH || 9||
tulayA tolayet svaM yaH suvarNarajatAdibhiH |
vastraku~NkumakarpUrasharkarAphalasadrasaiH || 10||
so.atra bhogAn sukhAn bhuktvA mokShaM yAti surArchitaH |
svarNadAnaM vAjapeyaM snAnaM gomativAriNi || 11||
kanyAdAnaM bhUmidAnaM vidyAdAnaM vidhAnataH |
gomatyAH sa~Ngame kuryAt yAti brahmapadaM hi saH || 12||
svarNadhenuM ghR^itadhenuM tiladhenuM pradAya vai |
vastrAdisharkarAdhenuM datvA yAti paraM padam || 13||
yugAditithimukhyAsu pa~nchakAsvaShTakAsu cha |
vaidhR^itau cha vyatIpAte gajachChAyAhvaye tathA || 14||
ShaShThyamaikAdashyaShTamIdvAdashIshrAddhasadvrate |
snAtvA nIranidhau tadvadgomatIchakratIrthayoH || 15||
gomatyudadhisaMyoge snAtvA brahmapadaM labhet |
amAvAsyAdine shrAddhaM kAryaM gomatisa~Ngame || 16||
pakShashrAddhakR^itaM puNyaM dinaikena labhejjanaH |
shraddhAhInaM mantrahInaM pAtrahInamathApi vA || 17||
dravyahInaM kAlahInaM mana aikAgryavarjitam |
paripUrNamamAshrAddhaM pitR^INAmudadhau bhavet || 18||
gomatI kamalA chandrabhAgA tadodadhau vaset |
gayAyAM piNDadAnena prayAge chAsthipAtanAt || 19||
amAyAM shrAddhadAnena shAshvataM puNyamApyate |
yadIchChet sarvatIrtheShu snAnaM vratadharaH pumAn || 20||
snAnaM kurvIta bhaktyA vai gomatyudadhisa~Ngame |
aputrA mR^itaputrA vA kAkavandhyA sravatsutA || 21||
doShaiH pramuchyate nArI gomatyudadhisa~Ngame |
shrAddhaM dAnaM tathA pitR^itarpaNaM jaladarshanam || 22||
vrataM snAnaM tathA puNyaM japo homashcha kIrtanam |
shAshvatItR^iptikR^itpuNyaM gomatyudadhisa~Ngame || 23||
mAtR^ipakShAH pitR^ipakShA bhaginIpakShakAstathA |
putrIpakShAH shvashrUpakShAstathA shvashurapakShakAH || 24||
pitR^isvasR^ipakShagAshcha snuShApakShAstathA janAH |
sapatnIpakShagAshchApi rakShikApakShagA api || 25||
bhrAtR^ijAyApakShagAshcha svasR^iputryAdipakShagAH |
pitR^ibhrAtR^isutApatnIprabhatipakShakA api || 26||
mitrabAndhavabhR^ityAnAM ye.api sambandhadhArakAH |
janmAntaragatA ye cha nArakAH khanigarbhagAH || 27||
te sarve saMsmR^itAH shrAddhe gomatyudadhisa~Ngame |
snAne dAne saMsmR^itAshcha tR^iptiM yAnti tu shAshvatIm || 28||
sarvapApaiH pramuchyante muktiM yAnti na saMshayaH |
shrAvaNadvAdashIyoge samabhyarchya tu vAmanam || 29||
paramaM lokamApnoti snAtvA gomatisa~Ngame |
pItAmbaradharo bhUtvA divyAbharagabhUShitaH || 30||
chaturbhujadharashchaiva vanamAlAvibhUShitaH |
sevyamAnaH surastrIbhirvimAnakR^itavAhanaH || 31||
saMstUyamAnaH R^iShibhiH shrIharerarchako janaH |
gomatIsa~Ngame pUto yAti viShNoH paraM padam || 32||
gomatIsAgare snAtvA gachChet saptaprakuNDakAn |
sarvairArAdhitaH kR^iShNo harirAvirbabhUva ha || 33||
saha lakShmyA hariM dR^iShTvA sanakAdyA maharShayaH |
saptamiShTajalagartAn kR^itvA siShichurindirAm || 34||
tato lakShmIhradA ete kalau te rukmiNIhradAH |
bhR^iguNA sevitAshchaite bhagutIrthamiti smR^itam || 35||
tatra prakShAlya charaNau tathA.a.achamya kushA.NstataH |
sa~NgR^ihya prA~Nmukho bhUtvA.arghaM gR^ihNItvA.akShatAdibhiH || 36||
hastau cha mastakopari samunnIya phalAdibhiH |
arghaM dAtavyamevAtra hrade rukmiNisa.nj~nite || 37||
snAnaM kuryAttato dhyAtvA tIrthAni pitR^idevatAH |
devamAnavapitR^I.Nshcha santarpya haribhAvataH || 38||
viprAnAhUya cha shrAddhaM prakurvIta cha bhaktitaH |
dakShiNAM rajataM svarNe phalaM miShTAnnamambaram || 39||
bhojanaM chApi dampatyordadyAchcha bhUShaNAdikam |
shATIM cha ka~nchukIM shreShThAM ghargharIM karpaTAdikam || 40||
pitR^ipa~NktIshcha sampUjya nArIshchAnyAH kumArikAH |
sampUjya dadyAd dAnAni rukmiNI prIyatAmiti || 41||
vasate cha sadA lakShmIstasya gehe na saMshayaH |
smR^iddhiM sarvAM samApnoti lakShmIstasya prasIdati || 42||
saptasvapi hR^ideShveva dAnaM dadyAt pR^ithak pR^ithak |
tatsarvaM chA.akShayaM vindellakShmIloke sukhapradam || 43||
alakShmIrnashyati tasya lakShmIryasya prasIdati |
pashuputragR^ihavATIkShetrabhavanashAlayaH || 44||
bhavanti satataM shreShThA lakShmIryasya prasIdati |
svarNAdivardhanaM tasya lakShmIstuShTA tu yaM prati || 45||
sarvAnkAmAnavApnoti viShNulokaM cha gachChati |
saptahradeShu lakShmyAtmanArINAM bhojanaM varam || 46||
dAnaM cha pUjanaM chaiva sammAnaM bhUShaNAdikam |
shR^i~NgAraM vAhanaM yAnaM dehopakaraNAdikam || 47||
pR^ithak pR^ithak pradadyAdvai lakShmIrme prIyatAmiti |
vasatyeva sadA gehe lakShmIstasya na saMshayaH || 48||
hInabhAgyo na cha bhavenna bhavetparayAchakaH |
agryo bhavati sarveShu yaH snAti rukmiNIhrade || 49||
punarAgamanaM na syAd vaikuNThaM yAti mAnavaH |
sapatnIkashchaturbhujaH shAshvataM sukhamashnute || 50||

iti shrIlakShmInArAyaNIyasaMhitAyAM prathame kR^itayugasantAnegomatI\-
     sAgarasa~NgamatIrthalakShmIsaptahradatIrthavidhAna\-
     nirUpaNanAmaikaviMshAdhikadvishatatamo.adhyAyaH || 221||


iti shrIlakShmInArAyaNIyasaMhitAyAM prathame kR^itayugasantAne 221\-adhyAyAntargataM
nArAyaNaproktaM gomatIsAgarasa~NgamatIrthamAhAtmyavarNanaM sampUrNam |

lakShmInArAyaNIyasaMhitA | khaNDa 1| adhyAya 221/1\-50||
##
lakShmInArAyaNIyasaMhitA . khaNDa 1. adhyAya 221/1-50..

Proofread by PSA Easwaran 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}