% Text title            : Naradaya Sanatakumaraproktam Savitripanjara Stotram 2
% File name             : nAradAyasanatakumAraproktaMsAvitrIpanjarastotram.itx
% Category              : devii, devI, bRRihannAradIyapurANa, panjara, stotra
% Location              : doc\_devii
% Proofread by          : PSA Easwaran
% Description/comments  : bRRihannAradIyapurANa | pUrvabhAga | adhyAya 83/128-154||
% Latest update         : November 16, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Naradaya Sanatakumaraproktam Savitripanjara Stotram 2 ..}##
\itxtitle{.. nAradAya sanatakumAraproktaM sAvitrIpa~njarastotram 2 ..}##\endtitles ##
sanatkumAra uvAcha |
sAdhakAnAmiyaM vidyA bhavetkAmadughA mune |
atha te sampravakShyAmi rahasyaM paramAdbhutam || 83\-127||
sAvitrIpa~njaraM nAma sarvarakShAkaraM nR^iNAm |
vyomakeshAlakAsaktAM sukirITavirAjitAm || 83\-128||
meghabhrukuTilAkrAntAM vidhiviShNushivAnanAm |
gurubhArgavakarNAntAM somasUryAgnilochanAm || 83\-129||
iDApi~NgalikAsUkShmAvAyunAsApuTAnvitAm |
sandhyAdvijoShThapuTitAM lasadvAgupajihvikAm || 83\-130||
sandhyAsUryamaNigrIvAM marudbAhusamanvitAn |
parjanyadahR^idayAsaktAM vasvAkhyapratimaNDalAm || 83\-131||
AkAshodaravibhrAntAM nAbhyavAntaravIthikAm |
prajApatyAkhyajaghanAM kaTIndrANIsamAshritAm || 83\-132||
UrvormalayamerubhyAM shobhamAnAM saridvarAm |
sujAnujahnukushikAM vaishvadevAkhyasa.nj~nikAm || 83\-133||
pAdA~NghrinakhalomAkhyabhUnAgadrumalakShitAm |
graharAshyarkShayogAdimUrtAvayavasa.nj~nikAm || 83\-134||
tithimAsartupakShAkhyaiH sa~NketanimiShAtmikAm |
mAyAkalpitavaichitryasandhyAkhyachChadanAvR^itAm || 83\-135||
jvalatkAlAnalaprakhyAM taDitkoTisamaprabhAm |
koTisUryapratIkAshAM shashikoTisushItalAm || 83\-136||
sudhAmaNDalamadhyasthAM sAndrAnandAmR^itAtmikAm |
vAgatItAM mano.agamyAM varadAM vedamAtaram || 83\-137||
charAcharamayIM nityAM brahmAkSharasamanvitAm |
dhyAtvA svAtmAvibhedena sAvitrIpa~njaraM nyaset || 83\-138||
pa~ncharasya R^iShiH so.ahaM Channdo vikR^itiruchyate |
devatA cha paro haMsaH parabrahmAdidevatA || 83\-139||
dharmArthakAmamokShAptyai viniyoga udAhR^itaH |
ShaDa~NgadevatAmantraira~NganyAsaM samAcharet || 83\-140||
tridhAmUlena medhAvI vyApakaM hi samAcharet |
pUrvoktAM devAtAM dhyAyetsAkArAM guNasaMyutAm || 83\-141||
tripadA harijA pUrvamukhI brahmAstrasa.nj~nikA |
chaturviMshatitattvADhyA pAtu prAchIM dishaM mama || 83\-142||
chatuShpadA brahmadaNDA brahmANI dakShiNAnanA |
ShaDviMshatattvasaMyuktA pAtu me dakShiNAM disham || 83\-143||
pratya~NmukhI pa~nchapadI pa~nchAshattattvarUpiNI |
pAtu pratIchImanishaM mama brahmashiro.a~NkitA || 83\-144||
saumyAsyA brahmaturyADhyA sAtharvA~NgirasAtmikA |
udIchIM ShaTpadA pAtu ShaShTitattvakalAtmikA || 83\-145||
pa~nchAshadvarNarachitA navapAdA shatAkSharI |
vyomA sampAtu me vorddhvashiro vedAntasaMsthitA || 83\-146||
vidyunnibhA brahmasandhyA mR^igArUDhA chaturbhujA |
chApeShucharmAsidharA pAtu me pAvakIM disham || 83\-147||
brahmI kumArI gAyatrI raktA~NgI haMsavAhinI |
bibhratkamaNDaluM chAkShaM sruksruvau pAtu nairR^itim || 83\-148||
shuklavarNA cha sAvitrI yuvatI vR^iShavAhanA |
kapAlashUlakAkShasragdhAriNI pAtu vAyavIm || 83\-149||
shyAmA sarasvatI vR^iddhA vaiShNavI garuDAsanA |
sha~NkhachakrAbhayakarA pAtu shaivIM dishaM mama || 83\-150||
chaturbhujA devamAtA gaurA~NgI siMhavAhanA |
varAbhayakhaDgacharmabhujA pAtvadharAM disham || 83\-151||
tattatpArshve sthitAH svasvavAhanAyudhabhUShaNAH |
svasvadikShusthitAH pAntu grahashaktya~NgasaMyutAH || 83\-152||
mantrAdhidevatArUpA mudrAdhiShThAtR^idevatAH |
vyApakatvena pAntvasmAnApAdatalamastakam || 83\-153||
idaM te kathitaM satyaM sAvitrIpa~njaraM mayA |
sandhyayoH pratyahaM bhaktyA japakAle visheShataH || 83\-154||
paThanIyaM prayatnena bhuktiM muktiM samichChatA |

iti nAradapurANe uttarabhAge tryashItitamAdhyAyAntargataM
         nAradAya sanatakumAraproktaM sAvitrIpa~njarastotraM samAptam |
bR^ihannAradIya, pUrva, 83/155||

bR^ihannAradIyapurANa | pUrvabhAga | adhyAya 83/128\-154||
##
bRRihannAradIyapurANa . pUrvabhAga . adhyAya 83/128-154..

Proofread by PSA Easwaran 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}