% Text title            : Shri Narmadalahari
% File name             : narmadAlaharI.itx
% Category              : devii, vAsudevAnanda-sarasvatI, devI, nadI, laharI
% Location              : doc\_devii
% Author                : vAsudevAnandasarasvatI TembesvAmi
% Description-comments  : From stotrAdisangraha
% Latest update         : May 12, 2021
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Narmadalahari ..}##
\itxtitle{.. shrInarmadAlaharI ..}##\endtitles ##
%58
narmade harasambhUte harali~NgArchanAdR^ite |
harali~NgA~nchitataTe jayAghaM narmade hara ||
namaH prAtarmAtargirishaduhitarnarmada uta |
kShapAyAM reve te nama itamate mekalasute ||
namo nityaM satyaM hi ta udakamatyantakamakam |
haratyAdhiM sA tvamakhilaviShahe me.arpaya sukham || 1||
maheshA~NgodbhUtA suravaranarANAmabhimatA |
yutA siddhairyAtA prasabhamiva pAshchAtyajaladhim ||
vR^itA bhImenaiShA hR^itabhajakadoShA varavR^iShA |
subhUShA sadveShA ruchiravapuShA bhAtyatiruShA || 2||
taTe yasyAstaptvA tapa uparigairdushcharamaram |
varaM hyatreH patnI paramamanasUyA gatabhayA ||
svaputratvenaiva tribhuvanasamArAdhyamabhavam |
samApAsmaddaivaM ka iha saritaM tAM tu na namet || 3||
prayAntIM sindhuM yA pratihatagatirvindhyapadato |
mahAvegA.abha~NgA sakalamalabha~NgA varabhagA ||
nagAnbhitvAnekAnapi vividhalokAnsvabalataH |
punAtIyaM revA jagati varabhAvA.ahR^itabhavA || 4||
prasiddhA.a.aste yasyAjaniramarakaNThe.amaravR^ite |
mate nAbhiH siddheshvarapura utAsau bhR^igupure ||
pare sindhau lInA jagati malinAnAM sumatidA |
samuddhartrI bhartrI nijabhajakalokasya gatidA || 5||
sarasvatyAH satyA jalamiha punAti tridinataH |
sma kAlindyA nadyA api cha salilaM saptadinataH ||
mahAbha~NgA ga~NgAkhiladuritabha~NgA sapadi sA |
mahAbhAvA revA kathamapi hi dR^iShTyaiva sahasA || 6||
svabhAvAdAsindhoriyamachalajAbhAsti sulabhA |
triShu sthAneShveShA hR^itamalinadoShA na sulabhA ||
nagaryAmo~NkArAbhidhapashupateruttaragati\-|
ryutA vaurAbhikhye.api cha bhR^igumuneH kShetra ushati || 7||
punantyanyA mAnyA api jagati ga~NgAdisaritaH |
prayAgAdisthAne mahati na hi sarvatra duritAt ||
iyaM revA devAdhipatishivasevyobhayataTA |
taTe yatra kvApi svakamiha punAtyAjalanidheH || 8||
trishUlA~NkAnyachChAnyagaNitavimAnAni ta upa\-|
ryuparyasyAH kUlaM suvimalamupAdAya satatam ||
sthitAH shambhordUtA mR^itamiha tu netuM shivapuram |
varaM teShAmuchchairahamahamikAshabda uditaH || 9||
bahiHshabdAttasmAtpravigalitadhairyA yamabhaTAH |
mR^itAnnetuM prAptA api sapadi te vepitahR^idaH ||
adhIrA dhIrA drAk tata uta parAvR^itya sajavAH |
svavAsaM sa~njagmuH khalu tata itaH ko narakabhAk || 10||
prabhAvo.asyA mR^ityu~njayaduhiturevaM hi sarito |
yato.ato.asau revA nR^imaraNabhavAntAsti viditA ||
na tAM kaH sevetAnupadamR^itabhItirhatamatiH |
samAnAM tApAnAmapi cha duritAnAM prashamanIm || 11||
yadIyAmbuspR^iShTaH spR^ishati gatiyogena pavano |
manohR^idyaM yaM taM tamapi sa punAtIti mahimA ||
pratIto yasyAH sA jagati gatidA.asAvabhayadA |
sadA saktAnyuktAnkimuta bhajatAmuddharati no || 12||
yadIyaM pAnIyaM sadamR^itamayaM chitsukhamayam |
supeyaM chAyuShyaM matidamuta varchasyamabhayam ||
yashasyaM chakShuShyaM vihitavijayaM svagryamalayam |
subhavyaM sadgeyaM sakalajagadArogyavijayam || 13||
suraprArthyaM pathyaM svayamiha cha pUjyaM vijayate |
jaganmAnyaM dhanyaM malahR^idiha labhyaM tu niyateH ||
niyogAtsA revA nR^ibhavadavadAvArtishamanI |
manIShIDyA pAyAdaviratamapAyAdvaradhunI || 14||
niyamyAtmAnaM ye vihitaniyamAH santatapari\-
kramaM kurvantyasyA amalajalasevaikaniyamAH ||
supUtAste dhanyA jagati bahumAnyAH paragatim |
vrajantyevaM revA jayati khalu sharvA~NgajanitA || 15||
aye reve deveDitaguNagaNe matryataraNe |
kShaNenApi snAnAtparamagatidAbhIShTavaradA ||
tvamevAto devA api tava na chechChanti tava taTam |
parityaktuM vaktuM tava guNagaNAnkaH prabhuriha || 16||
yadIye sattoye himanagasutAgarbhagagaNAdhip
AsyotkR^ityAraM shira iha surAriH svahitakR^it ||
mahAmAyAvI prAkShipadapabhayo.atakryamahime\-
shvarasyAtmAchChIrShAdgatarudhirasaMsparshavashataH || 17||
tato.anantA AbdheH smaraharasutAyAstu salile.a\-
male.anantA jAtA iha rudhirabhAsaH khalu shilAH ||
abhUvangANeshA akhilamalasa~NkShAlanaparA |
varApUjyA vighnakShapaNapaTavaste.api varadAH || 18||
yadIye pAnIye bhR^ishamamR^itasaMspardhijanani |
kShapAyAM te cho~NkAreshvaravarapurAtpUrvata uta ||
mahottu~NgasthAnAtpatita upalAste pashupate\-
rbhavantyAho bANAbhidhaparamali~NgAni bahushaH || 19||
mahAntaste bANA api paramasUkShmAH katipayAH |
shubhA karpUrAbhAH shashadharakalADhyAH katipayAH ||
pare kechichchitrA api cha nikhilAste.atra bhajanAt |
gajAreH sAyujyaM dadata iti revAmbumahimA || 20||
evamprabhAve jaya devi reve\, prasIda me te.ambu sadaiva seve |
shrInarmade devi namo namaste shrIsharmade somasute namaste || 21||
avatu vigataroShAsmAnmahAsindhuyoShA
parihR^itanatadoShA yA namomAtratoShA |
jayatu bhajakapoShA sA sravantI visheShA
nirupamatamabhUShA mAlinI divyaveShA || 22||
sanmAnasasvachChasudivyanIrA
nIrAgayogyAshritaramyatIrA |
dhIrArchitA nityamakhaNDapUrA
sA rAtu reveShTamanantasArA || 23||
svabhaktavarade suradviShadabhedyasadvarmade |
sudurgatidakarmade hatagade.api saddharmade ||
aye nadi na dInatAM vrajasi karhichichCharmade |
prasIda janakAmade jaya namo.astu te narmade || 24||
yanmUlestyamareshvaro vijayate shrIsiddhanAthastathA
kAverIpariveShTito gatida o~NkAro.apare chAmitAH |
madhye.anye.api cha shUlapANisahitAH pAshchAtyabhAge sthitAH
sarve te bhajatAmabhIShTaphaladA varvarti sA narmadA || 25||
(hArabandhaH)
haraparamaraye samastamaghaM mama
kuru gurukaruNAM samastamate mayi ||
khalabaladalane samastamanomalam |
hara daramaramapyamatryamate.amale || 26||
yasya smR^ityA cha sadyaH kalimalavilayo jAyate bhAvukAnAm |
yatsmR^ityA smartR^igAmI bhavabhayahR^idupetyAtmado bhAvukAnAm ||
dattAtreyasya tasya prashamitamanasaH sadvarIvarti mAtuH |
sthAnaM yasyAstaTe sA vijayata ushatI narmadA sharmadA naH || 27||
(ala~NkAraH)
kuShTAdyArto.apyarogo bhavati sadanasUyAshyame yattaTe yan |
madhye shuklAditIrthAnyapi jhaTiti punantyuddharatyAshu yA cha ||
pretashrAddhena nArAyaNabalita itaM durgatiM muktidAM tAm |
revAmastaudakhedAM paramasuhitadAM narmadAM vAsudevaH || 1||
(gomUtrikAbandha)
bhavAntake.abhayaM dehi tApaM me hara narmade ||
bhavAtmake nayaM dehi pApaM me hara narmade ||
jaya jaya shivakanye narmade sharmade tvam |
jaya jaya janamAnye dharmade.adharmade tvam ||
jaya jaya suvadAnye dharmade karmade tvam |
jaya jaya bhuvi dhanye bharmade varmade tvam ||

iti shrIvAsudevAnandasarasvatIvirachitA shrInarmadAlaharI sampUrNA |

##


\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}