% Text title            : navadurgAstavaH
% File name             : navadurgAstavaH.itx
% Category              : devii, devI, durgA, nava
% Location              : doc\_devii
% Proofread by          : NA
% Latest update         : September 23, 2020
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Navadurga Stavah ..}##
\itxtitle{.. shrInavadurgA stavaH ..}##\endtitles ##
kAryeNa yA.anekavidhAM shrayantI, nivArayantI smaratAM vipattIH |
apUrvakAruNya rasArdra chittA, sA shailaputrI bhavatu prasannA || 1||
svargo.apavargo narako.api yatra, vibhAvyate dR^ikkalayA viviktam |
yA chA.advitIyA.api shivadvitIyA, sA brahmachAriNyavatAd bhavebhyaH || 2||
pAdau dharitrI kaTirantarikShaM, yasyAH shiro dyauruditA.a.agameShu |
anyadyathA yogamayoga dUrA, sA chandraghaNTA ghaTayatvabhIShTam || 3||
svarAD virAD saMsR^itirAD akhaNDabrahmANDabhANDAkalanaikavIrA |
sA pApavidhvaMsanasadma kUShmANDA.avyAd apAyAdayadAnashauNDA || 4||
dvaimAturatve dviradAnanasya, ShANmAturatve cha kumArakasya |
ekaiva mAtA paramA matA yA, sA skandamAtA mudamAdadhAtu || 5||
katasya gotrAdathavA.aparasmAt, kiM vetarasmAt kathamekikaiva |
jAteti mAtAhvayatAM itA yA, kAtyAyanI sA mamatAM hinastu || 6||
kAlo.api vishrAntimupaiti yasyAM, kA.anyA kathA bhautikavigrahANAm |
prapa~ncha pa~nchIkaraNaikadhAtrI, sA kAlarAtrI nihatAd bhayAni || 7||
kAlIkulaM shrIkulamapyapAraM, kR^iShNAdyupAsA pravaNaM yatashcha |
sA.anantavidyA vitatAvadAnA, gaurI vidadhyAdakhilAn pumarthAn || 8||
gR^iNanti yAM vedapurANasA~Nkhya, yogAgamAdeva maharShayashcha |
putrAn prapautrAn sudhiyaH shriyashcha, sA siddhidA siddhikarI dadAtu || 9||
yA chaNDI madhukaiTabhapramathinI yA mAhiShonmUlinI,
yA dhUmrekSheNachaNDamuNDa dalinI yA raktabIjAshinI |
shaktiH shumbhanishumbhadaityadalinI yA siddhi lakShmIH parA
sA durgA navakoTi mUrtisahitA.asmAn pAtu sarveshvarI || 10||

iti shrInavadurgAstavaH sampUrNaH |
##


\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}