% Text title            : Nirritikrita Sita StutiH
% File name             : nirRitikRitAsItAstutiH.itx
% Category              : devii, sItA, stuti
% Location              : doc\_devii
% Transliterated by     : Mrityunjay Pandey
% Proofread by          : Mrityunjay Pandey
% Description/comments  : bhushuNDirAmAyaNam | pashchimakhaNDa | adhyAya 23/1-35||
% Latest update         : August 26, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Sitastuti by Nirriti ..}##
\itxtitle{.. nirR^itikR^itA sItAstutiH ..}##\endtitles ##
nirR^itiruvAcha |
abhUdadharmaprasaraH purA yat pApAtmikA sR^iShTirabhUttarAmama,
tato.api saMrakShita Atmano janastasmai namaste.akhiladharmamUrtaye || 1||
kaliH kala~NkI kaThinaH kalAharaH sarvAtmanA pAparuchirjanuShmatAm |
yannAmanodena viluptavaibhavastasme pramodAvanisushriye namaH || 2||
bhAvAshchaye kAmamadAdayo.anishaM mahorjitAshchaiva mahAbalA nR^iShu |
tvakIrtataste viphalAtmatAmagustasmai samastoddharaNAtmane namaH || 3||
namo namaste janakendranandinI pramodakundAvanaku~njavAsini |
namo namaste rasikendrasa~Ngate sphuranmahAbhogasamUhabhogini || 4||
shR^i~NgAramUrteH smara AdhidaivakaH shrIrAmachandrasya manovimohanaH |
tadaMshamAtrA sphuTamudgato bhave chakre munInAM mahatAM vimohanam || 5||
evaM tvadIyAkhila lIlArasArthaM sampuShTarUpAH krodhamohAdibhAvAH |
teShAmaMshA viShayAnandayogAjjanaM nibadhnantinijena karmaNA || 6||
pa~nchendriyANAM khalu yAshchavR^ittayastvadbhaktibhAjAmakUlatAM dadhuH |
tA eva lagnA viShayeShu bhUyasishvabhre lokaM pAtayitvA pravR^iddhAH || 7||
tvaM shaishave jAnakIti pragItA sIteti chAdyaiH kavibhiH sudhIbhiH |
tAruNyamabhyetya cha modinIti pramodAraNye sahajAnandinIti || 8||
ekaikaM te nAma sarveShu vedeShvAkhyAtaM chedeSha loko gR^iNAti |
tasyAnubhAvAdyAti bhAvaM paraM te premAkhyaM yaH koTijanmAtipUtaH || 9||
 yaj~nairdAnaistapasAchAtimAtrairvR^itaH supuNyAtishayena kashchit |
tvatpAdAbjaM bhajate devi sIte tasya kShaNAtsulabho rAmachandraH || 10||
sheSho ravirvAyu putro.atha rudraH sAkShAtsvayambhUrbhagavAn vira~nchiH |
indrashchandraH sanakAdyAshcha sarve jAnanti tvAmmIshi bhajanti bhaktyA || 11||
j~nAnAtmako bhagavAn shrIhayAsyastvadbhaktimAtrAdutyulakaH sadaiva |
gR^iNAti tvAM kumbhajApa prasAdAdyatkubhajastvAM bhajate nityameva || 12||
svAyambhuvo manurAkhyAtadharmaH sarvaM te chAbrUta rAddhAntamekam |
tvadbhaktyAkhyayenarAmaH prasanno nityAnandaM svapadaM sandadAti || 13||
nAnyaH panthA vidyate svAtmalabdhyai nAnyo bhAvo vidyate chApi loke |
nAnyaH jAnaM vidyate sarvavedeShvekaM sItAnAmamAtraM vihAya || 14||
j~nAnaM sItAnAmatulyaM na ki~nchichChAstraM sItAnAmatulyaM na ki~nchit |
kR^ityaM sItAnAmatulyaM na ki~nchidveghaM sItAnAmatulyaM na ki~nchit || 15||
ekaM shAstraM gIyate yatra sItA ekA loke devatA chApi sItA |
eko mantrashchApi sIteti nAma karmApyekaM pUjyate yatra sItA || 16||
sarve devA yatparAH sambabhUvuH sarve yaj~nA yatparAH sambabhUvuH |
sarve mArgA yatparAH sambabhUvuH sA tvaM sItAnAma loke prasiddhA || 17||
sItA nityA jAnakI modinIti premA kShemA sahajAnandinIti |
dhyAya~nChR^iNvan sagiran kIrtayaMshcha janturnityaM muchyate sarvabandhAt || 18||
pAhi trAhi tribhuvanamidaM svAshrayaM nityasiddhe
pAhi trAhi tribhuvanajanAn svAshrayAn devi sIte |
pAhi trAhi svaramaNakaraM rAmachandrastha lokaM
bhUyo bhUyo jagati bhavatI bhrAjatAM nityameva || 19||
jagatsvAminI bhAminI kAminI tvaM jagattoShiNI poShiNI rAmayo vA |
jagadvanditA nanditA nandinItvaM chiraM devi dIpyatsvabhaktAnavantI || 20||
aye rAmachandrapriye pUrNarUpe parA chendirA tvatkaTAkShoptharUpA |
parA bhAratI bhrAjamAnAbhave tvaM priyA rAmachandrasya nityaM ramasva || 21||
svArAjyasAmrAjyarAjyAdhidevI svAnandasampatsamUhAdhirAj~nI |
premAnubhAvaprabhAvaprasannAkrADasva nityaM janAnAM manassu || 22||
chidAnandAkAraM tava vapurasheShAgamagaNaiH
stutaM vandyaM brahmAdibhiratulabhaktipravatAm |
prayAtaiH saMsevyaM guNarahitayA premakalayA
chiraM chitte mAtaH svayamuparamedyena cha bhavaH || 23||
tvadIyaM lAvaNyaM nikhilanigamairAdikavibhiH
pragItaM yallesho.abhyudayatishashA~NkaprabhR^itiShu |
shriyA juShTeShUchchaiH prakR^itiShu jagadvastuShu yato
janAnAM dR^i~Nmoho bhavati bhavato vismR^itirapi || 24||
aho bhAgyaM narendrasya janakasya yadAlaye |
pramodavanato.abhyetya parA lakShmIrvirAjate || 25||
kiM bhAgyaM mithilApurIgR^ihajuShAM bhAvoddhurANAM
nR^iNAM yeShAM dR^iShTipathaM prayAti suShamA lokottaraM tAvakI |
brahmAdyarapi vA smR^itA kShaNamapi svArAjyalakShmImadaM
dUrIkR^itya tanau tanoti pulakAn premA~NkuraM chetasi || 26||
adyApi tvaM pramudavipine krIDasi svairvilAsai
stenaivAvirbhavasi vapuShA dR^ishyase.atrApi chaivam |
kundAraNye kalayasitarAM chaiva lIlAM vishAlAM
tenaivAsi shrutiShu gaditA vyApikA brahmarUpA || 27||
aho IdR^ishI shrIrihAbhUnnapUrvaM sphuTaM yAjani vyaktamevAvatAre |
pure chApi deshe vane vIthikAsu prabhAte yathA sUryarochiH prasa~NgAt || 28||
tamo vinaShTaM sakalabhave.asmin praphullatAM mAnasapa~NkajAni |
sAtAmaguH samprati taddruhAM cha shiro.avataMsAnyapatan pR^ithivyAm || 29||
AbrahmalokaM jagadetadaddhA prasannatAM yannitarAM jagAma |
tenaiva bhAvAni suma~NgalAni mahAnubhAvairviditAni loke || 30||
jaya jaya jAhnavIvimalakIrtikadambarI
jaya jaya sajjanAvalimanoj~nashubhAcharitA |
jaya jaya bhAvanAmayasuma~NgalAdivyatano
jaya jaya jAnakItvamamitAdbhutamA~Ngalike || 31||
pAhi pAhi jagatsarvaM ramaya svAmikaM nijam |
shrIrAmaM chidghanAnandaM lIlA vistArayAmunA || 32||
yathA pUrvaM ramayasi pramodavipinAntare |
tathAdhunApi ramaya rAmachandraM ramApatim || 33||
pramodavipine yaste lIlAparikaro.akhilaH |
adhunApi sa evAtra jAyatAM manaso mude || 34||
evaM stutvA nirR^itirdevatAtmA tasyA agrenyapatadaNDavatsaH |
bhUyo bhUyastanusa~njAtaromA natvAnatvAhR^idi harShaM chakAra || 35||

iti shrImadAdirAmAyaNe brahmabhushuNDasaMvAde pashchimakhaNDe bharatalakShmaNIye
sItAjanmotsave nirR^itikR^itastutirnAma trayoviMsho.adhyAyaH || 23||

bhushuNDirAmAyaNam | pashchimakhaNDa | adhyAya 23/1\-35||
##
bhushuNDirAmAyaNam . pashchimakhaNDa . adhyAya 23/1-35..

Encoded and proofread by Mrityunjay Rajkumar Pandey

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}