% Text title            : Parvati Sahasranama Stotra from KurmapuraaNa
% File name             : pArvatIsahasranAmastotram.itx
% Category              : sahasranAma, devii, pArvatI, stotra, devI
% Location              : doc\_devii
% Transliterated by     : Kirk Wortman" <kirkwort at hotmail.com>
% Proofread by          : Kirk Wortman" <kirkwort at hotmail.com>
% Description-comments  : Kurmapurana, Bhagavati Stuti Manjari p329, Slightly different from durgAsahasranAmastotram from Skandapurana
% Latest update         : August 13, 2002
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Parvati Sahasranama Stotram ..}##
\itkShtitle{.. shrIpArvatIsahasranAmastotram ..}##\endtitles ##
(durgAsahasranAmastotramiti skAnde kvachitkachidbhinnam |)
     himavAnuvAcha |
kA tvaM devi vishAlAkShi shashA~NkAvayavA~Nkite |
na jAne tvAmahaM vatse yathAvad brUhi pR^ichChate || 1||
girIndravachanaM shrutvA tataH sA parameshvarI |
vyAjahAra mahAshailaM yoginAmabhayapradA || 2||
     devyuvAcha |
mAM viddhi paramAM shaktiM parameshvarasamAshrayAm |
ananyAmavyayAmekAM yAM pashyanti mumukShavaH || 3||
ahaM vai sarvabhAvAnAmAtmA sarvAntarA shivA |
shAshvataishvaryavij~nAnamUrtiH sarvapravartikA || 4||
anantA.anantamahimA sa.nsArArNavatAriNI |
divyaM dadAmi te chakShuH pashya me rUpamaishvaram || 5||
etAvaduktvA vij~nAnaM dattvA himavate svayam |
svaM rUpaM darshayAmAsa divyaM tat pArameshvaram || 6||
koTisUryapratIkAshaM tejobimbaM nirAkulam |
jvAlAmAlAsahasrADhyaM kAlAnalashatopamam || 7||
da.nShTrAkarAlaM durdharShaM jaTAmaNDalamaNDitam |
trishUlavarahastaM cha ghorarUpaM bhayAnakam || 8||
prashAntaM saumyavadanamanantAshcharyasa.nyutam |
chandrAvayavalakShmANaM chandrakoTisamaprabham || 9||
kirITinaM gadAhastaM nUpurairupashobhitam |
divyamAlyAmbaradharaM divyagandhAnulepanam || 10||
sha~NkhachakradharaM kAmyaM trinetraM kR^ittivAsasam |
aNDasthaM chANDabAhyasthaM bAhyamAbhyantaraM param || 11||
sarvashaktimayaM shubhraM sarvAkAraM sanAtanam |
brahmendropendrayogIndrairvandyamAnapadAmbujam || 12||
sarvataH pANipAdAntaM sarvato.akShishiromukham |
sarvamAvR^itya tiShThantaM dadarsha parameshvaram || 13||
dR^iShTvA tadIdR^ishaM rUpaM devyA mAheshvaraM param |
bhayena cha samAviShTaH sa rAjA hR^iShTamAnasaH || 14||
AtmanyAdhAya chAtmAnamo~NkAraM samanusmaran |
nAmnAmaShTasahasreNa tuShTAva parameshvarIm || 15||
     himavAnuvAcha |
OM shivomA paramA shaktiranantA niShkalA.amalA |
shAntA mAheshvarI nityA shAshvatI paramAkSharA || 1||
achintyA kevalA.anantyA shivAtmA paramAtmikA |
anAdiravyayA shuddhA devAtmA sarvagA.achalA || 2||
ekAnekavibhAgasthA mAyAtItA sunirmalA |
mahAmAheshvarI satyA mahAdevI nira~njanA || 3||
kAShThA sarvAntarasthA cha chichChaktiratilAlasA |
nandA sarvAtmikA vidyA jyotIrUpA.amR^itAkSharA || 4||
shAntiH pratiShThA sarveShAM nivR^ittiramR^itapradA |
vyomamUrtirvyomalayA vyomAdhArA.achyutA.amarA || 5||
anAdinidhanA.amoghA kAraNAtmA kalA.akalA |
kratuH prathamajA nAbhiramR^itasyAtmasa.nshrayA || 6||
prANeshvarapriyA mAtA mahAmahiShaghAtinI |
prANeshvarI prANarUpA pradhAnapuruSheshvarI || 7||
sarvashaktikalAkArA jyotsnA dyaurmahimAspadA |
sarvakAryaniyantrI cha sarvabhUteshvareshvarI || 8||
anAdiravyaktaguhA mahAnandA sanAtanI |
AkAshayoniryogasthA mahAyogeshvareshvarI || 9||
mahAmAyA suduShpUrA mUlaprakR^itirIshvarI |
sa.nsArayoniH sakalA sarvashaktisamudbhavA || 10||
sa.nsArapArA durvArA durnirIkShyA durAsadA |
prANashaktiH prANavidyA yoginI paramA kalA || 11||
mahAvibhUtirdurdharShA mUlaprakR^itisa.nbhavA |
anAdyanantavibhavA parArthA puruShAraNiH || 12||
sargasthityantakaraNI sudurvAchyA duratyayA |
shabdayoniH shabdamayI nAdAkhyA nAdavigrahA || 13||
pradhAnapuruShAtItA pradhAnapuruShAtmikA |
purANI chinmayI pu.nsAmAdiH puruSharUpiNI || 14||
bhUtAntarAtmA kUTasthA mahApuruShasa.nj~nitA |
janmamR^ityujarAtItA sarvashaktisamanvitA || 15||
vyApinI chAnavachChinnA pradhAnAnupraveshinI |
kShetraj~nashaktiravyaktalakShaNA mUlavarjitA || 16||
anAdimAyAsa.nbhinnA tritattvA prakR^itirguhA |
mahAmAyAsamutpannA tAmasI pauruShI dhruvA || 17||
vyaktAvyaktAtmikA kR^iShNA raktA shuklA prasUtikA |
akAryA kAryajananI nityaM prasavadharmiNI || 18||
sargapralayanirmuktA sR^iShTisthityantadharmiNI |
brahmagarbhA chaturvi.nshA padmanAbhA.achyutAtmikA || 19||
vaidyutI shAshvatI yonirjaganmAteshvarapriyA |
sarvAdhArA mahArUpA sarvaishvaryasamanvitA || 20||
vishvarUpA mahAgarbhA vishveshechChAnuvartinI |
mahIyasI brahmayonirmahAlakShmIsamudbhavA || 21||
mahAvimAnamadhyasthA mahAnidrAtmahetukA |
sarvasAdhAraNI sUkShmA hyavidyA pAramArthikA || 22||
anantarUpA.anantasthA devI puruShamohinI |
anekAkArasa.nsthAnA kAlatrayavivarjitA || 23||
brahmajanmA harermUrtirbrahmaviShNushivAtmikA |
brahmeshaviShNujananI brahmAkhyA brahmasa.nshrayA || 24||
vyaktA prathamajA brAhmI mahatI j~nAnarUpiNI |
vairAgyaishvaryadharmAtmA brahmamUrtirhR^idisthitA |
apA.nyoniH svaya.nbhUtirmAnasI tattvasa.nbhavA || 25||
IshvarANI cha sharvANI sha.nkarArdhasharIriNI |
bhavAnI chaiva rudrANI mahAlakShmIrathAmbikA || 26||
maheshvarasamutpannA bhuktimuktiphalapradA |
sarveshvarI sarvavandyA nityaM muditamAnasA || 27||
brahmendropendranamitA sha.nkarechChAnuvartinI |
IshvarArdhAsanagatA maheshvarapativratA || 28||
sakR^idvibhAvitA sarvA samudraparishoShiNI |
pArvatI himavatputrI paramAnandadAyinI || 29||
guNADhyA yogajA yogyA j~nAnamUrtirvikAsinI |
sAvitrI kamalA lakShmIH shrIranantorasi sthitA || 30||
sarojanilayA mudrA yoganidrA surArdinI |
sarasvatI sarvavidyA jagajjyeShThA suma~NgalA || 31||
vAgdevI varadA vAchyA kIrtiH sarvArthasAdhikA |
yogIshvarI brahmavidyA mahAvidyA sushobhanA || 32||
guhyavidyAtmavidyA cha dharmavidyAtmabhAvitA |
svAhA vishva.nbharA siddhiH svadhA medhA dhR^itiH shrutiH || 33||
nItiH sunItiH sukR^itirmAdhavI naravAhinI |
ajA vibhAvarI saumyA bhoginI bhogadAyinI || 34||
shobhA va.nshakarI lolA mAlinI parameShThinI |
trailokyasundarI ramyA sundarI kAmachAriNI || 35||
mahAnubhAvA sattvasthA mahAmahiShamardanI |
padmamAlA pApaharA vichitrA mukuTAnanA || 36||
kAntA chitrAmbaradharA divyAbharaNabhUShitA |
ha.nsAkhyA vyomanilayA jagatsR^iShTivivardhinI || 37||
niryantrA yantravAhasthA nandinI bhadrakAlikA |
AdityavarNA kaumArI mayUravaravAhinI || 38||
vR^iShAsanagatA gaurI mahAkAlI surArchitA |
aditirniyatA raudrI padmagarbhA vivAhanA || 39||
virUpAkShI lelihAnA mahApuranivAsinI |
mahAphalA.anavadyA~NgI kAmapUrA vibhAvarI || 40||
vichitraratnamukuTA praNatArtiprabha~njanI |
kaushikI karShaNI rAtristridashArttivinAshinI || 41||
bahurUpA surUpA cha virUpA rUpavarjitA |
bhaktArtishamanI bhavyA bhavabhAvavinAshinI || 42||
nirguNA nityavibhavA niHsArA nirapatrapA |
yashasvinI sAmagItirbhavA~NganilayAlayA || 43||
dIkShA vidyAdharI dIptA mahendravinipAtinI |
sarvAtishAyinI vidyA sarvasiddhipradAyinI || 44||
sarveshvarapriyA tArkShyA samudrAntaravAsinI |
akala~NkA nirAdhArA nityasiddhA nirAmayA || 45||
kAmadhenurbR^ihadgarbhA dhImatI mohanAshinI |
niHsa~NkalpA nirAta~NkA vinayA vinayapradA || 46||
jvAlAmAlA sahasrADhyA devadevI manonmanI |
mahAbhagavatI durgA vAsudevasamudbhavA || 47||
mahendropendrabhaginI bhaktigamyA parAvarA |
j~nAnaj~neyA jarAtItA vedAntaviShayA gatiH || 48||
dakShiNA dahanA dAhyA sarvabhUtanamaskR^itA |
yogamAyA vibhAvaj~nA mahAmAyA mahIyasI || 49||
sa.ndhyA sarvasamudbhUtirbrahmavR^ikShAshrayAnatiH |
bIjA~NkurasamudbhUtirmahAshaktirmahAmatiH || 50||
khyAtiH praj~nA chitiH sa.nvit mahAbhogIndrashAyinI |
vikR^itiH shA.nkarI shAstrI gaNagandharvasevitA || 51||
vaishvAnarI mahAshAlA devasenA guhapriyA |
mahArAtriH shivAnandA shachI duHsvapnanAshinI || 52||
ijyA pUjyA jagaddhAtrI durvij~neyA surUpiNI |
guhAmbikA guNotpattirmahApIThA marutsutA || 53||
havyavAhAntaryAgAdiH havyavAhasamudbhavA |
jagadyonirjaganmAtA janmamR^ityujarAtigA || 54||
buddhimAtA buddhimatI puruShAntaravAsinI |
tarasvinI samAdhisthA trinetrA divi sa.nsthitA || 55||
sarvendriyamanomAtA sarvabhUtahR^idi sthitA |
sa.nsAratAriNI vidyA brahmavAdimanolayA || 56||
brahmANI bR^ihatI brAhmI brahmabhUtA bhavAraNiH |
hiraNmayI mahArAtriH sa.nsAraparivarttikA || 57||
sumAlinI surUpA cha bhAvinI tAriNI prabhA |
unmIlanI sarvasahA sarvapratyayasAkShiNI || 58||
susaumyA chandravadanA tANDavAsaktamAnasA |
sattvashuddhikarI shuddhirmalatrayavinAshinI || 59||
jagatpriyA jaganmUrtistrimUrtiramR^itAshrayA |
nirAshrayA nirAhArA nira~NkuravanodbhavA || 60||
chandrahastA vichitrA~NgI sragviNI padmadhAriNI |
parAvaravidhAnaj~nA mahApuruShapUrvajA || 61||
vidyeshvarapriyA vidyA vidyujjihvA jitashramA |
vidyAmayI sahasrAkShI sahasravadanAtmajA || 62||
sahasrarashmiH sattvasthA maheshvarapadAshrayA |
kShAlinI sanmayI vyAptA taijasI padmabodhikA || 63||
mahAmAyAshrayA mAnyA mahAdevamanoramA |
vyomalakShmIH si.nharathA chekitAnA.amitaprabhA || 64||
vIreshvarI vimAnasthA vishokA shokanAshinI |
anAhatA kuNDalinI nalinI padmavAsinI || 65||
sadAnandA sadAkIrtiH sarvabhUtAshrayasthitA |
vAgdevatA brahmakalA kalAtItA kalAraNiH || 66||
brahmashrIrbrahmahR^idayA brahmaviShNushivapriyA |
vyomashaktiH kriyAshaktirj~nAnashaktiH parAgatiH || 67||
kShobhikA bandhikA bhedyA bhedAbhedavivarjitA |
abhinnAbhinnasa.nsthAnA va.nshinI va.nshahAriNI || 68||
guhyashaktirguNAtItA sarvadA sarvatomukhI |
bhaginI bhagavatpatnI sakalA kAlakAriNI || 69||
sarvavit sarvatobhadrA guhyAtItA guhAraNiH |
prakriyA yogamAtA cha ga~NgA vishveshvareshvarI || 70||
kapilA kApilA kAntA kanakAbhA kalAntarA |
puNyA puShkariNI bhoktrI pura.ndarapurassarA || 71||
poShaNI paramaishvaryabhUtidA bhUtibhUShaNA |
pa~nchabrahmasamutpattiH paramArthArthavigrahA || 72||
dharmodayA bhAnumatI yogij~neyA manojavA |
manoharA manorakShA tApasI vedarUpiNI || 73||
vedashaktirvedamAtA vedavidyAprakAshinI |
yogeshvareshvarI mAtA mahAshaktirmanomayI || 74||
vishvAvasthA viyanmUrtirvidyunmAlA vihAyasI |
kinnarI surabhI vandyA nandinI nandivallabhA || 75||
bhAratI paramAnandA parAparavibhedikA |
sarvapraharaNopetA kAmyA kAmeshvareshvarI || 76||
achintyA.achintyavibhavA hR^illekhA kanakaprabhA |
kUShmANDI dhanaratnADhyA sugandhA gandhadAyinI || 77||
trivikramapadodbhUtA dhanuShpANiH shivodayA |
sudurlabhA dhanAdhyakShA dhanyA pi~NgalalochanA || 78||
shAntiH prabhAvatI dIptiH pa~NkajAyatalochanA |
AdyA hR^itkamalodbhUtA gavAM mAtA raNapriyA || 79||
satkriyA girijA shuddhA nityapuShTA nirantarA |
durgAkAtyAyanI chaNDI charchikA shAntavigrahA || 80||
hiraNyavarNA rajanI jagadyantrapravartikA |
mandarAdrinivAsA cha shAradA svarNamAlinI || 81||
ratnamAlA ratnagarbhA pR^ithvI vishvapramAthinI |
padmAnanA padmanibhA nityatuShTA.amR^itodbhavA || 82||
dhunvatI duHprakampyA cha sUryamAtA dR^iShadvatI |
mahendrabhaginI mAnyA vareNyA varadarpitA || 83||
kalyANI kamalA rAmA pa~nchabhUtA varapradA |
vAchyA vareshvarI vandyA durjayA duratikramA || 84||
kAlarAtrirmahAvegA vIrabhadrapriyA hitA |
bhadrakAlI jaganmAtA bhaktAnAM bhadradAyinI || 85||
karAlA pi~NgalAkArA nAmabhedA.amahAmadA |
yashasvinI yashodA cha ShaDadhvaparivarttikA || 86||
sha~NkhinI padminI sA.nkhyA sA.nkhyayogapravartikA |
chaitrA sa.nvatsarArUDhA jagatsa.npUraNIndrajA || 87||
shumbhAriH khecharI svasthA kambugrIvA kalipriyA |
khagadhvajA khagArUDhA parArdhyA paramAlinI || 88||
aishvaryavartmanilayA viraktA garuDAsanA |
jayantI hR^idguhA ramyA gahvareShThA gaNAgraNIH || 89||
sa.nkalpasiddhA sAmyasthA sarvavij~nAnadAyinI |
kalikalmaShahantrI cha guhyopaniShaduttamA || 90||
niShThA dR^iShTiH smR^itirvyAptiH puShTistuShTiH kriyAvatI |
vishvAmareshvareshAnA bhuktirmuktiH shivA.amR^itA || 91||
lohitA sarpamAlA cha bhIShaNI vanamAlinI |
anantashayanA.ananyA naranArAyaNodbhavA || 92||
nR^isi.nhI daityamathanI sha~NkhachakragadAdharA |
sa.nkarShaNasamutpattirambikApAdasa.nshrayA || 93||
mahAjvAlA mahAmUrtiH sumUrtiH sarvakAmadhuk |
suprabhA sustanA gaurI dharmakAmArthamokShadA || 94||
bhrUmadhyanilayA pUrvA purANapuruShAraNiH |
mahAvibhUtidA madhyA sarojanayanA samA || 95||
aShTAdashabhujA.anAdyA nIlotpaladalaprabhA |
sarvashaktyAsanArUDhA dharmAdharmArthavarjitA || 96||
vairAgyaj~nAnaniratA nirAlokA nirindriyA |
vichitragahanAdhArA shAshvatasthAnavAsinI || 97||
sthAneshvarI nirAnandA trishUlavaradhAriNI |
asheShadevatAmUrtirdevatA varadevatA |
gaNAmbikA gireH putrI nishumbhavinipAtinI || 98||
avarNA varNarahitA nivarNA bIjasa.nbhavA |
anantavarNA.ananyasthA sha.nkarI shAntamAnasA || 99||
agotrA gomatI goptrI guhyarUpA guNottarA |
gaurgIrgavyapriyA gauNI gaNeshvaranamaskR^itA || 100||
satyamAtrA satyasa.ndhA trisa.ndhyA sa.ndhivarjitA |
sarvavAdAshrayA sa.nkhyA sA.nkhyayogasamudbhavA || 101||
asa.nkhyeyA.aprameyAkhyA shUnyA shuddhakulodbhavA |
bindunAdasamutpattiH sha.nbhuvAmA shashiprabhA || 102||
visa~NgA bhedarahitA manoj~nA madhusUdanI |
mahAshrIH shrIsamutpattistamaHpAre pratiShThitA || 103||
tritattvamAtA trividhA susUkShmapadasa.nshrayA |
shAntyatItA malAtItA nirvikArA nirAshrayA || 104||
shivAkhyA chittanilayA shivaj~nAnasvarUpiNI |
daityadAnavanirmAtrI kAshyapI kAlakalpikA || 105||
shAstrayoniH kriyAmUrtishchaturvargapradarshikA |
nArAyaNI narodbhUtiH kaumudI li~NgadhAriNI || 106||
kAmukI lalitA bhAvA parAparavibhUtidA |
parAntajAtamahimA baDavA vAmalochanA || 107||
subhadrA devakI sItA vedavedA~NgapAragA |
manasvinI manyumAtA mahAmanyusamudbhavA || 108||
amR^ityuramR^itA svAhA puruhUtA puruShTutA |
ashochyA bhinnaviShayA hiraNyarajatapriyA || 109||
hiraNyA rAjatI haimI hemAbharaNabhUShitA |
vibhrAjamAnA durj~neyA jyotiShTomaphalapradA || 110||
mahAnidrAsamudbhUtiranidrA satyadevatA |
dIrghA kakudminI hR^idyA shAntidA shAntivardhinI || 111||
lakShmyAdishaktijananI shaktichakrapravartikA |
trishaktijananI janyA ShaDUrmiparivarjitA || 112||
sudhAmA karmakaraNI yugAntadahanAtmikA |
sa.nkarShaNI jagaddhAtrI kAmayoniH kirITinI || 113||
aindrI trailokyanamitA vaiShNavI parameshvarI |
pradyumnadayitA dAntA yugmadR^iShTistrilochanA || 114||
madotkaTA ha.nsagatiH prachaNDA chaNDavikramA |
vR^iShAveshA viyanmAtA vindhyaparvatavAsinI || 115||
himavanmerunilayA kailAsagirivAsinI |
chANUrahantR^itanayA nItij~nA kAmarUpiNI || 116||
vedavidyAvratasnAtA dharmashIlA.anilAshanA |
vIrabhadrapriyA vIrA mahAkAlasamudbhavA || 117||
vidyAdharapriyA siddhA vidyAdharanirAkR^itiH |
ApyAyanI harantI cha pAvanI poShaNI khilA || 118||
mAtR^ikA manmathodbhUtA vArijA vAhanapriyA |
karIShiNI sudhAvANI vINAvAdanatatparA || 119||
sevitA sevikA sevyA sinIvAlI gurutmatI |
arundhatI hiraNyAkShI mR^igA~NkA mAnadAyinI || 120||
vasupradA vasumatI vasordhArA vasu.ndharA |
dharAdharA varArohA varAvarasahasradA || 121||
shrIphalA shrImatI shrIshA shrInivAsA shivapriyA |
shrIdharA shrIkarI kalyA shrIdharArdhasharIriNI || 122||
anantadR^iShTirakShudrA dhAtrIshA dhanadapriyA |
nihantrI daityasa~NghAnAM si.nhikA si.nhavAhanA || 123||
suSheNA chandranilayA sukIrtishChinnasa.nshayA |
rasaj~nA rasadA rAmA lelihAnA.amR^itasravA || 124||
nityoditA svaya.njyotirutsukA mR^itajIvanI |
vajradaNDA vajrajihvA vaidehI vajravigrahA || 125||
ma~NgalyA ma~NgalA mAlA malinA malahAriNI |
gAndharvI gAruDI chAndrI kambalAshvatarapriyA || 126||
saudAminI janAnandA bhrukuTIkuTilAnanA |
karNikArakarA kakShyA ka.nsaprANApahAriNI || 127||
yuga.ndharA yugAvarttA trisa.ndhyA harShavardhanI |
pratyakShadevatA divyA divyagandhA divAparA || 128||
shakrAsanagatA shAkrI sAdhvI nArI shavAsanA |
iShTA vishiShTA shiShTeShTA shiShTAshiShTaprapUjitA || 129||
shatarUpA shatAvarttA vinatA surabhiH surA |
surendramAtA sudyumnA suShumnA sUryasa.nsthitA || 130||
samIkShyA satpratiShThA cha nivR^ittirj~nAnapAragA |
dharmashAstrArthakushalA dharmaj~nA dharmavAhanA || 131||
dharmAdharmavinirmAtrI dhArmikANAM shivapradA |
dharmashaktirdharmamayI vidharmA vishvadharmiNI || 132||
dharmAntarA dharmameghA dharmapUrvA dhanAvahA |
dharmopadeShTrI dharmAtmA dharmagamyA dharAdharA || 133||
kApAlIshA kalAmUrtiH kalAkalitavigrahA |
sarvashaktivinirmuktA sarvashaktyAshrayAshrayA || 134||
sarvA sarveshvarI sUkShmA susUkShmA j~nAnarUpiNI |
pradhAnapuruShesheshA mahAdevaikasAkShiNI |
sadAshivA viyanmUrtirvishvamUrtiramUrtikA || 135||

evaM nAmnAM sahasreNa stutvA.asau himavAn giriH |
bhUyaH praNamya bhItAtmA provAchedaM kR^itA~njaliH || 1||
yadetadaishvaraM rUpaM ghoraM te parameshvari |
bhIto.asmi sAmprataM dR^iShTvA rUpamanyat pradarshaya || 2||
evamuktA.atha sA devI tena shailena pArvatI |
sa.nhR^itya darshayAmAsa svarUpamaparaM punaH || 3||
nIlotpaladalaprakhyaM nIlotpalasugandhikam |
dvinetraM dvibhujaM saumyaM nIlAlakavibhUShitam || 4||
raktapAdAmbujatalaM suraktakarapallavam |
shrImad vishAlasa.nvR^ittalalATatilakojjvalam || 5||
bhUShitaM chArusarvA~NgaM bhUShaNairatikomalam |
dadhAnamurasA mAlAM vishAlAM hemanirmitAm || 6||
IShatsmitaM subimboShThaM nUpurArAvasa.nyutam |
prasannavadanaM divyamanantamahimAspadam || 7||
tadIdR^ishaM samAlokya svarUpaM shailasattamaH |
bhItiM sa.ntyajya hR^iShTAtmA babhAShe parameshvarIm || 8||

|| iti shrIkUrmapurANe pArvatI sahasranAma stotraM sampUrNam ||
##
Different texts have different numbering scheme.
For example Kurmapurana 1,12.46-12.207 (Hindi)
or 1,11.61-11.218 (English, Wiki)

Encoded and proofread by Kirk Wortman kirkwort@hotmail.com

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}