% Text title            : Kumaravirachitam Parvati Stava
% File name             : pArvatIstavaHkumAravirachitaH.itx
% Category              : devii, devI, pArvatI, shivarahasya
% Location              : doc\_devii
% Proofread by          : Ruma Dewan
% Description/comments  : shrIshivarahasyam | harAkhyaH tRitIyAMshaH | pUrvArdham | adhyAyaH 13| 29-43||
% Latest update         : May 6, 2023
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Kumaravirachitam Parvati Stava ..}##
\itxtitle{.. kumAravirachitaM pArvatIstavaH ..}##\endtitles ##
umA gaurI mahAkAlI mahAgaurI shivA satI |
sharvANI chaNDikA durgA rudrANI girikanyakA || 1||
mR^iDAnI pArvatI mAyA mahAmAyA maheshvarI |
aparNA shAmbhavI bhadrA shubhA tripurabhairavI || 2||
shrIH sarvama~NgalA lakShmIH bhavAnI dakShakanyakA |
AryA haimavatI cheti smR^itvA jayamavApnuyAt || 3||
ekaikamapi yannAma gauryAstadduHkhanAshakam |
jayadaM dhanadaM chaitat AyurvR^iddhikaraM param || 4|| (jayapradamidaM chaitat)

tataH kumAra tAM gaurIM smR^itvA yuddhAya yAhi te |
jayo bhavatyasandigdhaM tannAma jayadaM yataH || 5||
smR^itvApi gaurIM girirAjakanyAM dhanyAM cha mAnyAM cha kala~NkashUnyAm |
durgAmananyAmapi bhAvayantaH sadyo bhavantyeva hi bhAgyavantaH || 6||
smR^itvApi yAM pAtakamAgarebhyo nirgatya sa~Ngatya cha saukhyasa~NghaiH |
svargaM sametyApyapavargametya tiShThanti bhAgyena narAH shivAgre || 7||
yaddR^iShTipAtena jagatsamastamutpannametat paripAlitaM cha |
kalpAvasAne pralayaM prayAti sA devatA ma~NgaladevatA yA || 8||
yatpAdapadmasmaraNaM munInAM tapasyayA kevalamambikA sA |
smR^itA sadA sarva sukhapradAtrI saiShA vidhAtrI sukhasAgarANAm || 9||
yAmannapUrNAM pravadanti devAH stuvanti gandharvagaNA munIndrAH |
martyAshcha tatpAdarajaHprasAdAt ramAdibhiH sA khalu pUjanIyA || 10|| (ramAdayaH)

yasyAH kaTAkShaprasareNa dhanyo dIno daridraH kR^ipaNo.api dhanyaH |
mAnyaH surANAM dhanasAgarANAmadhIshvaraH syAditi tAM bhajAmyAm || 11||
yatpAdapadmAmbujareNuleshaM dadhAra shaurirdhR^itakUrmarUpaH |
sheShaH sahasreNa dadhAra mUrdhnA saipA bhavAnI shubharAjadhAnI || 12||
kulAchalaiH merusamAnadhairyaiH atiprayatnena vibhugnakAyaiH |
yatpAdapadmAmbujareNushailo dhR^ito mudA sA girijA sadA.ambA || 13||
digdantibhiryatpadapadmareNuH dhR^itaH svakumbhasthalapa~Nkilo.api |
madAmbudhArAparivItagAtraiH taddhAraNAyAsagataiH svatantraiH || 14||
yatpAdapadmAmburuhArchanAya ratnAkaro nUtanaratnajAlam |
sampAdayatyanvahamAdareNa sA kiM na gaurI tava pUjanIyA || 15||

|| iti shivarahasyAntargate kumAravirachitaM pArvatIstavaH sampUrNaH ||
\- || shrIshivarahasyam | harAkhyaH tR^itIyAMshaH | pUrvArdham | adhyAyaH 13| 29\-43||
##
- .. shrIshivarahasyam . harAkhyaH tRRitIyAMshaH . pUrvArdham . adhyAyaH 13. 29-43..

Proofread by Ruma Dewan

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}