% Text title            : Parvatitapashcharyavarnanam
% File name             : pArvatItapashcharyAvarNanam.itx
% Category              : devii, devI, shivarahasya, pArvatI
% Location              : doc\_devii
% Transliterated by     : Ruma Dewan
% Proofread by          : Ruma Dewan
% Description/comments  : shrIshivarahasyam | IshAkhyaH dvAdashamAMshaH | adhyAyaH 10 devItapashcharyA | 19-60 ||
% Latest update         : December 28, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Parvatitapashcharyavarnanam ..}##
\itxtitle{.. pArvatItapashcharyAvarNanam ..}##\endtitles ##
(shivarahasyAntargate IshAkhye)

himavAn uvAcha |

hitaM vadAmi te putri shruNu mattastapaH sthitA |
mamaiva maulivivare kedArArchanatatparA || 19||
nAnAmunijanAkIrNe nAnAsiddhavirAjite |
nAnApakShirutApAramR^igasa~NghaniShevite || 20||
sarovaraikabahule praphullakamalotpale |
atra kedAranAthasya pUjanAnmuktibhA~NnaraH || 21||
bahavo.atra samabhyarchya surAshcha munayaH purA |
lebhire vA~nChitAn kAmAn tapasA toShya sha~Nkaram || 22||
subrahmaNya uvAcha |

ityuktAM tAM samAli~Ngya menayA himabhUdharaH |
pArvatIyairgaNairyukto nAnAvarNairdurAsadaiH || 23||
menayA cha samainAko girikanyAyuto yayau |
nAnAdundubhinirghoShaiH paTahAnakagomukhaiH || 24||
puShpalAjoruvarSheNa harSheNa mahatA yutaH |
devyA vimAnamAruhya puShpadAmAvalambinA || 25||
patAkAchAmara bhrAjidivyachChatreNa bhAsvatA |
nIrAjayanti tAM devIM girisaMsthA varA~NganAH || 26||
tapasyabhiprayAtAM tAM devA devIM divi sthitAH |
sumairvavarShushcha tadA gandharvApsaraso jaguH || 27||
nanR^iturmunayastatra jepuH shAntiM tadAkhilAH |
vimAnAdavaruhyAshu kedArashikhare svake || 28||
utphullasahakAraughe tamAlAlivirAjite |
tAlasa~NgharShimarutA rAjite pAnasairvanaiH || 29||
phullamandAravipine karNikArAlishobhite |
kadambaketakIguchChasa~nChannAlivirAjite || 30||
dADimInibiDe vR^ikShaiH phalapuShpAvanAmitaiH |
champakoddAmagandhADhye kR^itamAlavirAjite || 31||
ashokadevadArUNAM tarubhirbilvasaMyute |
ashokaiH shokahAraishcha mAtulu~NgaiH phalAnataiH || 32||
karajaiH kakubhaishchaiva kapitthairbadarairyute |
nAra~Ngara~njite tatra pakShisa~NghavirAjite || 33||
nadannatyUhakAraNDachakravAkopakUjite |
bhramatsAra~NgamAta~Ngapata~NgavrajaShaTpade || 34||
munInAmAshramayute shramahAriNi vAriNi |
utphullakaravIrAlikadalIdalalolite || 35||
nArikeladrumaishchaiva nAnAtaruvirAjite |
shikhaNDitANDavakR^itakekAlApavinAdite || 36||
puMskokiloruvirute haMsakre~NkAraghoShite |
samutphullAbjinIM gAhya paridhAya dukUlakam || 37||
giriNA samanuj~nAtA tapase dhR^itanishchayA |
dhR^itatripuNDrarudrAkShA ka~NkaNA~NgadavarjitA || 38||
sUkShmaparNaikavasanA aparNA tR^iNasaMstarA |
kR^itadhammillajaTilA sakhIbhiH sA manoramA || 39||
vimuktamuktAmAlA sA.abhUShayattattapovanam |
svavaktrajAtasaundaryaM padmeShu nidadhe shivA || 40||
svanetranIlimAnaM sA dadau nIlotpale shivA |
svanAsApuTasaMshobhAM dadau champakakuDmale || 41||
svAdharasya cha rAgaM sA vidrumeShu nyadhAttadA |
radanAvalisaMshobhAM kundeShu samakalpayat || 42||
kapolayoryatsaundaryaM AdarsheShu dadau tadA |
kaNThamaNDalashobhAM cha sha~NkheShu paritanvatI || 43||
mAtulu~NgeShu kuchayostu~NgashobhAM nyadhAchcha sA |
jaghanasthalashobhAM cha kumbhimaste dadau shivA || 44||
svorushobhAM cha rambhAyAM nidadhe himashailajA |
prapadasya cha saundaryaM kamaTheShu dadau shivA || 45||
kaTibhAgasthasaundaryaM sihmeShu nidadhe tadA |
nakhAnAM cha ruchiM devI sAmichandre dadau shivA || 46||
bhUshayyA sA.abhavadbAlA varShaM pavanabhojanA |
varShaM parNaphalAhArA nirAhArA cha hAyanam || 47||
hemante jalamadhyasthA vasante sthaNDileshayA |
grIShme pa~nchAgniniratA varShAsvabhrAvakAshagA || 48||
rudramAvartayantI sA pa~nchAkSharaparAyaNA |
tapasyantIM tathA devIM mudA tatra maharShayaH || 49||
samavetAH sadArAste vismayantashcha saMsthitAH |
nityaM saikatali~Nge sA pUjayAmAsa sha~Nkaram || 50||
tatratyavR^ikShAshcha mR^igAH pakShiNo rakShayanti tAm |
kariNaH puShkarAsAraistasyA a~NgamashItayan || 51||
shikhaNDinaH svapi~nChAgrairgIShmArtAM tAmavIjayan |
chamarAH puchChaguchChaistAM dhunvanto daMshavArakAH || 52||
kokilA rAgasallAsaisstuvanta iva saMsthitAH |
shAkhinaH svasvashAkhAbhiH ChAdayantyAtapArditAm || 53||
girirADapi tAM devIM vilokyAyAti yAti cha |
sakhyo.abhavan tadA tasyA munipatnyaH kumArikAH || 54||
supuShpApachayaistatra kandamUlaphalAdibhiH |
shItapAnIya dAnenApyasevanta maheshvarIm || 55||
kedAreshvarapUjAyAM niratA dvAdashAbdakam |
pa~nchAmR^itA.a.asechanena gandhapuShpairmanoharaiH || 56||
dhUpardIpaishcha naivedyaiH praNAmaprakramAdibhiH |
pUjayAmAsa sA devI girirAjasumauligA || 57||
tena sampreShitenaiva sambhAreNa varA shivA |
sampUjayetstuvantyevaM stotreNa parameshvaram || 58||
bhAdrashukla tR^itIyAyAM siktAyAM maheshvaram |
samarchayantI rAtrau sA bilvapatrairmaheshvaram || 59||
sA.akarojjAgaraM devI kedAreshastave ratA |
viratA sarvabhogebhyaH sharvavi(saM)nyastamAnasA || 60||

|| iti shivarahasyAntargate mahAdevItapashcharyAvarNanaM sampUrNam ||

\- || shrIshivarahasyam | IshAkhyaH dvAdashamAMshaH | adhyAyaH 10 devItapashcharyA | 19\-60 ||
##
- .. shrIshivarahasyam . IshAkhyaH dvAdashamAMshaH . adhyAyaH 10 devItapashcharyA . 19-60 ..

Notes:

Pārvatī ##pArvatI##; intending to marry to none other than Śiva ##shiva##, moves to a suitable place, as guided by Her Parents (Menā ##menA## and Himavān ##himavAn##), for conducting worship of Śiva ##shiva## and the required tapas ##tapas##. She worshiped Śiva ##shiva## variously as Kedāreśvara ##kedAreshvara##, via Saikataliṅga ##saikatali~Nga##, during night of BhādrapadaŚuklaTṛtīyā ##bhAdrapadashuklatR^itIyA## with BilvaPatra ##bilvapatra##, etc.##

##
Proofread by Ruma Dewan 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}