% Text title : pItAmbararatnAvalIstotram % File name : pItAmbararatnAvalIstotram.itx % Category : devii, sarasvatI, stotra, devI % Location : doc\_devii % Transliterated by : DPD % Proofread by : DPD % Latest update : August 6, 2017 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Shri Pitambararatnavali Stotram ..}## \itxtitle{.. shrIpItAmbarAratnAvalIstotram ..}##\endtitles ## shrIgaNeshAya namaH || shrIpItAmbarAyai namaH | o~NkAradvayasampuTAntarapuTaM mAyAsthirAdvandvitaM tanmadhye bagalAmukhIti vimalaM sambodhanaM sarvaM cha | duShTAnAmatha vAchamAshu cha mukhaM sastambhayetyakSharaM jihvAM kIlaya kIlayeti cha likhedbuddhi tathA nAshaya || 1|| brahmAstraM sakalArthasiddhijanakaM ShaTtriMshadarNAtmaka\- mproktaM padmabhuvAM hitAya jagatAM yannAradAgre purA | jIvanmuktapade vibhAnti sudhiyo yeShAM mukhe bhAsate nirdvandvAmR^itasAgarendukiraNAhArAshchakorAstu te || 2|| omityAdisvarUpaM japati tava shive shabdatanmAtragarbhA\- vAcho yasmAt parArthaprakaTitapaTavo varNarUpA nirIyuH | brahmAdyaiH pa~nchatatvaiH parivR^itamanadhaM chitprabodhAdhigamyaM durj~neyaM yogayuktaiH kathamapi manasA yogibhirgR^ihyamANam || 3|| hlIM bIja hR^idiyasya bhAti vimalaM lakShmIH sthirA tadgR^ihe dhairyaM tasya kalevare.api vishate dIrghAyuSho bhUtale | kalpAnteShvapi vR^iddhimeti vimalA tadvaMshavallI parA shauryaM sthairyamupaiti tasya puratastrasyanti vAdIshvarA || 4|| baddhuM vAridhimudyato janakajAnAtho.api pItAmbare ! tvAM dhyAtvA.arNavashoShaNe kR^itamatiH setu prachakre drutam | jitvA rAvaNamugrashatrumabalAn bandIn vimuchyA.amarAn kIrttiM lokasukhodayAM vyarachayat kalpasthirAmambike || 5|| garvI kharvati ra~Nkati kShitipatirmUkAyate vAkpati\- rvahniH shItati durjanaH sujanate puShpAyate vAsukiH | shrInitye bagale tavAkSharapadairyantrIkR^itA yantritAH ke ke no nipatanti srastamukuTAshchandrArkatulyA api || 6|| lAvaNyAmR^itapUrite tava kR^ipApA~Nge nimagnA narA bahmeshAdidigIshavR^indamapi te jAnanti gu~njopamam | yeShAM chetasi saMsthitA.asi bagale ! te vishvarakShAkShamAH prArabdhaM draDhayanti satvarataraM vighnairavighnIkR^itAH || 7|| mukhyatvaM samupaiti saMsadi tavA.apA~NgAvaloke naraH kiM tachchitramaho svayaM prabhavate sR^iShTisthitidhvaMsane | yashchitte tava \ldq{}bhAtimAmaka iti\rdq{} tvaddarshanaM yasya vA taM sarvA hyaNimAdayo.apyatitarAmArAdhayante dhruvam || 8|| kShINAnAM baladAyinIM jalanidhau potasthitA nAvikAM tattrANaM ghanaku~njagahvaragirivyAghrAdibhIteShvapi | tvAM pItAmbaradhAriNIM parashivA chandrArddhachUDAM gadA\- hastAM vAmakare pratIparasanAmunmIlayantIM bhaje || 9|| svechChaM ye praNamanti pAdayugalaM pItAmbare ! tAvakaM te vA~nChAdhikamarthamApya sakalAM siddhiM bhajante punaH | yadyatkarttumurIkaroti bagale ! tvatsAdhako.atrAdhunAH tatsa~njAtamivekShate tava kR^ipA.apA~NgAvaloke kShaNAt || 1 0|| vANI sUktisudhArasadravamayI sAla~NkR^itistanmukhe shApAnugrahakAriNI kavijanAnandaikasamvarddhinI | vyAkartuM kShamate vishAlamatimAMstvatsevako vA~NmayaM kiM chitraM yadi sR^iShTimAshu rachate brahmANDakoTyAyate || 11|| devi ! tvadbhaktadR^iShTyA tuhinagirimukhAH parvatAH pAMsutulyA jvAlAmAlAshcha chandrAmR^itakarasadR^ishA puShpatAM yAnti nAgAH | mUkatvaM vAkyatIndrAH sarasi samatulAmAshrayante samudrA rAjAno ra~NkabhAvaM raNabhuvi ripavo vidravante vishastrAH || 12|| lekhyaM tAvakamantrabIjamamalaM duShTaughasaMstambhana vashyAkarShaNamAraNapramathanaprakShobhaNochchATane | vyaktaM vajramivAparaM yadi mukhe jAgarti tasyAgrataH pAdAntaH parisa~ncharanti ripavo ye saptadvIpeshvarA || 13|| nAnAratnavimUShitAmalamaNidvIpe sudhAsAgare kalpAnokahakAnanAntaragatA yA ratnavedI parA | tatrAkAritapa~nchapretakamaye siMhAsane saMsthitAM dhyAye.ahaM karuNAkarAM hariharArAdhyAmasheShArthadAm || 14|| vAgdevI vadane vasatyavirattaM netre cha lakShmIH kare dAnaM dInakR^ipAlutA cha hR^idaye vIratvamAjau sadA | tvadbhaktasya bhavAbdhipArataraNe tattvodayo jAyate tenedaM nalinIdalopari jalAkAraM jagad bhAsate || 15|| cha~nchatkA~nchanatulyapItavasanAM chandravataMsojjvalAM keyUrA~NgadahArakuNDaladharAM bhaktodayAyodyatAm | tvAM dhyAyAmi chaturbhujAM trinayanAmugrArijihvAM kare karShantImahamamba pAhi bagale ! trANaM tvamevAsi me || 16|| mAtaste mahimAnamugramadhikaM proktaM svayaM mAnavai \- rvAkyaM sandriyate shrameNa yadi vA shaktyA guNAmbhonidheH | no nishsheShatayA surairaviditaprAntasya padmAlaye tasmAt sarvagatA tvameva sadasadrUpA sadA gIyate || 17|| kha~njaM tArkShyasamodyamaM prakurute tArkShyaM cha kha~njAdhikaM vAntaM stambhayate jalAgnishamane yA.avyaktashakti shive | tadbIjaM bagaleti me.astu rasanAlagnaM sadaivAmalaM yadbrahmAdisUdurlabhaM bhuvi naraiH satprAktanairlabhyate || 18|| stambhatvaM pavano.api yAti bhavatIha bhaktasya pItAmbare | ki chitraM yadi vAridhiH sthalapadaM merustu mAShopamAm | kalpAnokahakAmadhenupramukhai ratnairalindasthitai\- rvA~nChArthAdhikadAnamAshu kurute dIneShvadIneShvapi || 19|| bhAgyAdyasya mukhe vibhAti vimalA vidyA visheShAdhikA ShaTrtriMshadbhirathoditA bahuguNairbIjaistu sarvArthadA | taM sarve praNamanti mAnavamamI sendrAH surA bhUsurAH krAntAshepamahodayaM svakalanAkrAntatrilokAlayam || 20|| yatki~nchidbhuvane vibhAti vimalaM ratnaM mahAnandanaM yAM yAM vR^ittirudAratAM janayate yadyatparaM sundaram | yatki~nchitbhuvane.athavA nu mahatA shabdena vA kIrtyate\- tatsarvaM tava rUpameva bagale ! saMsArapAraprade || 21|| jAgratpUrNakR^ipAmR^itaudhabharite shrImatkaTAkShekShaNe sarvArthapratipAdakavratadhare ye ye nimagnA narAH | teShAM bhAvayamatIndriya nigadituM brahmAdayo na kShamA ye sa~NkalpavikalpamAtrarachanAH prANAtyaye hetavaH || 22|| haste sa~NgR^ihya chApaM sharadharanikarairyatkirAtaM mahAjau pArtho brahmAstravidyAbhyasanapaTumatirdvandvayuddhe tutoSha | tatsarvaM devavR^indairatha ripunivahairvIkShitaM siddhalokai \- dhairyaM shauryaM cha sarvaM tava varajanitaM bhAti pItAmbare.atra || 23|| pItAM pItajaTAgharAM trinayanAM pItAMshukollAsinIM hemAbhA~NgaruchiM shashA~NkamukuTAM sachchampakasragyutAm | hastairmudgaravajravairirasanAM sambibhratImAdarAt dIptA~NgI bagalAmukhIM trijagatAM saMstambhinIM chintaye || 24|| karNAlambitalolakuNDalayugAM shvetendumauliM karaiH keyUrA~NgadapAshamudgaragadAvajrAdikAn bibhratIm | devIM pItavibhUShaNAmarikuladhvaMsodyatAM ye narA dhyAyantyAshu labhanti siddhimatulAM te bAlishAH syuH katham || 25|| labdhvA mAtarasheShakAntibharitAnandaM kR^ipAvIkShaNaM varShIyAnapi mohituM prabhavati strIvR^indamunmIlitum | kiM ta~nchitramanekathA bhramayate dR^iShTyA trilokImimAM sUryendustanadhAriNImapi balAt kandarpadapArdhikaH || 26|| yantraM jaitramanekaduHkhashamanaM pItAmbare ! tAvaka\- mo~NkAradvayasampuTena puTita shiShTaistathAveShTitam | tadbAhye sthiramAyayAShTapuTitaM pAshA~NkushAdyAvR^itaM yeShAM chetasi bhAgyato nivasate te vishvasargakShamAH || 27|| karpUrAguruchandanairmR^igamadairgorochanAkesharai\- stvatpAdAmbujamarchayanti bagale ! ye pratyaha mAnavA | te labdhvA shriyamadbhutAmapi chiraM bhogAMshcha bhuktvA.avanau sAyujyAlayamAvishanti paramAnando.asti yatrAdhikaH || 28|| lavdhvA pAdayuge ratiM tava shive kShudro.api devendratA\- mAsAdyAmarasundarIbhiramalairbhogairdivi krIDati | ye hitvA tava bhaktimanyabhajanAnandAshchiraM te narA bhraShTA gharmaparA~NmukhA bhramadhiyo bhAraM vahante bhuvi || 29|| vAmArAdhya haro haratvamabhajad viShNustu vishvAtmatAM chakre sR^iShTimajo.apyavochadakhilaM vedAdisadvA~Nmayam | dhyAtvA dhvAntamasheShamAshu harate sUryo.api pItAmbare | tIvraM tApamapAkaroti rajanInAtho.api chUDAshritaH || 30|| buddhiM nAshaya kIlayAshu rasanAma~NghryorgatiM stambhaya duShTAn drAvaya mArayArinivahAn dAsAMshchiraM pAlaya | itthaM ye bagalAmukhIM padagatiM labdhvA paThiShyanti te yantrArUDhamivArivR^indamIkhalaM karttuM samarthAMH sadA || 31|| dhyAtvA tvAM bagale ! purA girisutA chakre shivaM svaM varaM proktaM nArpayituM shivena gaditA sa~NkalpanAgnau tadA | tyaktAgnirgalitAvali girisutAt tyaktvA galastanmukhAt tasmAt tvaM bagalAmukhI nigaditA nityA parA yoginI || 32|| nAgendrairdevasiddhairmunivaranivahairdAnavai rAkShasendrai\- rdikpAlairdikkarIndrairdinakarapramukhaiH sadgrahaistArakAdyaiH | brahmAdyaiH sthUlasUkShmairaviditamuditA tvaM parA chonmanI tvaM nityA pItAmbarA tvaM ripubhayashamanI bhaktichittAsanasthA || 33|| shambhuryadguragagAnattodyatamatirnATyotsavaistANDave chakre chandramayUkhakampanakarAM nIrAjanAM pAdayoH | hemAmbhojadalairjaTAjalabharairAnanditairmaulibhiH pUjAM pratyahamAtanoti naTayan svairhastatAlAdibhiH || 34|| yAM dadhre chaturAnano.api vadane chittAravindasthitAM yAM vakShaHsthalasaMsthitAM harirajAmAli~Ngya pItAmbarAm | yaddehArdhamurIchakAra purajit saundaryasArAdhikAM ShaTchakAkShararUpiNIM bhaja sakhe ! devI jagatpAlikAm || 35|| haste bhAti gadA sadArttishamanI ratnAvalI tvadbhuje pAde nUpuramIshamaulimaNibhirnIrAjitaM rAjate | tATa~NkaM shravaNe kuchopari sadA kasturikAlepanaM kAshmIradravama~NgarAgamadhikAM pItachChaviM tanvate || 36|| O~NkAradvayasampuTena puTitA vidyAgame saMsthitA ShaTchakrAkSharabIjasArarachitAM ShaTtriMshadarNAtmikAm | ye jAnanti japanti santatamabhidhyAyanti gAyanti vA te vandyA vibudhaishcharanti bhuvane siddhArchitAH siddhaye || 37|| svAhAshaktirupAsane tava R^iShiH shrInArado devatA nityA shrIbagalAmukhI nigaditA Chando bhavet triShTubham | bIjaM tu sthiramAyayA virachitaM nAnAvidhastambhane proktaM padmabhuvA.akhilAptiviniyogo.apyachyutAkAratA || 38|| hR^idyaM sarvasureshvaraishcha R^iShibhirduShprApyamevAdbhutaM stotraM gopyatamaM svabhAgyavashataH prAptaM paThiShyanti ye | sUktyA devaguruM dhanena ghanadaM jitvA chira~njIvitAM ShaNmAsAt sukhasAgare shivasamAkrIDAM kariShyanti te || 39|| devI svapnagatA svayaiva likhitaM mahyaM dadAvadbhutaM divyAstraM purataH paThasva vimalaM sindUravarNaiH karaiH | romA~nchA~NkitaharShamApya lulitaira~NgaiH paThantaM nara\- prApto.ahaM paramodayapradamidaM j~nAnaM kavIndrAdidam || 40|| prAptA shrIbagalAmukhIvadanataH svapne suvidyA mayA ShaTtriMshadbhirimaiH suvarNanichayaiH sadbIjaratnAvalI | yeShAM kaNThagatA vibhAti jagatIpIThe prayogakShamA vashyAkarShaNamohamAraNavidhau stambhe tathochchATane || 41|| chalatkanakakuNDalollasitachArugaNDasthalAM lasatkanakachampakadyutivirAjichandrAnanAm | gadAhatavipakShakAM kalitalolajihvA~nchalAM smarAmi bagalAmukhIM vimukhavA~NmukhastambhinIm || 42|| || shrIpItAmbarAratnAvalIstotraM sampUrNam || || iti shrInAradoktaM pItAmbarAdevIstavarAjasstotram || || saMvat 1790 shAke 1755 AShADhamAse shuklapakShe 5 mandavAsare likhitaM brahmachArikAshinAthena || || shrIga~NgAvishveshvarAbhyAM namaH || ## Encoded and proofread by DPD \medskip\hrule\obeylines Please send corrections to sanskrit@cheerful.com Last updated \today https://sanskritdocuments.org \end{document}