% Text title            : Panchagangashtakam
% File name             : panchagangAShTakam.itx
% Category              : devii, devI, nadI, aShTaka
% Location              : doc\_devii
% Transliterated by     : Anil Kumar Pandey anil.kumar17pandey at gmail.com
% Proofread by          : Anil Kumar Pandey anil.kumar17pandey at gmail.com
% Description/comments  : Ganga Jnana Mahodadhi compiled by Acharya Ramapada Chakravarty
% Latest update         : June 13, 2010
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Panchagangashtakam ..}##
\itxtitle{.. pa~nchaga~NgAShTakam ..}##\endtitles ## 
shrIgaNeshAya namaH |
ga~NgA shivA hi yamunA.api cha puNyatoyA
     vANI pavitrakiraNA varadhUtapApA |
shrIbindumAdhavahareH purato vichitrA
     kAshyAM sadA vijayate varapa~nchaga~NgA || 1||
prAtaH sadA munigaNAH sakalAshcha devAH
     snAnAya1 mAdhavapuraHsaramApatanti | (1\. snAnArtha pAThAntara)
yasyAM sthiro bhavati mAdhava AdidevaH
     seyaM sadA vijayate varapa~nchaga~NgA || 2||
yasyAM sadA hariharau vasataH2 prasannau (2\. ramataH pAThAntara)
     dharmadravAM janahitAM kavayo gR^iNanti |
dhyAyanti yAM shubhakarIM kalikalmaShaghnIM
     seyaM sadA vijayate varapa~nchaga~NgA || 3||
sa.nprApya te sukR^itinaH shivarAjadhAnIM
     kAshIM  bhajanti muditA varapa~nchaga~NgAm |
te dustarAM guNamayIM prataranti mAyAM
     lokaM punanti sakalaM shivabhaktiyuktAH || 4||
garjanti pApakariNo bhayadA hi tAvad
     yAvajjano na bhajate varapa~nchaga~NgAm |
yAM gachChataH pratipadaM bhavati prapuNyaM
     tAM tvAM namAmi satataM hR^idi pa~nchaga~Nge ! || 5||
tyaktA api priyajanairatipApayuktA
     rogAdibhiH parivR^itA atiduHkhayuktAH |
daivAdyadi tvayi patantyatha pa~nchaga~Nge !
     tenaiva te sukR^itinaH paramaM vrajanti || 6||
tvannAma durlabhamidaM tava darshana~ncha
     tvaM kAntike tvatitarAM janadurlabhA.asi |
tvayyeva bhaktimamalAM varade ! pradehi
     kAshyAM shive! haripade sujane shrutau cha || 7||
stotuM na ko.apyalamanantaguNe ! tathApi
     sadbhiH pravartita iti pravadAmi ki~nchit |
tanme kShamasva shishubhAvanayA sati ! tvaM
     prAtaH prasIda subhage ! mayi pa~nchaga~Nge ! || 8||
ga~NgAShTakamidaM puNyaM bhuktimuktipradaM nR^iNAm |
satyaj~nAnAnade tIrthe yatinA rachitaM mude || 9||
idaM stotraM tu rachitaM taila~NgashAstrisharmaNA |
likhitaM duNDhirAjena stotraM sampUrNamuchyate || 10||
idaM stotraM paThetrityaM yaH smaretpuNyavAnnaraH |
tasya muktistu jAyeta atrAMshe nAsti saMshayaH || 11||
likhitaM duNDhirAjena kAlopAkhyena dhImatA |
devIdAsharmaNA sArdhaM pustakaM dattameva cha || 12||

stotra\-TippaNI\- aShTakamidaM pANDulipirUpeNa rAmApura\-vArANasIsthAda
AchAryabrahmagopAlabhAdu.DImahAshayasya pustakAlayAdasmAbhiH sa~NgR^ihItam |
stotrasya dashamashloke taila~NgashAstrisharmA asya rachayitetyuktam |
puShpikAyAmasya rachanAkAlaH saMvat 1788 ityullikhitam | ataH khIShTAbdasya
1731 tame varShe likhitametat kenachit DhuNDhirAjena iti pratIyate | eSha
eva taila~NgashAstrisharmA suprasiddho yogI taila~NgAsvAmIti vij~nAyate |
shlokeShu kAshchanAshuddhayo.asmAbhirlakShitAH | svabuddhayA tAH saMshodhya
shuddhapAThaH mUlapAThe niveshitaH | hastalekhasyAshuddhapAThAH
tattatsthAne  sa~NkhyAkrameNa stotrasyAdhastAdullikhitAH ||
kAshyAM taila~NgasvAmI pa~nchaga~NgAghaTaTe  sanyAsinAmAshrame
mR^ityuparyantaM 1887 khrIShTAbdaM yAvat digambarAvasthAyAM nyavasat |
shrUyate tathA.anumIyate yat taila~NgasvAmino mukhAdabAdhagatyA
niHsR^itaM pa~nchaga~NgAShTakamidaM pratyahaM tadIyapramukhabhakto
devIdAnAmakaH shrutavAn | devIdAmahodayasya svechChayA prArthanayA
cha duNDirAjenAShTakamidaM lipibaddhamakAri | Arambhe.aShTau shlokA
vasantatilakAchChandaHsu taila~NgasvAminA rachitAH, ante chatvAraH
shlokAshchAnuShTupChandaHsu lekhakena virachitAH saMyojitAshvetyanumIyate |

iti pa~nchagaga~NgAhakaM sampUrNam |

##
Encoded and proofread by Anil Kumar Pandey anil.kumar17pandey at gmail.com 

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}