% Text title : prachaNDachaNDItrishatI % File name : prachaNDachaNDItrishatI.itx % Category : shatI, devii, otherforms, gaNapati-muni, devI, trishatI % Location : doc\_devii % Author : Shri Vasishtha Ganapati Muni % Proofread by : Kaushal S. Kaloo kaushalskaloo at gmail.com % Description-comments : The Collected Works of Vasishtha Kavyakantha Ganapati Muni Vol 2.15 % Latest update : July 3, 2013 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. prachaNDachaNDItrishatI ..}## \itxtitle{.. prachaNDachaNDItrishatI ..}##\endtitles ## prathamaM shatakam prathamo mukulastabakaH vajraM jambhabhidaH sarvasvaM nabhasaH | vande vairisahaM vidyujjyotiraham || 1|| sA shaktirmarutAmIshAnasya tatA | vyomAgAraramA sA devI paramA || 2|| sUkShmaM vyApimaho dR^ishyaM vAridhare | tattvaM te marutAM rAj~naH patnipare || 3|| dvAbhyAM tvaM vanitArUpAbhyAM lasasi | ekA tatra shachI chaNDAchaNDyaparA || 4|| ekA kAntimatI bhartR^istalpasakhI | anyA vIryavatI prAyo yuddhasakhI || 5|| ekA mohayate shakraM chandramukhI | anyA bhIShayate shatrUnarkamukhI || 6|| ekasyAM taTito ramyA dIptikalA | anyasyAM sutarAmugrA shaktikalA || 7|| ekasyAH sadR^ishI saundarye na parA | anyasyAstu samA vIrye nAstyaparA || 8|| ekA sa~ncharati svarge bhogavatI | anyA bhAti nabhora~Nge yogavatI || 9|| ekA vA dashayoH bhedena dvividhA | indrANI vibudhaiH gItA puNyakathA || 10|| chaNDi tvaM varade piNDe kuNDalinI | gItA chChinnashirAH prAj~nairvaibhavinI || 11|| AhuH kuNDalinIM yanmUdhrnA viyutAm | chitrA sA vachaso bha~NgI buddhimatAm || 12|| putrAchChinnashirAH puNyAyA.abjamukhI | AvikShat kila tAM shaktiH shakrasakhI || 13|| tasmAdvAyamavachchittAmbhojaramA | uktA kR^ittashirAH sA shaktiH paramA || 14|| ojIyasyabalA tulyA kApi nate | rAjArerjanani svarnArIvinute || 15|| yAvanto.avatarAH shakterbhUmitalA | vIryeNAsyadhikA teShu tvaM vimale || 16|| prAgeva tvayi satyaindrIshaktikalA | vyaktA.abhUchChirasi chChinne bhUribalA || 17|| tvaM Chinne mahasAM rAshiH shaktirasi | hu~NkAreNa ripuvrAtaM nirdahasi || 18|| bhogAsaktaratigrAhA~NkAsanagA | bAlArkadyutibhR^itpAdAmbhojayuvA || 19|| ChinnaM pANitale mUrdhAnaM dadhatI | prANAnAtmavashe saMsthApyAnahatI || 20|| sphArAsyena pibantyullolAnasR^ijaH | dhvastAnAdadhatI dR^iptAn bhUmibhujaH || 21|| DAkinyA.anaghayA varNinyA cha yutA | rAmAmbA.avatu mAM divyaM bhAvamitA || 22|| kAryaM sAdhayituM vIryaM vardhaya me | chittaM svAtmani cha chChinne sthApaya me || 23|| yogaM me viShayArAtyabdhiM taritum | chittaM devi kuru tvaM sAkShAdditum || 24|| mAndArairiva me gAyatrairvimalaiH | Chinne sidhyatu te pAdArchA mukulaiH || 25|| \medskip\hrule\medskip dvitIyo bR^ihatIstabakaH nikhilAmayatApaharI nijasevakabhavyakarI | gaganAmR^itadIptijharI jayatIshvarachillaharI || 26|| vipine vipine vinutA nagare nagare namitA | jayati sthirachittahitA jagatAM nR^ipaterdayitA || 27|| matikairaviNIndukalA munihR^itkamale kamalA | jayati stutidUrabalA jagadIshavadhUrvimalA || 28|| kalipakShajuShAM damanI kaluShapratateH shamanI | jayati stuvatAmavanI sadayA jagato jananI || 29|| atichaNDisuparvanute balapauruShayoramite | jananaM sujanAvanite jagatAmupakArakR^ite || 30|| sakalAmayanAshachaNe satataM smarataH suguNe | mama kAryagateH prathamaM maraNaM na bhavatvadhamam || 31|| maraNasya bhayaM tarituM karuNArasavAhini te | smaraNAdrasayAmi galachcharaNAmburuhAdamR^itam || 32|| vanitAvapuShadhraNaM jagadamba na vedmi tava | viyadagnitanodhraNaM shiraseha vahAmi sadA || 33|| shatashaH prasR^itaidhraNaiH munimastakavIthiShu sA | vipule gagane vitatA charati tridasheshasakhI || 34|| vishati pravidhAya pathashcharaNasya vibhAmbaguhAm | vihitasya mamehashirasyajare jagadIshvari te || 35|| charaNasya vibhA kimu te tava kAchana vIchiruta | vividhA vidadhAti kathAH pravishantyayi bhaktguhAm || 36|| nijavIchivilAsapadaM mama kAyamidaM jagati | karaNaM surakAryakR^ite tava nistulabhe bhavatu || 37|| mama varShmaNi hInabale yadi kashchana lopa iva | tamapohyapaTiShThatamaM kuru viShTapamAtaridam || 38|| sahatAmidamambavapustava nATyamapArajavam | bahirantarashatrusahaM bhajatAM bahulaM cha balam || 39|| pR^ithivI cha saheta na te taTidIshvari nATyajavam | karuNA yadi devi na te vapuShAmiha kA nu kathA || 40|| tava shaktijharIpatanaM bahiradbhutavR^iShTiriva | idamantaranantabale madirArasapAnamiva || 41|| paramikShuraso madhuro madirAmadakR^itparamA | madhurA madakR^ichcha bhR^ishaM tava shaktikalAlaharI || 42|| rasanendriyamAtrAmudaM vara ikShurasaH kurute | bahirantarapi pramadaM tava shaktikalAlaharI || 43|| vapuSho manasashchadhiyo balamadbhutamAdadhatI | pramadaM cha jayatyajare tava shaktikalAlaharI || 44|| tava shaktikalAlaharI parishodhayate bhuvi yam | vidurAgamasAravidaH sanimeShamamartyamimam || 45|| laharImakhilAmba vinA tava yo.anubhavaM vadati | ayi va~nchita eSha mR^iShA viShayeNa mahAvibhave || 46|| satatAlaharI yadi te bahirantarapi praguNA | bhavabandhachayaH shithilo bhuvi jIvata eva bhavet || 47|| iha tAvadapArabale sakalA api yogakathAH | tava yAvadanantajuSho na pavitrajharIpatanam || 48|| viShayArivinAshavidhau ramaNIyamupAyamaje | kathayeshvari me vishadaM tava nAmba na sAdhyamidam || 49|| gaNanAthakaveH kR^itibhiH bR^ihatIbhirimAbhirajA | paritR^ipyatu chaNDavadhUH kapaTAgaganAgnikalA || 50|| \medskip\hrule\medskip tR^itIyaH supratiShThAstabakaH chaNDachaNDikAM bAlabhAnubhAm | naumi devatArAjavallabhAm || 51|| nAbhimaNDalashvetapadmage | chaNDadIdhitermaNDale sthitAm || 52|| sUkShmanADikAdehadhAriNIm | ghorapAtakavrAtahAriNIm || 53|| ugravikramachChinnamastakAm | dagdhavAsanAghAsajAlakAm || 54|| naumi saddhiyaM siddhasaMstutAm | vajradhAriNaH shaktimadbhutAm || 55|| prANinAM tanau tantusannibhAm | ambarasthale vyApakaprabhAm || 56|| chAruvarNinIprItilAlitAm | bhImaDAkinIvIryananditAm || 57|| dIpyadakShibhAbhIShitAsurAm | naumi vajriNaH shaktimakSharAm || 58|| yA vishattapodhvastapAtakAm | reNukAM sutachChinnamastakAm || 59|| naumi tAmarivrAtamardinIm | nAkamedinIpAlabhAminIm || 60|| devasundarImastalAlitam | ambikApadaM bhAtu me hitam || 61|| shodhyatAmayaM sarvadhIpuShA | lokadhAtri te pAdarochiShA || 62|| koTishastava prAjyashaktyaH | vidyudambike pAdapa~NktayaH || 63|| tAsu vikramAdhAyicheShTitam | tAsu viShTapaj~nAnamadbhutam || 64|| sarvato.amba te pAdacheShTitam | vetti tatkR^itI no jaDaH kR^itam || 65|| vetti yaH kR^itI tatrA tadbalam | veda yo nanA tatra no phalam || 66|| arpayettanuM yaH savitri te | shaktivaibhavaM tatra paNDite || 67|| pUruSho bhavannUrmirachyute | mattanuM straiyaM sambhunaktu te || 68|| sarvato gatirbhAmadamba te | madguhAntare bhAtu vishrute || 69|| ugravaibhavAshaktirantare | bhAtu te padapreyasaHpare || 70|| chaNDi te punashchetprachaNDatA | kIdR^igambike sA mahogratA || 71|| martyahastinaM mastabhedinI | shaktiramba te pAtu pAvanI || 72|| uttamottamA chittachintyatAm | kR^ittamastakA mattakAshinI || 73|| AtmavairiNAM nAshane vidhim | brUhi me jananyantarAvadhim || 74|| chetaso.amba te jAyatAM hitam | saupratiShThasadgItamadbhutam || 75|| \medskip\hrule\medskip chaturtho naramanoramAstabakaH amarapAlinI ditijanAshinI | bhuvanabhUpaterjayati bhAminI || 76|| atishubhA nabhastalavisAri bhA | jagadadhIshiturjayati vallabhA || 77|| suramahIpaterhR^idayamohinI | kapaTakAminI jayati mAyinI || 78|| jayati kuNDalIpuraniketanA | taTidadhIshvarI taralalochanA || 79|| vimalamastakairhR^idi vidhAritA | dalitamastakA jayati devatA || 80|| jayati vidyuto yuvatibhUmikA | iha khalAntakR^ijjayati reNukA || 81|| amitavikrame jayajayAmbike | parashudhAriNo janani reNuke || 82|| vinatapAlike dharaNikAlike | janapatidviSho janani pAhi mAm || 83|| mama ktadambujaM tava padAmbuje | bhajatu lInatAM kapaTanAryaje || 84|| 108 karuNayA kriyAdbhagavatI shubhA | mama mudAvahaM madamudArabhA || 85|| tava made vR^iShA jayati dAnavAn | tava made haro naTati modavAn || 86|| tava made ravistapati tejasA | tava made svabhUravati chaujasA || 87|| tava made shashI ramayate.akhilam | tava made.anilaH prathayate balam || 88|| tava made.analo jagati rAjate | tava made munirnigamamIkShate || 89|| tava made dharA bhramati medinI | tava made tanurmama cha modinI || 90|| dahanakIlavannirupamogratA | shashimayUkhavatparamasaumyatA || 91|| gaganadeshavatsthitiracha~nchalA | tapanarashmivadgatirapa~NkilA || 92|| amR^itavanmadaH pavanavadbalam | tava tara~Ngake kimiva no phalam || 93|| tava navAmahAmadavidhAyikA | aghaharIsurA jayati vIchikA || 94|| tava suchittikA janani vIchikA | amR^itavarShiNI jayati harShiNI || 95|| amararAj~nidevyasuravighnahA | asurupAsakAnavati te kalA || 96|| anugR^ihItavAk.htava gabhastinA | sakalasiddhirAD bhavati devinA || 97|| satatachintanAttava guhAntare | niyatachetaso jagadidaM kare || 98|| janani me vidhiM kathaya bhIShaNe | viShayashAtrAvavrajavidAraNe || 99|| tava manorame surapaterimAH | vidadhatAM mudaM naramanoramAH || 100|| \medskip\hrule\medskip dvitIyaM shatakam pa~nchamo rathoddhatAstabakaH kR^ittamastamapishAtakartarIM pANipadmayugalena bibhratIm | saMsmarAmi taruNArkarochiShaM yoShitaM manasi chaNDachaNDikAm || 101|| chaNDachaNDi tava pANipa~Nkaje yannijaM lasati kR^ittamastakam | devi sUchayati chittanAshanaM tattavendrahR^idayAdhinAyike || 102|| dIptivigrahalatAM mahAbalAM vahnikIlanibharaktakuntalAm | saMsmarAmi ratimanmathAsanAM devatAM taruNabhAskarAnanAm || 103|| rashmibhistava tanUlatAkR^itA rashmibhistava kR^itAshcha kuntalAH | rashmibhistava kR^itaM jvalanmukhaM rashmibhistava kR^ite cha lochane || 104|| devi rashmikR^itasarvavigrahe dR^iShTipAtakR^itasAdhvanugrahe | ambarodavasite sharIriNAmamba pAhi ravibimbachAlike || 105|| yattavAsanamasheShamohanau vidyudakShiratisUnasAyakau | etadindrasakhi bhAShate tvayA tAvubhAvapi balAdadhaH kR^itau || 106|| dR^iShTireva tava shastramAhave shAtravastu tava na kShamaH puraH | vastramamba disha eva nirmalAH prekShituM bhavati na prabhuH paraH || 107|| chakShuShAM dashashatAni te ruchiM pAtumeva paramasya vajriNaH | bhAsvataH karasahasramambike lAlanAya tava pAdapadmayoH || 108|| shUlamagnitilakasya dhUrjaTeH chakramachChajalajAtachakShuShaH | vajramamba marutAM cha bhUpateH tejasastava kR^itAni bhAgakaiH || 109|| bhairavIcharaNabhaktbAndhavI tAriNI cha surapakShadhAriNI | kAlikA cha natapAlikA.aparAshchaNDachaNDi tava bhImabhUmikAH || 110|| rakSha me kulamatIndriye tate rAkShasAdini suraiH samarchite | putrAshiShyasahito.ahamamba te pAvanaM padasaroruhaM shraye || 111|| aindridevi bhavatI mahAbalA Chinnamastayuvatistu te kalA | sarvalokabalavittashevadheH perakShitA.asti tava ko balAvadheH || 112|| yeyamamba ruchirujjvalAnane yA cha kAchana vibhA vibhAvasau | taddvayaM tava savitri tejaso bhUminAkanilayasya vaibhavam || 113|| prANadA tava ruchirjagattrAye prANahR^ichcha bata kAryabhedataH | vaibhavaM bhuvanachakrapAlike ko nu varNayitumIshvarastava || 114|| udbhavastavavipAkavaibhave nAshanaM cha jagadamba dehinAm | yauvanaM nayanahArinirmalaM vArdhakaM cha vitatAtulaprabhe || 115|| nirbalo bhavati bhUtale yuvA yachcha devi jaraTho bhavedbalI | tadvayaM tava vichitrapAkataH pAkashAsanasakhi kSharetare || 116|| vArdhakena balakAntihAriNA dAruNena kaTukAryakAriNA | grastametamadhunA punaH kuru trANade yuvakavatpadAshritam || 117|| bhogalAlasatayA na nUtanaM devi vikramamapAramarthaye | atra me vapuShi lAsyamamba te soDhumeva mama seyamarthanA || 118|| shaktiramba mama kAchidantare yA tvayaiva nihitAlamalpakA | vR^iddhimetya sahatAmiyaM parAM bAhyashaktimiha nirgalajjharAm || 119|| amba te narasurAsurastute divyashaktilaharIvishodhitam | pAtakAni jahatIva mAmimaM kAmayanta iva sarvasiddhayaH || 120|| shaktirindrasakhi chenna te mR^iShA bhaktirIshvari na me mR^iShA yadi | ullasantu ratikantupIThike shIdhrameva mayi yogasiddhayaH || 121|| astu bhaktirakhilAmba me na vA shaktireva tava samprashodhya mAm | devakAryakaraNakShamaM balAdAdadhAtu vidadhAtu chAmR^itam || 122|| Asyamamba tava yadyapIkShitaM lAsyametadanubhUyate mayA | pAdaghAtatatichUrNitAnyaje yatra yAnti duritAni sa~NkShayam || 123|| svIyashaktilaharIvilAsine ki~NkarAya padapadmalambine | bhAShatAM viShayavairidAraNe bha~NgavarjitamupAyamambikA || 124|| nirmale karuNayA prapUrite santataM vikasite mahAmahe | ambikAhR^idi vitanvatAmimAH samprasAdamatulaM rathoddhatAH || 125|| \medskip\hrule\medskip ShaShThaH svAgatAstabakaH yogine balamalaM vidadhAnA sevakAya kushalAni dadAnA | astu me suradharApatishaktishchetasashcha vapuShashcha sukhAya || 126|| kAryamasti mama ki~nchana satyaM tajjayAya vilapAmi cha satyam | evamapyakapaTaiva ratirme vajrapANisakhi te padapadme || 127|| shraddhayA tava nutiM vidadhAmi shraddhayA tava manuM prajapAmi | shraddhayA tava vijR^ibhitamIkShe shraddhayA tava kR^ipAM cha nirIkShe || 128|| vidyudeva bhavatI cha marutvAn vidyudeva girisho girijA cha | vidyudeva gaNapaH saha siddha~nyA ShaTkabheda iha kAryavisheShaiH || 129|| pUruShashcha vaniteti vibhedaH shaktashaktibhidayA vachaneShu | teja eva khalu vidyuti shaktaM vIrya eva jagadIshvari shaktiH || 130|| vidyudambarabhuvi jvalatIshe shabdamamba kuru te cha susUkShmam | indrarudrayugalavyavahAre karmayugmamidamIshvari bIjam || 131|| vaidyutasya bhavasi jvalato.agneramba shaktirasatAM damani tvam | tasya nAdavata AgamagItA kAlikA bhavati shaktirabhItA || 132|| tejaso ruchirabhImakalAbhyAM yadvadIshvari shachI bhavatI cha | evamAshritajanAvani gaurI kAlikA cha ninadasya kalAbhyAm || 133|| vaidyuto.agnirakhileshvari piNDe mUlatAmarasapIThaniShaNNaH | indriyaM bhavati vAgiti devaM yaM vido gaNapatiM kathayanti || 134|| granthibhedavikache sarasIje jR^imbhamANamiha vaidyutavahniH | yAM ruchiM prakaTayatyativIryAM saiva siddhiriti kAchana lakShmIH || 135|| vidyudeva bhavatI nanu bhAntI vidyudeva nagajA ninadantI | vidyudeva tapaso vilasantI vigraheShu parameshvari siddhiH || 136|| naiva kevalamudAracharitre vidyudadbhutatamA trivibhUtiH | vaibhavaM bahu sahasravibhedaM ko nu varNayatu pAvani tasyAH || 137|| vaidyutaM jvalanamIshvari hitvA naiva daivatamabhIShTatamaM naH | tadvibhUtiguNagAnavilolA bhAratI jayatu me bahulIlA || 138|| tejasashcha sahasashcha vibhedAdyA tanustava bhavatyubhayAtmA | tadvayaM cha mayi chitracharitre jR^imbhatAM narajagatkushalAya || 139|| prAyasho nigamavAchi pumAkhyA tantrAvAchi varade vanitAkhyA | prANinAM janani te vibudhAnAM tatra heturajare ruchibhedaH || 140|| atra siddhiruditA mama dehe bhUmikA bhuvanadhAtri tavAnyA | AhvayatyadhikashaktikR^ite tvAM tvaM cha sampravisha dehaguhAM naH || 141|| jR^imbhatAmiyamitaH kulakuNDAdantarikShatalato.avatara tvam | ullasantvavalasantu cha dehe vIchayo.atra bhaginIdvitayasya || 142|| kevalaM na sahasA mahanIye tejasA cha varade.avatara tvam | atra siddhimapi kevalavIryollAsinIM janani yojaya bhAsA || 143|| ChinnamujjvalataTitprabhanetraM kaNTharaktjalasIMgrahapAtram | mastakaM tava saheshvari dhanyaM mastakaM mama karotu vishUnyam || 144|| mochitAshritaguhAntarabandhaH prANavAMstava savitri kabandhaH | vAsanAkusumatalpakasuptAM samprabodhayatu me matimAptAm || 145|| devapUjyacharaNA tava cheTI nirvibandhakaruNAparipATI | vajrapANisakhi shokadaridraM varNinI bhaNatu me bahubhadram || 146|| chaNDachaNDi tava yuddhavayasyA yogivedyanijavIryarahasyA | chetasashcha bhujayoshcha samagraM DAkinI dishatu me balamugram || 147|| manmathena saha rAgarasArdrA pUruShAyitaratA ratirIDyA | AsanaM tava vashIkurutAnme sarvalokamapi vajrasharIre || 148|| dR^ipyatAM viShayavairigaNAnAM mardanAya ramaNIyamupAyam | amba shIghramabhidhAya naya tvaM mAmimaM charaNapa~Nkajabandhum || 149|| tejasA cha sahasA cha vibhAntI puShkare cha yaminAM cha tanUShu | sammadaM bhajatu vAsavashaktiH svAgatAbhiramalAbhirimAbhiH || 150|| \medskip\hrule\medskip saptama indravajrAstabakaH j~nAnAya hAnAya cha durguNAnAM bhAnAya tattvasya parasya sAkShAt | devIM prapadye surapAlashaktimekAmanaMshAmabhito vibhAntIm || 151|| Isho.asharIro jagatAM parastAt.h devI khakAyA parito jaganti | pUrvo vishuddho guNagandhashUnyaH sthAnaM guNAnAmaparA.akhilAnAm || 152|| Akramya lokaM sakalaM vibhAti no kevalaM bhUri vibhUtirambA | shuddhA parastAdapi nAthachitti rUpA vipApA paritashchakAsti || 153|| traulokyabhUjAniraNoraNiShThastasyAtmashaktirmahato mahiShThA | etadrahasyaM bhuvi veda yo nA tattvaprasa~NgaeShu na tasya mohaH || 154|| j~nAnaM paraM dharmavadIshatattvaM dharmAtmakaM j~nAnamajAsvarUpam | shaktIshayorbhaktumashakyayorapyevaM vibhAgo vachasA vyadhAyi || 155|| dR^ishyasya sarvasya cha bhogakAle dharmI cha dharmashcha vibhAti bodhaH | antaH samAdhAvayamekarUpaH shaktIshabhedastadasAvanityaH || 156|| dharmaH parastAtparameshvarI yA dharmitvameShA jagati prayAti | yAvajjagajjIvitamapraNAshamAkAshamAshritya mahachCharIram || 157|| vyaktiM khakAyAM prajaguH pumAMsameke pare klIbamudAharanti | asmAkameShA paramAtmashaktirmAtA samastasya cha kA.api nArI || 158|| chidrUpamatyantasusUkShmametat jyotiryadAkAshasharIramagryam | prANaH sa eva praNavaH sa eva vahniH sa evAmbaradeshavAsI || 159|| vAyushcha rudrashcha purandarashcha tasyaiva vishvaM dadhataH pumAkhyAH | shaktishcha kAlI cha mahAprachaNDachaNDI cha yoShitpravarAhvayAni || 160|| atrApi dharmI puruShaH pareShAM dharmastu nArI viduShAM matena | eSho.api vAchaiva bhavedvibhAgaH shakyo vidhAtuM na tu vastubhedAt || 161|| tvaM devi hantrI mahiShAsurasya shumbhaM sabandhuM hatavatyasi tvam | tvaM yoganidrAmadhusUdanasya bhadrAsi shaktirbalavairiNastvam || 162|| kAlasya lIlAsahachAriNI tvaM vAmA~NgamasyandhakavairiNastvam | siddhistvamashrAntatapobhigamyA buddhistvamakShudramanuShyanamyA || 163|| vidyuttvamAkAshapathe charantI sUryaprabhA tvaM parito lasantI | jvAlA kR^ishAnorasi bhImalIlA velAtigA tvaM paramasya chittiH || 164|| bhedAH sahasraM tava devi santu tvaM mUlashaktirmama mAtarekA | stotrANi te buddhimatAM vibhUtidvArA bahUnIva vibhAnti loke || 165|| ugrANi rUpANi sahasrashaste saumyAni chAsheShasavitri santi | vyaktitvamekaM tava bhUrishaktivyaktIH pR^ithak.h cha pradadAti tebhyaH || 166|| kurvanti tAH pAvani vishvakAryaM sarvaM cha lokAmba vibhUtayaste | svarvairiNAM cha pratisandhikAlaM garvaM haranti kShaNadAcharANAm || 167|| chaNDI prachaNDA tava yA vibhUtiH vajrAtmikA shaktirapArasArA | sA sampradAyAtulamamba vIryaM devI kriyAnmAM kR^itadevakAryam || 168|| Avishya yA mAM vapuSho guhAyAM chitrANi te shaktiraje karoti | sA kA tava prAjyavibhUtimadhye saddhyeyarUpe vishadIkuruShva || 169|| saMshodhanAyaiva kR^itiH kimasyAH sa~nchAlanAyApi kimu kriyANAm | shaktyai kimeShA vidadhAti cheShTAmAhosvidachChAM cha matiM pradAtum || 170|| prANapradA bhImatamA cha shaktiryA kR^ittashIrShAM sahasAvivesha | sA me kriyAtprANabalaM prashastaM hastaM cha me kAryapaTuM karotu || 171|| sandehajAlaM pravidhUya tejaH sandAyinI kR^ittashirAH karotu | vR^indArakArAdhitapAdapadmA vandArumandAralatA shubhaM naH || 172|| mAmAvishantI bhava vA na vA tvaM sampAdayeShTaM mama vA na vA tvam | durj~neyasAre janani prachaNDachaNDi tvamekA kuladaivataM naH || 173|| nAshaM vidhAtuM viShayadviShAM me pAshatrayAnmochayituM cha deham | sheShAhivarNye padaki~NkarAya bhAShasva yogaM janani prachaNDe || 174|| sarvAtmashakteH padabandhugItAH kurvantu bhUyAMsamiha pramodam | yuktsya devyAstaTitaH samAdhimattasya chittasya mamendravajrAH || 175|| \medskip\hrule\medskip aShTamo bhayahAristabakaH ugrataranAdAM pApaharapAdAm | naumi khalamArIM vajradharanArIm || 176|| shaktakaraNAnAM guptabharaNAnAm | dhvAntaharavidyudvIchikiraNAnAm || 177|| nityakaruNAnAM vyomasharaNAnAm | asmi guNavandI mAtR^icharaNAnAm || 178|| kAchana shabaryAM devi muninAryAm | puNyavadadhIte mohanakalA te || 179|| kAchidapi tasyAM maunijanagIte | kR^ittashirasIshe bhIShaNakalA te || 180|| ma~njutaragu~njAhAranikarAyai | chApasharayuktprojjvalakarAyai || 181|| sarvajanachakShustarpaNavibhAyai | ja~NgamavichitrAsvarNalatikAyai || 182|| abhrachikurAyai shubhrahasitAyai | mAdakamanoj~nasvAduvachanAyai || 183|| induvadanAyai kundaradanAyai | mandarakuchAyai mandagamanAyai || 184|| a~njalirayaM me ka~njanayanAyai | maunikulanAryai pAvanashabaryai || 185|| pAvanacharitrAM mAramaNaputrAm | ChinnashirasaM tAM naumi munikAntAm || 186|| mAtarayi vIryatrAtavaradharme | mA.astu hR^idi mohaH sanntiripurme || 187|| devi municheto ra~NgalasadUrme | mA.astu hR^idi kAmaH susthitiripurme || 188|| devajanabhartuH prANasakhi rAme | mA.astu hR^idi bhItirvIryadamanI me || 189|| vyomachari mAtarbhAmayi visIme | mA.astu hR^idi kopo buddhidamano me || 190|| sAdhvavanalole devi bahulIle | astu mama dhairyaM chetasi suvIryam || 191|| sarvatanupAkAdhAyi tava bhavyam | astu varatejo netR^i mama divyam || 192|| ichChati savitrI yat.h priyasutAya | tadvitara sarvaM devi bhajakAya || 193|| ichChati manuShyo yadripujanAya | mattadayi dUre pAlaya vidhAya || 194|| vardhayatu tejo vardhayatu shaktim | vardhayatu me.ambA vajrabhR^itibhaktim || 195|| vajramayi mAtarvajradharabhaktH | astu tava vIryAdatra bhuvi shaktH || 196|| nashyatu samasto vajradharavairI | etu jayamantarvajradharanArI || 197|| hastadhR^itamuNDaH kashchana kabandhaH | astu mama bhinnagranthichayabandhaH || 198|| sAdhaya madiShTaM yogamabhidhAya | devi viShayArivrAtadamanAya || 199|| sammadayatAnme svAMshakR^itashambAm | chArubhayahArichChanda idamambAm || 200|| \medskip\hrule\medskip tR^itIyaM shatakam navamo madalekhAstabakaH vande vAsavashakteH pAdAbjaM priyabhaktm | prAtarbhAskararaktaM pApadhvaMsanashaktm || 201|| hu~NkArAnalakIlAdagdhArAtisamUhAm | vidyudbhAsuravIkShAnirdhUtAshritamohAm || 202|| devastrIniTalendujyotsnAlAlitapAdAm | meghashreNyupajIvyashrotrAkarShakanAdAm || 203|| dIptAM bhAskarakoTichChAyAyAmiva magnAm | gAtrAlambivinaivakShaumaM ki~nchidinagnAm || 204|| kaNThe kalpitahArAM muNDAnAM shatakena | j~neyAmUlyarahasyAM nivryAjaM bhajakena || 205|| svargasya kShitipAlaM pashyantIM praNayena | dhunvAnAM vibudhAnAM bhItiM shaktashayena || 206|| shaktInAmadhirAj~nIM mAyAnAmadhinAthAm | chaNDAM kAmapichaNDIM gAyAmyadbhutagAthAm || 207|| bhittvA mastakametat pAdAghAtabalena | AvishyAkhilakAyaM khelatpAvanalIlam || 208|| vegenAvataratte tejonAshitapAsham | chaNDe chaNDi samastaM gopyaM bhAsayatAnme || 209|| antaH ki~ncha bahiste mAtardAritamaste | mAmAvR^itya samantAttejaH karma karotu || 210|| indrANIkalayA yatkR^ittAmAvishadugrA | shakyaM varNayituM taddR^ishyaM kena budhena || 211|| prANApetasharIrANyAveShTuM prabhavantaH | bhetAlAstava bhR^ityAshchaNDe chaNDi charantaH || 212|| ChinnAM sampravishantIvajreshvaryatishaktA | niHsheShairatibhImairbhetAlairabhiShiktA || 213|| bhetAlAH paramugrAstvaM teShvapyadhikogrA | tasmAdAhurayi tvAM chaNDAmIshvari chaNDIm || 214|| AsIdghAtayituM tvAM sAdhordhIrjamadagneH | bhetAlaprabhusargAyolla~Nghyaiva nisargam || 215|| AdeShTAshamavitto hantAsAttvikamauliH | vadhyA nishchalasAdhvI shochyetashcha kathA kA || 216|| niryadraktakaNebhyaH kaNThAtte bhuvi jAtAH | mAryAdyAmayavIjIbhUtastambavisheShAH || 217|| karAgAranivAsAtmAhiShmapatyadhipasya | jAtA bhArgavasha~NkA hatyAyAstava mUlam || 218|| satyaM te.amba charitrAM bhadmaH ko.api niguhya | trAtuM yAdavakItiM mithyAhetumavAdIt || 219|| anyAgAranivAse hatyA tyAga utAho | strINAM chetparuShaM dhigbhAvaM pUruShajAteH || 220|| svAtantryaM vanitAnAM trAtuM mAtaradhIshe | dUrIkartumapAraM dainyaM pa~nchamajAteH || 221|| dharmaM vyAjamadharmaM bhUloke parihartum | vedArthe cha gabhIre sandehAnapi hartum || 222|| ghoraM varNavibhedaM kartuM cha smR^itisheSham | ullAsaM matishaktyormahyaM dehi mahAntam || 223|| yogaM me viShayArIn nirmUlaM parimArShTum | shrImAtaH kuru chittaM kAruNyena nideShTum || 224|| chaNDyAdhNDatamAyAH chittaM saMyamamattam | bhUyaH sammadayantAM hairambyo madalekhAH || 225|| \medskip\hrule\medskip dashamaH pathyAvaktrAstabakaH indrANyAH paramAM shaktiM sarvabhUtAdhinAyikAm | prachaNDachaNDikAM devIM ChinnamastAM namAmyaham || 226|| indrANyAH shaktisAreNa prAdurbhUte parAtpare | prachaNDachaNDi vajrAtman vairochani namo.astu te || 227|| tvaM vishvadhAtri vR^itrAreH AyudhasyAdhidevatA | sarvaprachaNDabhAvAnAM madhye prakR^ititaH parA || 228|| sarvasminnapi vishvasya sarge.anargalavikrame | tvattashchaNDatamo bhAvo na bhUto na bhaviShyati || 229|| taTitaH shaktisAreNa vajraM nirmitamAyudham | abhUttadvinayaddevaM taTideva nijAMshataH || 230|| parvatashcha pulomA cha sajalo.ayaM ghanAghanaH | pArvatIti taTiddevIM paulomIti cha tadviduH || 231|| shaivAnAM bhAShayA devi tvaM taTiddevi pArvatI | aindrANAM bhAShayA mAtaH paulomI tvamanAmaye || 232|| pUrveShAM dayitaH shabdo durgeti duritApahe | prachaNDachaNDikAshabda uttareShAmatipriyaH || 233|| vaiShNavAnAM girA devi yogamAyA tvamadbhutA | vAchA hairaNyagarbhANAM savitri tvaM sarasvatI || 234|| dadhAnA bhuvanaM sarvaM vyApikApadvivarjitA | taTichChabdAyate vyomni prANityapi virAjate || 235|| prachaNDachaNDikA seyaM taTitsUkShmeNa tejasA | vishvasminnakhilAnbhAvAnmAtA.anubhavati svayam || 236|| bhAvAnAmanubhUtAnAM vAkyatvenAvabhAsanam | bhavatyavyaktashabde.asyAH sarvaMvij~nAnashevadhau || 237|| yadi sA sarvajagatAM prANashchetashcha shemuShI | prANachetomanIShANAM tasyAH ko nAma saMshayaH || 238|| prANantI chintayantI sA rAjantI cha vihAyasi | taTichChabdAyamAnA cha devI vijayatetarAm || 239|| sechChayA dadhatI rUpaM mohanaM kIrtyate shachI | prachaNDachaNDikA gItA bibhrANA bhIShaNaM vapuH || 240|| piNDe kuNDalinIshaktiH saiva brahnANDachAlikA | nidrAti jaDadeheShu yogideheShu khelati || 241|| eShA vairochanI durgA jvalantI tapasA parA | samullasati yasyAntaH sa jIvanneva muchyate || 242|| yogino bodhayantI mAM yogena niyatavratAH | sarvArpakasya dehe sA svayameva samullaset.h || 243|| shArIrashaktimAtrsya yogI sa~nchAlako bhavet.h | bAhyashArIrashaktyostu yogo nAnugrahaM vinA || 244|| chaNDanArIsvarUpeNa taTidrUpeNa chAmbare | piNDe kuNDalinItanvA charantI devi rAjase || 245|| mastakasthAnamanaso mahAdevi vinAshanAt.h | reNukAyAmutAveshAt.h kR^ittamasteti te padam || 246|| yadAvishastvamugre.amba reNukAmugratejasA | tadA pR^itha~NmahAshaktiH sA vyaktiH samapadyata || 247|| vyaktInAM durjanaghnInAM tvattejobhAgajanmanAm | bahutvepi tvamekaiva mUlashaktiH sanAtanI || 248|| upAyamabhidhAyAmbA viShayArividAraNe | prachaNDachaNDikA devI vinayatva~Nghrisevinam || 249|| ramayantAmupashlokayanti yAnti ktadantaram | pathyAvaktrANi pApaghnImetAni chChinnastakAm || 250|| \medskip\hrule\medskip ekAdasha upajAtistabakaH merUpamAnastanabhAratAntAM shakrasya lIlAsahachAriNIM tAm | hartuM samUlaM hR^idayasya mohaM prachaNDachaNDImabhivAdaye.aham || 251|| vedAdibIjaM jalajAkShajAyA prANapriyA shItamayUkhamauleH | kanturvidhAturhR^idayAdhinAthA jalaM jakAro dahanena yuktH || 252|| toyaM punardvAdashavarNayuktaM trAyodashenAtha yutaH kR^ishAnuH | tAlavyavargaprathamo nakAraH tatadhturthasvarasamprayuktH || 253|| ekAdashenAtha yutaH samIraH sa ShaShThabinduH saraNiH surANAm | tadeva bIjaM punarastramante kR^ipITayonermanaso.adhinAthA || 254|| vidyA tviyaM sardishAkSharADhyA svayaM mahAkAlamukhopadiShTA | gopyAsu gopyA sukR^itairavApyA ShaShThIvinutyA parameShThinApi || 255|| sthAne sahasrachChadasAyakasya punaryadIshAnamanodhinAthA | sarvArthadaH sardishAkSharo.anyaH prachaNDachaNDI manuruttamaH syAt || 256|| vedAdibIjena vihInamAdyaM punarbhavAnIviyutaM dvitIyam | mantrAvubhau ShoDashavarNayuktau prachaNDachaNDyAH pavinAyikAyAH || 257|| mantre tR^itIye yadi kUrchabIjaM sthAne raterjIvitavallabhsya | mantro.aparaH ShoDashavarNayuktH prachaNDachaNDyAH paTushaktiruktH || 258|| ayaM harervallabhyA vihIno mantro.aparaH pa~nchadashAkSharaH syAt | krodhashcha sambodhanamastramagneH sImantinI cheti dharenduvarNaH || 259|| dhenuH kR^ishAnohR^idayeshvarI cha prachaNDachaNDI manuragnivarNaH | ekaiva dhenuH surarAjashakteH ekAkSharaH kashchana mantrarAjaH || 260|| eteShu tantrApraNuteShu bhakto mantrAM navasvanyatamaM gR^ihItvA | yaH saMshrayetAshritakAmadhenuM prachaNDachaNDIM sa bhavet kR^itArthaH || 261|| vedAdirambhoruhanetrajAyA mAyA~NkushabrahnamanodhinAthAH | itIyamavyAjaratiM japantaM pa~nchAkSharI rakShati reNukAyAH || 262|| R^iShyAdisa~NkIrtanameShu mA.astu karA~NgavinyAsavidhishcha mA.astu | mUrtiM yathoktAmuta divyatattvaM dhyAtvA japet siddhirasaMshayaM syAt || 263|| nAbhisthashuklAbjagasUryabimbe saMsaktaratyambujabANapIThe | sthitAM padenAnyatareNa samyagutkShiptadIptAnyatarA~NghripadmAm || 264|| digambarAmarkasahasrabhAsamAchChAditAM dIdhitipa~njareNa | kaNThasthalIbhAsuramuNDamAlAM lIlAsakhIM devajanAdhipasya || 265|| ChinnaM shiraH kIrNakachaM dadhAnAM kareNa kaNThodgataraktdhArAm | dhArAtraye tatra cha madyadhArAM karasthavaktreNa mudA pibantIm || 266|| pArshve sakhIM bhAsuravarNinIM cha pArshvAntare bhIShaNaDAkinIM cha | anye pibantyAvasR^igambudhAre nirIkShamANAmatisammadena || 267|| bhaya~NkarAhIshvarabaddhamauliM jvaladyugAntAnalakIlakeshIm | sphuratprabhAbhAsuravidyudakShIM chaNDIM prachaNDAM vidadhIta chitte || 268|| gu~njAphalAkalpitachAruhArA shIrShe shikhaNDaM shikhino vahantI | dhanushcha bANAndadhatI karAbhyAM sA reNukA valkalabhR^itvichintyA || 269|| taTijjharIM kAmapi samprashyan AkAshataH sarvatanau patantIm | maunena tiShThedyaminAM variShTho yadyetadambAsmaraNaM prashastam || 270|| dR^ishyAnasheShAnapi varjayitvA dR^iShTiM nijAM sUkShmamahaHsvarUpAm | nibhAlayedyanmanasA varIyAnanyo.ayamambAsmaraNasya mArgaH || 271|| vinA prapattiM prathamo na sidhyet mArgo.anayoH kevalabhAvanAtaH | hR^idisthale yogabalena chitterniShThAM vinA sidhyati na dvitIyaH || 272|| Arambha evAtra pathorvibhedaH phale na bhedo ramaNo yathAha | sthitau dhiyo hastagatAprapattiH prapattisiddhau sulabhaiva niShThA || 273|| upAyamekaM viShayArinAshavidhau vidhAyAvagataM mamAmbA | kR^itvA samarthaM cha nijAnukampAM prachaNDachaNDI prathayatvapArAm || 274|| sadhyAnamArgaM varamantrakalpaM prachaNDachaNDyAH parikIrtayantyaH | bhavantu modAtishayAya shakterupAsakAnAmupajAtayo naH || 275|| \medskip\hrule\medskip dvAdasho nArAchikAstabakaH vIrye jave cha pauruShe yoShA.api vishvato.adhikA | mAM pAtu vishvachAlikA mAtA prachaNDachaNDikA || 276|| shuddhA chitiH sataH purA pashchAnnabhaH sharIrakA | yoShAtanustataH paraM mAtA prachaNDachaNDikA || 277|| pAre parAtmanaH pramA khe shaktiruttamottamA | piNDeShu kuNDalinyajA mAtA prachaNDachaNDikA || 278|| nAke vilAsashevadhirnAlIkalochanA shachI | prANaprakR^iShTaviShTape mAtA prachaNDachaNDikA || 279|| ekasya sA mahendirA devI parasya kAlikA | asmAkamujjvalAnanA mAtA prachaNDachaNDikA || 280|| rAjIvabAndhavo divi hrAdinyapArapuShkare | agnirmanuShyaviShTape mAtA prachaNDachaNDikA || 281|| tejaH samastapAchakaM chakShuH samastalokakam | chittaM samastachintakaM mAtA prachaNDachaNDikA || 282|| dyaustejasAM mahAnidhiH bhUmishcha bhUtadhAriNI | Apashcha sUkShmavIchayo mAtA prachaNDachaNDikA || 283|| nirbAhukasya sA karo nirmastakasya sA mukham | andhasya sA vilochanaM mAtA prachaNDachaNDikA || 284|| pANiM vinA karoti sA jAnAti mAnasaM vinA | chakShurvinA cha vIkShate mAtA prachaNDachaNDikA || 285|| hastasya hasta uttamaH chittasya chittamadbhutam | netrAsya netrAmAyataM mAtA prachaNDachaNDikA || 286|| sA bhAratI manIShiNAM sA mAnasaM mahAtmanAm | sA lochanaM prajAnatAM mAtA prachaNDachaNDikA || 287|| saktiH samastabAdhikA yuktiH samastasAdhikA | shaktiH samastachAlikA mAtA prachaNDachaNDikA || 288|| ChinnA.api jIvadhAriNI bhImA.api shAntidAyinI | yoShA.api vIryavardhanI mAtA prachaNDachaNDikA || 289|| mAhendrashaktiruttamA sUkShmA.api bhAravattamA | shAtApi tejasA tatA mAtA prachaNDachaNDikA || 290|| putreNa kR^ittamastakAmAvishya reNukAtanum | sA khelati kShamAtale mAtA prachaNDachaNDikA || 291|| mAmugrapApahAriNI sarvaprapa~nchadhAriNI | pAyAdapAyato.akhilAn.h mAtA prachaNDachaNDikA || 292|| indresurArihartari trailokyabhUmibhartari | bhaktiM tanotu me parAM mAtA prachaNDachaNDikA || 293|| niShThAmananyachAlitAM shreShThAM dhiyaM cha sarvagAm | gItA surairdadAtu me mAtA prachaNDachaNDikA || 294|| satyAM giraM dadAtu me nityAM karotu cha sthitim | dhUtAkhilA.aghasantatiH mAtA prachaNDachaNDikA || 295|| sarvaM cha me kR^itAkR^itaM karmAgryamalpameva vA | sampUrayatvanAmayA mAtA prachaNDachaNDikA || 296|| tejojharasvarUpayA bhUyAdR^itasya dhArayA | vishvAvabhAsikeha me mAtA prachaNDachaNDikA || 297|| sA me.alpamartyatAshritAM hatvA.adhamAmaha~NkR^itim | Akramya bhAtu me tanuM mAtA prachaNDachaNDikA || 298|| AtmArinAshane vidhiM sA me.abhidhAyavatsalA | sarvaM dhunotu saMshayaM mAtA prachaNDachaNDikA || 299|| etAbhiruttamAMshubhiH nArAchikAbhirIshvarI | santoShametu vardhatAM mAtA prachaNDachaNDikA || 300|| || iti shrIbhagavanmaharShiramaNAntevAsino vAsiShThasya narasiMhasUnorgaNapateH kR^itiH prachaNDachaNDItrishatI samAptA || ## From Complete works of Shri Vasishtha Ganapati Muni Vol. 2.15 Proofread by Kaushal S. Kaloo kaushalskaloo at gmail.com \medskip\hrule\obeylines Please send corrections to sanskrit at cheerful dot c om Last updated \today https://sanskritdocuments.org \end{document}