% Text title            : Prajnaparamita Stotram
% File name             : prajnApAramitAstotram.itx
% Category              : devii, devI, buddha, stotra
% Location              : doc\_devii
% Transliterated by     : DSBC staff
% Proofread by          : Miroj Shakya
% Acknowledge-Permission: Prof. Miroj Shakya, Text  Nagarjuna Institute of Exact Methods, Digital Sanskrit Buddhist Canon Project, University of the West https://www.dsbcproject.org/
% Latest update         : March 8, 2025
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Prajnaparamita Stotram ..}##
\itxtitle{.. praj~nApAramitAstotram ..}##\endtitles ##
OM namaH shrIpraj~nApAramitAyai |
nirvikalpe namastubhyaM praj~nApAramite.amite |
yA tvaM sarvAnavadyA~Ngi niravadyairnirIkShyase || 1||
AkAshamiva nirlepAM niShprapa~nchAM nirakSharAm |
yastvAM pashyati bhAvena sa pashyati tathAgatam || 2||
tava chArye guNADhyAyA buddhasya cha jagadguroH |
na pashyantyantaraM santashchandrachandrikayoriva || 3||
kR^ipAtmakAM prapadya tvAM buddhadharmapurassarAm |
sukhenAyAnti mAhAtmyamatulaM bhaktavatsale || 4||
sakR^idapyAshaye shuddhe yastvAM vidhivadIkShyate |
tenApi niyataM siddhiH prApyate.amoghadarshane || 5||
sarveShAmapi vIrANAM parArthe niyatAtmanAm |
vyApikA jagatImenAM mAtA tvamasi vatsalA || 6||
ye buddhA lokaguravaH putrAstava kR^ipAlavaH |
tena tvamasi kalyANi sarvasattvapitAmahI || 7||
sarvapAramitAbhistvaM nirmalAbhiraninditA |
chandralekheva tArAbhiranuprotA.asi sarvataH || 8||
vineyajanamAsAdya tatra tatra tathAgataiH |
bahurUpA tvamevaikA nAnAnAmabhirIkShyase || 9||
prabhAM prApyeva dIptAMshoravashyAyodavindavaH |
tvAM prApya pralayaM yAnti doShAvAdAshcha vAdinAm || 10||
tvameva trAsajananI bAlAnAM bhImadarshanA |
AshvAsajananI chApi viduShAM saumyadarshanA || 11||
yasya tvayyapyabhiShva~NgastvannAthasya na vidyate |
tasyAmba! kathamanyatra rAgadveShau bhaviShyataH || 12||
nAgachChasi kutashchittvaM kutrachinna cha gachChasi |
sthAneShvapi cha sarveShu vidvadbhirnopalabhyase || 13||
ye tvAmeva na pashyanti prapadyante cha bhAvataH |
prapadya cha vimuchyante tadidaM mahadadbhutam || 14||
tvAmeva badhyate pashyannapashyanna vibadhyate |
tvAmeva muchyate pashyannapashyanna vimuchyate || 15||
aho vismayanIyAsi gambhIrAsi yashasvinI |
sudurbodhAsi mAyeva dR^ishyase na cha dR^ishyase || 16||
buddhaiH pratyekabuddhaishcha shrAvakaishcha niShevite |
mArgastvameko mokShasya nAstyanya iti nishchayaH || 17||
vyavahAraM puraskR^itya praj~naptyartha sharIriNAm |
kR^ipayA lokanAthaistvamuchyase cha na chochyase || 18||
shaktaH kastvAmiha stotuM nirnimittAM nira~njanAm |
sarveShAM viShayAtItA yA tvaM kvachidanishritA || 19||
satyevamapi saMvR^ityA vAkyArthairvayamIdR^ishaiH |
tvAmastutyAmapi stutvA tuShTuvantaH sunirvR^itAH || 20||
praj~nApAramitAM stutvA yanmayopachitaM shubham |
tenAstvAshu jagat kR^itsnaM praj~nApAraparAyaNam || 21||

iti shrIlakShAbhagavatI kR^itaM praj~nApAramitAstotraM sampUrNam ||
##

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}