% Text title            : Bhagavati Puratanapureshvari Stava
% File name             : purAtanapureshvaristava.itx
% Category              : devii, devI, annapUrNA, stava
% Location              : doc\_devii
% Author                : Subbarama of Pazhayannur
% Transliterated by     : PSA Easwaran
% Proofread by          : PSA Easwaran
% Description-comments  : Prayer to Bhagavati, deity of Pazhayannur, Kerala
% Latest update         : January 3, 2019
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Bhagavati Puratanapureshvari Stava ..}##
\itxtitle{.. bhagavatI purAtanapureshvarIstavaH ..}##\endtitles ##
OM annapUrNeshvaryai namaH |
purANapuranAyike suravarenduchUDapriye
       surAsuranamaskR^ite kuru kR^ipAmanAthe mayi |
jarAmaraNanAshinImadhigatAssurAM vai surAH
       charAcharasavitri te charaNasevayaivAmarAH || 1||
purAtanapurAlayapriyavihAralole\, shive\,
       purAntakamanaHpriye\, puruShasodari\, shrIpure |
surArikulamardini tridivavIrasaMrakShiNi\,
       sphuradgurukR^ipAnidhe kuru kR^ipAmanAthe mayi || 2||
purANanigamAgamaprakarabodhitaprAbhave\,
       purANapuruShArchite\, sharaNamamba te.a~Nghridvayam |
purANasukR^itavrajaprakaTalabdhasandarshane\,
       purANapuranAyike kuru kR^ipAmanAthe mayi || 3||
purA kila sureshvari\, tridashaduHkhasambhedane
       purArimukhadevatAnichayalabdharUpA.abhavaH |
purApi bhavatI satI ditijagarvanirvApiNI\,
       purAtanapureshvari\, priyamayIM kR^ipAM santanu || 4||
purA hi bhavatassutA kila vishuddhadhAmnA bhR^itA
       sureshi bhavagehinI surasharaNyapAdAmbujA |
girAM pathi na gocharA taruNachandrachUDAmbikA
       purANapuranAyikA jayatu chAnnapUrNeshvarI || 5||
karAkalitapAyasA parakarollasaddarvikA
       suvarNamaNibhUShaNA sarasabhaktapUrapradA |
suchArumukhachandradhikkR^itakala~NkibimbA.ambikA
       surAsuranamaskR^itA vijayatAM purANeshvarI || 6||
chirantanapureshi te chirataraM vichintyAdbhutaM
       chiraM kila munIshvarAshcharitasindhumagnAH param |
chirAdapi surAspadaM na khalu vA~nChitaM manvate
       chirArjitatapaHphale jaya jayAnnapUrNeshvari || 7||
kalAnidhikalAdhare kalavilAsavANIguNe
       kalAdharakulArchite kalakalAraNannUpure |
kalApajitatArakAvalilasannitambojjvale
       kalApitapurApure jaya jayAnnapUrNeshvari || 8||
kShudhAndhajanajIvane janani sAdhusa~njIvane
       mudhAkR^itasudhArase budhajanaissadA sevite |
budhAvalinute.ambike\, vividhavaibhavAnargale\,
       vidhAtR^imukhapUjite\, jaya jayAnnapUrNeshvari || 9||
mahIsurakulAyane\, kR^itamahIsurArAdhane\,
       mahIkR^itayugArNave\, mahitabhaktadAnavrate |
mahIpatisamarchite himamahIdhrapuNyA~Nkure
       mahImukharavaibhave jaya jayAnnapUrNeshvari || 10||
suchAruradanojjvalatsmitalasachCharachCharvarI
       karAyutasadR^i~NmukhI tvamasi jIvanaM prANinAm |
nijorucharitAmR^itAdR^itajanArpiteShTavraje\,
       purANapuranAyike jaya jayAnnapUrNeshvari || 11||
kR^ipAM kuru kR^ipArNave vikalamAshu kalyaM kuru
       kale kaluShasantatiM kaluShayAmba kalyANini |
kulAchalaniketane kalitakukkuTAlipriye\,
       purANapuranAyike\, jaya jayAnnapUrNeshvari || 12||
vibha~njaya vipattatiM vidArayAntarAyAvaliM
       vibhIShaya bhayavrajaM gadagaNaM vinirghAtaya |
vinirdaha vimUDhatAM vikalabhAvamuchchATaya
       vipothaya daridratAM jaya jayAnnapUrNeshvari || 13||
sAvitri sadupAsite sakalaniShkalA.a.akAriNi\,
       tvamatrinayanodbhavadyutivihAsivaktrojjvale |
bhavitri bhavamochini\, pramadakukkuTAmodini\,
       dharitri\, paradevate\, kuru kR^ipAM purANeshvari || 14||
tvamannamamitaM dadAsyakhiladurgatebhyaH priyA
       tvamamba jagatAmatastvamasi jIvanaM dehinAm |
tvadantikamupetya ye tvayi vitanvate mAnasaM
       tvamAshu vitanoShi tAnakhiladurlabhaprAbhavAn || 15||
rame paramahaM rame tavapadAbjayo ramyayoH
       rameta katamo.api vA bhavasukhe virAmArtide |
ramAramaNapUjite ramitarAmanAthAntare\,
       ramA.a.adR^itaguNAkare jaya jayAnnapUrNeshvari || 16||
uda~nchitakR^ipAbhare sukR^itasa~nchitAlokane\,
       karA~nchitavipa~nchikAlalitagAnalole.ambike |
parA~nchitasukA~nchanajvalitakA~nchikAra~njite
       purA~nchitapurIpriye jaya jayAnnapUrNeshvari || 17||
charAcharavidhAyini tvadakhilaM jagajjAyate\,
       tvadannaparivardhitAstvayi vasanti hi prANinaH |
tvameva vilayAspadaM nikhiladehinAM chaNDike\,
       purANapuranAyike jaya jayAnnapUrNeshvari || 18||
tvadamburuhaDambarapramathanA~NghriyugmaM vinA
       janasya jagadambike sharaNadaM kimanyadbhuvi |
atastava padAbjayoH pradisha me cha bhaktiM parAM
       purANapuranAyike jaya jayAnnapUrNeshvari || 19||
tvamamba bhavabhIShaNaprabalabhogivaktrAdimaM
       vimochaya kR^ipAkari pratipadaM tavA~Nghrishritam |
kumAri kulapAlini pramathayAshu pIDAbharaM
       parANuda paraM bhayaM jaya jayAnnapUrNeshvari || 20||
shiraHkalitachandrayA kalitadivyabhUShADhyayA
       samastamunivandyayA yudhi nirastadaityaughayA |
anastamitabodhayA karavarAttadivyAnnayA
       kayApi karuNArdrayA sasharaNA vayaM santatam || 21||
amandamayi sampadaM paridadAsi padmAlaye
       sumandamapi vAkpatiM vitanuShe girAM nAyike |
mukundasahaje muhuH kalitakAlikArUpiNi
       vihaMsi ditijAvaliM jaya jayAnnapUrNeshvari || 22||
prasIda jagadambike shR^iNu madIyadInaM vachaH
       vipatsu sharaNaM bhava  praNuda durgamAM durgatim |
puro mama dR^ishoshshive kanakabhUShaNAbhUShitA
       bhavAni bhava bhAsurA jaya jayAnnapUrNeshvari || 23||
kadA tava padArchakaM himamahIdhrapuNyA~Nkure
       kimarbhaka tavepsitaM kathaya sAdhayAmyAshu te |
iti priyavacho madhuprakaravarShamAtanvatI
       purANapuranAyike mama purassamAyAsyasi || 24||
kalakvaNitanUpurA kaTinibaddhakA~nchIguNA
       raNanmaNivibhUShaNA charaNaki~NkiNIrAviNI |
sharachChashimukhodgalanmadhuravAdamodapradA
       purANapuranAyike jaya jayAnnapUrNeshvari || 25||
anantaduritakriyA.a.acharaNachu~nchumapyambike
       na mu~ncha tava ki~NkaraM paramadInadInaM shive
vipatsu hR^idi saMsmR^itA sakalapAtakadhvaMsinI
       prasIda paripAlaya praNatamannapUrNeshvari || 26||
munIndragaNasevite manujapAlasampUjite
       mata~NgakulanAyike madhumadojjvale mohini |
marAlagamanA~nchite marakataprabhAshyAmale
       manohari mano mama pramadayAnnapUrNeshvari || 27||
idaM kila kR^itaM mayA praNatakAmade modade
       samarpitamaharpateraNukadIpikAdAnavat |
purANapuranAyike tava padAbjayordIprayo\-
       rapA~Ngaya cha mAM sadA jaya jayAnnapUrNeshvari || 28||
imAM nakShatramAlAM \-
bhAradvAjakulotpannaH subbarAmAbhidho dvijaH |
parAshakteH pAdamUle bhUShaNaM kalpayAmyaham || 

iti shrIsubbarAmasharmaNAvirachitaM purAtanapureshvarI
bhagavatIstavaM sampUrNam ||
##
Prayer for purAtanapureshvarI bhagavatI, the name of the main deity of
village Pazhayannur (literally meaning `old village').
Composed by Shri P. A. Subbarama Sharma of Puthucode
Encoded and proofread by PSA Easwaran

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}