% Text title            : Purushottamaproktam Sarvadevatamantra Stotram
% File name             : puruShottamaproktaMsarvadevatAmantrastotram.itx
% Category              : devii, devI, lakShmInArAyaNIyasaMhitA, mantra, stotra
% Location              : doc\_devii
% Proofread by          : PSA Easwaran
% Description/comments  : lakShmInArAyaNIyasaMhitA | khaNDa 3 | adhyAya 119/65-102||
% Latest update         : February 28, 2026
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Purushottamaproktam Sarvadevatamantra Stotram ..}##
\itxtitle{.. puruShottamaproktaM sarvadevatAmantrastotram ..}##\endtitles ##
shrInArAyaNIshrIruvAcha |
kasya mantrasya tasyAstu japo vidhishcha kIdR^ishaH |
vada me bhagavannetat sarvalokAbhikA~NkShitam || 65||
shrIpuruShottama uvAcha |
shR^iNu nArAyaNIshri! tvaM padArthAH shabdabodhitAH |
nityashabdAtmako vedo mantrAstatrottamA matAH || 66||
shreShThAstatra harermantrAH lakShmImantrA sadottamAH |
durgAyAshcha gaNeshasya raveH shambhorvibhAvasoH || 67||
mantrANAM chottamA mantrAH mahAlakShmyA bhavanti hi |
shyAmAyAH kambharAyA vai vadAmi te nibodha mAm || 68||
prAtarutthAya mAM natvA snAtvA shubhAsanasthitA |
smara svamastake lakShmi divyaM kamalamujjvalam || 69||
sahasrapatrashobhADyaM sakesarasakarNikam |
tatra shrIsadgaruM dhyAtvA prasannaM karuNAmayam || 70||
shrImadgopAlakR^iShNAkhyaM pitaraM sadguruM param |
Achamya chordhvapuNDraM sachandraM kR^itvA tataH param || 71||
skandhe kR^itvA paTTake cha hR^idi dhR^itvA pareshvarIm |
antaHshuddhimatI bhUtvA sandhyAvandanamAchara || 72||
ashvatthapatrAkAreNa pAtreNa sakushAkShatam |
sapuShpachandanaM chArghyaM mahAlakShmyai pradehi tat || 73||
trirarghyaM sampradAyA.atha tarpayitvA jalena cha |
homabhUmiM pragatvaiva sarvashR^i~NgArashobhitA || 74||
sarvapUjAdisAmagrIsahitA chAsanasthitA |
a~NganyAsAn kuru lakShmi tAnnibodha mayoditAn || 75||
\ldq{}omanAdiparabrahmeshvaryai shirasi me namaH |
omanAdikR^iShNanArAyaNyai bhAle cha me namaH || 76||
omanAdivAsudevIlakShmyai me netrayornamaH |
omanAdibrahmalakShmyai mukhe me te namo namaH || 77||
omanAdikambharAlakShmyai cha kaNThe.astu me namaH |
omanAdimahAlakShmyai hR^idaye me cha te namaH || 78||
omanAdishrInarAyaNyai namaste mamodare |
omanAdivaiShNavyai te nAbhau mama namo namaH || 79||
omanAdilalitAyai jaghane te cha me namaH |
omanAdishriyai chA.astu namaH sakthnoshcha me sadA || 80||
omanAdikamalAyai namo jAnvoshcha me.astu te |
omanAdiramAyai te namo.astu pAdayormama || 81||
omanAdihariNyai te karayorme namo.astu te |
omanAdimahAmAtre sarvataste namo namaH || 82||
omanAdipadmAyai dvihastatalayoste namaH |
omanAdirakShitryai te pR^iShThadeshe namo namaH || 83||
omanAdihiraNyAyai ramyA~NgeShu cha te namaH |
omanAdisuvarNAyai bhAgyarekhAsu te namaH || 84||
omanAdikumAryai te shIladharme namo namaH |
omanAdijananyai te sarvA~NgeShu namo namaH || 85||
evaM nyAsAn vinirvartya dhyAyasva shrIpurAdhipAm |
dhyAyasva shrIpuraM chApi shrIpureshIshvaraM cha mAm || 86||
suvarNanirmitAM mUrtimAvAhaya tataH param |
AsanaM sampradehi tvaM pAdyamarghyaM tataH param || 87||
AchamanaM jalaM pa~nchAmR^itasnAnaM prakAraya |
sugandhitailasArAdyaiH pramardaya pareshvarIm || 88||
AbhiShekaM kArayitvA vastrabhUShArpaNaM kuru |
sarvaM shR^i~NgAraM saubhAgyottamaM dhUpaM pradIpakam || 89||
namaskAraM daNDavachchA.arArtrikaM cha pradakShiNam |
naivedyaM vividhaM bhojyaM bhakShyaM choShyaM cha lehyakam || 90||
jalaM shAkAdi vai peyaM dugdhasAraM cha pAyasam |
jalapAnaM nAgavallIdalatAmbUlakaM phalam || 91||
pradehi shrImahAlakShmyai kShamAparAdhanaM vR^iNu |
puShpA~njaliM parihAraM kR^itvA svodyamamAchara || 92||
tatashcha tulasImAlAM dhR^itvA mantraM japa priye |
mahAlakShmyA mahAmantraM japa lakShmi mama priyam || 93||
sarvArthasAdhakaM sarvAnarthAnAM nAshakaM prabhum |
uda~NmukhA prA~NmukhA vA japa shrIsannidhau sadA || 94||
\ldq{}OM mahAlakShmyai vidmahai mahAviShNupatnyai dhImahi |
tanno mahAlakShmIH prachodayAt |
OM shrIM mahAlakShmyai namaH OM hrIM klIM shrIM phaT svAhA\rdq{} || 95||
ShaTtriMshallakShasa~NkhyAstu japan siddhirbhaviShyati |
taddashAMshastu homaH syAt taddashAMshaM tu tarpaNam || 96||
taddashAMshaM tu bhaktAnAM bhojanaM samupAchara |
evaM mantro bhavet siddhaH kAmyajapA.NstataH kuru || 97||
lakShamAtraM japitvA tu manuShyAn vashamAnayet |
nArIrdvilakShajApyena trilakShaistu nR^ipA.NstathA || 98||
chaturlakShairnAgakanyAH pAtAlastrIstu pa~nchabhiH |
ShaDlakShairbhUsundarIshcha surANIH saptalakShakaiH || 99||
aShTalakShairdevatAshcha gIrvANAnnavalakShakaiH |
dashalakShaishcha vai pitR^InnekAdashaiH sureshvarAn || 100||
dvAdashalakShajApaishcha siddhIrvashA nayettathA |
lakShmIvAn dhanavAn syAchcha smR^iddhimAn sa bhavettathA || 101||
yatheShTaM labhate sarvamaishvaryaM daivataM tathA |
dhyAyantastAM japantastAM labhante mahatIM shriyam || 102||
samprApyate siddhireShA nA.asadbhistu kadAchana |

iti shrIlakShmInArAyaNIyasaMhitAyAH dvAparayugasantAnAtmakasya tR^itIyakhaNDe
119\-adhyAyAntargataM puruShottamaproktaM sarvadevatAmantrastotraM sampUrNam |

lakShmInArAyaNIyasaMhitA | khaNDa 3| adhyAya 119/65\-102||
##
lakShmInArAyaNIyasaMhitA . khaNDa 3. adhyAya 119/65-102..

Proofread by PSA Easwaran 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}