% Text title            : Purushottamaproktam Shivarajnishri Hridaya Stotram
% File name             : puruShottamaproktaMshivarAjnishrIhRRidayastotram.itx
% Category              : devii, devI, lakShmInArAyaNIyasaMhitA, hRidaya, stotra
% Location              : doc\_devii
% Proofread by          : PSA Easwaran
% Description/comments  : lakShmInArAyaNIyasaMhitA | khaNDa 3 | adhyAya 121/1-37||
% Latest update         : April 12, 2026
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Purushottamaproktam Shivarajnishri Hridaya Stotram ..}##
\itxtitle{.. puruShottamaproktaM shivarAj~nishrIhR^idayastotram ..}##\endtitles ##
shrInArAyaNIshrIruvAcha |
lalitAkhyamahAlakShmyA nAmAnyasa~NkhyakAni vai |
tathApyaShTottarashataM sapAdaM shrAvaya prabho || 1||
shrIpuruShottama uvAcha |
mukhyanAmnAM prapAThena phalaM sarvAbhidhAnajam |
bhavedeveti mukhyAni tatra vakShyAmi saMshR^iNu || 2||
\ldq{}lalitA shrIrmahAlakShmIrlakShmIH ramA cha padminI |
kamalA sampadIshA cha padmAlayendireshvarI || 3||
parameshI satI brAhmI nArAyaNI cha vaiShNavI |
pareshvarI maheshAnI shaktIshA puruShottamI || 4||
vibhvI mAyA mahAmAyA mUlaprakR^itirachyutI |
vAsudevI hiraNyA cha hariNI cha hiraNmayI || 5||
kArShNI kAmeshvarI kAmAkShI chApi bhagamAlinI |
vahnivAsA sundarI cha saMvichcha vijayA jayA || 6||
ma~NgalA mohinI tApI vArAhI siddhirIshitA |
bhuktiH kaumArikI buddhishchAmR^itA duHkhahA prasUH || 7||
subhAgyA.a.anandinI sampadvimalA bindvikA.abhidhA |
mAtA mUrtiryoginI cha chakrikA.archA ratirdhR^itiH || 8||
shyAmA manoramA prItiH R^iddhiH ChAyA cha pUrNimA |
tuShTiH praj~nA padmAvatI durgA lIlA cha mANikI || 9||
udyamA bhAratI vishvA vibhUtirvinatA shubhA |
kIrtiH kriyA cha kalyANI vidyA kalA cha ku~NkumA || 10||
puNyA purANA vAgIshI varadA vibhavA.a.atminI |
sarasvatI shivA nAdA pratiShThA saMskR^itA trayI || 11||
AyurjIvA svarNarekhA dakShA vIrA cha rAgiNI |
chapalA paNDitA kAlI bhadrA.ambikA cha mAninI || 12||
vishAlAkShI vallabhA cha gopI nArI narAyaNI |
santuShTA cha suShumNA cha kShamA dhAtrI cha vAruNI || 13||
gurvI sAdhvI cha gAyatrI dakShiNA chAnnapUrNikA |
rAjalakShmIH siddhamAtA mAdhavI bhArgavI parI || 14||
hAritI rAshiyAnI cha prAchInI gaurikA shrutiH |
ityaShTottarashatakaM saptaviMshatirityapi || 15||
lalitAmukhyanAmAni kathitAni tava priye! |
nityaM yaH paThate tasya bhuktirmuktiH karasthitA || 16||
smR^iddhirvaMshasya vistAraH sarvAnandA bhavanti vai |
\ldq{}OM shrIlalitAmahAlakShmyai namaH shrIMhrI~NklIM svAhA\rdq{} || 17||
iti mantraM japellakShavAraM sA dR^ishyate dhruvam |
atha lakShmi mahAmantraM gurumantraM vadAmi te || 18||
\ldq{}OM antarli~NgAya gurave lalATasthAya
sarvAtmane namaH svAhA\rdq{} |
itilakShaM japet siddhirjAyate brahmasAdR^ishI || 19||
guruM dhyAyet snApayechcha pUjayedbahuvastubhiH |
bhojayetsampraseveta toShayetsarvadAnakaiH || 20||
gururbrahmA gururviShNurguruH shrIsha~NkaraH svayam |
gururnArAyaNaH kR^iShNo gururbrahmaparaM prabhuH || 21||
guruH pitA patiH putro bandhurmAtA cha rakShakaH |
mokShadastArakashchApi mahA.a.anandaprado guruH || 22||
anAdishrIkR^iShNanArAyaNaH sAkShAdgururhariH |
ityuktvA praNametApi nIrAjayedguruM tataH || 23||
puShpA~njaliM dishechchApi daNDavadvai samAcharet |
dAnaM dadyAchcha gurave sveShTatamasya vastunaH || 24||
chetano vai bhagavAn sa gurureva pareshvaraH |
trAyate chApadAM vrAtAnnayatyevA.akSharaM padam || 25||
nityaM vai prathamaM prAtargurordarshanamuttamam |
guroH pAdA~NguShThajalaM pibet pAvanamuttamam || 26||
api hatyAdipApAnAM nAshakaM charaNAmR^itam |
api mAyAdibandhAnAM kartanaM charaNau guroH || 27||
yAmapAshavimokShAya shaktaM vai smaraNaM guroH |
anAthAnAM sadA nAtho nArAyaNo guruH paraH || 28||
gaM gADhaM cha tamo guptaM ruNaddhItigururmataH |
gurormUrtiM shubhAM kR^itvA gR^ihe kaNThe prarakShayet || 29||
gurvadvaitamupAsItA.ashnute.amR^itamanuttamam |
ityetat kathitaM lakShmi sArAt sArataraM param || 30||
mAtR^itIrthAt pitR^itIrthAdgurutIrthaM mahattamam |
shvashrUtIrthAtpatitIrthAdgurutIrthaM mahattamam || 31||
satItIrthAt priyAtIrthAdgurutIrthaM mahattamam |
devatIrthAjjaDatIrthAdgurutIrthaM mahattamam || 32||
archAtIrthAnmakhatIrthAdgurutIrthaM mahattamam |
vratatIrthAttapastIrthAdgurutIrthaM mahattamam || 33||
j~nAnatIrthAdyogatIrthAdgurutIrthaM mahattamam |
paropakArAditIrthebhyo gurutIrthaM mahattamam || 34||
anAdishrIkR^iShNanArAyaNena paramAtmanA |
mayA sandishyate tvetadgurutIrthaM pramANavat || 35||
satyatIrthaM sAdhutIrthaM tIrthashchAhaM pareshvaraH |
trINi tIrthAni chaitAni gurau tIrthe vishanti hi || 36||
ityetachChivarAj~nIshri hR^idayaM kathitaM tava |
paThanAchChravaNAdasya chatuHpumarthabhAg bhavet || 37||

iti shrIlakShmInArAyaNIyasaMhitAyAM tR^itIye dvAparasantAnelalitAmahAlakShmyAH
  pa~nchatriMshaduttarashatanAmAni gurutIrthamAhAtmyaM chetyAdinirUpaNanAmaika\-
  viMshatyadhikashatatamo.adhyAyaH || 121||


iti shrIlakShmInArAyaNIyasaMhitAyAH dvAparayugasantAnAtmakasya tR^itIyakhaNDe
121\-adhyAyAntargataM puruShottamaproktaM shivarAj~nishrIhR^idayastotraM sampUrNam |

lakShmInArAyaNIyasaMhitA | khaNDa 3| adhyAya 121/1\-37||
##
lakShmInArAyaNIyasaMhitA . khaNDa 3. adhyAya 121/1-37..

Proofread by PSA Easwaran 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}