% Text title : rAdhAkalyANam % File name : rAdhAkalyANam.itx % Category : devii, rAdhA, devI % Location : doc\_devii % Transliterated by : NA % Proofread by : PSA Easwaran % Description/comments : Datta Gopala Krishna, Pammal, Chennai 9442252443 % Source : kalyANamanjarI dvitIya bhAgaH rAdhAkalyaNam % Acknowledge-Permission: Svarna Prakashanam % Latest update : May 14, 2017 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. rAdhAkalyANam ..}## \itxtitle{.. rAdhAkalyANam ..}##\endtitles ## || shrIH|| yasyAHprasAdaleshena vardhante sarvasampadaH | namastasyai parAmbAyai devyai ma~NgalamUrtaye || kanyArthI cha vaTuH kanyApyanurUpavarArthinI | sItAvivAhasargaM tu paThetprAtaH prayatnataH || ramayA tu rakArassyAt AkArastvAdigopikA | dhakAro dharayA hi syAdakAro virajAnadI || || shrIH|| shubhamastu | shrIrAdhAkalyANam | brahmavaivartapurANAt sa~NgrahItam ekadA kR^iShNasahito nando vR^indAvanaM yayau | tatropavanabhANDIre chArayAmAsa godhanam || 1|| sarassu svAdu toyaM cha pAyayAmAsa tatpapau | uvAsa vR^ikShamUle cha balaM kR^itvA svavakShAsi || 2|| etasminnantare kR^iShNaH mAyAmAnuShavigrahaH | chakAra mAyayA.akasmAt meghAchChannaM nabho mune || 3|| meghAvR^itaM nabho dR^iShTvA shyAmalaM kAnanAntaram | jha~njhAvAtaM meghashabdaM vajrashabdaM cha dAruNam || 4|| vR^iShTidhArA atisthUlA kampamAnAn cha pAdapAn | dR^iShTvaiva patitaskandhAn nando bhayamavApa ha || 5|| kathaM yAsyAmi govatsAn vihAya svAshramaM bata | gR^ihaM yadi na yAsyAmi bhavitA bAlakasya kim || 6|| evaM nande pravadati ruroda shrIharistadA | payobhiyA harishchaiva pituH kaNThaM dadhAra saH || 7|| etasminnantare rAdhA jagAma shrIkR^iShNasannidhim | gamanaM kurvatI rAjahaMsakha~njanaga~njanam || 8|| sharatpArvaNachandrAbhA muShTavaktramanoharA | sharanmadhyAhnapadmAnAM shobhAmochanalochanA || 9|| paritastArakApakShmavichitrakajjalojjvalA | khagendracha~nchuchArushrIsa~NganAshakanAsikA || 10|| tanmadhyasthalashobhArhasthUlamuktAphalojjvalA | kabarIveShasaMyuktA mAlatImAlyaveShTitA || 11|| grIShmamadhyAhnamArtaNDaprabhAmuShTakakuNDalA | pakvabimbaphalAnAM cha shrImuShTAdharayugmakA || 12|| muktApa~NktiprabhAtaikadantapa~NktisamujjvalA | IShatpraphullakundAnAM suprabhAnAshakasmitA || 13|| kastUrIbindusaMyuktasindUrabindubhUShitA | kapAlaM mallikAyuktaM bibhratI shrIyutaM satI || 14|| suchAruvartulAkArakapolapulakAnvitA | maNiratnendrasArANAM hAroraHsthalabhUShitA || 15|| suchArushrIphalayugakaThinastanasa~NgatA | patrAvalIshriyA yuktA dIptA sadratnatejasA || 16|| suchAruvartulAkAramudaraM sumanoharam | vichitratrivalIyuktaM nimnanAbhiM cha bibhratI || 17|| sadratnasArarachitamekhalAjAlabhUShitA | kAmAstrasArabhrUbha~NgayogIndrachittamohinI || 18|| kaThinashroNiyugalaM dharaNIdharaninditam | sthalapadmaprabhAmuShTacharaNaM dadhatI mudA || 19|| ratnabhUShaNasaMyuktaM yAvakadravasaMyutam | maNIndrashobhAsaMmuShTasAlaktakapunarbhavam || 20|| sadratnasArarachitakvaNanma~njarira~njitA | ratnaka~NkaNakeyUrachArusha~NkhavibhUShitA || 21|| ratnA~NgulIyanikaravahnishuddhAMshukojjvalA | chAruchampakapuShpANAM prabhAmuShTakalevarA || 22|| sahasradalasaMyuktakrIDAkamalamujjvalam | shrImukhashrIdarshanArthaM bibhratI ratnadarpaNam || 23|| dR^iShTvA tAM nirjane nando vismayaM paramaM yayau | chandrakoTiprabhAmuShTAM bhAsayantIM disho dasha || 24|| nanAma tAM sAshrunetraH bhaktinamrAtmakandharaH | jAnAmi tvAM gargamukhAt padmAdhikapriyAM hareH || 25|| jAnAmImaM mahAviShNoH paraM nirguNamachyutam | tathApi mohito.ahaM cha mAnavo viShNumAyayA || 26|| gR^ihANa prANanAthaM cha gachCha bhadre yathAsukham | pashchAddAsyasi matputraM kR^itvA pUrNamanoratham || 27|| ityuktavA pradadau tasyai rudantaM balakaM bhiyA | jagrAha bAlakaM rAdhA jahAsa madhuraM sukhAt || 28|| uvAcha nandaM sA yatnAt na prakAshyaM rahasyakam | ahaM dR^iShTA tvayA nanda kati janmaphalodayAt || 29|| prAj~nastvaM gargavachanAt sarvaM jAnAsi kAraNam | akathyamAvayorgopyaM charitaM gokule vraja || 30|| varaM vR^iNu vrajesha tvaM yatte manasi vA~nChitam | dadAmi lIlayA tubhyaM devAnAmapi durlabham || 31|| rAdhikAvachanaM shratvA tAmuvAcha vrajeshvaraH | yuvayoshcharaNe bhaktiM dehi nAnyatra me smR^ihA || 32|| yuvayoH sannidhau vAsaM dAsyasi tvaM sudurlabham | AvAbhyAM dehi jagatAmambike parameshvari || 33|| shrutvA nandasya vachanamuvAcha parameshvarI | dAsyAmi dAsyamatulamidAnIM bhaktirastu te || 34|| AvayoshcharaNAmbhoje yuvayoshcha divAnisham | praphullahR^idaye shashvat smR^itirastu sudurlabhA || 35|| evamuktA tu sA nandaM kR^itvA kR^iShNaM svavakShasi | dUraM ninAya shrIkR^iShNaM bAhubhyAM cha yathepsitam || 36|| etasminnantare rAdhA mAyAsadratnamaNDapam | dadarsha ratnakalashashatena cha samanvitam || 37|| sA devI maNDapaM dR^iShTvA jagAmAbhyantaraM mudA | dadarsha tatra tAmbUlaM karpUrAdisamanvitam || 38|| puruShaM kamanIyaM cha kishoraM shyAmasundaram | koTikandarpalIlAbhaM chandanena vibhUShitam || 39|| shayAnaM puShpashayyAyAM sasmitaM sumanoharam | pItavastraparIdhAnaM prasannavadanekShaNam || 40|| maNIndrasAranirmANaM kvaNanma~njIrara~njitam | sadratnasAranirmANakeyUravalayAnvitam || 41|| maNIndrakuNDalAbhyAM cha gaNDasthalavirAjitam | kaustubhena maNIndreNa vakShasthalasamujjvalam || 42|| sharatpArvaNachandrAbhaprabhAmuShTamukhojjvalam | sharatpraphullakamalaprabhAmochanalochanam || 43|| mAlatImAlyasaMshliShTashikhipichChasushobhitam | tribha~NgachUDAM bibhrantaM pashyantaM ratnamandiram || 44|| kroDaM bAlakashUnyaM cha dR^iShTvA taM navayauvanam | sarvasmR^itisvarUpA sA tathApi vismayaM yayau || 45|| rUpaM rAseshvarI dR^iShTvA mumoha sumanoharam | kAmAt chakShushchakorAbhyAM mukhachandraM papau mudA || 46|| nimeSharahitA rAdhA navasa~NgamalAlasA | pulakA~NkitasarvA~NgI sasmitA madanAturA || 47|| tAmuvAcha haristatra smerAnanasaroruhAm | navasa~NgamayogyAM cha pashyantIM vaktrachakShuShA || 48|| shrIkR^iShNa uvAcha | rAdhe smarasi golokavR^ittAntaM surasaMsadi | adya pUrNaM kariShyAmi svIkR^itaM yatpurA priye || 49|| tvaM me prANAdhikA rAdhe preyasI cha varAnane | yathA tvaM cha tathAhaM cha bhedo hi nAvayordhuvam || 50|| yathA kShIre cha dhAvalyaM yathAgnau dAhikA sati | yathA pR^ithivyAM gandhashcha tathAhaM tvayi santatam || 51|| vinA mR^idA ghaTaM kartuM vinA svarNena kuNDalam | kulAlaH svarNakArashcha na hi shaktaH kadAchana || 52|| tathA tvayA vinA sR^iShTimahaM kartuM na cha kShamaH | sR^iShTerAdhArabhUtA tvaM bIjarUpo.ahamachyutaH || 53|| kR^iShNaM vadanti mAM lokAstvayaiva rahitaM yadA | shrIkR^iShNaM cha tadA te.api tvayaiva sahitaM param || 54|| tvaM cha shrIH tvaM cha sampattistvamAdhArasvarUpiNI | tvaM strI pumAnahaM rAdhe iti vedeShu nirNayaH || 55|| sarvashaktisvarUpAsi sarvarUpo.ahamakSharaH | mamA~NgajasvarUpA tvaM mUlaprakR^itirIshvarI || 56|| shaktyA budhyA cha j~nAnena mayA tulyA varAnane | rA shabdaM kurvatastrasto dadAmi bhaktimuttamAm || 57|| dhAshabdaM kurvataH pashchAdyAmi shravaNalobhataH | tiShTha bhadre kShaNaM bhadraM kariShyAmi tava priye || 58|| tvanmanorathapUrNasya svayaM kAlassamAgataH | etasminnantare brahmA.a.ajagAma purato hareH || 59|| mAlAkamaNDaludharaH IShatsmerachaturmukhaH | gatvA nanAma taM kR^iShNaM pratuShTAva yathAgamam || 60|| sAshrunetraH pulakitaH bhaktinamrAtmakandharaH | stutvA natvA jagaddhAtA jagAma harisannidhim || 61|| punarnatvA prabhuM bhaktyA jagAma rAdhikAntikam | mUrdhnA nanAma bhaktyA cha mAtustachcharaNAmbuje || 62|| chakAra sambhrameNaiva jaTAjAlena veShTitam | kamaNDalujalenaiva shIghraM prakShAlitaM mudA || 63|| yathAgamaM pratuShTAva puTA~njaliyutaH punaH | he mAtastvatpadAmbhojaM dR^iShTaM kR^iShNaprasAdataH || 64|| sudurlabhaM cha sarveShAM bhArate cha visheShataH | ShaShTivarShasahasrANi tapastaptaM mayA purA || 65|| bhAskare puShkare tIrthe kR^iShNasya paramAtmanaH | AjagAma varaM dAtuM varadAtA hariH svayam || 66|| varaM vR^iNIShva ityukte svAbhIShTaM cha vR^itaM mudA | rAdhikAcharaNAmbhojaM sarveShAmapi durlabham || 67|| he guNAtIta me shIghramadhunaiva pradarshaya | mayetyukto harirayamuvAcha mAM tapasvinam || 68|| darshayiShyAmi kAle cha vatsedAnIM kShameti cha | na hIshvarAj~nA viphalA tena dR^iShTaM padAmbujam || 69|| sarveShAM vA~nChitaM mAtaH goloke bhArate.adhunA | sarvA devyaH prakR^ityaMshAH janyAH prAkR^itikA dhuvam || 70|| tvaM kR^iShNA~NgArdhasambhUtA tulyA kR^iShNena sarvataH | shrIkR^iShNastvanmayaM rAdhA tvaM rAdhA vA hariH svayam || 71|| na hi vedeShu me dR^iShTaH iti kena nirUpitam | brahmANDAdbahirUrdhvaM cha goloko.asti yathAmbike || 72|| vaikuNThashchApyajanyashcha tvamajanyA tathAmbike | yathA samastabrahmANDe shrIkR^iShNAMshAMshajIvinaH || 73|| tathA shaktisvarUpA tvaM teShu sarveShu saMsthitA | puruShAshcha hareraMshAH tvadaMshA nikhilAH striyaH || 74|| AtmanA deharUpA tvamasyAdhArastvameva hi | asyAnuprANaistvaM mAtastvatprANairayamIshvaraH || 75|| kimaho nirmitaH kena hetunA shilpakAriNA | nityo.ayaM cha tathA kR^iShNastvaM cha nityA tathAmbike || 76|| asyAMshA tvaM tvadaMsho vApyayaM kena nirUpitaH | ahaM vidhAtA jagatAM devAnAM janakaH svayam || 77|| taM paThitvA gurumukhAt bhavantyeva budhA janAH | guNAnAM vAstavAnAM te shatAMshaM vaktumakShamaH || 78|| vedo vA paNDito vAnyaH ko vA tvAM stotumIshvaraH | stavAnAM janakaM j~nAnaM buddhirj~nAnAmbikA sadA || 79|| tvaM buddherjananI mAtaH ko vA tvAM stotumIshvaraH | yadvastu dR^iShTaM sarveShAM taddhi vaktuM budhaH kShamaH || 80|| yadadR^iShTAshrutaM vastu tannirvaktuM cha kaH kShamaH | ahaM mahesho.anantashcha stotuM tvAM ko.api na kShamaH || 81|| sarasvatI cha vedAshcha kShamaH kaH stotumIshvaraH | yathAgamaM yathoktaM cha na mAM ninditumahasi || 82|| IshvarANAmIshvarasya yogyAyogye samA kR^ipA | janasya pratipAlyasya kShaNe doShaH kShaNe guNaH || 83|| jananI janako yo vA sarvaM kShamati snehataH | ityuktvA jagatAM dhAtA tasthau cha puratastayoH || 84|| prANamya charaNAmbhojaM sarveShAM vandyamIpsitam | brahmaNaH stavanaM shrutvA tamuvAcha ha rAdhikA || 85|| varaM vR^iNu vidhAtastvaM yatte manasi vartate | rAdhikAvachanaM shratvA tAmuvAcha jagadvidhiH || 86|| varaM cha yuvayoH pAdapadmabhaktiM cha dehi me | ityukte vidhinA rAdhA tUrNamomityuvAcha ha || 87|| punarnanAma tAM bhaktyA vidhAtA jagatAM patiH | tadA brahmA tayormadhye prajvAlya cha hutAshanam || 88|| hariM saMsmR^itya havanaM chakAra vidhinA vidhiH | utthAya shayanAtkR^iShNaH uvAsa vahnisannidhau || 89|| brahmaNoktena vidhinA chakAra havanaM svayam | praNamayya punaH kR^iShNaM rAdhAM tAM janakaH svayam || 90|| kautukaM kArayAmAsa saptadhA cha pradakShiNam | punaH pradakShiNAM rAdhAM kArayitvA hutAshanam || 91|| praNamayya tataH kR^iShNaM vAsayAmAsa taM vidhiH | tasyA hastaM cha shrIkR^iShNaM grAhayAmAsa taM vidhiH || 92|| vedoktasaptamantrAMshcha pAThayAmAsa mAdhavam | saMsthApya rAdhikAhastaM harervakShasi vedavit || 93|| shrIkR^iShNahastaM rAdhAyAH pR^iShThadeshe prajApratiH | sthApayAmAsa mantrAMstrIn pAThayAmAsa rAdhikAm || 94|| pArijAtaprasunAnAM mAlAM jAnuvilambitAm | shrIkR^iShNasya gale brahmA rAdhAddhArA dadau mudA || 95|| praNamayya punaH kR^iShNaM rAdhAM cha kamalodbhavaH | rAdhAgale haridvArA dadau mAlAM manoharAm || 96|| punashcha vAsayAmAsa shrIkR^iShNaM kamalodbhavaH | tadvAmapArshve rAdhAM cha sasmitAM kR^iShNachetasam || 97|| puTA~njaliM kArayitvA mAdhavaM rAdhikAM vidhiH | pAThayAmAsa vedoktAn pa~ncha mantrAMshcha nArada || 98|| praNamayya punaH kR^iShNaM samarpya rAdhikAM vidhiH | kanyakAM cha yathA tAto bhaktyA tasthau hareH puraH || 99|| etasminnantare devAH sAnandapulakodgamAH | dundubhiM vAdayAmAsuH chAnakaM murajAdikam || 100|| pArijAtaprasUnAnAM puShpavR^iShTirbabhuva ha | jagurgandharvapravarAH nanR^itushchApsarogaNAH || 101|| iti brahmavaivartapurANAt sa~NgrahItaM shrIrAdhAkalyANaM samAptam || ## From kalyANamanjarI, dvitIya bhAgaH rAdhAkalyaNam sangrahItaM rA. dattagopAlakRRiShNaH, svarNaprakAshanam Proofread by PSA Easwaran \medskip\hrule\obeylines Please send corrections to sanskrit at cheerful dot c om Last updated \today https://sanskritdocuments.org \end{document}