% Text title            : rAdhAkavachambrahmayAmala
% File name             : rAdhAkavachambrahmayAmala.itx
% Category              : devii, radha, kavacha, devI
% Location              : doc\_devii
% Description-comments  : sarasa stotrasangrahaH (Lucknow, 1909), Brahmayamala
% Latest update         : August 28, 2021
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri RadhAkavacha Stotram ..}##
\itxtitle{.. shrIrAdhAkavachastotram ..}##\endtitles ##

shrIpArvatyuvAcha ||
OM devadeva mahAdeva paramaprItidAyaka |
rAdhAyAH kavachaM deva kathaya prANavallabha || 1||
shrImahAdevauvAcha ||
sAdhu sAdhu mahAdevi bhadraM bhadraM suma~Ngalam |
premabhAvAnvitAyAshcha rAdhAyAH kavachaM param || 2||
shyAmapremavilAsanyA gopinyA premasAgare |
magnAyAH kavachaM devi kathayAmi shR^iNuShva tat || 3||
R^iShirnArAyaNaH prokto gAyatrI Chanda ityapi |
devatA rAdhikAdevI premabhaktipradAyikA || 4||
dharmArthakAmamokSheShu viniyogaH prakIrtitaH |
taptakAshchanagaurA~NgI rAdhA vR^indAvaneshvarI || 5||
vR^iShabhAnusutAM devIM namAmi shrIharipriyAm |
rAdhA me hR^idayaM pAtu mastakaM pAtu gopikA || 6||
shrIkR^iShNahR^idayAsaktA pAtu nAbhiM sadA mudA |
shrIkR^iShNAnandakalitA pAtu pAdayugaM mama || 7||
govindabhAvarachitA bAhuyugmaM sadAvatu |
shrIrAdhAyai vahnijAyA sarvA~NgaM pAtu sarvadA || 8||
shrI klIM rAdhAyai tathA svAhA pAtu nityaM ShaDakSharI |
shrI rAM hIM rAdhAyai vahnijAyAnte cha mahAmanuH || 9||
aShTAkSharo mahAmantraH sarvakAryeShu rakShatu |
viShNuvakShaHsthalasthA cha putrAn rakShatu me sadA || 10||
viShNorbhAvena muditA gR^ihaM pAtu cha sarvadA |
kR^iShNabhAvaratA devI jihvAgraM mama rakShatu || 11||
shyAmapremoddhatA devI rAjyasthAne sadAvatu |
kR^iShNe niveditA~NgI cha bhaktibhAvaM sadAvatu || 12||
kR^iShNArtivarddhinI devI sarvabandhUn sadAvatu |
indrAdyAH sakalA devAH pAntu pUrvAdidikShu cha || 13||
rakShAM kurvantu mAM nityaM dhanadhAnyapradAyikA |
OM shrI rAdhAyai vidmahe vR^indAvanavilAsinyai dhImahi
tanno rAdhA prachodayAt || 14||
iti te kathitaM bhadre guhyAdguhyataraM param |
yaH paThet sAdhakashreShTho bhaktiyuktaH sada bhuvi || 15||
gR^ihe nivasate lakShmIrvANI vaktre na saMshayaH |
rAjAno dAsatAM yAnti devatulyo bhavennaraH || 16||
kavachaM paramaM puNyaM so.api puNyavatAM varaH |
sarvasiddhiyuto bhUtvA trailokyavijayI bhavet || 17||
bhaktiyuktAya shiShyAya sAdhakAya prakAshayet |
bhaktihInAya duShTAya kadAchinna prakAshayet || 18||
dvijAya bhaktihInAya kadAchinna pradarshayet |
shvapachAya sadA deyaM yadi bhaktiiyuto bhavet || 19||
bhaktishraddhAvihInAya na deyaM hi dvijAya te |
aj~nAtvA kavachaM devi rAdhAkR^iShNo bhajettu yaH || 20||
yugAyutakR^itakleshaM premabhaktirnajAyate |
mAyayA rahitA dhIrAH sarvametatparAtparam || 21||
yathA rAdhA tathA lakShmIstathAtvaM hi na saMshayaH || 22||

iti shrIbrahmayAmale haragaurIsaMvAde shrIrAdhAkavachaM samAptimagAt ||
|| shubham ||
##
Proofread by Pallasena Narayanaswami ppnswami at gmail.com
From shrI sarasa stotrasangrahaH (Lucknow, 1909).

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}