% Text title            : Radhapujavidhivarnanam
% File name             : rAdhApUjAvidhivarNanam.itx
% Category              : devii, devI, brahmavaivartapurANa, pUjA, rAdhA
% Location              : doc\_devii
% Proofread by          : PSA Easwaran
% Description/comments  : brahmavaivartapurANa | prakRRitikhaNDa | adhyAya 55/10-22||
% Latest update         : March 5, 2025
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Radhapujavidhivarnanam ..}##
\itxtitle{.. rAdhApUjAvidhivarNanam ..}##\endtitles ##
shvetachampakavarNAbhAM koTichandrasamaprabhAm |
sharatpArvaNachandrAsyAM sharatpa~NkajalochanAm |
sushroNIM sunitambAM cha pakvabimbAdharAM varAm || 10||
muktApa~Nktipratinidhidantapa~NktimanoharAm |
IShaddhAsyaprasannAsyAM bhaktAnugrahakArikAm |
vahnishuddhAMshukAdhAnAM ratnamAlAvibhUShitAm || 11||
ratnakeyUravalayAM ratnama~njIrara~njitAm |
ratnakuNDalayugmena vichitreNa virAjitAm |
sUryaprabhApratikR^itigaNDasthalavirAjitAm || 12||
amUlyaratnakhachitagraiveyakavibhUShitAm |
sadratnasArakhachitakirITamukuTojjvalAm |
ratnA~NgulIyasaMyuktAM ratnapAshakashobhitAm || 13||
bibhratIM kabarIbhAraM mAlatImAlyashobhitAm |
rUpAdhiShThAtR^idevIM cha mattavAraNagAminIm || 14||
gopIbhiH supriyAbhishcha sevitAM shvetachAmaraiH |
kastUrIbindubhiH sArddhamadhashchandanabindunA || 15||
sindUrabindunA chArusImantAdhaHsthalojjvalAm |
nityaM supUjitAM bhaktyA kR^iShNena paramAtmanA || 16||
kR^iShNasaubhAgyasaMyuktAM kR^iShNaprANAdhikAM varAm |
kR^iShNaprANAdhidevIM cha nirguNAM cha parAtparAm || 17||
mahAviShNuvidhAtrIM cha pradAtrIM sarvasampadAm |
kR^iShNabhaktipradAM shAntAM mUlaprakR^itimIshvarIm || 18||
vaiShNavIM viShNumAyAM cha kR^iShNapremamayIM shubhAm |
rAsamaNDalamadhyasthAM ratnasiMhAsanasthitAm |
rAse rAseshvarayutAM rAdhAM rAseshvarIM bhaje || 19||
dhyAtvA puShpaM mUrdhni dattvA punardhyAyejjagatprabhum |
dadyAtpuShpaM punardhyAtvA chopachArANi ShoDasha || 20||
AsanaM vasanaM pAdyamarghyaM gandhAnulepanam |
dhUpaM dIpaM supuShpaM cha snAnIyaM ratnabhUShaNam || 21||
nAnAprakAranaivedyaM tAmbUlaM vAsitaM jalam |
madhuparkaM ratnatalpamupachArANi ShoDasha || 22||

iti shrIbrahmavaivartte mahApurANe dvitIye prakR^itikhaNDe
pa~nchapa~nchAshattamAdhyAyAntargataM rAdhApUjAvidhivarNanaM
samAptam |

brahmavaivartapurANa | prakR^itikhaNDa | adhyAya 55/10\-22||
##
brahmavaivartapurANa . prakRRitikhaNDa . adhyAya 55/10-22..

Proofread by PSA Easwaran 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}