% Text title            : Radhavibhuti Stotram
% File name             : rAdhAvibhUtistotram.itx
% Category              : devii, devI, brahmavaivartapurANa, stotra, rAdhA
% Location              : doc\_devii
% Proofread by          : PSA Easwaran
% Description/comments  : brahmavaivartapurANa | prakRRitikhaNDa | adhyAya 55/78-92||
% Latest update         : March 5, 2025
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Radhavibhuti Stotram ..}##
\itxtitle{.. rAdhAvibhUtistotram ..}##\endtitles ##
jyotIrUpA nirAkArA bhaktAnugrahavigrahA |
bhaktAnAM ruchivaichitryAnnAnAmUrttIshcha bibhratI || 78||
mahAlakShmIshcha vaikuNThe bhAratI cha satAM prasUH |
puNyakShetre bhArate cha satI tvaM pArvatI tathA || 79||
tulasI puNyarUpA cha ga~NgA bhuvanapAvanI |
brahmaloke cha sAvitrI kalayA tvaM vasundharA || 80||
goloke rAdhikA tvaM cha sarvagopAlakeshvarI |
tvayA vinA.ahaM nirjIvo hyashaktaH sarva karmasu || 81||
shivaH shaktastvayA shaktyA shavAkArastvayA vinA |
vedakartA svayaM brahmA vedamAtrA tvayA saha || 82||
nArAyaNastvayA lakShmyA jagatpAtA jagatpatiH |
phalaM dadAti yaj~nashcha tvayA dakShiNayA saha || 83||
bibhartti sR^iShTiM sheShashcha tvAM kR^itvA mastake bhuvam |
bibhartti ga~NgArUpAM tvAM mUrdhni ga~NgAdharaH shivaH || 84||
shaktimachcha jagatsarvaM shavarUpaM tvayA vinA |
vaktA sarvastvayA vANyA sUto mUkastvayA vinA || 89||
yathA mR^idA ghaTaM karttuM kulAlaH shaktimAnsadA |
sR^iShTiM sraShTuM tathA.ahaM cha prakR^ityA cha tvayA saha || 86||
tvayA vinA jaDashchAhaM sarvatra cha na shaktimAn |
sarvashaktisvarUpA tvaM tvamAgachCha mamAntikam || 87||
vahnau tvaM dAhikAshaktirnAgnishshaktastvayA vinA |
shobhAsvarUpA chandre tvaM tvAM vinA na sa sundaraH || 88||
prabhArUpA hi sUrye tvaM tvAM vinA na sa bhAnumAn |
na kAmaH kAminIbandhustvayA ratyA vinA priye || 89||
ityevaM stavanaM kR^itvA tAM samprApa jagatprabhuH |
devA babhUvuH sashrIkAH sabhAryAH shaktisaMyutAH || 90||
sastrIkaM cha jagatsarvaM samabhUchChailakanyake |
gopIpUrNashcha goloko hyabhavattatprasAdataH || 91||
rAjA jagAma golokamiti stutvA haripriyAm |
shrIkR^iShNena kR^itaM stotraM rAdhAyA yaH paThennaraH || 92||
kR^iShNabhaktiM cha taddAsyaM saM prApnoti na saMshayaH |
strIvichChede yaH shR^iNoti mAsamekamidaM shuchiH || 93||
achirAllabhate bhAryyAM sushIlAM sundarIM satIm |
bhAryAhIno bhAgyahIno varShamekaM shR^iNoti yaH || 94||
achirAllabhate bhAryyAM sushIlAM sundarIM satIm |
purA mayA cha tvaM prAptA stotreNAnena pArvati || 95||
mR^itAyAM dakShakanyAyAmAj~nayA paramAtmanaH |
stotreNAnena samprAptA sAvitrI brahmaNA purA || 96||
purA durvAsasaH shApAnnishshrIke devatAgaNe |
stotreNAnena devaistaiH samprAptA shrIH sudurlabhA || 97||
shR^iNoti varShamekaM cha putrArthI labhate sutam |
mahAvyAdhI rogamukto bhavetstotraprasAdataH || 98||
kArttikIpUrNimAyAM tu tAM sampUjya paThettu yaH |
achalAM shriyamApnoti rAjasUyaphalaM labhet || 99||
nArI shR^iNoti chetstotraM svAmisaubhAgyasaMyutA |
bhaktyA shR^iNoti yaH stotraM bandhanAnmuchyate dhruvam || 100||
nityaM paThati yo bhaktyA rAdhAM sampUjya bhaktitaH |
sa prayAti cha golokaM nirmukto bhavabandhanAt || 101||

iti shrIbrahmavaivartte mahApurANe dvitIye prakR^itikhaNDe
pa~nchapa~nchAshattamAdhyAyAntargataM rAdhAvibhUtistotraM
samAptam |

brahmavaivartapurANa | prakR^itikhaNDa | adhyAya 55/78\-92||
##
brahmavaivartapurANa . prakRRitikhaNDa . adhyAya 55/78-92..

Proofread by PSA Easwaran 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}