% Text title            : rAjarAjeshvarIShoDashI
% File name             : rAjarAjeshvarIShoDashI.itx
% Category              : devii, sachchidAnanda-shivAbhinava-nRisiMhabhAratI, devI, dashamahAvidyA
% Location              : doc\_devii
% Author                : Sachchidananda Shivabhinava Nrisimha Bharati Swamigal
% Proofread by          : PSA Easwaran psawaswaran at gmail.com
% Latest update         : November 9, 2018
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Rajarajeshvarishodashi ..}##
\itxtitle{.. shrIrAjarAjeshvarIShoDashI ..}##\endtitles ##
naumi hrI~njapamAtratuShTahR^idayAM shrIchakrarAjAlayAM
bhAgyAyattanijA~Nghripa~NkajanatistotrAdisaMsevanAm |
skandebhAsyavibhAsipArshvayugalAM lAvaNyapAthonidhiM
bhaktatrANaparAyaNAM bhagavatIM shrIrAjarAjeshvarIm || 1||

naumi hrImata AdadhAti sugirA vAgIshvarAdInsurA.N\-
llakShmIndrapramukhAMshcha satvaramaho yatpAdanamro janaH |
kAmAdIMshcha vashIkaroti tarasA.a.ayAsaM vinA tAM mudA
bhaktatrANaparAyaNAM bhagavatIM shrIrAjarAjeshvarIm || 2||

naumi shrIsutajIvanapradakaTAkShAMshAM shashA~NkaM raviM
kurvANAM nijakarNabhUShaNapadAdAnena tejasvinau |
chAmpeyaM nijanAsikAsadR^ishatAdAnAtkR^itArthaM tathA
bhaktatrANaparAyaNAM bhagavatIM shrIrAjarAjeshvarIm || 3||

naumi shrIvidhibhAminIkaralasatsachchAmarAbhyAM mudA
savye dakShiNake cha vIjanavatImaindryAttasatpAdukAm |
vedairAttavapurbhirAdarabharAtsaMstUyamAnAM sadA
bhaktatrANaparAyaNAM bhagavatIM shrIrAjarAjeshvarIm || 4||

naumi shrImatidhairyavIryajananIM pAdAmbuje jAtuchi\-
nnamrANAmapi shAntidAntisuguNAnvishrANayantIM javAt |
shrIkAmeshamano.ambujasya divaseshAnArbhakANAM tatiM
bhaktatrANaparAyaNAM bhagavatIM shrIrAjarAjeshvarIm || 5||

naumi shrIpatipadmayonigirijAnAthaiH samArAdhitAM
rambhAstambhasamAnasakthiyugalAM kumbhAbhirAmastanIm |
bhAminyAdiviShopameyaviShayeShvatyantavairAgyadAM
bhaktatrANaparAyaNAM bhagavatIM shrIrAjarAjeshvarIm || 6||

naumi vyAhR^itinirjitAmaradhunIgarvA bhavantya~njasA
mUkA apyavashAdyada~NghriyugalIsadarshanAjjAtuchit |
hArdadhvAntanivAraNaM vidadhatIM kAntyA nakhAnAM hi tAM
bhaktatrANaparAyaNAM bhagavatIM shrIrAjarAjeshvarIm || 7||

naumi brahmavibodhinIM namuchijinmukhyAmarANAM tate\-
rbhaNDAdyAsharakhaNDanaikanipuNAM kalyANashailAlayAm |
phullendIvaragarvahArinayanAM mallIsumAla~NkR^itAM
bhaktatrANaparAyaNAM bhagavatIM shrIrAjarAjeshvarIm || 8||

naumi prItimatAM yada~NghriyugalArchAyAM na bandho bhavet
syAchchedvindhyanagaH plavechchiramaho nAthe nadInAmiti |
mUkaH prAha mahAkavirhi karuNApAtraM bhavAnyAH stutiM
bhaktatrANaparAyaNAM bhagavatIM shrIrAjarAjeshvarIm || 9||

naumi prAptikR^ite yadIyapadayorviprAH samasteShaNA\-
styaktvA sadgurumapyupetya nigamAntArthaM tadAsyAmbujAt |
shrutvA taM pravichintya yuktibhirato dhyAyanti tAM sAdaraM
bhaktatrANaparAyaNAM bhagavatIM shrIrAjarAjeshvarIm || 10||

naumi prANanirodhasajjanasamAsa~NgAtmavidyAmukhai\-
rAchAryAnanapa~Nkajapragalitaishcheto vijityAshu yAm |
AdhArAdisaroruheShu sukhato dhyAyanti tAM sarvadA
bhaktatrANaparAyaNAM bhagavatIM shrIrAjarAjeshvarIm || 11||

naumi nyAyamukheShu shAstranivaheShvatyantapANDityadAM
vedAnteShvapi nishchalAmaladhiyaM saMsArabandhApahAm |
dAsyantIM dayayA praNamravitateH kAmArivAmA~NkagAM
bhaktatrANaparAyaNAM bhagavatIM shrIrAjarAjeshvarIm || 12||

naumi tvAM shuchisUryachandranayanAM brahmAmbujAkShAgaje\-
DrUpANi pratigR^ihya sarvajagatAM rakShAM mudA sarvadA |
kurvantIM girisArvabhaumatanayAM kShipraM praNamreShTadAM
bhaktatrANaparAyaNAM bhagavatIM shrIrAjarAjeshvarIm || 13||

naumi tvAM sharadindusodaramukhIM dehaprabhAnirjita\-
prodyadvAsaranAthasantatimaghAmbhorAshikumbhodbhavam |
pa~nchapretamaye sadA sthitimatIM divye mR^igendrAsane
bhaktatrANaparAyaNAM bhagavatIM shrIrAjarAjeshvarIm || 14||

naumi tvAmanapekShakAraNakR^ipArUpeti kIrtiM gatAM
naukAM saMsR^itinIradhestu sudR^iDhAM praj~nAnamAtrAtmikAm |
kAlAmbhodasamAnakeshanichayAM kAlAhitapreyasIM
bhaktatrANaparAyaNAM bhagavatIM shrIrAjarAjeshvarIm || 15||

naumi tvAM gaNapaH shivo harirumetyAdyairvachobhirjanA\-
stattanmUrtiratA vadanti paramapremNA jagatyAM tu yAm |
tAM sarvAshayasaMsthitAM sakaladAM kAruNyavArAnnidhiM
bhaktatrANaparAyaNAM bhagavatIM shrIrAjarAjeshvarIm || 16||

iti shR^i~Ngeri shrIjagadguru shrIsachchidAnandashivAbhinavanR^isiMha\-
bhAratIsvAmibhiH virachitA shrIrAjarAjeshvarIShoDashI sampUrNA |


##
Proofread by PSA Easwaran

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}