% Text title            : rAmopAsanA from sheShasaMhitA
% File name             : rAmopAsanAsheShasaMhitA.itx
% Category              : devii
% Location              : doc\_devii
% Transliterated by     : Mrityunjay Pandey
% Proofread by          : Mrityunjay Pandey
% Latest update         : October 7, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Ramopasana from Shesha Samhita ..}##
\itxtitle{.. sheShasaMhitAntargatA rAmopAsanA ..}##\endtitles ##
\section{rAmajayantI}
sheShaH \-
tretAyAM chaitramAse tu navamyAM tu punarvasau |
rAmAvatAramakarollagne.abhijiti yo hariH ||
nArasiMhavidhAnoktamaNDapAdIn prakalpayet |
bimbayantrAdihomaM cha kumbhaM cha parikalpayet ||
samyak tatpratimAdAnaM rAmamantreNa mantravit |
lakShmaNaH taddine lagne ananto.abhUtsvayaM prabhuH ||
tato bharatashatrughnau sha~Nkhachakre cha tau svayam |
abhUtAM taddine lagne dharmasaMsthApanAya cha ||
tadyuge mAsi kanyAyA mashvinyAM shukravAsare |
svayaM bhUmishcha sItA.abhUdyaj~nadharmArthasiddhaye ||
ra~NkAraM hatasaMyuktaM rAmAya nama ityapi |
japenmantramimaM brahman sarvasiddhipradAyakam ||
shrIM bIjaM samyaguddhR^itya sItAyai padamuddharet |
japettadvahnijAyAntaM sarvaishvaryapradAyakam ||
lakAraM bindusaMyuktaM lakShmaNAya namastathA |
prItyai shrIrAmachandrasya sarvasid.hdhyai japenmanum ||
R^iShirbrahmAsya mantrasya gAyatrI Chanda uchyate |
shrIrAmo devatA prokto rAM bIjaM kamalAsana ||
naM shaktirlaM kIlakaM svaM kavachaM ramastrakam |
shyAmavarNamidaM proktaM kuryAnmantrapadairbudhaH ||
ShaDa~Ngantu prakurvIta sItArAmamanuM japet |
dhyAnaM \-
vAme bhUmisutA purastu hanumAn pashchAtsumitrAsutaH
shatrughno bharatashcha pArshvadalayoragnyAdikoNeShu cha |
sugrIvashcha virbhAShaNashcha yuvarAT tArAsuto jAmbavAn
madhye nIlasarojakomalaruchiM rAmaM bhaje shyAmalam ||
aShTottarasahasraM tu tajjayantyAM japedbudhaH |
tatsa~NkhyayAM pratyahaM tu aShTottarashataM tu vA ||
rAmamantrajapadhyAnaparo yo vatsastrayam |
tasya sid.hdhyanti bhogyAni dhanadhAnyAdikaM sadA ||
tasya muktiM pradAsyAmi brahmatvaM chAtha vA~nChitam |
rAmAnuShTubhamantreNa tajjayantyAM tu tarpayet ||
aShTottarashataM vApi aShTAviMshatimeva chA |
rAmagAyatriyA chArghyaM dadyAt dhyAyanvichakShaNaH ||
shatrUn rAvaNavat dhyAtvA svadehe rAmamuttamam |
kuryAjjape tathA home sama karmasu tarpaNe ||
evamuktaprakAreNa yaH kuryAdvatsaratrayam |
sa rAmavadiha sthitvA viShNusAyujyamApnuyAt ||

iti shrIpA~ncharAtre sheShasaMhitAyAM navamo.adhyAyaH |
(41)
\section{shrIrAmabIjam}
sheShaH \-
shrIrAmaikAkSharaM vakShye balarAmavidhAnataH |
kR^iShNabIjaM tataH pashchAt mohadevAdilakShaNam ||
yAntavR^ittasamAyuktaM bindunAdavibhUShitam |
kAlAnalasamaprakhyaM rAmabIjamiti smR^itan ||
R^iShirbrahmAsya mantrasya ChandonuShTubhameva cha |
devatA raghuvIrashcha raM bIjaM shaktishrIM tathA ||
hrIM kIlakaM aiM kavachaM yamastraM raktavarNakam |
ShaDa~NgaM ShaTsvarairnyasya tadbIjena yathAvidhi ||
vyApyaM tadvyApakaM chaiva kuryAttanmantravichChuchiH |
AkarNamAkR^iShTadhanurguNodyadbrahmAstralakShIkR^itarAkShasendram |
rathAdhirUDhaM raNara~NgadhIraM rAmaM bhaje raktasaroruhAkSham ||
shrIrAmaikAkShareNaiva rudrashcha satataM purA |
sadAshivatvaM prApyAtha gurutvaM chakradhAraNAt ||
gautamAdyAstathA devAH pArvatI cha sarasvatI |
tattatsthalamavApyAtha siddhAnAhurvishAradAH ||
shrIrAmaikAkSharajapAt rudraH pUjyo.abhavatsadA |
tArakabrahmamityuktaM shrIrAmaikAkSharaM param ||
shrIsIteti cha tat j~nAtvA japedrAmamanuM sadA |
dharmakAmArthamokShArthI japedrAmaM chaturmukha ||
japahomaphalaM sarvaM nR^isiMhaikAkSharaM yathA |
shrIrAmA~NgapratiShThAdi rAmabIjena kArayet ||
(136)
\section{rAmamantraH}
sheShaH \-
atha vakShyevidhAnena shrIrAmamanumuttamam |
nyAsayantrAdisahitaM a~NgA~NgAdisamanvitam ||
agnibIjaM samuddhR^itya rAmAya nama ityapi |
manumuddhArayenmantrI tArakaM brAhmamuttamam ||
R^iShirbrahmAsya mantrasya gAyatrI Chanda uchyate |
shrIrAmo devatA brahman rambIjaM shaktimaM tathA ||
shrIM kIlakaM hrIM kavachaM laMastraM shyAmavarNakam |
tadbIjena karanyAsaM tanmantrasya padatrayaiH ||
ShaDa~NgaM kArayenmantrI dhyAnakarmAdiyogataH |
vyApyaM tadvyApakaM chaiva tanmantraNaiva kArayet ||
parAtparaM vibhuM davaM vaisheShaparamAtmakam |
chApabANadharaM dhIraM rAmaM sItApatiM bhaje ||
chAtura~NgavidhAnena tarpayechchandanAmbhasA |
shvetapadmairbilvapatraiH karavIraistu chAmpakaiH ||
nandyAvartairashokaishcha pUjayedrAmamAdarAt |
rAjyArthI juhuyAtpadmaiH kanyArthI lAjakairyajet ||
yajetkundaiH khAdiraistu nimbakAShThaistu sarShapaiH |
vashyAkR^iShyAdimohe cha trimadhuM guggulaM sthitam ||
tilapAyasasaMyuktaM yajenmaNDalabhedataH |
tattaddavyasya havanAt tattatphalamavApnuyAt ||
(212)
\section{yantraH}
japakarmAdi sid.hdhyarthaM vakShye tadyantramuttamam |
ShaTkoNaM pUrvamAlikhya tanmadhye sAdhyasaMyutam ||
tadbIjantu shriyA brahman karmanAma likhettathA |
tatkoNeShu likhenmantrI shrIrAmasya ShaDakSharam ||
sItArAmaM cha tatsandhau tadbIjenaiva veShTayet |
bahiraShTadalaM likhya tadbIjaM tu namontakam ||
rAmachandrAya vilikhet taddaleShu sumantravit |
tatsandhau raM lamuddhR^itya lakShmaNAya namo likhet ||
kroDabIjena saMveShTya tadbahirdvAdashaM dalam |
likheddaleShu OM shrIM cha jAnakIvallabhAya cha ||
svAhA likhechcha tatsandhau vAsudevamanuM likhet |
tadvahiShShoDashadalaM taddaleShu likhetkramAt ||
rAM namo bhagavate rAmabhadrAya huM phaT svAhA |
tatsandhau tu svarAn likhya lakShmIbIjena veShTayet ||
chaturviMshaddalaM likhya tadbahirmantravittamaH |
taddaleShu kramAdbrahman gAyatraM rAmakaM likhet ||
tatsandhau sauragAyatrIM likhellakShmyA cha veShTayet |
dvAtriMshaddalamAlikhya taddaleShu likhetkramAt ||
shrIrAmAnuShTubhaM likhya tatsandhau sauramAlikhet |
etadyantrasamaM nAsti satyametachchaturmukha ||

iti shrIpA~ncharAtre shrIsheShasaMhitAyAM tripa~nchAsho.adhyAyaH |
(213)
\section{rAmA~NgamantraH 1}
sheShaH \-
vakShye rAmA~NgamantrANi rAmamantrArthasiddhaye |
rahasyaM sarvashAstrANAM durlabhaM sAmyamuttam ||
svAhAntaM tu shriyAdau tu sItAyai manuruttamaH |
shrIrAmasyArdhA~NgamantrassarvasiddhipradAyakaH ||
laM lakShmaNAyeti tathA manuM tadvajjapedbudhaH |
varAhaikAkSharaM tadvat nArasiMhaM sudarshanam ||
hayagrIvaM mUlamantraM mantraratnaM japetsadA |
shrIrAmamantrasid.hdhyarthaM japeda~NgAni tattathA ||

iti shrIpA~ncharAtre shrIsheShasaMhitAyAM chatuHpa~nchAsho.adhyAyaH |
(215)
\section{rAmA~NgamantraH 2}
sheShaH \-
vakShye shrIrAmamantrasya a~NgA~NgAni tathaivacha |
tattanmantraiH tada~NgAni japetpUrvoktasa~NkhyayA ||
bhaM bharatAyeti tathA manuriShTArthadAyakaH |
shaM shatrughnAyeti manuH sarvAbhIShTapradAyakaH ||
maM markaTAyeti manuH tathA kAmyArthadAyakaH |
pakShirAja japenmantrI tada~NgAni cha tajjapet ||

iti shrIpA~ncharAtre sheShasaMhitAyAM pa~nchapa~nchAsho.adhyAyaH |
(215)
\section{hanumadbIjam}
sheShaH \-
samyagvakShye vidhAnena hanumadbIjamuttamam |
annAdhipaM kArtavIryaM hayagrIvaM nR^ikesarim ||
bhAntaM yAntasamAyuktaM hAlAhalasamaprabham |
markaTeshasya bIjaM syAt sarvasaMhArakArakam ||
R^iShI rudro.asya mantrasya jagatI Chanda uchyate |
devatA markaTeshashcha syaM bIjaM shaktiH yaM tathA ||
laM kIlakaM yaM kavachaM raM astraM raktavarNakam |
ShaDa~NgaM ShaTsvarairnyasya vyApyAdIn pUrvavattathA ||
daMShTrAkarAlamatyugraM pi~NgAkShaM muShTidhAriNam |
udArA~NgaM trinetraM taM vande la~NkAbhaya~Nkaram ||
chAtura~NgaphalaM samyak vAmanaikAkSharAdivat |
(147)
##

Being a compilation, the page numbers
of Sheshsamhita book for each section
are given in parenthesis.

Encoded and proofread by Mrityunjay Pandey

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}