% Text title            : rAdhAkavacham
% File name             : raadhaakavach.itx
% Category              : kavacha, devii, radha
% Location              : doc\_devii
% Author                : Traditional
% Transliterated by     : WebD
% Proofread by          : Ravin Bhalekar ravibhalekar at hotmail.com
% Description-comments  : nAradapa.ncharAtra
% Latest update         : July 04, 2004
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. shrIrAdhAkavacham ..}##
\itxtitle{.. shrIrAdhAkavacham ..}##\endtitles ##

shrIgaNeshAya namaH |
pArvatyuvAcha
kailAsiavAsin bhagavan bhaktAnugrahakAraka |
rAdhikAkavachaM puNyaM kathayasva mama prabho || 1||
yadyasti karuNA nAtha trAhi mAM duHkhato bhayAt |
tvameva sharaNaM nAtha shUlapANe pinAkadhR^ik || 2||
shiva uvAcha
shR^iNuShva girije tubhyaM kavachaM pUrvasUchitam |
sarvarakShAkaraM puNyaM sarvahatyAharaM param || 3||
haribhaktipradaM sAkShAdbhuktimuktiprasAdhanam |
trailokyAkarShaNaM devi harisAnnidhyakArakam || 4||
sarvatra jayadaM devi sarvashatrubhayAvaham |
sarveShAM chaiva bhUtAnAM manovR^ittiharaM param || 5||
chaturdhA muktijanakaM sadAnandakaraM param |
rAjasUyAshvamedhAnAM yaj~nAnAM phaladAyakam || 6||
idaM kavachamaj~nAtvA rAdhAmantraM cha yo japet |
sa nApnoti phalaM tasya vighnAstasya pade pade || 7||
R^iShirasya mahAdevo.anuShTup Chandashcha kIrtitam |
rAdhA.asya devatA proktA rAM bIjaM kIlakaM smR^itam || 8||
dharmArthakAmamokSheShu viniyogaH prakIrtitaH |
shrIrAdhA me shiraH pAtu lalATaM rAdhikA tathA || 9||
shrImatI netrayugalaM karNau gopendranandinI |
haripriyA nAsikAM cha bhrUyugaM shashishobhanA || 10||
oShThaM pAtu kR^ipAdevI adharaM gopikA tathA |
vR^iShabhAnusutA dantA.nshchibukaM gopanandinI || 11||
chandrAvalI pAtu gaNDaM jihvAM kR^iShNapriyA tathA |
kaNThaM pAtu hariprANA hR^idayaM vijayA tathA || 12||
bAhU dvau chandravadanA udaraM subalasvasA |
koTiyogAnvitA pAtu pAdau saubhadrikA tathA || 13||
nakhA.nshchandramukhI pAtu gulphau gopAlavallabhA |
nakhAn vidhumukhI devI gopI pAdatalaM tathA || 14||
shubhapradA pAtu pR^iShThaM kukShau shrIkAntavallabhA |
jAnudeshaM jayA pAtu hariNI pAtu sarvataH || 15||
vAkyaM vANI sadA pAtu dhanAgAraM dhaneshvarI |
pUrvAM dishaM kR^iShNaratA kR^iShNaprANA cha pashchimAm || 16||
uttarAM haritA pAtu dakShiNAM vR^iShabhAnujA |
chandrAvalI naishameva divA kShveDitamekhalA || 17||
saubhAgyadA madhyadine sAyAhne kAmarUpiNI |
raudrI prAtaH pAtu mAM hi gopinI rajanIkShaye || 18||
hetudA sa~Ngave pAtu ketumAlA divArdhake |
sheShA.aparAhNasamave shamitA sarvasandhiShu || 19||
yoginI bhogasamaye ratau ratipradA sadA |
kAmeshI kautuke nityaM yoge ratnAvalI mama || 20||
sarvadA sarvakAryeShu rAdhikA kR^iShNamAnasA |
ityetatkathitaM devi kavachaM paramAdbhutam || 21||
sarvarakShAkaraM nAma mahArakShAkaraM param |
prAtarmadhyAhnasamaye sAyAhne prapaThedyadi || 22||
sarvArthasiddhistasya syAdyanmanasi vartate |
rAjadvAre sabhAyAM cha sa~NgrAme shatrusa~NkaTe || 23||
prANArthanAshasamaye yaH paThetprayato naraH |
tasya siddhirbhaveddevi na bhayaM vidyate kvachit || 24||
ArAdhitA rAdhikA cha tena satyaM na sa.nshayaH |
ga~NgAsnAnAddharernAmagrahaNAdyatphalaM labhet || 25||
tatphalaM tasya bhavati yaH paThetprayataH shuchiH |
haridrArochanAchandramaNDitaM harichandanam || 26||
kR^itvA likhitvA bhUrje cha dhArayenmastake bhuje |
kaNThe vA devadeveshi sa harirnAtra sa.nshayaH || 27||
kavachasya prasAdena brahmA sR^iShTiM sthitiM hariH |
sa.nhAraM chAhaM niyataM karomi kurute tathA || 28||
vaiShNavAya vishuddhAya virAgaguNashAline |
dadyAtkavachamavyagramanyathA nAshamApnuyAt || 29||
|| iti shrInAradapa~ncharAtre j~nAnAmR^itasAre rAdhAkavachaM
sampUrNam ||
##
Proofread by Ravin Bhalekar ravibhalekar@hotmail.com

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}