श्रीरेणुकाषट्कम्

श्रीरेणुकाषट्कम्

श्रीगणेशाय नमः । जयदेवसमूहनुते जमदग्निमुनेर्दयिते । जननं विबुधावनि ते जगतामुपकारकृते ॥ १॥ विपिने विप्ने विनुता नगरे नगरे नमिता । जयति स्थिरचित्तहिता जमदग्निमुनेर्वनिता ॥ २॥ मतिकैरविणीन्दुकला मम हृत्कमले कमला । जयति स्तुतिदूरबला जमदग्निवधूर्विमला ॥ ३॥ कलिपक्षजुषां दमनी कलुषप्रततेः शमनी । जयति स्तुवतामवनी जगतामवतुर्जननी ॥ ४॥ निखिलामयतापहरी निजसेवकभव्यकरी । जमदग्निनदोपझरी जयतीश्वरचिल्लहरी ॥ ५॥ सकलामयनाशचणे सततं स्मरतः सुगुणे । मम कार्यगतेः प्रथमं मरणं न भवत्वधमम् ॥ ६॥ ॥ इति श्रीभगवन्महर्षिरमणान्तेवासिनो वासिष्ठस्य नरसिंहसूनोर्गणपतेः कृतिः रेणुकाषट्कं समाप्तम् ॥ From Complete works of Shri Vasishtha Ganapati Muni Vol. 2.12 Proofread by Kaushal S. Kaloo kaushalskaloo at gmail.com
% Text title            : reNukAShaTkam
% File name             : reNukAShaTkam.itx
% itxtitle              : reNukAShaTkam (gaNapatimunivirachitam)
% engtitle              : Renuka Shatkam
% Category              : ShaTkam, devii, reNukA, gaNapati-muni, devI
% Location              : doc_devii
% Sublocation           : devii
% SubDeity              : reNukA
% Author                : Shri Vasishtha Ganapati Muni
% Language              : Sanskrit
% Subject               : philosophy/hinduism/religion
% Proofread by          : Kaushal S. Kaloo kaushalskaloo at gmail.com
% Description-comments  : The Collected Works of Vasishtha Kavyakantha Ganapati Muni Vol 2.12
% Indexextra            : (Collected Works)
% Latest update         : July 3, 2013
% Send corrections to   : sanskrit at cheerful dot c om
% Site access           : https://sanskritdocuments.org

This text is prepared by volunteers and is to be used for personal study and research. The file is not to be copied or reposted for promotion of any website or individuals or for commercial purpose without permission. Please help to maintain respect for volunteer spirit.

BACK TO TOP
sanskritdocuments.org