॥ श्रीरेणुकासप्तकम् ॥

श्रीगणेशाय नमः । पुरतो विलोक्य वृषभं पार्श्वे लिङ्गं परात्परस्य विभोः । पृष्ठे स्कन्दगणेशौ त्वां कालीं मन्महे मातः ॥ १॥ न त्वं लक्ष्मीमातः यल्लक्ष्मीनायकस्य माताऽसि । जनयित्रि राक्षसारेः तस्मात्त्वां मन्महे कालीम् ॥ २॥ संहारनायिकत्वात् मारीत्वादुग्रवेषरूपत्वात् । मध्यमलोकनिवासात् त्वां कालीं मन्महे मातः ॥ ३॥ जमदग्निः शिवभागः भागस्त्वं देवि शैलकन्यायाः । एवं ज्ञात्वा यस्त्वां भजति स धन्यो महाभागः ॥ ४॥ त्वां चण्डिकां प्रचण्डामाहुस्तन्त्राणि जनिमतां मातः । तस्मात्त्वं शिवकान्ता न श्रीर्न प्रेयसी च विधेः ॥ ५॥ गौरी श्रीर्वा वाग्वा न विशेषो जगति भक्तलोकस्य । मम तु विशिष्टा गौरी साक्षादस्याः सुतो यदहम् ॥ ६॥ तिसृषु परदेवतासु श्रेष्ठत्वं नोच्यते मयैकस्याः । प्रीतिर्मे गिरिजायां लक्ष्मीतो भारतीतश्च ॥ ७॥ ॥ इति श्रीभगवन्महर्षिरमणान्तेवासिनो वासिष्ठस्य नरसिंहसूनोर्गणपतेः कृतिः रेणुकासप्तकं समाप्तम् ॥ From Complete works of Shri Vasishtha Ganapati Muni Vol. 2.13 Proofread by Kaushal S. Kaloo kaushalskaloo at gmail.com
% Text title            : reNukAsaptakam
% File name             : reNukAsaptakam.itx
% itxtitle              : reNukAsaptakam
% engtitle              : Renuka Saptakam
% Category              : devii, reNukA, stotra, gaNapati-muni
% Location              : doc_devii
% Sublocation           : devii
% SubDeity              : reNukA
% Texttype              : stotra
% Author                : Shri Vasishtha Ganapati Muni
% Language              : Sanskrit
% Subject               : philosophy/hinduism/religion
% Proofread by          : Kaushal S. Kaloo kaushalskaloo at gmail.com
% Description-comments  : From Complete works.  Vol 2.13
% Indexextra            : (Ganapati Muni)
% Latest update         : July 3, 2013
% Send corrections to   : Sanskrit@cheerful.com
% Site access           : https://sanskritdocuments.org

This text is prepared by volunteers and is to be used for personal study and research. The file is not to be copied or reposted for promotion of any website or individuals or for commercial purpose without permission. Please help to maintain respect for volunteer spirit.

BACK TO TOP