% Text title            : Rudrachandi Stotram
% File name             : rudrachaNDIstotram.itx
% Category              : devii, devI
% Location              : doc\_devii
% Proofread by          : NA
% Description/comments  : Not readily available in the Rudrayamala uttaratantram in print
% Acknowledge-Permission: Courtesy V Prakash https://www.youtube.com/@e2LearnByVRakesh
% Latest update         : September 27, 2026
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Rudrachandi Stotram ..}##
\itxtitle{.. shrIrudrachaNDIstotram ..}##\endtitles ##
OM shrIgaNeshAya namaH | OM shrI gurave namaH | OM namaH shivAya |
OM asya shrIrudrachaNDIstotramantrasya shrIrudraR^iShiH, anuShTupChandaH,
shrIrudrachaNDI devatA, aiM bIjaM, hrIM shaktiH, klIM kIlakaM,
shrIrudrachaNDIdevatAprityarthaM shrIrudrachaNDIstotrapAThe viniyogaH ||
R^iShyAdinyAsaH |
shrIrudra\-R^iShaye namaH shirasi |
anuShTupChandase namaH mukhe |
shrI rudrachaNDIdevatAyai namaH hR^idi |
aiM bIjAya namaH guhye |
hrIM shaktaye namaH nAbhau |
klIM kIlakAya namaH pAdayoH |
shrIrudrachaNDIprItyarthaM shrIrudrachaNDIstotrapAThe viniyogAya namaH sarvA~Nge ||
karanyAsaH |
OM hrAM a~NguShThAbhyAM namaH |
OM hrIM tarjanIbhyAM namaH |
OM hrUM madhyamAbhyAM namaH |
OM hraiM anAmikAbhyAM namaH |
OM hrauM kaniShThikAbhyAM namaH |
OM hraH karatalakarapR^iShThAbhyAM namaH ||
a~NganyAsaH |
OM hrAM hR^idayAya namaH | OM hrIM shirase svAhA | OM hrUM shikhAyai vaShaT |
OM hraiM kavachAya huM | OM hrauM netratrayAya vauShaT | OM hraH astrAya phaT ||

dhyAnam |
OM raktavarNAM mahAdevI lasachchandravibhUShitAM
paTTavastraparIdhAnAM svarNAla~NkArabhUShitam |
varAbhayakarAM devIM muNDamAlAvibhUShitAM
koTichandrasamAsInAM vadanaiH shobhitAM parAm ||
karAlavadanAM devIM ki~nchijihvAM cha lolitAM
svarNavarNamahAdevahR^idayoparisaMsthitAm |
akShamAlAdharAM devIM japakarmasamAhitAM
vA~nChitArthapradAyinIM rudrachaNDImahaM bhaje ||
mAnasapUjanam \-
OM laM pR^ithvItattvAtmakaM gandhaM samarpayAmi namaH |
OM haM AkAshatattvAtmakaM puShpaM samarpayAmi namaH |
OM yaM vAyutattvAtmakaM dhUpaM samarpayAmi namaH |
OM raM agnitattvAtmakaM dIpaM samarpayAmi namaH |
OM vaM jalatattvAtmakaM naivedyaM samarpayAmi namaH |
OM saM sarvatattvAtmakaM tAmpUlaM samarpayAmi namaH |
rudrachaNDI gAyatrI \-
OM hrIM rudrachaNDikAyai vidmahe | pUrNaphalapradAyinai dhImahi |
tanno devI prachodayAt |
mUla mantraH \- OM aiM hrIM OM kriM hlIM klIM hrIM hrIM | (navAkSharI)

OM rudrachaNDi namastubhyaM chaNDi vairivinAshini |
sarvapApahare devi sarvadA varadA bhava ||)

shrIrudra uvAcha |
OM chaNDikAM hR^idaye nyasya sharaNaM yaH karotyapi |
anantaphalamApnoti devi chaNDIprasAdataH || 1||
ravivAre yadA chaNDIM paThedAgamasammatAm |
navAvR^ittiphalaM tasya jAyate nAtra saMshayaH || 2||
somavAre yadA chaNDIM paThedyastu samAhitaH |
sahasrAvR^ittipAThasya phalaM jAnIhi suvrate || 3||
kujavAre jagaddhAtri paThedAgamasammatAm |
shatAvR^ittiphalaM tasya budhe lakShaphalaM dhruvam || 4||
gurau vAre mahAmAye lakShayugmaphalaM dhruvam |
shukre devi jagaddhAtri chaNDIpAThena shA~NkarI || 5||
j~neyaM tulyaphalaM durge paThedyadi samAhitaH |
shanivAre jagaddhAtri koTyAvR^ittiphalaM dhruvam || 6||
ata eva jagaddhAtri (maheshAni) yshcha chaNDIM samabhyaset |
sa dhanyashcha kR^itArthashcha rAjarAjAdhipo bhavet || 7||
ArogyaM vijayaM saukhyaM vastraratnapravAlakam |
paThanAchChravaNAchchaiva jAyate nAtra saMshayaH || 8||
dhanaM dhAnyaM pravAlaM cha vastraM ratnavibhUShitam |
chaNDIshravaNamAtreNa kuryAtsarvaM maheshvarI || 9||
mUlapAThaH \-
OM ghorachaNDI mahAchaNDI chaNDamuNDavikhaNDinI |
chaturvaktrA mahAvIryA mahAdevavibhUShitA || 1||
raktadantA varArohA mahiShAsuramardinI |
tAriNI jananI durgA chaNDikA chaNDavikramA || 2||
guhyakAlI jagaddhAtrI chaNDI cha yAmalodbhavA |
shmashAnavAsinI devI ghorachaNDI bhayAnakA || 3||
shivA ghorA rudrachaNDI maheshI gaNabhUShitA |
jAhnavI paramA kR^iShNA mahAtripurasundarI || 4||
shrIvidyA paramAvidyA chaNDikA vairimardinI |
durgA durgashivA ghorA chaNDahastA prachaNDikA || 5||
mAheshI bagalA devI bhairavI chaNDavikramA |
pramathairbhUShitA kR^iShNA chAmuNDA muNDamardinI || 6||
raNakhaNDA chandraghaNTA raNe rAmavarapradA |
mAraNI bhadrakAlI cha shivA ghorabhayAnakA || 7||
viShNupriyA mahAmAyA nandagopagR^ihodbhavA |
ma~NgalA jananI chaNDI mahAkruddhA bhaya~NkarI || 8||
vimalA bhairavI nidrA jAtirbuddhiH smR^itiH kShamA (rUpA manoharA) |
tR^iShNA kShudhA tathA ChAyA shaktirmAyAmanoharA || 9||
tasyai devyai namo yA vai sarvarUpeNa saMsthitA |
prANapriyA jAtimAyA nidrArUpA maheshvarI || 10||
yA devI sarvabhUteShu sarvarUpeNa saMsthitA |
namastasyai namastasyai namastasyai namo namaH || 11|
mahAchaNDI shivA ghorA bhayAnakA varapradA (mahAbhImA bhayAnakA) |
kA~nchanI kamalA vidyA mahArogavimardinI || 12||
guhyachaNDI ghorachaNDI chaNDI trailokyadurlabhA |
devAnAM durlabhA chaNDI rudrayAmalasammatA || 13||
aprakAshyA mahAdevI priyA rAvaNamardinI |
matsyapriyA mAMsaratA matsyamAMsabalipriyA || 14||
madhumattA (madamattA) mahAnR^ityA (mahAnityA) bhUtapramathasa~NgatA |
mahAbhAgA mahArAmA dhAnyadA dhanaratnadA || 15||
vastradA maNirAjyAdiprajAviShayavardhikA(sadAviShayavardhinI) |
muktidA sarvadA chaNDI mahApattivinAshinI || 16||
rudradhyeyA rudrarUpA rudrANI rudravallabhA |
rudrashaktI rudrarUpA rudrabhUShA(rudrAnana)samanvitA || 17||
shivachaNDI mahAchaNDI shivapretagaNAnvitA |
bhairavI paramA vidyA mahAvidyA cha ShoDashI || 18||
sundarI paramA pUjyA mahAtripurasundarI |
guhyakAlI bhadrakAlI mahAkAlavimardinI || 19||
kR^iShNA kR^iShNa(tR^iShNA)svarUpA sA janasammoha(jaganmohana)kAriNI |
atimAtrA mahAlajjA sarvama~NgaladAyikA(dAyinI) || 20||
ghoratandrA bhImarUpA bhImA devI manoharA |
ma~NgalA bagalA siddhidAyinI sarvadA shivA || 21||
smR^itirUpA kIrtirUpA yogIndrairapi sevitA |
viShNupriyA shakrapUjyA yogIndrairapi sevitA || 22||
bhayAnakA mahAdevI bhayaduHkhavinAshinI |
chaNDikA shaktihastA cha kaumArI sarvakAmadA || 23||
vArAhI cha varAhAsyA indrANI shakrapUjitA |
mAheshvarI maheshAsyA maheshagaNabhUShitA || 24||
chAmuNDA nArasiMhI cha nR^isiMhI shatrunAhinI(nR^isiMharipumardinI) |
sarvashatruprashamanI sarvArogyapradAyinI || 25||
phalashrutiH \-
imAM chaNDI jagaddhAtrIM brAhmaNastu sadA paThet |
nAnyastu pAThako devi(sampaTheddevi) paThane brahmahA bhavet || 26||
nAradaH pAThakashchaiva kailAse ratnabhUShite |
vaikuNThe brahmaloke cha devarAjapure shive || 27||
yaH shR^iNoti dharAyAM cha muchyate sarvapAtakaiH |
brahmahatyA cha gohatyA strIvadhodbhavapAtakam || 28||
shvashrUgamanapApaM cha kanyAgamanapAtakam |
tatsarvaM pAtakaM durge mAturgamanapAtakam || 29||
sutastrIgamanaM chaiva yadyatpApaM prajAyate |
paradArakR^itaM pApaM tat kShaNAdeva nashyati || 30||
janmajanmAntarAtpApAdguruhatyAdipAtakAt |
muchyate muchyate devi gurupatnIShusa~NgamAt || 31||
manasA vachasA pApaM yatpApaM brahmahiMsane |
mithyAjanyaM cha yatpApaM tatpApaM nashyati kShaNAt || 32||
shravaNaM paThanaM chaiva yaH karoti dharAtale |
sa dhanyashcha kR^itArthashcha rAjA rAjAdhipo bhavet || 33||
yaH kariShyatvavaj~nAya cha rudrayAmalachaNDikAm |
pApairetaiH samAyukto rauravaM narakaM vrajet || 34||
ashraddhAM ye (ashraddhayA )cha kurvanti te cha pAtakino narAH |
rauravaM narakaM kuNDaM kR^imikuNDaM malasya vai || 35||
shukrasya kuNDaM strIkuNDaM yAnti te hyachireNa vai |
tataH pitR^igaNaiH sArdhaM viShThAyAM jAyate kR^imiH || 36||
shR^iNu devi mahAmAye chaNDIpAThaM karotyapi (karoti yaH) |
gayAyAM (ga~NgAyAM) chaiva yatpuNyaM kAshyAM vishveshvarAgrataH || 37||
prayAge muNDane chaiva haridvAre harergR^ihe |
tulyapuNyaM (tasya puNyaM) bhaveddevi satyaM durge rame shive || 38||
trigayAyAM trikAshyAM vai yachcha puNyaM samutthitam |
tachcha puNyaM tachcha puNyaM tachcha puNyaM na saMshayaH || 39||
bhavAnI cha bhavAnI cha bhavAnItyuchyate budhaiH |
bhakArashcha bhakArashcha(bhakArastu bhakArastu) bhakAraH kevalaH shivaH || 40||
vANI chaiva jagaddhAtrI varArohe bhakArakaH |
pretavaddevi vishveshi bhakAraH pretavatsadA || 41||
ArogyaM cha jayaM duHkhanAshanaM (puNyaM nAtaH) sukhavardhanam(sukhavivardhanam) |
dhanaM putraM jarArogyaM kuShThaM galitanAshanam || 42||
ardhA~NgarogAnmuchyeta dadrurogAchcha pArvati |
satyaM satyaM jagaddhAtri mahAmAye shive shive || 43||
chaNDe chaNDi mahAghore(mahArAve) chaNDike(chaNDikA) vyAdhinAshini |
mande dine maheshAni visheShaphaladAyinI || 44||
sarvaduHkhAdimuchyeta bhaktyA chaNDIM shR^iNoti yaH |
brAhmaNo hitakArI cha paThenniyatamAnasaH || 45||
ma~NgalaM ma~NgalaM j~neyaM ma~NgalaM jayama~Ngalam |
bhaveddhi putrapautraishcha kanyAdAsAdibhiryutaH || 46||
tattvaj~nAnM cha nidhane(j~nAnena nidhana)kAle nirvANamApnuyAt |
maNidAnodbhavaM puNyaM tulAhiraNyake tathA || 47||
chaNDIsmaraNa(shravaNa)mAtreNa paThanAdbrAhmaNo.api saH(cha) |
nirvANameti deveshi mahAsvastyayanM hi tat(mahAsvastyayane hitaH) || 48||
sarvatra vijayaM yAti shravaNAdgrahadoShataH |
muchyate cha jagaddhAtri rAjarAjAdhipo bhavet || 49||
imAM hi chaNDIM paThate manuShyaH
shR^iNoti bhaktyA paramAM shivasya |
chaNDIM dharaNyAmatipuNyayuktAM
bhaktyAvagachChed varamandiraM shubhaM (sa vai na gachChetparamandiraM kila) || 50||
yo yanmanorathaM durge tanoti dharaNItale |
rudrachaNDIprasAdena kiM na sid.hdhyati bhUtale || 51||
iti satyaM mahAdevi satyaM satyaM vadAmyaham |
naiva duHkhabhayaM ki~nchit pAThAt shravaNAduataH || 52|| 
gR^ihyamekaM pravakShyAmi naiva jAnanti kechana |
smR^itibhraMshAd varArohe tvaivApi na jAyate || 53||
iti satyaM maheshAni satyaM satyaM vadAmyaham |
naiva duHkhaM naiva shokaM naiva rogabhayaM tathA || 54||
ArogyaM ma~NgalaM nityaM karoti shubhama~Ngalam |
maheshAni varArohe bravImi satyamuttamam (sadidaM vachaH) || 55||
abhaktAya na dAtavyaM mama prANAdhikaM shubham |
mama(tava) bhaktAya shAntAya shivaviShNupriyAya cha || 56||
dadyAtkadAchiddeveshi satyaM satyaM maheshvari |
anantaphalamApnoti shivachaNDIprasAdataH || 57||
ashvamedhaM vAjapeyaM rAjasUyashatAni cha |
tuShTAshcha pitaro devAstathA cha sarvadevatAH || 58||
durgAyaM mR^inmayIj~nAnaM rudrayAmalapustakam |
mantramakSharasa.nj~nAnaM karotyapi (karoti hi) narAdhamaH || 59||
ata eva mahAmAye (maheshAni) kiM vakShye tava sannidhau |
lambodarAdhikashchaNDI paThanAchChravaNAttu yaH || 60||
tat tvamasIti vAkyena muktimApnoti durlabhAm |
tathAsyAH paThanAd devi saMsRRitiH syAt sudurlabhA || 61||
satyaM satyaM maheshAni ! punaH satyaM mayoditam |
kapilAshatadAnasya phalaM yat prativAsaram || 62||
tatphalam labhate nityaM rudrachaNDI prasAdataH |
anyathA naiva sambhAvyaM satyaM satyaM vadAmi te || 63||

|| iti shrIrudrayAmale haragaurIsaMvAde shrIrudrachaNDIstotraM sampUrNam ||
##

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}