% Text title            : Rudrakrita Chamunda Stutih
% File name             : rudrakRRitAchAmuNDAstutiH.itx
% Category              : devii, devI, stuti, varAhapurANa
% Location              : doc\_devii
% Proofread by          : PSA Easwaran
% Description/comments  : varAhapurANa | adhyAya 95/45-56||
% Latest update         : September 4, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Rudrakrita Chamunda Stutih ..}##
\itxtitle{.. rudrakR^itA chAmuNDAstutiH ..}##\endtitles ##
rudra uvAcha |
jayasva devi chAmuNDe jaya bhUtApahAriNi |
jaya sarvagate devi kAlarAtri namo.astu te || 45||
vishvamUrtte shubhe shuddhe virUpAkShi trilochane |
bhImarUpe shive vidye mahAmAye mahodaye || 46||
manojave jaye jR^imbhe bhImAkShi kShubhitakShaye |
mahAmAri vichitrA~Nge geyanR^ityapriye shubhe || 47||
vikarAle mahAkAli kAlike pApahAriNi |
pAshahaste daNDahaste bhImarUpe bhayAnake || 48||
chAmuNDe jvalamAnAsye tIkShNadaMShTre mahAbale |
shavayAnasthite devi pretAsanagate shive || 49||
bhImAkShi bhIShaNe devi sarvabhUtabhaya~Nkari |
karAle vikarAle cha mahAkAle karAlini |
kAlI karAlI vikrAntA kAlarAtri namo.astu te || 50||
vikarAlamukhI devi jvAlAmukhi namo.astu te |
sarvasattvahite devi sarvadevi namo.astu te || 51||
iti stutA tadA devI rudreNa parameShThinA |
tutoSha paramA devI vAkyaM chedamuvAcha ha |
varaM vR^iNIShva devesha yat te manasi varttate || 52||
rudra uvAcha |
stotreNAnena ye devi tvAM stuvanti varAnane |
teShAM tvaM varadA devi bhava sarvagatA satI || 53||
yashchemaM triprakAraM tu devi bhaktyA samanvitaH |
sa putrapautrapashumAn samR^iddhimupagachChati || 54||
yashchemaM shrR^iNuyAdbhaktyA trishaktyAstu samudbhavam |
sarvapApavinirmuktaH padaM gachChatyanAmayam || 55||
evaM stutvA bhavo devIM chAmuNDAM parameshvarIm |
kShaNAdantarhito devaste cha devA divaM yayuH || 56||

iti varAhapurANe pa~nchanavatitamAdhyAyAntargatA
             rudrakR^itA chAmuNDAstutiH samAptA |

varAhapurANa | adhyAya 95/45\-56||
##

varAhapurANa . adhyAya 95/45-56..

There are similar shlokas in kAmAkhyAstotram
as well as
padmapurANa . sR^iShTikhaNDa . adhyAya 1/31. 158-167..
skandapurANa . prabhAsakhaNDa . adhyAya 242/22-25..


Proofread by PSA Easwaran

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}