% Text title            : Narayanakrita Sita Janmotsava Stuti
% File name             : sItAjanmotsavastutiH.itx
% Category              : devii, sItA, stuti
% Location              : doc\_devii
% Transliterated by     : Mrityunjay Pandey
% Proofread by          : Mrityunjay Pandey
% Description/comments  : bhushuNDirAmAyaNam | pashchimakhaNDa | adhyAya 18/1-51||
% Latest update         : August 26, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Sita Janmotsava Stutih ..}##
\itxtitle{.. sItAjanmotsavastutiH ..}##\endtitles ##
shrInArAyaNa uvAcha |
nato.asmi nityaM jagadIshvareshvari tvada~NghrisantAnakapuShpayugmakam |
chiraM yadAkhAdya raso.apyahaM sadA bhavAmi nityodayi divyacheShTitaH || 1||
asau vidhiH sargavisargayoH kShamastathAhametatparipAlanaprabhuH |
harastathA saMharaNe.asya kovidastadetadArAdhanamIshi tAvakam || 2||
atha tatraitya bhagavAn nArAyaNa udAradhIH |
nijAMshinIM shrIsahajAM tuShTAva parameshvarIm || 3||
vibhAsi nityaiva cha charitradhoraNIvichinvatAM vedapatheShu vAstavIm |
vitanvatI brahmashivAdichintanapramodadAM nityamudAramAnase || 4||
achintyarUpApi tathA guNAtigApyavAchyarUpApi girAmadhIshvaraiH |
vichintanIyAsi guNairmanoramApyaho svabhaktairnitarAM pragIyase || 5||
sa~NkhyAtumarhANi na te jagannute nAmAnirUpANi cha vishvapAvini |
yajj~nAnamAtreNa bhR^ishaM jano.ashnute trivargalabhyAdhikamarthamujjvalam || 6||
AdistvamevAsi cha madhyamastha vai tvameva chAntastridashAdhipAdhiye |
tvatto.akhilaM vishvamidaM tvayi sthitaM tvayyaiva cha brahmaNi sampralIyate || 7||
tvameva lokeshvaribhAsi sarvagA tvameva chAhaM dhiShaNaikagocharaH |
tvameva vittistvamahampadArthayoH sashabdashabdArthaparichChidAkR^itiH || 8||
yAnyeva nAmAni khilasya vastunastAnyeva te sarvapadArtharUpiNi |
na hi tvadanyaM kalayanti kovidAH shabdena chArthena cha bhAvitAkR^itiH || 9||
upAsanaM te jagadIshi karmabhirj~nAnena bhaktyA cha vishuddharUpayA |
yastvAM bhave dveShTi samastarUpiNI sarvaM parAdAdamuto hi tattvataH || 10||
atastvamevAkhilavatmasu sthitA karoShi kalyANakadambakaM bhave |
tejaM su yadvatsakaleShu saMsthito vibhAti bhAsA ravireva kevalaH || 11||
mAyA pradhAnaM prakR^itistathaiva chAvyaktakalpetyAdipadArtharUpiNIm |
bruvanti ye tvAM jagadIshi te.abudhA na tattvatastvAM kimapAha jAnate || 12||
brahmeti ye tvAM pravadanti nirguNaM te.apya~njasA naiva vidanti vastutaH |
yataH pratiShThAsi parasya tasya chinmAtrasyasachchitsukhadharmadharmiNi || 13||
sarvaM khalutvayyupapannama~njasA guNAMshcha nairguNyamapi prabhAvitam |
yathA ghane saindhavakhaNDa ujjvale bahistathAbhyantaramekavastutA || 14||
tvameva dharmasya prasarasya dharmiNI na bhedato.asti tvayi dharmadharmitA |
athApi chedastu yato.akhilAtmake bhidA padArtho.api na bhidyate param || 15||
tvayIdR^ishevastuni sachchidAtmake viruddhabhAvaprasaro.api neShyate |
astyuShNatA tejasi vAryanuShNatA samuchchitaM tvayyubhayaM nirIkShate || 16||
dhvanishcha varNashcha padaM cha supti~Nau vAkyaM mahAvAkyamathAgamo.akhilaH |
tvameva hi vyAsasamAsarUpataH prapa~nchyame vAkprasareNa vishvataH || 17||
anAdireSha druma udyayau yato na mR^igyate mUlamamuShya tatkvachit |
tvAM tu pravij~nAya vinishchitaM bhavedyatrAnishaM sandihate budhA api || 18||
sAkShAtkadAchitkuruShe.akhilaM svayaM tvaM pUruShadvAratayA kadAchana |
nijaichChayaiveshi kadAchidanyathA kadAchidAtmaiva samastamAbabhau || 19||
vitatya sarvaM cha kadAchidAtmanA karoShi mAtastvamanupraveshanam |
itthaM prapa~nche ramase svanirmite yataH samasto ramaNArthameva || 20||
tavaiva cheShTAtmaka eSha edhate kAlaH kalAkoTikadambakaprabhuH |
ye vastumAtropari leDhi ta tadguNAn sa lihyate chitkalayA kila tvayA || 21||
atha svarUpeNa charitradhoraNImadhipramodATavi yadvitanvatI |
atyudbhutaiH krIDasi vishvama~NgalairguNairmahodArataraiH parAtparaiH || 22||
vijR^imbhatesA karuNAtmatA tava svabhaktavargeShu tadekajIviShu |
vichintayeyuH khalu te kimanyathAbhavApavargechChrutayA viraktAH || 23||
(yugmaM)kAlaH spR^ishatyeva na te vicheShTitaM sachchitsukhaikAtmatayA parAtparam |
ato.asya mUrddhni svapadaM nidhAya te krIDanti sarvasvabhujo bhavajjanAH || 24||
namAmi te rUpamadabhravibhramaM karNAvataMsIkR^itaratnama~njari |
mahAchChanAsAmANIshobhitAnanaM sphuratkapolAlakavallima~njulam || 25||
parArddharatyutkaTarUpasampadA virochamAnA~NghrinakhaprabhAbharam |
lIlAlasAlolagatikramodbhavatrapAvinamrIkR^itarAjahaMsakam || 26||
sakelikUjanmaNinUpuradhvanichChAtrI kR^itodyatkalahaMsanikvaNaM
ma~njIrikAdho.a~nchitahemaki~NkiNIgaNopadhisvairava gu~njaShaTpadam || 27||
mandAnilAndolidukUlakAntaraprasR^itvarajyoti rudagrapIDikam |
tAmbUlikAmatramanojaghuNTikAnirIkShaNonmAditamanmathAntaram || 28||
karIndrashuNDAkadalIkalAmuShoH suja~NghayoH kAntibhareNa chintayat |
vAsottarIyaM tanusUtranirmitaM hemAmbunirNiktamivAchChamadbhutam || 29||
nitambabimbadvitayadyutichChaTAvinirjitArkendusupUrNamaNDalam |
adhastaroyAmbarapaTTadorikAvilambiguchChAkR^iti mauktikavrajam || 30||
gambhIranAbhIhR^idamAdhurIrasapramagnarAmendurasIndramAnasaM
tadudbhavAnekabalItara~NgiNIta ra~NganIrottaralIkR^itAntaram || 31||
romAvalItadgatashaivalAvalIvilInahR^ichChrIrasikendrapakShirAT
tanUdarasthAnanitAntasaMshayaj~nAnasthadolAdulitAkhilAshayaH || 32||
uttu~NgavakShoruhabhArabhAvitashrIvigrahAtyantavinamratAruchi
anekamuktAmaNihArabhAsuragrIvAvilagnatrisarAtisaubhagam || 33||
pa~nchAshugodbhAvitalokanirjayadhvAnodbhavavya~njanakaNThakambumata |
anekakoTisphuTachandramaNDalashrIchauravakrachChavisArabhAsuram || 34||
mukhendupUrNAmayasarvavAsarapramodidR^ikchAruchakorarochitam |
dhamillamallIsumano.abhigumphitamadhuvratAsAditamAdhurIrasam || 35||
tadetasImantitadivyamauktikaprakR^iShTatArAvalikAntakIrtimat |
amandaveNImaNichandrachandrikAprakAshasantoShitanetrakairavam || 36||
dantAvalidyotavimishranirmalashrImandahAsAmalama~njukAntimat |
dorvallivalgusphuritAMsayugmakaprakANDanityoddhuratAvirAjitam || 37||
nakhaughamArabhyashikhAntamuchchakairekaikamebhirnayanairupAsitam |
kaTAkShasa~njIvitasarvamAritasmarapravIrapravarapramodadam || 38||
yadyapyado~NgaM tava sarvamadbhutaM tathApi manmAnasabandhanAya te |
sadAstu pAdAmbujayugmamullasannakhaughaki~njalkasamUha~njitam || 39||
dhyAnAya gAnAya cha bhaktachetasAM pramodadAnAya cha nityamedhatAm |
tavedR^ishaM saubhagama~NgamAdhurIvimishramatyarthamanohara prabhoH || 40||
pramodanAmA~NkitamadbhutaM vanaM lIlAlayaM me hR^idaye virAjatAm |
yadaMshamAtraiva vibhAti mAdhurI vaikuNThavR^indAvanagahvarAdiShu || 41||
lIlAdhAmavishiShTamadbhUtatamaM shrI sampadAM mandira
sachchidrUpamanantamakSharamayaM yadvyApakaM vishvataH |
tatte dhAma virAjatAM mama hR^idi shrIrAmarAmerame
premAnandamayaM manashcha vachanaM sushrunnivR^ittaM yataH || 42||
lIlAstAstava rAsasannidhimitA bhaktAkhilAsvAditA
vyaktAvyaktatayA pramodavipine sajAyamAnAH parAH |
bhaktAnAM hR^idayaikachintanarasapremapravR^iddhapradA
bhUyAsurmamajIvanAya sahajAnande guNagrAmaNIH || 43||
paraM brahma rAmachandraH sachchidAnandamAtrakaH |
yadIdR^ishaM na prabhavedbhaktAnAM jIvanaM katham || 44||
pramodapAtrIkR^itabhaktamAnasaM brahmAdidevairapi suShTu bhAvitam |
lIlArasAnandatrayaM virAjitaM samedhatAM maddhR^idayaikajIvanam || 45||
namaH shrInandanAkhyAya goparAjAya dhImate |
namastathA shrIrAjinye yAbhyAM tvaM nityalAlitA || 46||
namastadAveshayu~NbhyAM vAtsalyarasavuShTAbhyAm |
bhAgyavadabhyAM tribhuvanasaukhyakAbhyAM nirantaram || 47||
dasharathakausalyAbhyAM sukhitashrImA~NgalyakAbhyAM cha |
tribhuvana saurAjyapadaprabhAvitAbhyAM namo nityam || 48||
namaste nityapUrNAyai lIlAyai madhurashriye |
yadAveshavashAdetanmithunaM nityaM bhAsate || 49||
iti stutvAsphurallIlArasAveshitayA muhuH |
romA~nchitatanuviShNurdaNDavatprApatadbhuvi || 50||
muhurmuhuH stutiM kR^itvA natiM kR^itvA muhurmuhuH |
kR^itArthIkR^itya chAtyAnaM svadhAma samagAttataH || 51||

iti shrImadAdirAmAyaNe brahmabhushuNDasaMvAde pashchimakhaNDe bharatalakShmaNIye
sItAjanmotsave.aShTAdasho.adhyAyaH || 18||

bhushuNDirAmAyaNam | pashchimakhaNDa | adhyAya 18/1\-51||
##
bhushuNDirAmAyaNam . pashchimakhaNDa . adhyAya 18/1-51..

Encoded and proofread by Mrityunjay Rajkumar Pandey

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}