% Text title            : Suryakritam Bhavanimangalashtaka Stotram
% File name             : sUryakRRitaMbhavAnImangaLAShTakastotram.itx
% Category              : devii, devI, skandapurANa, aShTaka, stotra
% Location              : doc\_devii
% Proofread by          : PSA Easwaran
% Description/comments  : skandapurANa | kAshIkhaNDa | pUrvakhaNDa | adhyAya 49/55-63||
% Latest update         : June 9, 2025
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Suryakritam Bhavanimangalashtaka Stotram ..}##
\itxtitle{.. sUryakR^itaM bhavAnIma~NgaLAShTakastotram ..}##\endtitles ##
raviruvAcha |
devi tvadIyacharaNAmbujareNugaurIM
bhAlasthalIM vahati yaH praNatipravINaH |
janmAntare.api rajanIkarachArulekhA
tAM gaurayatyatitarAM kila tasya puMsaH || 55||
shrIma~Ngale sakalama~NgalajanmabhUme
shrIma~Ngale sakalakalmaShatUlavahne |
shrIma~Ngale sakaladAnavadarpahantri
shrIma~Ngale.akhilamidaM paripAhi vishvam || 56||
vishveshvari tvamasi vishvajanasya kartrI
tvaM pAlayitryasi tathA pralaye.apihantrI |
tvannAmakIrtanasamullasadachChapuNyA
srotasvinI harati pAtakakUlavR^ikShAn || 57||
mAtarbhavAni bhavatI bhavatIvraduHkha\-
sambhArahAriNi sharaNyamihAsti nAnyA |
dhanyAsta eva bhuvaneShu ta eva mAnyA
yeShu sphurettavashubhaH karuNAkaTAkShaH || 58||
ye tvAM smaranti satataM sahajaprakAshAM
kAshIpurIsthitimatIM natamokShalakShmIm |
tAnsaMsmaretsmaraharo dhR^itashuddhabuddhI\-
nnirvANarakShaNavichakShaNapAtrabhUtAn || 59||
mAtastavA~NghriyugalaM vimalaM hR^idisthaM
yasyAsti tasya bhuvanaM sakalaM karastham |
yo nAma te japati ma~Ngalagauri nityaM
sid.hdhyaShTakaM na parimu~nchati tasya geham || 1\.49\.60||
tvaM devi vedajananI praNavasvarUpA
gAyatryasi tvamasi vai dvijakAmadhenuH |
tvaM vyAhR^ititrayamihA.akhilakarmasid.hdhyai
svAhAsvadhAsi sumanaH pitR^itR^iptihetuH || 61||
gauri tvameva shashimaulini vedhasi tvaM
sAvitryasi tvamasi chakriNi chArulakShmIH |
kAshyAM tvamasyamalarUpiNi mokShalakShmI\-
stvaM me sharaNyamiha ma~Ngalagauri mAtaH || 62||
stutveti tAM smaraharArdhasharIrashobhAM
shrIma~NgalAShTakamahAstavanena bhAnuH |
devIM cha devamasakR^itparitaH praNamya
tUShNIM babhUva savitA shivayoH purastAt || 63||

iti shrIskAdapurANe kAshIkhaNDe pUrvArddhe ekonapa~nchAshattamA\- dhyAyAntargataM
         sUryakR^itaM shrIma~NgalAShTakastotraM samAptam |

skandapurANa | kAshIkhaNDa | pUrvakhaNDa | adhyAya 49/55\-63||
##
skandapurANa . kAshIkhaNDa . pUrvakhaNDa . adhyAya 49/55-63..

Proofread by PSA Easwaran 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}