% Text title            : Sahyaja Navaratnamalika
% File name             : sahyajanavaratnamAlikA.itx
% Category              : devii, nadI, devI, nava
% Location              : doc\_devii
% Author                : Mannargudi Raju Sastrigal
% Transliterated by     : Nikhil Kancharlawar
% Proofread by          : Nikhil Kancharlawar, NA
% Latest update         : June 5, 2025
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Sahyaja or Kaveri Navaratnamalika ..}##
\itxtitle{.. sahyajanavaratnamAlikA athavA kAverInavaratnamAlikA ..}##\endtitles ##
yatpAthaHkaNavAhimArutalavaspR^iShTeShu duShTeShvapi
pradhvaMsaM prabalainasAM viduriha prAj~nA bhavAj~nAjuShaH |
siShNAsAM tvayi bibhrato mama chirAt kR^iShNAdhike sahyaje
niShNAtA.asi na kiM vigAhanakR^itaH pa~Nkaughasa~NkShAlane || 1||
kAveri tvatkavAri pravahati saritAM sArvabhaumIha bhUmau
yatrAyaM puNyadeshaH sa tu kimuta vR^iShAkapyabhIShTasthalaM chet |
kAshyA tulyAni yAni tvagaNiShata ShaDapyArShagIrShu sthalAni
shvetAraNyaM cha teShvAdimamiha vasatAM ko yamastasya ke.amI || 2||
kAveri tvadvAripUrodare.asmin snAyaM snAyaM dhUtapApo.astatApaH |
AsaM jIrNaH pUrNakAmastaditthaM vij~nApyaste vallabhassindhurAjaH || 3||
rAj~nassevA duShkarA sarvanR^INAM krAnto bhImaiH bhImarUpassa yasmAt |
prAptA ye tadvallabhAyAH prasAdaM siddhaM sarvAbhIShTameShAM hyayatnAt || 4||
mahArAvAravAraughaiH bhIShaNaH shrotrabhItidaiH |
kathaM nu mAdR^ishAM shakyo rAjA.apAmupasevitum || 5||
ambhonidheranuguNaM bhavatI kalatraM lokAnvilokanata eva yuvAM punIthaH |
pAnAvagAhanamukhopakR^itiprakarShAt devi tvamenamatishayya vibhAsi mAtaH || 6||
kAlaM pratIkShyaiva sa jAtu sevyaH tvatto.adhikaM kiM nu phalaM dadAti |
tasmAnnadIrAjamadhShyalaM me tvatsaMshrayo yatphalamamba sUte || 7||
asahyapApavAriNi tvadIyapuNyavAriNi
kva sahyaje nimajjatAM  aghaughasAdhvasaM nR^iNAm |
vidhUtapAtakA hi te vinaiva kR^ichChrajashramaM
prayAnti shambhumandiraM prakR^iShTapuNyabhAsurAH || 8||
sahyAdreH piturantikAt patigR^ihaM gantuM pravR^ittA satI
kAverI kR^itacholamaNDalapariShkArA.abhyuda~nchadrasA |
svarNastomayutA satI priyatamaM santoShya raj~nAkaraM
shvetAraNyapateH prasAdamayate dvedhA sthitA pArshvayoH || 9||
kAveri tvatstotrametatpaThanti shraddhAshuddhA bhaktiyuktA bhavatyAm |
snAtAM puMsAM vAripUre tvadIye yAvatpuNyaM tAvadete labhantAm || 10||
kadA vA kAveri tvayi vR^iShabhatIrthe.achChasalile
tulAmAse darshe sati gaganamadhye savitari |
samastAbhirga~NgAprabhR^ititaTinIbhissamudite
vigAhiShye viprairnigamanirataiH pUritataTe || 11||
sahyajA navaratnamAlikA tyAgarAjamakhiano mukhodgatA |
gR^ihyatAM paraguNaikashaMsibhiH sha~NkarA~Nghrikamale samarpitA || 12||

shrImachchampakAraNyavAsi\-tyAgarAjamakhikR^itA kAverInavaratnamAlikA samAptA |
##

A Stotram on River Sahyajā or Kāverī written by
Mahāmahopādhyāya Śrī Mannārguḍi Rāju Śāstrigaḷ.

Encoded and proofread by Nikhil Kancharlawar

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}