% Text title            : sakalajananIstavaH
% File name             : sakalajananIstavaH.itx
% Category              : devii, aShTaka, devI, pArvatI
% Location              : doc\_devii
% Author                : Durgaprasad DvivedI
% Transliterated by     : Rangarathnam Gopu
% Proofread by          : Rangarathnam Gopu, Rajani Arjun Shankar
% Latest update         : November 15, 2020
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Sakalajanani Stavah ..}##
\itxtitle{.. sakalajananIstavaH ..}##\endtitles ##
janana\-maraNa\-janma\-trAsa\-ghorAndhakAra\-prashamana\-karaNAyAhnAya kAchitpradIptiH |
taruNa\-taraNi\-rAgaM mlAnimAnaM nayantI viharatu mama chite chandra\-khaNDAvataMsA || 1||
na bhavati khalu yAvatkAya\-vaiklavya\-bhAvo na cha patati kR^itAnta\-krUra\-dR^iShTi\-prapAtaH |
nanu hR^idaya !  samudyaddIna\-dainyAvasAda\-praNayana\-rasikAM tAM tAvadAsAdayAshu || 2||
sarasa\-sarasijAta\-sphAra\-saundarya\-sAra\-sphuradavayava\-kANDoddAma\-lAvaNyavApI |
anusaradanukampA\-pUra\-pUrNAtimAtraM shamayatu, mama tApaM sA shashA~NkArdha\-chUDA || 3||
janani ! nata\-nilimpI\-mauli\-mandAra\-mAlA\-shlatha\-kusuma\-maranda\-mlAna\-pAdAravinde |
bhava\-paribhava\-viddhe vAsanA\-jAla\-ruddhe masR^iNa\-nayana\-pAtaM pAtayAsmin varAke || 4||
sakala\-bhuvana\-bhAraM pa~ncha\-kR^ityAvasAnaM natisukR^itiShu deveShUchchakairarpayitvA |
kimapi nigama\-rUDhaM gUDha\-tattvaM prapannA shishirayatu, madIyaM svAntamashrAntameShA || 5||
janani ! yadi bhavatyAH shaktirAtma\-prabhAvaM vyapanayati, tadAnIM niShkriyo loka eShaH |
iti parichita\-tattve.apyaj~nabhAvaM  bhajantastavasamayavimUDhAH saMsaranti, skhalanti || 6||
prakR^iti\-guNa\-vikArAH prAkR^ite vyApriyante na khalu puruShabhAve darshane.asmin sphuTe.api |
tava samaya\-saparyA\-bhAvanAndhaH sharIrI sakalajanani ! nAhambhAvabhAvaM jahAti || 7||
shrutirapi parimAtuM yAM na shaknotyasheShAttaditara\-jana\-gAthA\-jalpanAstAM, sudUre |
iti vihita\-vivekaH pAhi pAhIti jalpan kathamapi tava pAda\-dhyAna\-dattAdaraH syAm || 8||

iti sakalajananIstavaH sampUrNaH |
##
Encoded by Rangarathnam Gopu
Proofread by Rangarathnam Gopu, Rajani Arjun Shankar

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}