% Text title            : Shri SantoShi Matuh Suprabhata Stotram
% File name             : santoShImAtuHsuprabhAtastotram.itx
% Category              : devii, suprabhAta
% Location              : doc\_devii
% Transliterated by     : Sivakumar Thyagarajan Iyer shivakumar24 at gmail.com
% Proofread by          : Sivakumar Thyagarajan Iyer, PSA Easwaran
% Latest update         : January 1, 2019
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri SantoShi Matuh Suprabhata Stotram ..}##
\itxtitle{.. shrIsantoShImAtuHsuprabhAtastotram ..}##\endtitles ##
OM shrIgaNeshAya namaH |
shrIsantoShImAtuHsuprabhAtastotram |
vighneshvarasya mahitA kila siddhibuddhi putradvasya bhaginI kila yA babhUva |
durgA ramA mahita vANI mahAsvarUpA santoShiNI bhagavatI sharaNaM mamAstu || 1||
sarvatra shAntigurubhaktidayAprapUrNe santoShanityasujane varamadhyadeshe |
uttu~NgashailaramaNIyanijAlaye.adya santoShanityajananI jananI chakAsti || 2||
yAM vai stuvanti sujanAH parashaktirUpAM shaktitrayAtmakatanuM dhanadAnatuShTAm |
santoShapUrNahR^idayAM smaraNAdapIha santoShamAtaramamuM praNamAmi mUrdhnA || 3||
svasyaiva sodarakR^ite sahajAtakanyA rakShAsubandhanamaho kR^ite dayADhyA |
tatkarma kartumibhavaktrakR^ipAlavena santoShiNIsujanimApa himAlaye.asmin || 4||
Anandanityanagare vasati sma pUrvaM gopAlanAtha iti vishrutavaishyavaryaH |
tasyAtmajA cha gurudaivatabhaktipUrNA nAmnA sunItirabhavatsuguNA surUpA || 5||
tasyAntike sumahatI sanakandavATI tasyAM nivAsamakarodbahuputriNI sA |
putreShu chaiva charamo balabholanAtho vavre sunItimatulAM nijapUrvapuNyAt || 6||
bhaktyA sunItibalabholasunAthayoshcha shrIshukravAraparipUjanatuShTachittA |
shokApanodabahubhAgyasudAnanityaM santoShamAturadhunA tava suprabhAtam || 7||
kalyANanityajanani kalikalmaShaghni kAmaprapUraNapare karuNA.a.ardrachitte |
shrIkhaDgashUlakamanIyabhujadvaye.amba santoShamAturadhunA tava suprabhAtam || 8||
santaptakA~nchanamayI sakaleShTadAtrI sampUrNanaijavibhavA sakalAgameDyA |
sampatpradA cha sahasA nijabhaktavarge santoShamAturadhunA tava suprabhAtam || 9||
bhAgyaprade bhayahare bhavarogavaidye bhadraprade bhagavati bhajatAM jananAm |
shatrukShayaikanirate shritakAmadheno santoShamAturadhunA tava suprabhAtam || 10||
sR^iShTisthitipraLayakAriNi shUlahaste siMhAsanasthitamanohararAjyalakShmi |
rArAjamAnaramaNIyasuratnabhUShe santoShamAturadhunA tava suprabhAtam || 11||
kShipraprasAdanirate kShamitAkhilaloke kShema~Nkari kShitidharendrasuvaMshaketo |
akShINapuNyavibhavaiH parichintyamAne santoShamAturadhunA tava suprabhAtam || 12||
ArttArtivAraNapaTo hyaNimAdivandye avyAjapUrNakaruNAvaruNAlaye tvam |
astokabhAgyavibhavapradanaijasiddhe santoShamAturadhunA tava suprabhAtam || 13||
durgA tvameva duritaughavinAshashIlA lakShmIstvameva naravaratnahiraNyadAtrI |
sArasvatapradalanA cha sarasvatI tvaM santoShamAturadhunA tava suprabhAtam || 14||
tvaM sAndranaijahR^idayA susharaNyamUrttistvaM vighnavAraNaparA cha vareNyamUrttiH |
vairipraNAshanavidhau varavIramUrtiH santoShamAturadhunA tava suprabhAtam || 15||
vidyApradAnasamaye varashuklavastrA lakShmIpradAnasamaye navaraktavastrA |
vidveShivargadalane cha tamAlanIlA santoShamAturadhunA tava suprabhAtam || 16||
shrIvIravaryaparamAsananityajuShTe vikhyAti te vijayate vipadAM nihantrI |
vandArulokanavagAnasutuShTachitte saubhAgyamAturadhunA tava suprabhAtam || 17||
tvaM bhIShayasyakhiladurgavargameva tvaM toShayasyakhilabhaktasamUhameva |
tvaM dApayasyakhilasampadamAshu nityaM santoShamAturadhunA tava suprabhAtam || 18||
AsetuhaimashikharAvadhi vandyamAne AbAlavR^iddhamanusandhyamupAsyamAne |
ApAdachUDamakhilAbharaNojjvalA~Nge santoShamAturadhunA tava suprabhAtam || 19||
kAShThena jIvanaparasya cha gomayena kR^ityasya bhaktasujanasya subhAgyadAtrI |
vidrAvaNI cha nijabhaktasumAtaraM drAk santoShamAturadhunA tava suprabhAtam || 20||
samvardhinI tvamasi sarvasuma~NgalAnAM sampUraNI cha sakaleShTamanorathAnAm |
saMrodhinI cha vipadAmapi nityabhakte santoShamAturadhunA tava suprabhAtam || 21||
saMshoShiNI cha viShasarpabhayaM natAnAM sandAyinI cha satataM sunarAdhipatyam |
saMrakShaNI cha nijabhaktajanAn sadApi santoShamAturadhunA tava suprabhAtam || 22||
shokApanodanapare nijabhaktavR^inde rogApahArachature nijapAdanamre |
bhAgyapradaikanirate nijapUjakebhyaH santoShamAturadhunA tava suprabhAtam || 23||
yo bhArgavasya sudine tava nityapUjAM bhaktyA karoti shubhagomayaliptagehe |
gobhishcha raupyasuhiraNyasudhAnyarAshyA pUrNAM karoShi dayayA tava suprabhAtam || 24||
dAridryaduHkhabharitaM duritAtirekAt tvAmeva pUjanaparaM bhR^iguvAsareShu |
lakShAdhipaM prakuruShe karuNA.a.ardradR^iShTyA santoShamAturadhunA tava suprabhAtam || 25||
shrImAdhavAkhyasupure bahuchorasa~NghAn vidrAvya tasya dhanarakShaNahR^iShTavaishyAt |
udyogamApya sudhanI hi babhUva bhaktaH santoShamAturadhunA tava suprabhAtam || 26||
ityeva nAradamukheritamAptabhAgyAH santoShamAturakhilAM hi kathAM paThantu |
sarvasvapUrNabhavanAH nivasantu saukhyAt santoShamAturadhunA tava suprabhAtam || 27||
sUryaH shashI kujabudhau gurushukramandAH rAhushcha keturapare tithilagnatArAH |
Aj~nApratIkShaNaparAstava bhaktarakShAdakShA bhavanti tava ma~NgaLasuprabhAtam || 28||
tvAM vai natAshcha sahasA dhanikA bhavanti puNyArtthinashcha bahupautrasunaptrR^ipUrNAH |
prAsAdavAsamapi te kR^ipayA labhante santoShamAturadhunA tava suprabhAtam || 29||
shR^iNvanti ye tava tu puNyakathAM hi martyAH ye vA paThanti cha mudA kila pAThayanti |
lakShmyaShTakaM hi sahasA samanupraviShTaM naivApayAti bhavanAttadidaM hi satyam || 30||
nAgnau jale viyati nApi cha bhUmibhAge naivApadasti pathi chorabhayaM na chaiva |
nyAyAlaye.api vijayastava pUjakAnAM santoShamAturadhunA tava suprabhAtam || 31||
yaH shrI dhanAni vividhAni cha dhAnyarAshiM dhairyaM dhiyaM susutamapyatha pautralAbham |
dArAMshcha bhogamakhilaM smR^itimAtratuShTA santoShiNI vitaratIha hi satyameva || 32||
dAridryabhItiratha rogabhayAdibhItiH no mR^ityubhItiratha shatruviShAdibhItiH |
puShTaH sutuShTahR^idayo nivasechchirAya santoShamAturadhikAdhikasatkaTAkShAt || 33||
santoShamAturakhileShTadamadbhutaM cha yaH suprabhAtamuShasi prapaThet sa bhaktaH |
sa.nprApya nandatitarAM sudhanaM suputraM gehaM cha bhUShaNachayaM cha chirAyureva || 34||
AsthAya vIraparamAsanamArtihantrI khaDgatrishUlavaradAbhayahastabhUShA |
mandasmitA~nchitamukhI vilasatkirITA santoShanityajananI pradadAtu kAmAn || 35||
rAjeshvarIpadadvandve shrIShaNmukhapadAbjayo H |
niviShTahR^idayo rAmachandraH tatkR^ipayA.alikhat || 36||

iti shrIsantoShImAtuHsuprabhAtastotraM sampUrNam |

##
Encoded by Sivakumar Thyagarajan Iyer shivakumar24 at gmail.com
Proofread by Sivakumar Thyagarajan Iyer, PSA Easwaran

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}