% Text title            : saptashatIsArabhUtadurgAstotram
% File name             : saptashatIsArabhUtadurgAstotram.itx
% Category              : devii, durgA, shatI, devI, saptashatI
% Location              : doc\_devii
% Author                : rAmakRiShNabhaTTa kAshIkara
% Proofread by          : PSA Easwaran
% Description-comments  : Brihatstotraratnakara 2, Narayana Ram Acharya, Nirnayasagar, stotrasankhyA 225-425
% Latest update         : March 22, 2017
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. saptashatIsArabhUtadurgAstotram ..}##
\itxtitle{.. saptashatIsArabhUtadurgAstotram ..}##\endtitles ##

shrIgaNeshAya namaH ||
atha dhyAnam |
yasyA dakShiNabhAgake dashabhujA kAlI karAlA sthitA
     yadvAme cha sarasvatI vasubhujA bhAti prasannAnanA |
yatpR^iShThe mithunatrayaM cha purato yasyA hariH sairibha\-
     stAmaShTAdashabAhumambujagatAM lakShmIM smarenmadhyagAm || 1||
iti dhyAnam ||
laM pR^ithvyAtmakamarpayAmi ruchiraM gandhaM hamabhrAtmakaM
     puShpaM yaM marudAtmakaM cha surabhiM dhUpaM vidhUtAgamam |
raM vahnyAtmakadapikaM vamamR^itAtmAnaM cha naivedyakaM
     mAtarmAnasikAngR^ihANa ruchirAnpa~nchopachArAnamUn || 1||
iti manasA sampUjya paThet |
kalpAnte bhujagAdhipaM muraripAvAstIrya nidrAmite
     sa~njAtau madhukaiTabhau suraripU tatkarNapIyUShataH |
dR^iShTvA bhItibharAnvitena vidhinA yA saMstutA.aghAtayad
     vaikuNThena vimohya tau bhagavatI tAmasmi kAlIM bhaje || 1||
yA pUrvaM mahiShAsurArditasurodantashrutiprotthita\-
     krodhavyAptashivAdidaivatanuto nirgatya tejomayI |
devaprAptasamastaveSharuchirA siMhena sAkaM sura\-
    dveShTRRINAM kadanaM chakAra nitarAM tAmasmi lakShmIM bhaje || 2||
sainyaM naShTamavekShya chikShuramukhA yoktuM yayurye.atha tAn
     hatvA shR^i~NgakhurAsyapuchChavalanaistrastattrilokIjanam |
Akramya prapadena taM cha mahiShaM shUlena kaNThe.abhinad\-
     yA madyAruNanetravaktrakamalA tAmasmi lakShmIM bhaje || 3||
brahmA viShNumaheshvarau cha gadituM yasyAH prabhAvaM balaM
     nAlaM sA paripAlanAya jagato.asmAkaM cha kuryAnmatim |
itthaM shakramukhaiH stutA.amaragaNairyA saMsmR^itA.a.apadvrajaM
     hantA.asmIti varaM dadAvatishubhaM tAmasmi lakShmIM bhaje || 4||
bhUyaH shumbhanishumbhapIDitasuraiH stotraM himAdrau kR^itaM
     shrutvA tatra samAgatesharamaNIdehAdabhUtkaushikI |
yA naijagrahaNeritAya surajiddUtAya sandhAraNe
     yo jetA sa patirmametyakathayattAmasmi vANIM bhaje || 5||
taddUtasya vacho nishamya kupitaH shumbho.atha yaM preShayat
     keshAkarShaNavihvalAM balayutastAmAnayeti drutam |
daityaM bhasma chakAra dhUmranayanaM hu~NkAramAtreNa yA
     tatsainyaM cha jaghAna yanmR^igapatistAmasmi vANIM bhaje || 6||
chaNDaM muNDayutaM cha sainyasahitaM dR^iShTvA.a.agataM saMyuge
     kAlyA bhairavayA lalATaphalakAdudbhUtayAghAtayat |
tAvAdAya samAgatetyatha cha yA tasyAH prasannA satI
     chAmuNDetyabhidhAM vyadhAttribhuvane tAmasmi vANIM bhaje || 7||
shrutvA saMyati chaNDamuNDamaraNaM shumbho nishumbhAnvitaH
     kruddhastatra sametya sainyasahitashchakre.adbhutaM saMyugam |
brahmANyAdiyutA raNe balapatiM yA raktabIjAsuraM
     chAmuNDA paripItaraktamavadhIttAmasmi vANIM bhaje || 8||
dR^iShTvA raktajanurvadhaM prakupitau shumbho nishumbho.apyubhau
     chakrAte tumulaM raNaM pratibhayaM nAnAstrashastrotkaraiH |
tatrAdyaM vinipAtya mUrchChitamalaM ChittvA nishumbhaM shiraH
     khaDgenainamapAtayatsapadi yA tAmasmi vANIM bhaje || 9||
shumbhaM bhrAtR^ivadhAdatIva kupitaM durge tvamanyAshrayAt
     garviShThA bhava metyudIrya sahasA yudhyantamatyutkaTam |
ekaivA.asmi na chApareti vadatI bhittvA cha shUlena yA
     vakShasyenamapAtayadbhuvi balAttAmasmi vANIM bhaje || 10||
daitye.asminnihate.analaprabhR^itibhirdevaiH stutA prArthitA
     sarvArtiprashamAya sarvajagataH svIyArinAshAya cha |
bAdhA daityajanirbhaviShyati yadA tatrAvatIrya svayaM
     daityAnnAshayitAsmyahaM varamadAttAmasmi vANIM bhaje || 11||
yashchaitachcharitatrayaM paThati nA tasyaidhate santati\-
     rdhAnyaM kIrtidhanAdikaM cha vipadAM sadyashcha nAsho bhavet |
ityuktvAntaradhIyata svayamaho yA pUjitA pratyahaM
      vittaM dharmamatiM sutAMshcha dadate tAmasmi vANIM bhaje || 12||
ityetatkathitaM nishamya charitaM devyAH shubhaM medhasA\-
      rAjAsau surathaH samAdhiratulaM vaishyashcha tepe tapaH |
yA tuShTA.atra paratra janmani varaM rAjyaM dadau bhUbhR^ite
      j~nAnaM chaiva samAdhaye bhagavatIM tAmasmi vANIM bhaje || 13||
durgAsaptashatItrayodashamitAdhyAyArthasa~NgarbhitaM
      durgAstotramidaM paThiShyati jano yaH kashchidatyAdarAt |
tasya shrIratulA matishcha vimalA putraH kulAla~NkR^itiH
      shrIdurgAcharaNAravindakR^ipayA syAdatra kaH saMshayaH || 14||
vedAbhrAvanisammitA 104 navarasA 69 varNAbdhitulyAH 44 karAmnAyA 42
nandakarendavo 129 yugakarAH 24 shailadvayo 27 .agnya~NgakAH 63
chandrAmbhodhisamA 41 bhujAnalamitA 32 bANeShavo 55 .abjArNavA 41
nandadvandva 29 samA itIha kathitA adhyAyamantrAH kramAt || 15||
shrImatkAshIkaropAkhyarAmakR^iShNasudhIkR^itam |
durgAstotramidaM dhIrAH pashyantu gatamatsarAH || 16||

iti shrIkAshIkaropanAmaka anantabhaTTaputrarAmakR^iShNabhaTTavirachita
shrIdurgAsaptashatIsArabhUtadurgAstotraM sampUrNam |

##
Proofread by PSA Easwaran

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}