% Text title            : Sarasvati Bhujangaprayata stotra
% File name             : sarasvatIbhujaNgaprayAtastotram.itx
% Category              : devii, sarasvatI, bhujanga, devI
% Location              : doc\_devii
% Transliterated by     : PSA Easwaran
% Proofread by          : PSA Easwaran
% Description-comments  : Devi book stall, Kodumgallur, Kerala
% Source                : Sthothra Rathnaakaram, edited by N. Bappuravu, 2010
% Latest update         : August 6, 2016
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. sarasvatIbhuja~NgaprayAtastotram ..}##
\itxtitle{.. sarasvatIbhuja~NgaprayAtastotram ..}##\endtitles ##

sadA bhAvaye.ahaM prasAdena yasyAH
pumAMso jaDAH santi lokaikanAthe |
sudhApUraniShyandivAgrItayastvAM
sarojAsanaprANanAthe hR^idante || 1||

vishuddhArkashobhAvalarkShaM virAja\-
jjaTAmaNDalAsaktashItAMshukhaNDA |
bhajAmyardhadoShAkarodyallalATaM
vapuste samasteshvari shrIkR^ipAbdhe || 2||

mR^idubhrUlatAnirjitAna~NgachApaM
dyutidhvastanIlAravindAyatAkSham |
sharatpadmaki~njalkasa~NkAshanAsaM
mahAmauktikAdarsharAjatkapolam || 3||

pravAlAbhirAmAdharaM chArumanda\-
smitAbhAvanirbhartsitenduprakAsham |
sphuranmallikAkuDmalollAsidantaM
galAbhAvinirdhUtasha~NkhAbhiramyam || 4||

varaM chAbhayaM pustakaM chAkShamAlAM
dadhadbhishchaturbhiH karairambujAbhaiH |
sahasrAkShakumbhIndrakumbhopamAna\-
stanadvandvamuktAghaTAbhyAM vinamram || 5||

sphuradromarAjiprabhApUradUrI\-
kR^itashyAmachakShuHshravaHkAntibhAram |
gabhIratrirekhAvirAjatpichaNDa\-
dyutidhvastabodhidrumasnigdhashobham || 6||

lasatsUkShmashuklAmbarodyannitambaM
mahAkAdalastambatulyorukANDam |
suvR^ittaprakAmAbhirAmoruparva\-
prabhAninditAna~NgasAmudgakAbham || 7||

upAsa~Ngasa~NkAshaja~NghaM padAgra\-
prabhAbhartsitottu~NgakUrmaprabhAvam |
padAmbhojasambhAvitAshokasAlaM
sphurachchandrikAkuDmalodyannakhAbham || 8||

namaste mahAdevi he varNarUpe
namaste mahAdevi gIrvANavandye |
namaste mahApadmakAntAravAse
samastAM cha vidyAM pradehi pradehi || 9||

namaH padmabhUvaktrapadmAdhivAse
namaH padmanetrAdibhiH sevyamAne |
namaH padmaki~njalkasa~NkAshavarNe
namaH padmapatrAbhirAmAkShi tubhyam || 10||

palAshaprasUnopamaM chArutuNDaM
balArAtinIlotpalAbhaM patatram |
trivarNaM galAntaM vahantaM shukaM taM
dadhatyai mahatyai bhavatyai namo.astu || 11||

kadambATavImadhyasaMsthAM sakhIbhiH
manoj~nAbhirAnandalIlArasAbhiH |
kalasvAnayA vINayA rAjamAnAM
bhaje tvAM sarasvatyahaM devi nityam || 12||

sudhApUrNahairaNyakumbhAbhiSheka\-
priye bhaktalokapriye pUjanIye |
sanandAdibhiryogibhiryoginIbhiH
jaganmAtarasmanmanaH shodhaya tvam || 13||

avidyAndhakAraughamArtANDadIptyai
suvidyApradAnotsukAyai shivAyai |
samastArtarakShAkarAyai varAyai
samastAmbike devi dubhyaM namo.astu || 14||

pare nirmale niShkale nityashuddhe
sharaNye vareNye trayImayyanante |
namo.astvambike yuShmadIyA~Nghripadme
rasaj~nAtale santataM nR^ityatAM me || 15||

prasIda prasIda prasIdAmbike mA\-
masImAnudInAnukampAvaloke |
padAmbhoruhadvandvamekAvalambaM
na jAne paraM ki~nchidAnandamUrte || 16||

itIdaM bhuja~NgaprayAtaM paThedyo
mudA prAtarutthAya bhaktyA sametaH |
sa mAsatrayAtpUrvamevAsti nUnaM
prasAdasya sArasvatasyaikapAtram || 17||

iti shrIsarasvatIbhuja~NgaprayAtastotraM samAptam ||
##
Proofread by PSA Easwaran

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}